Yohánɛs 12:31 - Esaa-líat ɛ́ péná

³¹ Nyí vɔ́ŋɔ́ɔ nɛ́ bí ŋga kááhɛ ɓot bí ŋkɔŋ-á-sí, nyí vɔ́ŋɔ́ɔ, ŋ̀kanʼyɛ a ɓot bí nyú ŋkɔŋ-á-sí ag lééɓɛ á ápūū.

Yohánɛs 12:31 ပူးပေါင်းရင်းမြစ်များ

Matéus 12:28

Ndí kíyáɓɛ́nɛ la M̀búl nyú Ɔ́lolómɛ̄ nɛ mi ŋga dúhu mimbúl míɓē, yíán hɔ́ nɛ Likanʼyɛ lí Ɔ́lolómɛ̄ lá nyɛ́glé ɓɛ́nɛ.

Yohánɛs 14:30

Li ɓotle nyí lɛn, mi ŋgá kwɛ̄l ɓé pɛ ma la ɓɛ́nɛ, ányúū nɛ́ ŋ̀kanʼyɛ a nyú ŋkɔŋ-á-sí a lɛ lí sɔ́; tɔ náŋ kaa a ŋgá la ɓé ma lí ɓɔŋ lí tɔ jam.

Yohánɛs 3:19

Nyúŋ ŋkál, wɔ́ nyú nɛ́: mipúú má sɔ́ á ŋkɔŋ-á-sí, ndí ɓot bú pɔ̄hɔ́ lívito, ányúū nɛ misɔ́n máɓá mí lɛ́ míɓē.

Yohánɛs 9:39

Ámbúh náŋ, Yésus ɔ lága nyɛ nɛ́: «Ma sɔ́ ja lí kááhɛ lí ɓot bí ŋkɔŋ-á-sí, á lí ɓɔŋ nɛ́ ɓá bí ŋgí ɛ́nan ɓé bí ɛ́nán, ɓá ki bí ŋga ɛ́nan bí ku ndím.»

Misɔ́n mí Ɓáōmɓɛ 26:18

á lí lege lí mɔ̄ miíh la li ɓógtɛ lí mɔ́ á lívito li kɛla lí mɔ á mipúú, li ɓógtɛ lí mɔ̄ á mɔ mí Sátan, li kɛla lí mɔ̄ á yóg Ɔlolómɛ̄, nɛ́ ndí mí kuh elaakɛ-miɓé la li nyɔŋ lí joga á émbāmbá elɔŋ la ndog ɓayéɓe li oŋle la ŋyéɓé bí byɛ́ɛ̄ la ma.›

Elōg-Kɔlínto 1 1:20

Mut-a-peg a lɛ véé é? Ŋ̀yí-mbéndá a lɛ véé é? Ŋ̀yí-ŋkwɛl a yé eceg ɛ́ lɛn a lɛ véé é? Ɔlolómɛ̄ a étɛ́ nɛ peg ɛ ŋkɔŋ-á-sí ɛ́ lɛ̄ jām lí nzeg!

Elōg-Kɔlínto 1 1:21

Ákaa ɛ́sɛ, kasig ŋkɔŋ-á-sí li oŋle la peg yɛ́ɛ̄ wáh la ɓé li lemlene lí Ɔ́lolómɛ̄ átē a peg yɛɛ́, ányúū náŋ nɛ́ Ɔlolómɛ̄ a súgɛ́ nɛ ag suŋ ɓá bísɛ bí ŋga yéɓé la nyíŋ pɔ́l bi ŋga lɛ́gɛ, nyí ɛ lɛ̄ káa jam lí nzeg ányúū ɓot-bí-bínam.

Elōg-Kɔlínto 2 4:4

ányúū ɓá bí ŋgá yéɓe ɓé, ɓá bí lɛ́ nɛ́ loó lí nyí sí lá dím éyī, nɛ́ ndí bíh ɛ́nɛ́g ɓé épaa yé Pɔ́l M̀ɓɛɛŋ nyí lípēm lí Nyɔ́-a-Pɔ́hlɛ, nyɔ́ a lɛ á édīŋgɛ́-díŋgɛ yé Ɔ́lolómɛ̄.

Elōg-Éféso 6:12

átɔm nɛ́, ah la ɓot-bí-bínam ɓé nɛ́ bi ŋga dúu, ndí biíg du la Mikanʼyɛ mí lɛ́ á lōó, la patí Ŋguu ɛ́sɛ ɛ́ lɛ́ á lōó, la Ɓaɓémbɛ bí nyú ŋkɔŋ á lívito, la mimbúl míɓē mí lɛ́ á lóō.

Elōg-Kólóso 2:15

A yáanɛ́ Migɔ́mna mísɛ la Ŋguu ɛ́sɛ yɛmɛ́, ɔ yáanɛ́ ɓɔ jam lí vɔl á ntélélé, ɔ ɔ́ŋgɔ́ míŋ Migɔ́mna la yíŋ Ŋguu á sí, ɔ kɛ́la ɓɔ́ ŋkómá á elɔŋ ɛ́ ɓot ɛ́ ŋga sóphɛ la mivag nɛ́ Yésus a dí mbásá cíŋ.

Elōg-Hébɛl 2:14

Kasig ɓáŋ ɓɔɔ́n bí lɛ́ ɓot-bí-bínam, bú oŋgɓɛ́ nyaa ya á nyuú la á micii, Yésus ki a yāán kaa ɓɔ́, ɔ púnān la ɓɔ́ á líɓɛ́ɛg lí mut-a-binam. Ányúū náŋ nɛ́, li kele la nyɛmb yɛɛ́, a yáanɛ́ ǹsɔhɔ yɛmɛ́, nyɔ́ a mɓɛ́ a byɛ́ɛ́ ŋguu nyí li óm á nyɛmb.

Yohánɛs 1 3:8

Nyɔ́ la nyɔ́ a ŋga ɓɔ̄ŋ aɓé a lɛ á épah ɛ́ ǹsɔhɔ, ányúū nɛ li ɓotle á ɔkolpáŋá, ǹsɔhɔ a lɛ m̀ɓɔŋ-miɓé. Jɔ́ nɛ́, Mɔɔ́n Ɔlolómɛ̄ a sɔ́ á lí cɛ́hɛ lí mísɔ̄n mí ǹsɔhɔ.

Yohánɛs 1 4:4

Á ɓɔ́ɔ̄n ɓáma, kasig miní lɛ́ ɓɔ́ɔ̄n bí Ɔlolómɛ̄, maná dí ɓáŋ ɓapɔ́tle-bí-Ɔ́lolómɛ̄ bí mínaa cíŋ, ányúū nɛ́ M̀búl á Ɔlolómɛ̄ á lɛ́ la ɓɛ́nɛ, ág loo nyú á lɛ́ á ŋkɔŋ-á-sí.

Yohánɛs 1 5:19

Biíg yí nɛ́ bi lɛ́ ɓá bí Ɔlolómɛ̄, ndí, ŋkɔŋ-á-sí ásɛ á lɛ́ á sí likanʼyɛ lí Ǹlem.