Yohánɛs 14:2 - Esaa-líat ɛ́ péná

² Mitɔɓéné ŋgandag mí lɛ́ á ndáá Etāa, áh la náŋ ɓé, kí mah laga ɓé ɓɛ́nɛ nɛ́, mag kɛ ɓɛ́nɛ li ɓoŋhan lí étɔ ápah miní ŋga kɛ́ li ɓɛ́!

Yohánɛs 14:2 ပူးပေါင်းရင်းမြစ်များ

Lúkas 14:22

Ámbúh eceg, m̀ɓɔŋle ɔ tímān nyɛ li laga nɛ́: Etāa, yá ɓɔŋɓɛ ákaa wa yó, ndí bitɔ bí ŋgí lɛ á ndáá.

Yohánɛs 13:33

Á ɓɔ́ɔ̄n ɓáma, mi ŋgí tɔ́ɔ̄ jā la ɓɛ́nɛ ányúū puh eceg. Miníg kɛ ma lí somo, ndí kaa ma lága ɓɔ́ɔ̄n bí Élōg-Yúda, ápah mi ŋga kɛ̄, miní ŋgá la ɓé lí pám wóŋ; ɓɛ́nɛ ki mag laga ɓɛ́nɛ nlemlem á jam vɔ́ŋɔ́ɔ.

Yohánɛs 13:36

Símɔn-Pétlos ɔ ɓāt nyɛ nɛ́: «Ɛtáŋɛ, ɔg kɛ véé é?» Yésus ɔ pélē nyɛ nɛ́: «Ápah mi ŋga kɛ́, ɔ ŋgɔ́ la ɓé ma lí oŋ nyí vɔ́ŋɔ́ɔ, ndí ámbúh eceg, ɔg kɛ ma lí oŋ.»

Yohánɛs 14:28

Mag ɔ́ŋɔ nɛ́ maná ámblé kaa ma lágá ɓɛ́nɛ nɛ́: ‹Mag kɛ, ndí mag timan li sɔ́, mi tɔ́ɔ̄ la ɓɛ́nɛ›. Kí ɓɔŋ nɛ́ miní dīŋ ma, kí miníg kɛ li sophɛ la mívag nɛ́ mi lɛ lí tímān á yóg Etāa, átɔm nɛ́ Etāa ag loo ma.

Yohánɛs 16:4

Mag laga ɓɛ́nɛ náŋ á lí ɓɔŋ nɛ́ eceg nyíŋ ŋgɛ́ŋ ɛ ŋga kɛ́ li kɔlan, miní ɔ́ŋɔ́ nɛ́ mi lagléé ɓɛ́nɛ náŋ.» «Máh laga ɓé ma ɓɛ́nɛ náŋ á bíɓotlé ányúū nɛ́ bi ɓɛ́ɛ́ elɔŋ.

Yohánɛs 17:24

Etāa kóó yáma ɛ lɛ nɛ́, ápah mi lɛ, ɓot wa tí ma ɓɔ́g bí ɓɛ́ váŋ, nɛ́ bí mɛ̄mɛ́ lipém wa tí ma, ányúū nɛ́, wa dúgú ma lí diŋ, sɔ́kágánɛ́ ɔg veg ŋkɔŋ-á-sí

Misɔ́n mí Ɓáōmɓɛ 9:16

Mā-mɛ̄n mag kɛ nyɛ́ lí étɛ lí ésɔghe ɛ́sɛ a ŋga kɛ́ li kuh ányúū joó jáma.»

Elōg-Kɔlínto 2 5:1

Á élōgyāŋ, biíg yí la mbálɛ nɛ́, kíyáɓɛ́nɛ litɔɓéné jáhá vá á ŋkɔŋ-á-sí, lí lɛ́ kaa eláá ɛ́ ŋga búge, bi yí nɛ́ bi byɛ́ɛ́ ndáá ɛ ŋga ɓéem á ékombo-lóō, nyí ya óŋɓɛ́ la Ɔlolómɛ̄ ndí ah la mut-a-binam ɓé.

