Yohánɛs 12:25 - Esaa-líat ɛ́ péná

²⁵ Nyɔ́ la nyɔ́ a ŋga dīŋ eniŋ yɛ́ɛ́, ag kɛ yɔ́ lí jáŋɛ, ndí tɔ nzáá a ŋgá tiŋɓé ɓé até, mú á nyú ŋkɔŋ-á-sí, ag kɛ yɔ́ lí tombanɛ ányúū éniŋ éɓem.

Yohánɛs 12:25 ပူးပေါင်းရင်းမြစ်များ

Matéus 10:39

Nyɔ́ la nyɔ́ a ŋga sómo lí suŋ lí éniŋ yɛ́ɛ́, ag kɛ yɔ́ lí jáŋɛ. Ndí nyɔ́ á ŋga jáŋɛ eniŋ yɛ́ɛ́ ányúū yama, ag kɛ yɔ́ lí tombanɛ.

Matéus 16:25

Ákaa ɛ́sɛ, tɔ nzáá a ŋga sómo li suŋ lí éniŋ yɛ́ɛ́, ag kɛ yɔ́ lí jáŋɛ; ndí nyɔ́ a ŋga kɛ́ li jáŋɛ lí éniŋ yɛ́ɛ́ ányúū yáma, ag kɛ yɔ́ lí tombanɛ.

Matéus 19:29

Jɔ́ nɛ́, nyɔ́ la nyɔ́ a ŋga yíg ndáá yɛ́ɛ́, elōgnyāŋ yé páam la yé ɓondígá, ɛsáŋɛ́, nyaŋɛ́, ɓɔɔ́n ɓɛ́ɛ́ tɔ mindíí mɛ́ɛ́ ányúū joó jáma, ag kɛ li kuh náŋ ŋgandag sīg-pɛ, ndí á kūh ki eniŋ éɓem kaa joga.

Málkus 8:35

Jɔ́ nɛ́, tɔ nzáá a ŋga sómo li suŋ lí éniŋ yɛ́ɛ́, ag kɛ yɔ́ li jáŋɛ; ndí nyɔ́ a ŋga kɛ́ lí jáŋɛ lí éniŋ yɛ́ɛ́ ányúū yama la ányúū Pɔ́l M̀ɓɛɛŋ, ag kɛ yɔ́ lí tombanɛ.

Lúkas 14:26

«Nyɔ́ la nyɔ́ a ŋga ōŋ ma, a nyɛ́ɛ li cóó lí ɛsáŋɛ́, nyaŋɛ́, ŋ̀gáá wɛ́ɛ́, ɓɔɔ́n ɓɛ́ɛ́, elōgnyāŋ yé páam la yé ɓondígá, ndí la eniŋ yɛ́ɛ́ nyɛ́-mɛ̄n ki. Ah la náŋ ɓé, a sē ɓé nɛ a la li ɓɛ́ lí ŋ̀yége wama.

Lúkas 17:33

Tɔ nzáá a ŋga kɛ́ li somo lí lí kómbɛ lí éniŋ yɛ́ɛ́ ag kɛ yɔ́ lí jáŋɛ, ndí tɔ nzáá a ŋga kɛ́ yɔ́ lí jáŋɛ, ag kɛ yɔ́ lí tombanɛ.

Misɔ́n mí Ɓáōmɓɛ 20:24

Ndí ányúū yáma, eniŋ yáma ɛ́h byɛ́ɛ́ ɓé nsɛ́ŋ tɔ wá. Miɔ́ŋɔ máma mí lɛ́ nɛ́ mi pám la ŋgómán wama la nsɔ́n wama á lísūg, bí Ɛtáŋɛ Yésus a byéehɛ́ ma, nyúŋ ŋgómán la nyúŋ nsɔ́n nɛ bí lɛ́ li tíi lí mbóŋ nyí Pɔ́l M̀ɓɛɛŋ nyí ediŋ Ɔ́lolómɛ̄.

Misɔ́n mí Ɓáōmɓɛ 21:13

Ndí, nyɛ́ ɔ pélē ɓɛ́hɛ nɛ́: «Ányúū yéé miní ŋga ɓɔ́tɛ ma m̀mím la liwú jáná é? Má, mag yéɓe nɛ́ mi kágɓɛ́ɛ, mi wúēlé ki á Yélūsalɛm á joó lí Nyɔ́ŋ-Ɛsáŋɛ́ Yésus.»

Elōg-Hébɛl 11:35

Li kele la ŋyéɓé nɛ ɓondígá ɓá bí timáán lí kuh lí mímbim mí ɓasáŋɛ́ ɓáɓá ɓá bí pahyéé la ɓɔ́ bú tɔ́ɔ̄ pɛ la ɓɔ́. Ɓot ɓatám bí kūhúú ndéeŋgɛ ŋgandag nyí ɛ ómóó ɓɔ́ á nyɛmb, ndí bí púnúú nɛ́ bí mwah ɓɔ́, bú yéɓé lí wú kasig bí ɓɛ́ɛ́ bí tíŋɛ á ŋyéɓé, nɛ́ ndí bí pahyé, bí níŋgí á éniŋ yé yá loohán lí ɓɛ́ lí élɔ́ŋgɔ.

Biyɛ́ɛ́léné 12:11

Ndí, elōgétāŋ yáhá, yá dí nyɛ cíŋ, li loole la micii mí mɔɔ́n ntómbɛ́ la mbóŋ nyí eɓaŋgá Ɔ́lolómɛ̄ ɓá tíi. Ɓáh kɔn ɓé woŋ li tíi lí éniŋ yáɓá á nyɛmb.