Yohánɛs 17:11 - Esaa-líat ɛ́ péná

¹¹ Li ɓotle nyí vɔ́ŋɔ́ɔ, mi sē ɓé pɛ ma á ŋkɔŋ-á-sí, ndí, ɓɔ́ bíg yégle á ŋkɔŋ-á-sí, ányúū nɛ má mag timan á yóg yɔ́ɔ. Etāa nyɔ́ a lɛ Mpúán tát ɓɔ́ á jóō jɔ́ɔ, joó lí lɛ́ nɛ wa tí ma, á lí ɓɔŋ nɛ́ bí ɓɛ́ mut wa, ákaa ma la wa bi lɛ́ mut wa.

Yohánɛs 17:11 ပူးပေါင်းရင်းမြစ်များ

Matéus 10:16

«Ámblán sig, mag óm ɓɛ́nɛ kaa mítōmbɛ́ á póla nzɛ, ɓɛ́án ɔ́yīhē kaa nyɔ, miní ɓɛ́ ki ŋgíla njɔm kaa aɓeŋ.

Matéus 5:48

Ɓɛ́nɛ hɔ́, ɓɛ́án ŋgíla ɔnɛ́g ákaa Ɛsɔ́ŋɛ́ wāná a lɛ á lóō a lɛ ŋgíla ɔnɛ́g.»

Matéus 6:9

«Ɓɛ́nɛ hɔ́, kánhánɛ nɛ́: ‹Á Ɛtáŋɛ wahá nyɔ́ a lɛ á lóō, ɓɔ̄ŋ nɛ́ joó jɔ́ɔ lí ɓɛ́ lipúán,

Yohánɛs 13:1

Á nlááhɛ a ŋgand Páska nyí Elōg-Yúda, Yésus a ŋgí yí nɛ́ ŋgɛ́ŋ yɛ́ɛ̄ li ɓógo á nyú ŋkɔŋ-á-sí li kɛ á yóg Ɛsáŋɛ́ ya kɔlan. Kasig a diŋíí ndog yɛ́ɛ̄ ɛ lɛ á ŋkɔŋ-á-sí, ɔ dīŋ yɔ li loo lí ɔ́vega.

Yohánɛs 13:3

Ndí Yésus a yíí nɛ́ Ɛsáŋɛ́ a tíéé nyɛ́ mam mísɛ, la nɛ́ a sɔ́léné á yóg Ɔlolómɛ̄, wóŋ ki nɛ́ a ŋga kɛ́ li timan.

Yohánɛs 14:20

Víŋ ɔlɔ́ nɛ miníg ŋga kɛ́ li yí nɛ́, mi lɛ átē a Etāa, ɓɛ́nɛ ki miní lɛ́ átē wama, mág mu ɓɛ́ á átē waná.

Yohánɛs 16:28

Ma pámléné á átē á Etāa li sɔ́ á ŋkɔŋ-á-sí, ndí nyí vɔ́ŋɔ́ɔ mag ɓógo á ŋkɔŋ-á-sí á li timan á yóg Etāa.»

Yohánɛs 16:33

Mag laga ɓɛ́nɛ míŋ mam á lí somo nɛ́, á ŋ̀atanɛ́ la ma, miní ɓɛ́la nsaŋ. Miníg kɛ li taka mú á nyú ŋkɔŋ-á-sí, ndí, lethánɛ nyuú ányúū nɛ ma dí ŋkɔŋ-á-sí cíŋ.»

Yohánɛs 17:23

nɛ́ mi ɓɛ́ á átē wāɓá, kaa wág ɔ lɛ á átē wama, á lí ɓɔŋ nɛ́ bí ɓɛ́ jā mut wāhwa. Váŋ nɛ́ ɓot bí ŋkɔŋ-á-sí bí ŋga kɛ li yí nɛ́ wa nɛ́ wa óm ma, la ki nɛ́ wa díŋɛ́ ɓɔ kaa wa díŋɛ́ ma.

Yohánɛs 17:25

Etāa nyɔ́ á tɛ́ɛ́ sim, tɔ ákaa ɓot bí ŋkɔŋ-á-sí ɓáh lem ɓé wa, má ma yí wa, ɓɔ́g bú yí nɛ wa nɛ́ wa óm ma.

Yohánɛs 17:6

Ma yíhɛ́ jóō jɔ́ɔ ɓot wa nyɔ̄ŋ á ŋkɔŋ-á-sí á lí tíi lí ma, bí ɓɛ́ɛ́ ɛ́ɓɔ́ɔ, wu tí ma ɓɔ́, lá ɓɔ́ bú óglé eɓaŋgá yɔ́ɔ.