Elōg-Tésaloníka 1 5:9

Ányúū nɛ Ɔlolómɛ̄ ah tɛ́ɛ́yɛ ɓé ɓɛ́hɛ ákaa ɓot bí ŋga nyɛ́ɛ li ógtan lí mbímban nyí ɔún vɛ́ɛ́, ndí a tɛ́ɛ́yɛ́ ɓɛ́hɛ nɛ́ bi sūŋɓɛ̄ li loole la Ɛtáŋɛ wahá Yésus Kilístus,

Títo 1:2

nɛ́ bí ɓɛ́la lipitá nɛ bíg kuh eniŋ éɓem yé ɛ́ lɛ́ nɛ́, Ɔlolómɛ̄ nyɔ́ āh ɓáŋaa ɓé mínaa a kakáánɛ li ɓotle lí yɔŋ éceg.

Elōg-Hébɛl 11:10

átɔm nɛ́, nyɛ́ Áblaháam a ŋgí laaŋke ŋkɔŋ nyú a byɛɛ́ jaa lí ŋga lēt, nyú á lɛ̄ nɛ́ Ɔlolómɛ̄ nyɛ́-mɛ̄n a lɛ ŋ̀an la ŋ̀óŋ.

Elōg-Hébɛl 13:14

átɔm nɛ́, bih byɛ́ɛ́ ɓé ɓɛ́hɛ ŋkɔŋ á ŋga ɓéem vá á nyí sí vāŋgá, ndí bi lɛ jā á nsom á taŋ ŋkɔŋ nyú á ŋga kɛ́ li sɔ́.

Elōg-Hébɛl 6:20

Wóŋ nɛ́ Yésus, ányúū yāhá a níŋgí sɔ́kágánɛ́ ɓɛ́hɛ biíg níŋgi, la nyɛ́ ɔ yáan ǹtíi-nsúlé ǹcɛ́ŋ nyɔ́ a pɔ́gɔ́-pɔgɔ kaa Mɛlkisédɛk.

Elōg-Hébɛl 9:8

M̀búl Mpúán a sómo lí étɛ váŋ nɛ́, kasig ndugá púán ɔsú ɛ ŋgí tɛ́ɛ, nzen nyí ɛ ŋga kɛ́ á ndugá ya loohán púán ɛ̄h leglɛ́gɛ́ ɓé.

Biyɛ́ɛ́léné 1:5

la Yésus Kilístus ki, ǹtíi mbóŋ Ɔlolómɛ̄ á nyaa ɛ tɛ́ɛ́, mut ɔsú nɛ a páhyé á póla ɓá ɓá wū la ŋ̀kanʼyɛ káísa yí ŋkɔŋ-á-sí Kilístus a lɛ nyɔ́ a ŋga diŋ ɓɛ́hɛ, nyɔ́ a ɓógtɛ́ ɓɛ́hɛ á áɓē wáhá li kele la micii mɛ́ɛ́,

Biyɛ́ɛ́léné 21:2

La ma mu ɛ́n tísɔn epúán, Yelúsalɛm nyí péná ɛg sɔ́le á lóō á yóg Ɔlolómɛ̄, ɛ jáhɛ ákaa sɔ́mbɔ́ mindígá nɛ ya ɓōŋhán lí kɛ á yóg nlóm wɛ́ɛ̄.

Biyɛ́ɛ́léné 3:12

Ǹdí-cíŋ, mag kɛ nyɛ́ lí yaanɛ lí mbíi yí ndáá-ēcɛ́ŋ-Ɔlolómɛ̄ Loó jáma, m̀ɓá, a ŋgá kɛ ɓé pɛ li pám múŋ; mag kɛ li cii lí jóō lí Ɔlolómɛ̄ wama á nyúū yɛ́ɛ̄, la joó lí tísɔn nyí Ɔlolómɛ̄ wama, nyí ɛ lɛ̄ Yelúsalɛm nyí péná ya ómɓɛ́ la Loó jama. Mi cii ki joó jáma lí péná á nyúū yɛ́ɛ̄.

Biyɛ́ɛ́léné 3:21

Ǹdí-cíŋ, ag kɛ li tɔɔ elɔŋ la ma á étɔɓé-líkanʼyɛ yama, ákaa mág ma tɔ́ɔ̄ la Etāa á étɔɓé-líkanʼyɛ yɛ́ɛ́ eceg ma dí cíŋ.