Yohánɛs 14:30 - Esaa-líat ɛ́ péná

³⁰ Li ɓotle nyí lɛn, mi ŋgá kwɛ̄l ɓé pɛ ma la ɓɛ́nɛ, ányúū nɛ́ ŋ̀kanʼyɛ a nyú ŋkɔŋ-á-sí a lɛ lí sɔ́; tɔ náŋ kaa a ŋgá la ɓé ma lí ɓɔŋ lí tɔ jam.

Yohánɛs 14:30 ပူးပေါင်းရင်းမြစ်များ

Lúkas 1:35

La áŋgɛl yu pélē nyɛ nɛ́: «M̀búl Mpúán ág kɛ wa li suhle, la ŋguu Nyɔlɛ ɛ bútyɛ́ wa ákaa yíɓe, Ányúū náŋ nɛ́, nyɔ́ a ŋga kɛ́ li byáa ag ɓɛ́ mpúán, la li yáŋlɛ nɛ́: Mɔɔ́n Ɔlolómɛ̄.

Lúkas 22:53

Mi mɓɛ́ la ɓɛ́nɛ ɔlɔ́ sig á ndáá-ēcɛ́ŋ-Ɔlolómɛ̄, manáh byee ɓé ma. Ndí nyí vɔ́ŋɔ́ɔ, ŋgɛ́ŋ yaná nyí, la nyí ŋguu livito.»

Yohánɛs 12:31

Nyí vɔ́ŋɔ́ɔ nɛ́ bí ŋga kááhɛ ɓot bí ŋkɔŋ-á-sí, nyí vɔ́ŋɔ́ɔ, ŋ̀kanʼyɛ a ɓot bí nyú ŋkɔŋ-á-sí ag lééɓɛ á ápūū.

Misɔ́n mí Ɓáōmɓɛ 1:3

Ákaa ɛ́sɛ, ɓɔ́ nɛ́ a pámléé ámbúh bisɔghe byɛ́ɛ́, á lí étɛ lí ɓɔ á patí ɛ́sɛ nɛ́ a lɛ á éniŋ. Múŋ á míŋ muúmínáa mí álɔ̄, ɔ pámlé ɓɔ, ɔ máŋlɛ́ ɓɔ mam mí Líkanʼyɛ lí Ɔ́lolómɛ̄.

Elōg-Kɔlínto 2 4:4

ányúū ɓá bí ŋgá yéɓe ɓé, ɓá bí lɛ́ nɛ́ loó lí nyí sí lá dím éyī, nɛ́ ndí bíh ɛ́nɛ́g ɓé épaa yé Pɔ́l M̀ɓɛɛŋ nyí lípēm lí Nyɔ́-a-Pɔ́hlɛ, nyɔ́ a lɛ á édīŋgɛ́-díŋgɛ yé Ɔ́lolómɛ̄.

Elōg-Kɔlínto 2 5:21

Yésus Kilístus nyɛ́ mut āh yí ɓé áɓē, Ɔlolómɛ̄ a ɓɛ̄glɛ́ nyɛ miɓé máhá nɛ́ ndí li loole la nyɛ́, bi yáan ɓot bí lɛ́ sim ɔ́sū ví Ɔ́lolómɛ̄.

Elōg-Éféso 2:2

á ɔkolpáŋá, eceg miní ŋgí ógle loó lí nyú ŋkɔŋ-á-sí, ŋ̀kanʼyɛ nyɔ́ a lɛ á póla sí la loó. Nyɔ́ŋ ŋ̀kanʼyɛ nɛ́ a lɛ m̀búl m̀ɓé á ŋga sál vɔ́ŋɔ́ɔ á póla ɓot ɓá ndɔ́gɓéné Ɔ́lolómɛ̄.

Elōg-Éféso 6:12

átɔm nɛ́, ah la ɓot-bí-bínam ɓé nɛ́ bi ŋga dúu, ndí biíg du la Mikanʼyɛ mí lɛ́ á lōó, la patí Ŋguu ɛ́sɛ ɛ́ lɛ́ á lōó, la Ɓaɓémbɛ bí nyú ŋkɔŋ á lívito, la mimbúl míɓē mí lɛ́ á lóō.

Elōg-Kólóso 1:13

Ɔlolómɛ̄ a ɓógtɛ́ ɓɛ́hɛ á ŋguu nyí livito, la nyɛ́ ɔ níŋgɛ́ ɓɛ́hɛ á ékombo yé edidíŋɛ yɛ́ɛ́ Mɔ́ɔ̄n.

Elōg-Hébɛl 4:15

Ányúū nɛ bi byɛ́ɛ ǹtíi-nsúlé ǹcɛ́ŋ nyɔ́ a ŋga lá li kaan lí áɓɔt wáhá. Nyɛ́g a kūh míceglan á mam mísɛ kaa ɓɛ́hɛ, ndí nyɛ́ āh vuhle ɓé Ɔ́lolómɛ̄.

Elōg-Hébɛl 7:26

Ɔɔ, nyíŋ titih ǹtíi-nsúlé ǹcɛ́ŋ nɛ ɛ ŋgí sōmlɛ ɓɛ́hɛ, nyí ɛ lɛ mpúán, nyí ɛ lɛ̄ ŋgíla njɔm, ŋgíla aɓé, nyí ɛ sē ɓé á élɔŋ yé ɓáɓɔŋ-miɓé, nyí Ɔlolómɛ̄ a ɓétɛ́ á lóō lóō.

Pétlos 1 1:19

ndí, maná kɔplɛ́ la taŋ micii mí Nyɔ́-a-Pɔ́hlɛ, mí mí lɛ́ ákaa micii mí mɔɔ́n ntómbɛ́ á ŋgíla elɛ́m tɔ ɔnɛ́g.

Pétlos 1 2:22

Nyɛ́, mut āh ɓɔŋ ɓé aɓé tɔ wá, anyu wɛ́ɛ́ ki wáh pɔ́t ɓé mínaa.

Yohánɛs 1 4:4

Á ɓɔ́ɔ̄n ɓáma, kasig miní lɛ́ ɓɔ́ɔ̄n bí Ɔlolómɛ̄, maná dí ɓáŋ ɓapɔ́tle-bí-Ɔ́lolómɛ̄ bí mínaa cíŋ, ányúū nɛ́ M̀búl á Ɔlolómɛ̄ á lɛ́ la ɓɛ́nɛ, ág loo nyú á lɛ́ á ŋkɔŋ-á-sí.

Yohánɛs 1 5:18

Biíg yí nɛ́, tɔ nzáá a byálɓɛ́ la Ɔ́lolómɛ̄, a ŋgá ɓɔŋ ɓé pɛ aɓé, átɔm nɛ́, Yésus nyɔ́ a byálɓɛ́ la Ɔ́lolómɛ̄ ag tát nyɛ́, Ǹlem ki á ŋgá la ɓé nyɛ li siiɓan.

Yohánɛs 1 5:19

Biíg yí nɛ́ bi lɛ́ ɓá bí Ɔlolómɛ̄, ndí, ŋkɔŋ-á-sí ásɛ á lɛ́ á sí likanʼyɛ lí Ǹlem.

Biyɛ́ɛ́léné 12:9

Nyúŋ m̀ɓáláŋ á nyuŋgu la áŋgɛl yɛ́ɛ́ bú lééɓɛ́ á ŋkɔŋ-á-sí; wɔ́ nɛ́ á lɛ́ nlom á nyɔ, nyú bí ŋga yáŋa nɛ́ Ǹsɔhɔ, Sátan, ŋ̀yɛ́ɛ ŋkɔŋ-á-sí ásɛ;