Yohánɛs 12:36 - Esaa-líat ɛ́ péná

³⁶ Eceg miní ŋgí byɛ́ɛ̄ mípūū, miní yéɓé la mipúú, á lí ɓɔŋ nɛ́ miní yáan ɓɔɔ́n bí mípūū.» Ɛnɛ́ Yésus a manɛ́ ɓɔ li laga náŋ, ɔ ɓógo váŋ, ɔ sɔ́lɔ.

Yohánɛs 12:36 ပူးပေါင်းရင်းမြစ်များ

Elōg-Éféso 5:8

Á kwākwáŋɛ, miní ɓɛ́ɛ́ ɓɔ́ɔ̄n bí lívito, ndí nyí vɔ́ŋɔ́ɔ miní lɛ́ ɓɔ́ɔ̄n bí mipúú á ŋ̀atanɛ́ la Nyɔ́ŋ-Ɛsáŋɛ́. Niŋán ákaa ɓɔɔ́n bí mípūū.

Elōg-Tésaloníka 1 5:5

Ányúū nɛ, ɓɛ́nɛ bísɛ miní lɛ́ ɓot bí mípūū, ɓot bí nzámuh. Bi sē ɓé ɓot bí díɓe tɔ ɓá bí lívito.

Yohánɛs 8:59

Váŋ nɛ́ bí kɔ̄tɔ́ɔ́ ŋgɔg, bú ɓōtlé nyɛ yɔ́ li waŋgɛ; La Yésus ɔ yííɓan, ɔ ɓógo á ndáá-ēcɛ́ŋ-Ɔlolómɛ̄.

Lúkas 16:8

Ndí, ɛsáŋɛ́-a-mitán ɔ tímān li séme lí nyɔ́ ǹlégɓe-miɓɛɛŋ a misóómbá, ányúū akwáá wɛ́ɛ́ a étɛ. Jɔ́ nɛ́, ɓɔɔ́n bí nyí sí bí lɛ́ akwáá á ŋgwáāg miwándá máɓá li loo lí ɓɔ́ɔ̄n bí mípūū.»

Yohánɛs 11:54

Ndí á ɛ́yɛ̄ɛ̄ épah, Yésus nyɛ́ ɔ mwáhɛ́ lí ɓét ag suh á miíh mí ɓákanʼyɛ bí Élōg-Yúda. Váŋ nɛ́ a kɛ á epah ékombo yé ɛ́ lɛ́ ɓɛɓɛ la eyáŋ, á ŋkɔŋ á ŋga yáŋlɛ nɛ́ Efláim, ɔ tɔ́ɔ́ wóŋ la ɓayége ɓɛ́ɛ́.

Yohánɛs 1:7

A sɔ́ɔ́ ja kaa mbóŋ, á lí tíi lí mbóŋ nyí mipúú, nɛ́ ndí li kele la nyɛ́ ɓot bísɛ bí yéɓé.

Elōg-Tésaloníka 1 5:8

Ndí ɓɛ́hɛ ɓá bi lɛ ɓot bí nzámuh, bi táthán hɔ́ la ɓɛ́hɛ-mɛ̄n. Bi ɓɛ́la ŋyéɓé la ediŋ ákaa bí ŋga jál mbɔ́tí bícɛɛ nyí wélan, bi ɓɛ́la ki lipitá jé lí lísuŋga ákaa bí ŋga jál ékōŋgó.

Yohánɛs 3:21

Ndí tɔ nzáá a ŋga wɛ́ɛhɛnɛ átē a mbálɛ, ag pám á mípūū, á lí ɓɔŋ nɛ́ misɔ́n mɛ́ɛ́ mí ɛ́ní, kaa taŋ misɔ́n mí Ɔ́lolómɛ̄.»

Matéus 21:17

La nyɛ́ ɔ yíg ɓɔ̄ váŋ, ɔ pám á tísɔn li kɛ á Betánia, ápah a loohɛ́ɛ díɓe.

Matéus 5:14

Ɓɛ́nɛ nɛ́ miní lɛ́ mípūū mí ŋkɔŋ-á-sí. Tísɔn nyí ɛ kahɛ́ á lóō lí ɔ́kolá ɛ ŋgá sɔlɔ ɓé.

Yohánɛs 8:12

Ámbúh náŋ, Yésus ɔ laga sīg-pɛ jéŋ límut nɛ́: «Ma nɛ́ mi lɛ mípūū mí ɓot bí ŋkɔŋ-á-sí Nyɔ́ la nyɔ́ a ŋga ōŋ ma a ŋgá kɛ ɓé lí wɛɛhɛnɛ á lívito, ag ɓɛ́la mipúú mí ŋga tíi eniŋ.»

Yohánɛs 12:37

Tɔ náŋ kaa a ɓɔŋɔ́ɔ́ bíŋ binanaŋga bí mam bísɛ, ɓot bí ŋgí yéɓe ɓé la nyɛ́.

Yohánɛs 12:46

Ma nɛ́ mi lɛ mípūū, ma sɔ́ á ŋkɔŋ-á-sí, nɛ́ nyɔ́ la nyɔ́ a ŋga yéɓe la ma, ah tɔɓág ɓé pɛ átē a livito.