Yohánɛs 11:47 - Esaa-líat ɛ́ péná

⁴⁷ Ɓakanʼyɛ ɓatíi-nsúlé la ɓot bí Falísái bú kɔ̄tán á ɔ́ku-vicɛ́ŋ-ví-bíkāāhɛ́nɛ́, la ɓɔ́ bú lagá nɛ: «Yéé ɓa nyɛ́ɛ li ɓɔŋ é? Nyɔ́ mut ag ɓɔŋ ŋgandag binanaŋga bí mam.

Yohánɛs 11:47 ပူးပေါင်းရင်းမြစ်များ

Matéus 26:3

Váŋ nɛ̄, ɓakanʼyɛ ɓatíi-nsúlé la ɓacɛ́ŋ bí lílōmɛ ɓá kómān á ndáá-ecɛ́ŋ nyí ŋ̀kanʼyɛ ǹcɛ́ŋ a ɓatíi-nsúlé nɛ́ Kaífa.

Matéus 5:22

Ndí ma, mag laga ɓɛ́nɛ nɛ́: tɔ nzáá a ŋga álye mɔɔ́nyāŋ, bíg kɛ la nyɛ́ á bíkááhɛ́nɛ́. Nyɔ́ la nyɔ́ a ŋga kɛ́ li óŋo lí mɔ́ɔ̄nyāŋ nɛ́: ‹Ejóŋ-mut›! Bíg kɛla nyɛ́ á ŋkál á ɔ́ku-vicɛ́ŋ-ví-bíkāāhɛ́nɛ́. Nyɔ́ ki a ŋga óŋo nyɛ́ nɛ́: ‹Mut-a-nzeg›, a kɔ́ɔ́ nɛ́ bí léé nyɛ́ á éɓēl yé nzáan.

Málkus 14:1

Alɔ́ áɓáa ɔ́sū ví ŋgand Páska la nyí bikɔgá bí ŋgíla esaŋɛ, ɓakanʼyɛ ɓatíi-nsúlé la ɓayí-mbéndá bí ŋgí somo nsóómbá á li byee lí Yésus nɛ́ bí ól nyɛ́.

Lúkas 22:2

Ɓakanʼyɛ ɓatíi-nsúlé la ɓayí-mbéndá bí ŋgí somo nzen á li ól lí Yésus, átɔm nɛ́ bí ŋgí kɔn lilóm woŋ.

Yohánɛs 11:57

Ɓakanʼyɛ ɓatíi-nsúlé la Elōg-Falísái bú tí ndag nɛ́, nyɔ́ la nyɔ́ a ŋga yí voóm Yésus a lɛ, a lagá á li ɓɔŋ nɛ́ bí byee nyɛ́.

Yohánɛs 12:19

Ɓɔɔ́n bí Falísái bú laglán hɔ́ nɛ: «Léɓyán sig kaa ɓot bísɛ bí ŋga ōŋ nyɛ́, miní sē ɓé pɛ nɛ́ maná ɓɔ̄ŋ tɔ jam!»

Yohánɛs 2:11

Míŋ nɛ́ mí lɛ́ mínɛ́ŋ mí ɔsú Yésus a ɓɔŋ á tísɔn nyí Kána á Galiléa. A étɛ́ lipém jɛ́ɛ́, la ɓayége ɓɛ́ɛ́ bú yéɓé la nyɛ́.

Yohánɛs 6:2

Edila límut yú ōŋ nyɛ ányúū nɛ́ lí ŋgí ɛ́n bínanaŋga bí mam a ŋgí ɓɔŋle ɓakɔɔ́kɔ̄n.

Yohánɛs 7:32

Mam ɓot bí ŋgí sɔ̄glan likɔlɓan la nyɛ́, mú pám á míɔ̄ɔ̄ mí Élōg-Falísái. Váŋ nɛ́ ɓakanʼyɛ ɓatíi-nsúlé la ɓot bí Élōg-Falísái ɓá óm Ɓatát á lí byee lí nyɛ.

Yohánɛs 7:45

Ɓatát bú tímān hɔ́ a mbóg ɓakanʼyɛ ɓatíi-nsúlé la ɓot bí Élōg-Falísái, ɓáŋ bú bíhī ɓɔ nɛ́: «Ányúū yéé manáh sɔ́la ɓé nyɛ́ é?»

Misɔ́n mí Ɓáōmɓɛ 5:21

Ɓaómɓɛ bú óglé áŋgɛl. La miyɛ́ mí kítí, bú kɛ á ndáá-ēcɛ́ŋ-Ɔlolómɛ̄, li pám wóŋ, bu ɓōtlé lí yéglɛ. Ɛnɛ́ ŋ̀kanʼyɛ ǹcɛ́ŋ a ɓatíi-nsúlé la elɔŋ yɛ́ɛ́ ɓá sɔ́, bú tɔ́ɔyɛ́ ɔ́ku-vicɛ́ŋ-ví-bíkāāhɛ́nɛ́, ví ví lɛ́ étɔ yé ɓácɛ̄ŋ bí ɓɔ́ɔ̄n bí Íslāɛl, la ɓɔ́ bú óm nɛ bí nyɔ̄ŋ ɓaómɓɛ á ndáá-m̀ɓog bí sɔ́la ɓɔ́.

Misɔ́n mí Ɓáōmɓɛ 5:24

Ɛnɛ́ ŋ̀kanʼyɛ ɓatát ndáá-ēcɛ́ŋ-Ɔlolómɛ̄ la ɓakanʼyɛ ɓatíi-nsúlé ɓá ámblé nyíŋ pɔ́l, náŋ ɔ nyágɛ́ ɓɔ ŋgandag la ɓɔ́ bú ɓātɓán yé yá loolé ɓáōmɓɛ.