Yohánɛs 15:4 - Esaa-líat ɛ́ péná

⁴ Miní atɓán la ma kaa mág mi atɛ́ la ɓɛ́nɛ! Nlemlem kaa ŋkɔɔ a sē ɓé nɛ wá úm bínyɛŋgɛ́n la wɔ́-mɛ̄n kíyáɓɛ́nɛ áh átɛ ɓé la tín, náŋ nɛ́, tɔ ɓɛ́nɛ ki miní sē ɓé nɛ maná úm bínyɛŋgɛ́n kíyáɓɛ́nɛ miní átɛ ɓé la ma.

Yohánɛs 15:4 ပူးပေါင်းရင်းမြစ်များ

Matéus 12:33

«Kí eéé yá ɓɛ́ m̀ɓɛɛŋ, litám jɛ́ɛ́ ki líg ɓɛ́ m̀ɓɛɛŋ; á mveŋghanɛ́, kí yá ɓɛ́ eɓé, litám jɛ́ɛ́ ki líg ɓɛ́ líɓē; jɔ́ nɛ́, á lítām nɛ bí ŋga lēmle eéé sig.

Lúkas 8:15

Sí livɔ́ŋ ápah mbóó ya ku, ɛ lɛ ɓot ɓá bí ŋga ámble eɓaŋgá Ɔ́lolómɛ̄ la m̀mím á m̀ɓɛɛŋ, la ɓɔ́ ɓá náŋɛ̄ yɔ, ɓá wúm mítām, átē a eɔ́hánɛ.»

Yohánɛs 14:20

Víŋ ɔlɔ́ nɛ miníg ŋga kɛ́ li yí nɛ́, mi lɛ átē a Etāa, ɓɛ́nɛ ki miní lɛ́ átē wama, mág mu ɓɛ́ á átē waná.

Yohánɛs 17:23

nɛ́ mi ɓɛ́ á átē wāɓá, kaa wág ɔ lɛ á átē wama, á lí ɓɔŋ nɛ́ bí ɓɛ́ jā mut wāhwa. Váŋ nɛ́ ɓot bí ŋkɔŋ-á-sí bí ŋga kɛ li yí nɛ́ wa nɛ́ wa óm ma, la ki nɛ́ wa díŋɛ́ ɓɔ kaa wa díŋɛ́ ma.

Yohánɛs 6:56

Tɔ nzáá a ŋga dí nyuú yáma, a nyú ki micii máma, ag ɓɛ́ á até wama, mág mi ɓɛ́ á até wɛ́ɛ̄.

Yohánɛs 8:31

Yésus ɔ laga hɔ́ ɓɔ́ɔ̄n bí Élōg-Yúda ɓá bí yéɓyéé la nyɛ nɛ́: «Kíyáɓɛ́nɛ maná tiŋɓé á bíɓaŋgá byáma, ɛnɛ miní lɛ́ kɔɔ ɓayége ɓáma.

Misɔ́n mí Ɓáōmɓɛ 11:23

Ɛnɛ́ a pám wóŋ, ɔ ɛ́n kaa Ɔlolómɛ̄ a lómbó ɓɔ, ɔ kɔ̄n mivag, la nyɛ́ ɔ tí ɓɔ́ bísɛ mikúndá nɛ́ bí tiŋɓé la Nyɔ́ŋ-Ɛsáŋɛ́ á nzumá-m̀mím.

Misɔ́n mí Ɓáōmɓɛ 14:22

Voóm sig, bí ŋgí letɛ ɓayége nyuú la li tíi lí ɓɔ mikúndá nɛ́ bí tiŋɓé á ŋyéɓé. Jɔ́ nɛ́ bí ŋgí laga ɓɔ́ nɛ́: «Ɛ́g somlɛ nɛ́ bi lōolé á ŋgandag bísɔghe á lí ɓɔŋ nɛ́ bi níŋgí á Ékombo Ɔ́lolómɛ̄.»

Elōg-Kɔlínto 2 13:5

Ɓɛ́nɛ-mɛ̄n léɓyán sig éniŋ yáná, miní ɛ́n kí nɛ́ miníg nīŋ átē a ŋyéɓé. Tɔ nɛ́, miní vá sig ɓɛ́nɛ-mɛ̄n á éceglɛ, váŋ nɛ́ miní ŋga yí kí nɛ́ Yésus Kilístus a lɛ̄ átē wāná! Ɔ ɓógtɛ́ nɛ́ maná kū yéŋ eceglɛ.

