Yohánɛs 17:1 - Esaa-líat ɛ́ péná

¹ Ɛnɛ́ Yésus a mánɛ li pɔ́t náŋ, ɔ ɓétɛ́ miíh á lóō, ɔ kánɛ́ nɛ: «Etāa, ŋgɛ́ŋ ya kɔlan, tí Mɔɔ́n wɔ́ɔ lipém, á lí ɓɔŋ nɛ́ Mɔɔ́n wɔ́ɔ nyɛ́g a tí wa lipém.

Yohánɛs 17:1 ပူးပေါင်းရင်းမြစ်များ

Málkus 14:41

Ɛnɛ́ a sɔ́ sīg-pɛ ŋgele yá yáhɛ ɛ́ŋháa, aá la ɓɔ́ nɛ́: «Lálkágán hɔ́, miní vɛ́ɛɓán! Náŋ a súg, ŋgɛ́ŋ ya kɔlan. Léɓyán sig, Mɔɔ́n Mut ag nuŋlɛ á mɔ mí ɓáɓɔŋ-miɓé.

Lúkas 18:13

Ŋ̀komanɛ-ŋkuh-á-gɔ́mna, nyɛ́g a ɓɛ́ɛ́ a tɛ́ɛ́ enɛŋɛ́ náŋáá, ɛ́h ɓɛ́ ɓé nyɛ li cege lí li ɓétɛ li miíh á lóō; ndí ɔ lɔ́g wɔ á tól la li laga nɛ́: ‹Á Ɔlolómɛ̄, kɔɔ́n ma ŋgɔ́ɔ́, ányúū nɛ mi lɛ m̀ɓɔŋ-miɓé.›»

Lúkas 22:53

Mi mɓɛ́ la ɓɛ́nɛ ɔlɔ́ sig á ndáá-ēcɛ́ŋ-Ɔlolómɛ̄, manáh byee ɓé ma. Ndí nyí vɔ́ŋɔ́ɔ, ŋgɛ́ŋ yaná nyí, la nyí ŋguu livito.»

Yohánɛs 11:4

Ɛnɛ́ a ámblé náŋ ɔ lagá nɛ́: «Víŋ ɔkɔn ví ŋga ól ɓé nyɛ́, la vɔ́ nɛ́ lipém lí Ɔlolómɛ̄ lí ŋga ɛ́nyéne; li kele la vɔ́ nɛ́ bí ŋga kɛ́ li tíi lí Mɔɔ́n Ɔlolómɛ̄ lipém.»

Yohánɛs 11:41

La ɓɔ́ bú ɓógtɛ́ hɔ́ ŋgɔg; Yésus ɔ ɓétɛ́ miíh á lóō ɔ lága nɛ: «Etāa, mag tíi wa mitamlan ányúū nɛ́ wa ámblé ma.

Yohánɛs 12:23

Yésus ɔ pélē ɓɔ nɛ́: «Ŋgɛ́ŋ ya kɔlan nyí Mɔɔ́n Mut a nyɛ́ɛ li kuh lí lípēm.

Yohánɛs 13:1

Á nlááhɛ a ŋgand Páska nyí Elōg-Yúda, Yésus a ŋgí yí nɛ́ ŋgɛ́ŋ yɛ́ɛ̄ li ɓógo á nyú ŋkɔŋ-á-sí li kɛ á yóg Ɛsáŋɛ́ ya kɔlan. Kasig a diŋíí ndog yɛ́ɛ̄ ɛ lɛ á ŋkɔŋ-á-sí, ɔ dīŋ yɔ li loo lí ɔ́vega.

Yohánɛs 16:32

Ŋgɛ́ŋ ɛ lɛ lí siŋgle, ya nyɛ́g, nyí miní ŋga kɛ́ li caman, mut sig a kɛ́ á ɛ́yɛ̄ɛ̄ épah, miní yíg ma mā-ntámɛ́. Ndí mi sē ɓé ma mā-ntámɛ́, Etāa a lɛ́ la ma.

Yohánɛs 7:30

Váŋ hɔ́ nɛ ɓá somó nyɛ lí byee, ndí mut tɔ wa ah siiɓan ɓé nyɛ átɔm nɛ́ ŋgɛ́ŋ yɛ́ɛ̄ ɛ ɓɛ́ɛ́ ŋgí lí kɔlan.

Yohánɛs 7:39

A ŋgí kwɛlene M̀búl Mpúán nyɔ́ a lɛ nɛ́ ɓot ɓá yéɓe la nyɛ́ bí ŋgí kɛ lí kuh. Á mbálɛ, M̀búl Mpúán a ɓɛ́ɛ́ ŋgí lí suh ányúū nɛ Yésus a ɓɛ́ɛ́ ŋgí lí níŋgi á lípēm jɛ́ɛ́.

Yohánɛs 8:20

Yésus a pɔ́tɔ́ɔ́ bíŋ biɓaŋgá, eceg a ŋgí yéglɛ á ndáá-ēcɛ́ŋ-Ɔlolómɛ̄, á voóm bí ŋga nāŋʼye joó nɛ mikaale. Mut tɔ wa ah byeléé ɓé nyɛ ányúū nɛ ŋgɛ́ŋ yɛ́ɛ̄ ɛ ɓɛ́ɛ́ ŋgí lí kɔlan.

Misɔ́n mí Ɓáōmɓɛ 3:13

Loó lí Áblaháam, lí Ísaak la Yákob, Loó lí ɓatáŋɛ ɓáhá, a tí m̀ɓɔŋle wɛɛ́ Yésus lipém, nyɔ́ ɓɛ́nɛ maná nuŋu, munú táŋɓán ki ɔ́sū ví Piláto, nyɔ́ a nyɔŋɔ́ɔ́ bísúghɛ́nɛ́ nɛ ag mwahɛ nyɛ́.

Pétlos 1 1:21

Li kele la nyɛ́ nɛ́ miní ŋga yéɓe la Ɔlolómɛ̄, nyɛ́ nɛ́ a pāhyɛ́ nyɛ á póla ɓá ɓá wū, la nyɛ́ ɔ tí nyɛ lipém, nyaa nyí ɛ lɛ̄ nɛ́ máná nāŋʼyéné ŋyéɓé wáná la lipitá jáná la Ɔlolómɛ̄.