Yohánɛs 16:26 - Esaa-líat ɛ́ péná

²⁶ Múŋ á víŋ ɔlɔ́, miníg kɛ li kánɛ á jóō jáma, mi ŋgá laga ɓé ma ɓɛ́nɛ nɛ́, mag kɛ li kánɛ lí Etāa ányúū yaná;

Yohánɛs 16:26 ပူးပေါင်းရင်းမြစ်များ

Yohánɛs 14:16

La ma, mi sɔ́hye Etāa nɛ́ a ómlé ɓɛ́nɛ M̀mɔ́mɛ ntám, nyɔ́ a ŋga kɛ́ li ɓɛ́ la ɓɛ́nɛ eceg ɛ́sɛ.

Yohánɛs 14:20

Víŋ ɔlɔ́ nɛ miníg ŋga kɛ́ li yí nɛ́, mi lɛ átē a Etāa, ɓɛ́nɛ ki miní lɛ́ átē wama, mág mu ɓɛ́ á átē waná.

Yohánɛs 16:19

Kasig Yésus a yíí nɛ́ ɓayége bíg somo nyɛ́ lí bihi, ɔ laga nɛ: «Mag yí nɛ́ ɓɛ́nɛ la ɓɛ́nɛ miníg somo ŋgɔpɔ nyí bí biɓaŋgá byáma nɛ́: ‹Puh eceg miní ŋga kɛ ɓé pɛ ma li ɛ́n, ndí ámbúh puh eceg miní ɛ́n sīg-pɛ ma.›

Yohánɛs 16:23

Múŋ á víŋ ɔlɔ́, miní ŋgá kɛ ɓé pɛ ma lí bihi lí tɔ jam. La mbálɛ-mbálɛ mag laga ɓɛ́nɛ nɛ́, ki maná ɓāt Etāa jam á jóō jáma, ag kɛ ɓɛ́nɛ jɔ́ lí tíi.

Yohánɛs 16:30

Nyí vɔ́ŋɔ́ɔ, biíg yí nɛ́ ɔg yí jóō nɛ́ jam, ɔh byɛ́ɛ ɓé kóó nɛ mut a bíhī wa tɔ jam. Ányúū náŋ nɛ́ ɓaá yéɓé nɛ́ wa pámléné á átē a Ɔlolómɛ̄.»

Yohánɛs 17:19

Ányúū yaɓá, ma púɛ́ mā-mɛ̄n ányúū nsɔ́n, nɛ́ ndí ɓɔ́g mbálɛ ɛ púɛ́ ɓɔ́ ányúū nsɔ́n.

Yohánɛs 17:24

Etāa kóó yáma ɛ lɛ nɛ́, ápah mi lɛ, ɓot wa tí ma ɓɔ́g bí ɓɛ́ váŋ, nɛ́ bí mɛ̄mɛ́ lipém wa tí ma, ányúū nɛ́, wa dúgú ma lí diŋ, sɔ́kágánɛ́ ɔg veg ŋkɔŋ-á-sí

Yohánɛs 17:9

Mag kánɛ ányúū yaɓá, mi ŋgá kánɛ ɓé ma ányúū ɓot bí ŋkɔŋ-á-sí, ndí mag kánɛ ányúū ɓot wa tí ma, ányúū nɛ bí lɛ́ ɛ́ɓɔ́ɔ.

Elōg-Lóma 8:34

Nzáá a ŋga kɛ́ ɓɔ́ lí kɔ́ghɛ é? Tɔ mut, átɔm nɛ́ Yésus Kilístus a wú, li loo náŋ, a pāhye, a lɛ á m̀ɓɛ́nlómɛ a Ɔlolómɛ̄, nyɛ́ ki nɛ́ a ŋga kále ɓɛ́hɛ!