Yohánɛs 14:20 - Esaa-líat ɛ́ péná

²⁰ Víŋ ɔlɔ́ nɛ miníg ŋga kɛ́ li yí nɛ́, mi lɛ átē a Etāa, ɓɛ́nɛ ki miní lɛ́ átē wama, mág mu ɓɛ́ á átē waná.

Yohánɛs 14:20 ပူးပေါင်းရင်းမြစ်များ

Yohánɛs 10:38

Ndí, kíyáɓɛ́nɛ mɔ́ nɛ́ mi ŋga ɓɔ̄ŋ, tɔ manáh yéɓe ɓé la ma, yéɓyán ányúū míŋ misɔ́n, á li ɓɔŋ nɛ́ miní yí, miní sɔ́ŋtánɛ ki nɛ́ Etāa a lɛ até wama, mág mu ɓɛ́ até a Etāa.»

Yohánɛs 14:10

Ɓaá, ɔ ŋgɔ́ yéɓe ɓé nɛ mi lɛ átē a Etāa, Etāa ki ɔ ɓɛ́ átē wama é? Biɓaŋgá mi ŋga lága ɓɛ́nɛ bí ŋgá sɔ́le ɓé la mā-mɛ̄n! Ndí, Etāa nyɔ́ a lɛ́ átē wama nɛ́ a ŋga yáhɛ misɔ́n mɛ́ɛ́ nyɛ́-mɛ̄n.

Yohánɛs 14:11

Miní yéɓé la ma, mi lɛ átē a Etāa, Etāa ki ɔ ɓɛ́ á átē wama. Kíyáɓɛ́nɛ manáh yéɓe ɓé bíɓaŋgá byáma, yéɓyán tɔ ányúū míŋ misɔ́n mi ŋga sál.

Yohánɛs 16:23

Múŋ á víŋ ɔlɔ́, miní ŋgá kɛ ɓé pɛ ma lí bihi lí tɔ jam. La mbálɛ-mbálɛ mag laga ɓɛ́nɛ nɛ́, ki maná ɓāt Etāa jam á jóō jáma, ag kɛ ɓɛ́nɛ jɔ́ lí tíi.

Yohánɛs 16:26

Múŋ á víŋ ɔlɔ́, miníg kɛ li kánɛ á jóō jáma, mi ŋgá laga ɓé ma ɓɛ́nɛ nɛ́, mag kɛ li kánɛ lí Etāa ányúū yaná;

Yohánɛs 17:11

Li ɓotle nyí vɔ́ŋɔ́ɔ, mi sē ɓé pɛ ma á ŋkɔŋ-á-sí, ndí, ɓɔ́ bíg yégle á ŋkɔŋ-á-sí, ányúū nɛ má mag timan á yóg yɔ́ɔ. Etāa nyɔ́ a lɛ Mpúán tát ɓɔ́ á jóō jɔ́ɔ, joó lí lɛ́ nɛ wa tí ma, á lí ɓɔŋ nɛ́ bí ɓɛ́ mut wa, ákaa ma la wa bi lɛ́ mut wa.

Yohánɛs 17:26

Ma yíhɛ́ ɓɔ joó jɔ́ɔ, mag kɛ sīg-pɛ ɓɔ́ jɔ́ lí yíhɛ, nɛ́ ndí bí ɓɛ́la ediŋ wa dīŋ ma, la nɛ́ mág mi ɓɛ́ la ɓɔ́.»

Yohánɛs 17:7

Bíg yí nyí vɔ́ŋɔ́ɔ nɛ́ yé ɛ́sɛ mi byɛ́ɛ̄ ɛ́g sɔ́le la wa.

Yohánɛs 6:56

Tɔ nzáá a ŋga dí nyuú yáma, a nyú ki micii máma, ag ɓɛ́ á até wama, mág mi ɓɛ́ á até wɛ́ɛ̄.

Elōg-Lóma 16:7

Miní tamlege ma Andoloníkus la Yúnias, ɓot ɓáma bí m̀biya, ɓá bí ɓɛ́ élɔŋ la ma á m̀ɓog. Bí lɛ́ mbíi ɓáōmɓɛ, bú dúgú ki li ɓɛ́ lí ɓá bí Nyɔ́-a-Pɔ́hlɛ la ma.

Elōg-Lóma 8:1

Á élōgyāŋ, nyí vɔ́ŋɔ́ɔ hɔ́, ɓá ɓá āt la Yésus Kilístus bí ŋgá kuh ɓé pɛ ekɔ́ghɛ tɔ yá,

Elōg-Kɔlínto 1 1:30

Nyɛ́ Ɔ́lolómɛ̄ nɛ́ a āt ɓɛ́nɛ la Yésus Kilístus, Yésus Kilístus ki ɔ ɓɛ́ peg ɛ ŋga sɔ́le la Ɔlolómɛ̄ ányúū yāhá. Li loole la nyɛ́ nɛ́ Ɔ́lolómɛ̄ a yáanɛ́ ɓɛ́hɛ ɓot bí lɛ́ sim, ɔ pɔ̄hɔ́ ɓɛ́hɛ ányúū yɛ́ɛ̄, la nyɛ́ ɔ ɓógtɛ́ ɓɛ́hɛ á míɓē.

