Yohánɛs 11:53 - Esaa-líat ɛ́ péná

⁵³ Múŋ á víŋ ɔlɔ́ hɔ́ nɛ́ bí súghɛ́ɛ nɛ́ bíg ólhánɛ Yésus.

Yohánɛs 11:53 ပူးပေါင်းရင်းမြစ်များ

Matéus 12:14

Eceg ɓá pámlé á ndáá-miɓomán, ɓot bí Falísái bú tɔ́ɔ̄ á émɔga á lí ɔ́ŋɔ nɛ̄-láá ɓá nyɛɛ́ lí ólhánɛ lí Yésus.

Matéus 16:21

Váŋ á yéŋ eceg nɛ́ Yésus Kilístus a ɓōtlé lí yéglɛ lí ɓáyēge ɓɛ́ɛ́ nɛ́, ɛ́g somlɛ nɛ́ a ɓét á Yélūsalɛm, ɓacɛ́ŋ bí lílōmɛ, ɓakanʼyɛ ɓatíi-nsúlé la ɓayí-mbéndá bí teeŋgɛ́ nyɛ́ ŋgandag, bí ólhánɛ nyɛ́, ndí á ɔ́lɔ̄ vá yáhɛ áŋháa a páhyé.

Matéus 22:46

Mut tɔ wa ah la ɓé nyɛ li pele lí tɔ jam. Li ɓotle la víŋ ɔlɔ́, mut tɔ wa ah bihi ɓé pɛ nyɛ́ jam tɔ já.

Matéus 26:4

Bú ámblán nɛ bíg ɓɔŋ nsóómbá á lí byee lí Yésus, bí ól nyɛ́.

Matéus 26:59

Á póla eceg, kí ɓákanʼyɛ ɓatíi-nsúlé la ɓot bí ɔ́ku-vicɛ́ŋ-ví-bíkāāhɛ́nɛ́ bíg somle Yésus njɔm nyí ɛ ŋga sɔ́la nyɛ́ ékɔ́ghɛ yé nyɛmb.

Málkus 14:1

Alɔ́ áɓáa ɔ́sū ví ŋgand Páska la nyí bikɔgá bí ŋgíla esaŋɛ, ɓakanʼyɛ ɓatíi-nsúlé la ɓayí-mbéndá bí ŋgí somo nsóómbá á li byee lí Yésus nɛ́ bí ól nyɛ́.

Málkus 3:6

Eceg ɓá pámléné muŋ á ndáá-miɓomán, ékūyá-kúyá ɓot bí Falísái la ɓot bí nlɔŋ á Élóde bú tɔ́ɔ̄ á émɔga á li ɔ́ŋɔ nɛ́ láá ɓá nyɛɛ́ li ólhánɛ lí Yésus.

Yohánɛs 11:47

Ɓakanʼyɛ ɓatíi-nsúlé la ɓot bí Falísái bú kɔ̄tán á ɔ́ku-vicɛ́ŋ-ví-bíkāāhɛ́nɛ́, la ɓɔ́ bú lagá nɛ: «Yéé ɓa nyɛ́ɛ li ɓɔŋ é? Nyɔ́ mut ag ɓɔŋ ŋgandag binanaŋga bí mam.

Yohánɛs 12:10

Váŋ nɛ́ ɓakanʼyɛ ɓatíi-nsúlé ɓá súgɛ́ hɔ́ nɛ́ Lásalo ki a nyɛɛ lí wú,

Yohánɛs 7:1

Ámbúh náŋ, Yésus ɔ kóndyé lí wɛɛ á Galiléa. A ŋgí somo ɓé pɛ li wɛɛ á Yúdēa, átɔm nɛ́ ɓɔɔ́n bí Élōg-Yúda bí ŋgí somo nyɛ́ lí ólhánɛ.

Misɔ́n mí Ɓáōmɓɛ 5:33

Ɛnɛ́ ɓot bí ɔ́ku-vicɛ́ŋ-ví-bíkāāhɛ́nɛ́ ɓá ámblé bíŋ biɓaŋgá, bú ála ŋgandag la ɓɔ́ bú sōmó li ólhánɛ lí ɓáōmɓɛ.

Misɔ́n mí Ɓáōmɓɛ 9:23

Ámbúh ntaandá á eceg, ɓáŋ ɓɔɔ́n bí Élōg-Yúda bú ámblán nɛ ɓá nyɛɛ́ lí ól lí Sául.