Yohánɛs 12:23 - Esaa-líat ɛ́ péná

²³ Yésus ɔ pélē ɓɔ nɛ́: «Ŋgɛ́ŋ ya kɔlan nyí Mɔɔ́n Mut a nyɛ́ɛ li kuh lí lípēm.

Yohánɛs 12:23 ပူးပေါင်းရင်းမြစ်များ

Matéus 25:31

«Eceg Mɔ́ɔ̄n Mut a ŋga kɛ́ li sɔ́ átē a lipém jɛ́ɛ́, elɔŋ la áŋgɛl ɛ́sɛ, váŋ nɛ̄ a ŋga kɛ́ li tɔɔ á étɔɓé-líkanʼyɛ yɛ́ɛ́.

Matéus 26:45

Váŋ nɛ̄ a sɔ́ hɔ́ á ŋgwáāg ɓaómɓɛ ɓɛ́ɛ́, aá la ɓɔ́ nɛ́: «Lálkágán hɔ́, miní vɛ́ɛɓán! Léɓyán, ŋgɛ́ŋ ya sīŋgle nyí Mɔɔ́n Mut a ŋga nūŋlɛ á mɔ́ mí ɓáɓɔŋ-miɓé.

Málkus 14:35

La nyɛ́ ɔ nɛ́ŋɛ̄ puh, ɔ lééɓán á sí, ɔ kánɛ nɛ́: «kíyáɓɛ́nɛ náŋ ag la li ɓɔŋɓɛ, nyíŋ ŋgɛ́ŋ esɔghe ɛ nɛ́ŋɛ̄ la ma!»

Málkus 14:41

Ɛnɛ́ a sɔ́ sīg-pɛ ŋgele yá yáhɛ ɛ́ŋháa, aá la ɓɔ́ nɛ́: «Lálkágán hɔ́, miní vɛ́ɛɓán! Náŋ a súg, ŋgɛ́ŋ ya kɔlan. Léɓyán sig, Mɔɔ́n Mut ag nuŋlɛ á mɔ mí ɓáɓɔŋ-miɓé.

Yohánɛs 12:16

Ɓayége ɓɛ́ɛ́ ɓáh dúgu ɓé lí sɔ́ŋtánɛ lí yé ɛ́ ŋgí loo, ndí ɛnɛ́ ɓá ɛ́n Yésus eceg a níŋgléé á lípēm jɛ́ɛ́, váŋ nɛ́ ɓá ɔ́ŋɔ nɛ́ náŋ a ciiɓɛ́ɛ likɔlɓan la nyɛ́, la ki nɛ́ yé ɛ́sɛ Licii-Lipúán lá pɔ́t yɔ́ nɛ́ ɛ́ lɛ́ lí yál ányúū yɛ́ɛ̄.

Yohánɛs 12:27

Nyí vɔ́ŋɔ́ɔ, m̀mím wáma wá tuŋglan. Ɓaá yéé mi lágá é? Mi lágá nɛ́ Etāa, sūŋ ma á nyíŋ ŋgɛ́ŋ é? Kɛ́m, ányúū nɛ́ ma sɔ́lé tín-tín ányúū yɔ.

Yohánɛs 13:1

Á nlááhɛ a ŋgand Páska nyí Elōg-Yúda, Yésus a ŋgí yí nɛ́ ŋgɛ́ŋ yɛ́ɛ̄ li ɓógo á nyú ŋkɔŋ-á-sí li kɛ á yóg Ɛsáŋɛ́ ya kɔlan. Kasig a diŋíí ndog yɛ́ɛ̄ ɛ lɛ á ŋkɔŋ-á-sí, ɔ dīŋ yɔ li loo lí ɔ́vega.

Yohánɛs 7:39

A ŋgí kwɛlene M̀búl Mpúán nyɔ́ a lɛ nɛ́ ɓot ɓá yéɓe la nyɛ́ bí ŋgí kɛ lí kuh. Á mbálɛ, M̀búl Mpúán a ɓɛ́ɛ́ ŋgí lí suh ányúū nɛ Yésus a ɓɛ́ɛ́ ŋgí lí níŋgi á lípēm jɛ́ɛ́.