Yohánɛs 13:13 - Esaa-líat ɛ́ péná

¹³ Miníg yáŋa ma nɛ́ Ŋ̀yéglɛ la Ɛtáŋɛ, miníg yí mā lí yáŋa náŋ, kɔɔ la mbálɛ, mi lɛ nyɛ́.

Yohánɛs 13:13 ပူးပေါင်းရင်းမြစ်များ

Matéus 20:28

Náŋ ki nɛ̄ Mɔɔ́n Mut ah sɔ́ ɓé nɛ bí ɛɛlé nyɛ́, ndí a sɔ́ nɛ a ɛ́ɛ́lé ɓot, la li tíi lí éniŋ yɛ́ɛ́ á ésɛsɛ́ma á lí tɔ́hɔ lí ɔ́bul ví límut.»

Lúkas 10:28

Yésus a byɛ́la nyɛ́ nɛ́: «Wa pélē m̀ɓɛɛŋ. Ɓɔ̄ŋ náŋ, ɔg kɛ li kuh lí éniŋ.»

Lúkas 6:46

Ányúū yéé miní ŋga yáŋa ma nɛ́ Ɛtáŋɛ, Ɛtáŋɛ, ndí miníh la ɓé li ɓɔŋ lí yé mi ŋga laga ɓɛ́nɛ é?»

Lúkas 7:43

Símɔn ɔ pélē nyɛ́ nɛ́: «Mag ɔ́ŋɔ nɛ́ nyɔ́ mut a mwāhléné épīl ecɛ́ŋ.» Yésus aá la nyɛ́ nɛ́: «Wa dúutɛ́ m̀ɓɛɛŋ.»

Yohánɛs 11:2

Nyɔ́ŋ Malía nɛ́ á ɔ́ghɛ́ɛ Nyɔ́ŋ-Ɛsáŋɛ́ ŋ̀gɔ́gɔ á libíndɛ, ɔ tɔ̄h ki nyɛ́ mikoo la voŋ vɛ́ɛ́ ví m̀mú. Á mbálɛ, mɔɔ́nyāŋ Lásalo a ŋgí kɔn.

Yohánɛs 11:28

Múŋ á bíŋ biɓaŋgá, Maatá ɔ kɛ́ li yáŋa lí mɔ́ɔ̄nyāŋ á mindígá Mālía, ɔ sɔ̄glánɛ̄ nyɛ́ nɛ́: «Ŋ̀yéglɛ a sɔ́, ag yáŋa wa.»

Yohánɛs 11:3

Elōgnyāŋ yé ɓóndīgá yú óm mut li laga lí Yésus nɛ́: «Ɛtáŋɛ, mut ɔ ŋgɔ diŋ ag kɔn.»

Elōg-Kɔlínto 1 12:3

Ányúū náŋ nɛ́ mi ŋga yíhɛ ɓɛ́nɛ nɛ́, mut la mut a ŋga pɔ́t la ŋguu nyí M̀búl á Ɔ́lolómɛ̄ a ŋgá yó ɓé nɛ: «Eɓómá la Yésus!» Mut tɔ wa ki a ŋgá la ɓé lí laga nɛ́: «Yésus a lɛ Nyɔ́ŋ-Ɛsáŋɛ́» kíyáɓɛ́nɛ M̀búl Mpúán a sē ɓé la nyɛ́.

Elōg-Kɔlínto 1 8:6

Ndí ányúū yāhá Loó a lɛ̄ wāhwa, nyɛ́ nɛ́ a lɛ́ Etāa, mam mísɛ míg sɔ́le la nyɛ́, ɓɛ́hɛ bísɛ ki biíg kɛ á yóg yɛ́ɛ̄. Nyɔ́ŋ-Ɛsáŋɛ́ ki a lɛ jā wāhwa, nyɛ́ nɛ́ a lɛ Yésus Kilístus, la nyɛ́ nɛ́ mam mísɛ má vēgɓɛ, la nyɛ́ ki nɛ́ ɓɛ́hɛ bísɛ bi lɛ́ á éniŋ.

Elōg-Éféso 6:9

Ɓɛ́nɛ ɓasáŋɛ́ ki, miní ɓɔŋléné míyɔ̄ŋ máná nlemlem á jam, Mwahánɛ̄ mɔ́ lí kɔgte. Miníg yí nɛ́, ɛ́ ɓɛ́ ɓɔ́, tɔ ɓɛ́nɛ, Ɛsáŋɛ́ a ɓot bísɛ nyɔ́ a lɛ á lōó ah byɛ́ɛ́ ɓé ndɔ́tlán tɔ ya á póla ɓot-bí-bínam.

Elōg-Fílípi 2:11

la ki nɛ́, á lípēm lí Etāa Ɔlolómɛ̄, ɔlémb sig ví páhá nɛ́: «Yésus Kilístus nɛ́ a lɛ Nyɔ́ŋ-Ɛsáŋɛ́.»

Elōg-Fílípi 3:8

Ɔɔ, mag ɛ́n mam mísɛ yɛmɛ́ ányúū nɛ, li yí lí Yésus Kilístus Ɛtáŋɛ wama lá loohán lí ɓɛ́ lí élɔ́ŋgɔ jam. Ányúū yɛ́ɛ̄, ma ɓɔ́lán mam mísɛ, ndí mag ɛ́n jā mɔ́ mísɛ kaa bináán á lí ɓɔŋ nɛ́ mi tómbánɛ Nyɔ́-a-Pɔ́hlɛ,

Yákop 2:19

Ɓaá, ɔg yéɓé nɛ́ Ɔlolómɛ̄ a lɛ̄ pɔmbɛ é? Náŋ a lɛ̄ m̀ɓɛɛŋ. Mimbúl míɓē mɔ́g míg yéɓé náŋ, la mɔ́ má sɛ́glán lā woŋ.