Elōg-Gálátia 2:20

Mag niŋ, ndí ah mā-mɛ̄n ɓé nyɔ́ŋ, Kilístus nɛ́ a ŋga nīŋ átē wama, átɔm nɛ́, eniŋ yáma yé lɛ̄n, yé líɓɛ́ɛg lí mut-a-binam, mag niŋ yɔ́ átē a ŋyéɓé la Mɔɔ́n Ɔlolómɛ̄ nyɔ́ a dīŋ ma, ɔ wú ányúū yáma.

Elōg-Éféso 3:17

la ki nɛ́, átē a ŋyéɓé, Nyɔ́-a-Pɔ́hlɛ a tɔ́ɔ́ á mimím máná, nɛ́ ndí miní tɔ̄ɓéné átē á ediŋ, miní ólɓéné múŋ.

Elōg-Fílípi 1:11

miníg kɛ li ɓɛ́ lí ɓá bí ŋga ɓɔ̄ŋ mísɔ̄n mí tɛ́ɛ́ mí ŋga sɔ́le ɓɛ́hɛ li loole la Yésus Kilístus, ányúū lipém la eɓégɛ yé Ɔ́lolómɛ̄.

Elōg-Kólóso 1:23

Ndí, ɛ́g somlɛ nɛ́, li kele la ŋyéɓé, miní lēt, miní byēlɓán, miní ɓɛ́la ki ŋguu taŋ, ɛ́h ɓɛ́ ɓé ɓɛ́nɛ li mwahɛ nɛ́ jam tɔ já lí ɓógtɛ́ ɓɛ́nɛ lipitá miní byɛ́ɛ̄ la Pɔ́l M̀ɓɛɛŋ nyí maná ámble, nyí joó nɛ eveglé ɛ́ lɛ́ á sí vaŋgá yá ámble, nyí Pɔ́l M̀ɓɛɛŋ ɛ lɛ nɛ́ ma Póol ma yáan m̀ɓɔŋle.

Elōg-Kólóso 1:27

A sómó lí yíhɛ lí ndog yɛ́ɛ̄ líɓɛ́ɛg lí nyíŋ mbaŋ la abyaŋ wɛ́ɛ́ á ŋgwáāg ɓot bí sē ɓé ɓɔ́ɔ̄n bí Élōg-Yúda. Nyíŋ mbaŋ ɛ lɛ́ nɛ́, Kilístus a lɛ̄ la ɓɛ́nɛ, la nyɛ́ nɛ́ miní byɛ́ɛ́ lipitá nɛ miníg níŋgi á lipém lí Ɔ́lolómɛ̄.

Elōg-Kólóso 2:6

Kasig maná lɛ́glé Yésus Kilístus Nyɔ́ŋ-Ɛsáŋɛ́, wɛán élɔŋ la nyɛ́.

Elōg-Tésaloníka 1 3:5

Kasig mi ŋgí la ɓé pɛ ma lí laaŋke, jɔ́ nɛ́ mi ómóó Timotéo nɛ́ a yí ákaa ŋyéɓé wáná á lɛ, ánsī nɛ mi ŋgí kɔ̄n woŋ nɛ́ Ǹsɔhɔ a vá ɓɛ́nɛ á sí miceglan la ki nɛ́ nsɔ́n wáhá áh ɓɔ́lkágán ɓé.

Elōg-Hébɛl 10:39

Ɓɛ́hɛ, bi sē ɓé ɓɛ́hɛ ɓatiman-la-mbúh á li kɛ á njáŋgá, ndí bi lɛ ɓot bí ŋyéɓé ányúū lisuŋga jáhá.

Yohánɛs 1 2:6

Tɔ nzáá a ŋga laga nɛ́ a lɛ́ jam já la Ɔlolómɛ̄, a nyɛ́ɛ li wɛɛ ákaa nyɛ́-mɛ̄n a wɛ́ɛ.

Yohánɛs 2 1:9

Tɔ nzáá a ŋgá tɔɓene ɓé á bíyéglɛ́nɛ́ bí Nyɔ́-a-Pɔ́hlɛ ndí á kóndyé jam litám átē a sē ɓé la Ɔlolómɛ̄. Ndí nyɔ́ la nyɔ́ a ŋga tɔ́ɓene á bíyéglɛ́nɛ́ a lɛ lā Etāa elɔŋ la Mɔɔ́n.