Yohánɛs 7:33

Yésus ɔ laga nɛ́: «Mi ŋgí lɛ lá ɓɛ́nɛ ányúū puh eceg, ámbúh náŋ, mag timan á mbóg mut a óm ma.

Misɔ́n mí Ɓáōmɓɛ 3:21

Nyɔ́ŋ Yésus a nyɛ́ɛ yágá li tɔɔ á lóō nɛ́-tɛ́ɛla á éceg mam mísɛ mí ŋga kɛ́ li tɛ́lɛ, mí Ɔlolómɛ̄ a lɛ́gɛ á minyu mí ɓápɔ́tle-bí-Ɔ́lolómɛ̄ ɓapúán bí kwakwáŋɛ.

Elōg-Lóma 12:5

Tɔ náŋ ákaa bi lɛ ŋgándag, ɓɛ́hɛ bísɛ bi lɛ̄ jā pɔ̄m nyuú á ŋ̀atanɛ́ la Nyɔ́-a-Pɔ́hlɛ. La ɓɛ́hɛ bu átan ɓá la ɓáŋá kaa bijo bí nyúū, yá sig á étɛ̄l yɛ́ɛ́.

Elōg-Lóma 9:17

Ányúū náŋ nɛ́ Ɔlolómɛ̄ a ŋga laga Faláon á Lícii-lipúán nɛ́: «Ma tɛ́ɛ́yɛ́ wā káísa, nɛ́ ndí la wa, mi étɛ́ ŋguu yama la nɛ́ joó jáma lí cámān á sí ɛsɛ̄.»

Elōg-Kɔlínto 1 1:10

Á élōgyāŋ, á jóō lí Ɛtáŋɛ wahá Yésus Kilístus, mag sɔ́hye ɓɛ́nɛ bísɛ nɛ́ miní ámblán, la ki nɛ́, mbáglán ɛh ɓɛ́ɛ́g ɓé á póla yaná. Miní ɓɛ́ mut wa, miní ɓɛ́la nlemlem á peg la nlemlem á éɔ̄ŋɔ.

Elōg-Gálátia 3:28

La náŋ, ɛ́ ŋgá ɓɛ́ ɓé pɛ nɛ́: mɔɔ́n Élōg-Yúda nyɔ́, tɔ nɛ́ mɔɔ́n Élōg-Gelékia nyɔ́; ɛ́ ŋgá ɓɛ́ ɓé pɛ nɛ́: ŋyɔ́ŋ nyú, tɔ nɛ́ kundɛ-mut nyí; páam nyí tɔ nɛ́ mindígá nyɔ́; átɔm nɛ́ ɓɛ́nɛ bísɛ maná yaán jā mut wa á ŋ̀atanɛ́ la Yésus Kilístus.

Elōg-Éféso 4:4

Nyuú ɛ lɛ́ ja ya, M̀búl ki wú ɓɛ́ wá, náŋ ki nɛ́ maná yáŋlɛ́ á lí ɓɛ́la lí lípitá já,

Elōg-Fílípi 2:9

Ányúū náŋ nɛ́ Ɔlolómɛ̄ a tí nyɛ etɛ́l ɛ́ kahɛ́ á lōó lí bítɛ̄l bísɛ ɔ lō ki nyɛ́ jóō lí lɛ́ á lōó lí móō mísɛ,

Elōg-Hébɛl 1:3

La nyɛ́ nɛ́ epaa yé lípēm lí Ɔ́lolómɛ̄ ɛ́ ŋga ɛ́ni, ndí ɔ ɓɛ́ kí kɔɔ yé Ɔ́lolómɛ̄ a lɛ, la ŋguu nyí eɓaŋgá yɛ́ɛ́ nɛ a nīt joó nɛ jam lá vēgɓɛ. Ɛnɛ́ a mānɛ́ li púɛ lí ɓot á míɓē máɓá, ɔ ɓét á lóō, ɔ tɔ́ɔ á m̀ɓɛ́nlómɛ a Nyɔlɛ nyɔ́ a Ŋguu-Mísɛ.

