Yohánɛs 16:20 - Esaa-líat ɛ́ péná

²⁰ La mbálɛ-mbálɛ mag laga ɓɛ́nɛ nɛ́, miníg kɛ li lee la li cɛ́lɛ, kí ɓot bí ŋkɔŋ-á-sí ɓɔ́ bíg sophɛ la mivag. Miníg kɛ li taka, ndí mitaka máná míg kɛ li yaan lí mivag.

Yohánɛs 16:20 ပူးပေါင်းရင်းမြစ်များ

Matéus 21:38

Ndí ɛnɛ́ ɓáɛŋ ɓá ɛ́n nyɔ́ŋ mɔɔ́n á páam, bú laglán nɛ: Ŋ̀yéglan-embámbá nyɔ́, sɔ́án! Bi ól nyɛ́, bi yéglán émbāmbá.

Matéus 5:4

Misɔ́tá la ɓawú-m̀mím, bíg kɛ li koto lí sí.

Málkus 14:72

Á ékūyá-kúyá, nlóm á kúú ɔ ɔ́ŋ ŋgele ya yáhɛ́ ɛ́ɓáa. Váŋ nɛ́ Pétlos a ɔ́ŋɔ́ bíɓaŋgá Yésus a lagléé nyɛ́ nɛ́: «Sɔ́kágánɛ́ nlóm á kúú ag ɔ́ŋ ŋgele ɛ́ɓáa, kí wá wu táŋɓán ma ŋgele ɛ́ŋháa.» La nyɛ́ ɔ vóó lí pám, ɔ kɔ́hɔ́ líwū.

Málkus 16:10

La nyɛ́ ɔ kɛ́ li lɛgɛ lí nyíŋ pɔ́l ɓot bí ɓɛ́ɛ́ elɔŋ la Yésus, la ɓá bí ɓɛ́ɛ́ á mílɛɛ.

Lúkas 22:45

Ámbúh míŋ mikánɛ, ɔ tɛ́lɛ, ɔ ōŋ ɓayége ɓɛ́ɛ́, ɔ kɔ́p nɛ ntɔghanɛ́ a kɛ́hɛ̄ ɓɔ á ɔ́lɔ̄.

Lúkas 22:62

Náŋ ɔ téeŋgɛ́ Pétlos, ɔ ɓógó váŋ á yéŋ eti, ɔ pám, ɔ kɔ́hɔ́ liwú, ɔ lée taŋ-taŋ.

Lúkas 23:27

Edila limut yé ndog Yésus ɛ́ ŋgí óŋ nyɛ́. Múŋ á yéŋ elɔŋ, ɓondígá bí ɓɛ́ɛ́ átē ɓá bí ŋgí lee la li síítan ányúū yɛ́ɛ̄.

Lúkas 24:17

La nyɛ́ ɔ ɓāt ɓɔ nɛ́: «Yéé miní ŋga kwɛ́lene á dúwɛ jáná é?» La ɓɔ́ bú tɛ́lɛ, bú súnan.

Lúkas 24:21

Ndí ɓɛ́hɛ, bi mɓɛ́la lipitá nɛ, nyɛ́ nɛ́ a ŋga kɛ́ li tɛ́ɛ́yɛ lí Íslāɛl kundɛ. Ndí á bíŋ bísɛ, lɛn nɛ́ a yáhɛ́ álɔ̄ áŋháa nɛ́ míŋ mam má ɓɔŋɓɛ.

Lúkas 6:21

Misɔ́tá la ɓɛ́nɛ ɓá miní ŋga ógtan nzal nyí lɛn, ányúū nɛ́ miníg kɛ li yál. Misɔ́tá la ɓɛ́nɛ miní ŋga lée nyí lɛn, ányúū nɛ miníg kɛ li ɔl.

Yohánɛs 16:33

Mag laga ɓɛ́nɛ míŋ mam á lí somo nɛ́, á ŋ̀atanɛ́ la ma, miní ɓɛ́la nsaŋ. Miníg kɛ li taka mú á nyú ŋkɔŋ-á-sí, ndí, lethánɛ nyuú ányúū nɛ ma dí ŋkɔŋ-á-sí cíŋ.»

Yohánɛs 16:6

Ndí kaa ma lagá ɓɛ́nɛ náŋ, maná súnán lí loo lí ɔ́vega.