Elōg-Kɔlínto 2 12:2

Mag yí mut wa nyɔ́ a yéɓé la Nyɔ́-a-Pɔ́hlɛ, nyɔ́ a lɛ nɛ́, jóom lí mímbú la mínaa mí lɛn, a nyɔ̄ŋɓɛ́ á lōó á ndato ya yáhɛ́ ɛ́ŋháa, ndí tɔ nɛ́ a nyɔŋɓɛ́ɛ la nyuú yɛ́ɛ̄ é? Mi ŋgá yí ɓé ma, tɔ nɛ́ ah nyɔ̄ŋɓɛ́ɛ ɓé la yɔ é? Mi ŋgá yí ɓé ma, Ɔlolómɛ̄ nyɛ́-ntámɛ́ nɛ a ŋga yí.

Elōg-Kɔlínto 2 13:5

Ɓɛ́nɛ-mɛ̄n léɓyán sig éniŋ yáná, miní ɛ́n kí nɛ́ miníg nīŋ átē a ŋyéɓé. Tɔ nɛ́, miní vá sig ɓɛ́nɛ-mɛ̄n á éceglɛ, váŋ nɛ́ miní ŋga yí kí nɛ́ Yésus Kilístus a lɛ̄ átē wāná! Ɔ ɓógtɛ́ nɛ́ maná kū yéŋ eceglɛ.

Elōg-Kɔlínto 2 5:17

La ki nɛ́, kíyáɓɛ́nɛ mut a áat la Nyɔ́-a-Pɔ́hlɛ, nyɔ́ŋ mut a yáan eveglé ɛ́ péná. Yé ɛ́sɛ ɛ́ ɓɛ́ɛ́ kwaŋ yá man lí loo, léɓyán sig nɛ́ mam mísɛ má timán péná.

Elōg-Kɔlínto 2 5:19

Ákaa ɛ́sɛ, Ɔlolómɛ̄ nɛ a ŋgí sáŋga nyɛ́-mɛ̄n la ɓot bí ŋkɔŋ-á-sí li loole la Nyɔ́-a-Pɔ́hlɛ, ɛ́h ɓɛ́ ɓé nyɛ̄ li sɔ́ŋgɔ lí ávuha á ɓot-bí-bínam, la nyɛ́ ɔ tí ki ɓɛ́hɛ nɛ́ bi lɛ́gɛ́ nyíŋ pɔ́l ányúū li sáŋga lí ɓot.

Elōg-Gálátia 2:20

Mag niŋ, ndí ah mā-mɛ̄n ɓé nyɔ́ŋ, Kilístus nɛ́ a ŋga nīŋ átē wama, átɔm nɛ́, eniŋ yáma yé lɛ̄n, yé líɓɛ́ɛg lí mut-a-binam, mag niŋ yɔ́ átē a ŋyéɓé la Mɔɔ́n Ɔlolómɛ̄ nyɔ́ a dīŋ ma, ɔ wú ányúū yáma.

Elōg-Éféso 2:10

átɔm nɛ́ Ɔlolómɛ̄ nɛ a ōŋgɛ́ ɓɛ́hɛ, nyɛ́ nɛ́ a vēg ɓɛ́hɛ nɛ́ bi nīŋ á ŋ̀atanɛ́ la Yésus Kilístus, ányúū li yáhɛ lí mísɔ̄n mí m̀ɓɛɛŋ nyɛ́ Ɔ́lolómɛ̄ a ɓōŋhán ɓɛ́hɛ á ɔ́sū ví éceg.

Elōg-Kólóso 1:19

Ányúū náŋ nɛ́ Ɔ́lolómɛ̄ a ɛ́n m̀ɓɛɛŋ nɛ́ a ɓɛ́ nyɛ́ asɛ̄ átē a Mɔɔ́n wɛ́ɛ̄.

Elōg-Kólóso 1:27

A sómó lí yíhɛ lí ndog yɛ́ɛ̄ líɓɛ́ɛg lí nyíŋ mbaŋ la abyaŋ wɛ́ɛ́ á ŋgwáāg ɓot bí sē ɓé ɓɔ́ɔ̄n bí Élōg-Yúda. Nyíŋ mbaŋ ɛ lɛ́ nɛ́, Kilístus a lɛ̄ la ɓɛ́nɛ, la nyɛ́ nɛ́ miní byɛ́ɛ́ lipitá nɛ miníg níŋgi á lipém lí Ɔ́lolómɛ̄.

Elōg-Kólóso 2:9

átɔm nɛ́ liɓɛ́ɛg lí Ɔ́lolómɛ̄ lísɛ lí lɛ́hɛ́nɛ́ átē a nyuú nyí Yésus Kilístus.

Yohánɛs 1 4:12

Mut tɔ wa a ɓáág ŋgi lí ɛ́n lí Ɔlolómɛ̄. Kíyáɓɛ́nɛ biíg diŋan ɓɛ́hɛ la ɓɛ́hɛ, Ɔlolómɛ̄ a lɛ lá ɓɛ́hɛ, ediŋ yɛ́ɛ́ ki yá yál á póla yahá.