Elōg-Hébɛl 9:24

Á mbálɛ, Yésus Kilístus āh níŋgi ɓé á ndúgā púán nyí ya óŋɓɛ́ la ɓot-bí-bínam, nyí ɛ lɛ yɛmɛ́ édīŋgɛ́-díŋgɛ nyí taŋ ndugá púán. Ndí, á lóō jɔ́-mɛ̄n nɛ́ a níŋgi, nɛ́ ndí nyí lɛn, a tɛ́lɛ́ ɔ́sū ví Ɔ́lolómɛ̄ á lí sɔ́hye lí nyɛ ányúū yāhá.

Yákop 4:4

Á ɓot bí mpuŋgú ɓá! Ɓaá, miní ŋgá yí ɓé nɛ li tɛ́g lí líwāndá la ŋkɔŋ-á-sí lí lɛ́ lí pún lí Ɔ́lolómɛ̄ é? Tɔ nzáá a ŋga sómo li ɓɛ́ lí líwāndá lí ŋkɔŋ-á-sí, ag yaan hɔ́ ǹlem a Ɔlolómɛ̄.

Pétlos 1 1:5

Á ɓɛ́nɛ ɓá ŋguu Ɔlolómɛ̄ ɛ ŋga tát li kele la ŋyéɓé ányúū lisuŋga lí ŋga kɛ́ li ɛ́ni á lísūg lí eceg.

Yohánɛs 1 3:12

Ndí bih ɓɔŋɔ́g ɓé ákaa Káyin, nyɔ́ a ɓɛ́ɛ́ á épah ɛ́ Ǹlem, ɔ sɛ́m mɔ́ɔ̄nyāŋ cíŋ. Ányúū yéé a sɛ́mɛ́ɛ́ nyɛ́ cíŋ é? Ányúū nɛ misɔ́n mɛ́ɛ́ nyɛ́ Káyin mí ɓɛ́ɛ́ míɓē, ndí mí mí mɔ́ɔ̄nyāŋ mí ɓɛ́ɛ́ mí tɛ́ɛ.

Yohánɛs 1 5:19

Biíg yí nɛ́ bi lɛ́ ɓá bí Ɔlolómɛ̄, ndí, ŋkɔŋ-á-sí ásɛ á lɛ́ á sí likanʼyɛ lí Ǹlem.

Yúde 1:1

Ma Yúde, m̀ɓɔŋle a Yésus Kilístus, mɔ́ɔ̄nyāŋ a Yákop, mag ciile ɓot Etāa Ɔlolómɛ̄ a yáŋa, ɓá a ŋga dīŋ, la nyɛ́ ɔ náŋɛ̄ ɓɔ á lí ɓɛ́ élɔŋ la Yésus Kilístus.

Yúde 1:24

Á mut a ŋga lá ɓɛ́nɛ li suŋ nɛ́ m̀ɓá miníh kuág ɓé, la ki nɛ́ miní ɓɛ́ ŋgíla ɔnɛ́g la mivag micɛ́ŋɛ́ ɔ́sū ví lípēm jɛ́ɛ́,

Biyɛ́ɛ́léné 15:4

Ɛtáŋɛ, nzáá a ŋgá kɔn ɓé wa woŋ é? Nzáá a ŋgá ɓégɛ ɓé jóō jɔ́ɔ é? Ányúū nɛ wā-ntámɛ́ nɛ ɔ lɛ Mpúán. Bikombo bísɛ bíg kɛ li sɔ́, la byɔ́ bí úm míɓɔ̄ŋ ɔ́sū vɔ́ɔ, ányúū nɛ mam mí m̀ɓɛɛŋ wa ɓɔ̄ŋ mí lɛ́ mbálɛ.»

Biyɛ́ɛ́léné 19:12

Miíh mɛ́ɛ́ míg lóŋ ákaa alémb á nzáan; á ɓɛ́ɛ́la bikót bí líkanʼyɛ ŋgandag á m̀mú, joó já lí ɓɛ́ɛ́ nyɛ́ nciíg á nyúū jé nyɛ́-ntámɛ́ nɛ a ŋgí yí yé lí ŋga mínɛ.

Biyɛ́ɛ́léné 4:8

Bíŋ biveglé bínáa bí ɓɛ́ɛ́la yá sig mipaa mísáama, mí mí byɛ́ɛ̄ miíh á lóō la á sí. Bí ŋgí tɔmb ɓé lí lɛgɛ díɓe la nzámuh nɛ́: «Mpúán, mpúán, ɔ lɛ mpúán! Wa Nyɔ́ŋ-Ɛsáŋɛ́, Ɔlolómɛ̄ a Ŋguu-Mísɛ, nyɔ́ a ɓɛ́ɛ́, nyɔ́ a lɛ la nyɔ́ a ŋga sɔ́!»