Yohánɛs 20:20

Ɛnɛ́ a pɔ́t náŋ, ɔ étɛ̄ ɓɔ́ mɔ mɛ́ɛ́ la mbaa yɛɛ́. Ɛnɛ́ ɓayége ɓá ɛ́n Nyɔ́ŋ-Ɛsáŋɛ́, bú kɔɔ́n mívag.

Misɔ́n mí Ɓáōmɓɛ 5:41

Ɓaómɓɛ bú ɓógó la mivag ɔ́sū ví ɔ́ku-vicɛ́ŋ-ví-bíkāāhɛ́nɛ́, nɛ́ Ɔlolómɛ̄ a ɛ́n nsɛ́ŋ nɛ bí téeŋgɛ́ ɓɔ́ á jóō lí Yésus.

Elōg-Lóma 5:11

Li loo ki náŋ, eyát yáhá átē a Ɔlolómɛ̄ ɛ́g sɔ́le ja la Ɛtáŋɛ wahá Yésus Kilístus, nyɔ́ a lɛ̄ nɛ́, la nyɛ́, Ɔlolómɛ̄ a kóm nsaŋ la ɓɛ́hɛ nyí lɛn.

Elōg-Kɔlínto 2 6:10

bíg nyɔŋ ɓɛ́hɛ kaa miályāg mí ɓot ndí kí bi ɓáág jā mívag la mivag, bíg nyɔŋ ɓɛ́hɛ kaa ɓayɛ́ɛ́yɛ́ɛ ndí kí ɓɛ́hɛ nɛ́ bi lɛ ɓábyaŋɓɛ ɓot, bíg nyɔŋ ɓɛ́hɛ kaa ɓot bí ŋga yɛ́ɛ́ jóō nɛ́ jam ndí kí ɓɛ́hɛ nɛ́ bi byɛɛ́ mam mísɛ!

Elōg-Gálátia 5:22

Ndí, misɔ́n mí M̀búl mí lɛ́: ediŋ, mivag, nsaŋ, eɔ́hánɛ, m̀mím-á-m̀ɓɛɛŋ, ekɔ́ɔ́, ŋyéɓé,

Elōg-Tésaloníka 1 1:6

Li loo náŋ, maná yégé lí niŋ ákaa ɓɛ́hɛ, munú yégé ki li niŋ ákaa Nyɔ́ŋ-Ɛsáŋɛ́ Yésus Kilístus, ányúū nɛ, tɔ átē a mitaka, maná lɛ́glé Éɓaŋgá Ɔlolómɛ̄ la mivag mí ŋga sɔ́le la M̀búl Mpúán.

Yákop 1:2

Á élōgyāŋ, miní ɔ́hánɛ miceglan mísɛ mí ŋga pámle ɓɛ́nɛ la m̀mím á mívag.

Yúde 1:24

Á mut a ŋga lá ɓɛ́nɛ li suŋ nɛ́ m̀ɓá miníh kuág ɓé, la ki nɛ́ miní ɓɛ́ ŋgíla ɔnɛ́g la mivag micɛ́ŋɛ́ ɔ́sū ví lípēm jɛ́ɛ́,

Biyɛ́ɛ́léné 11:10

Ɓatɔɓene bí ŋkɔŋ-á-sí bíg kɛ li kɔn lí mívag ányúū nyɛmb yaɓá; bíg kɛ li ɓɔŋ li ŋgand, la li tíélan lí mikaale átɔm nɛ́ ɓáŋ ɓapɔ́tle-bí-Ɔ́lolómɛ̄ bíɓáa ɓá tí ɓɔ také ŋgandag.

Biyɛ́ɛ́léné 18:7

Kasig ya lóohán lí diŋ lí lípēm la litaŋgá, ɓɛ́nɛ ki ómán yɔ bísɔghe la nyɛmb! Ányúū nɛ m̀mím wɛ́ɛ́ ág pɔ́t nɛ́: ‹Mag kɔ́m á étɔɓé-líkanʼyɛ yé káísa mindígá, mi sē ɓé ma ŋkuh á míndīgá, á m̀ɓá la m̀ɓá mí ŋgá kɛ ɓé ma lí lee ákaa ŋkúh á míndīgá›.