Yohánɛs 11:4 - Esaa-líat ɛ́ péná

⁴ Ɛnɛ́ a ámblé náŋ ɔ lagá nɛ́: «Víŋ ɔkɔn ví ŋga ól ɓé nyɛ́, la vɔ́ nɛ́ lipém lí Ɔlolómɛ̄ lí ŋga ɛ́nyéne; li kele la vɔ́ nɛ́ bí ŋga kɛ́ li tíi lí Mɔɔ́n Ɔlolómɛ̄ lipém.»

Yohánɛs 11:4 ပူးပေါင်းရင်းမြစ်များ

Yohánɛs 10:38

Ndí, kíyáɓɛ́nɛ mɔ́ nɛ́ mi ŋga ɓɔ̄ŋ, tɔ manáh yéɓe ɓé la ma, yéɓyán ányúū míŋ misɔ́n, á li ɓɔŋ nɛ́ miní yí, miní sɔ́ŋtánɛ ki nɛ́ Etāa a lɛ até wama, mág mu ɓɛ́ até a Etāa.»

Yohánɛs 11:40

Yésus ɔ lága nyɛ nɛ́: «Ɓaá, máh laga ɓé wa nɛ́ kíyáɓɛ́nɛ ɔ byɛ́ɛ ŋyéɓé ɔg kɛ li ɛ́n lí lípēm lí Ɔ́lolómɛ̄ é?»

Yohánɛs 12:28

Etāa, tí jóō jɔ́ɔ lipém.» Váŋ hɔ́ nɛ cíŋ ya sɔ́léné á lóō yu lága nɛ: «Ma tí jɔ lipém, mag kondye ki jɔ́ lí tíi lí lípēm.»

Yohánɛs 17:1

Ɛnɛ́ Yésus a mánɛ li pɔ́t náŋ, ɔ ɓétɛ́ miíh á lóō, ɔ kánɛ́ nɛ: «Etāa, ŋgɛ́ŋ ya kɔlan, tí Mɔɔ́n wɔ́ɔ lipém, á lí ɓɔŋ nɛ́ Mɔɔ́n wɔ́ɔ nyɛ́g a tí wa lipém.

Yohánɛs 17:10

Kasig yé ɛ́sɛ ɛ lɛ́ ɛ́yáma ɛ́ lɛ́ ɛ́yɔ́ɔ, náŋ ki nɛ́ yé ɛ́sɛ ɛ́ lɛ́ ɛ́yɔ́ɔ ɛ́ lɛ́ ɛ́yáma. Lipém jáma líg ɛ́nyéne á nyúū yāɓá.

Yohánɛs 17:5

Nyí vɔ́ŋɔ́ɔ Etāa, ɓɔ̄ŋ nɛ́ mi kuh lipém á ŋgwáāg yɔ́ɔ, jé lipém mi ɓɛ́ɛ́la sɔ́kágánɛ́ ŋkɔŋ-á-sí ág vegɓɛ.

Yohánɛs 2:11

Míŋ nɛ́ mí lɛ́ mínɛ́ŋ mí ɔsú Yésus a ɓɔŋ á tísɔn nyí Kána á Galiléa. A étɛ́ lipém jɛ́ɛ́, la ɓayége ɓɛ́ɛ́ bú yéɓé la nyɛ́.

Yohánɛs 5:23

á lí ɓɔŋ nɛ́ ɓot bísɛ bí ditɛ́ Mɔɔ́n kaa bí ŋga dítɛ Ɛsáŋɛ́. Tɔ nzáá a ŋgá ditɛ ɓé Mɔɔ́n, a ŋgá ditɛ ɓé tɔ ki Ɛsáŋɛ́ nyɔ́ a óm nyɛ.

Yohánɛs 8:54

Yésus ɔ pélē ɓɔ́ nɛ́: «Kí ɓɔŋ nɛ́ mag tíi mā-mɛ̄n lipém, kí jéŋ lipém líh byɛ́ɛ́ ɓé ádit; ndí, Etāa nɛ́ a ŋga tíi ma jéŋ lipém, nyɛ́ nɛ́ miní ŋga kātɓan nɛ́ a lɛ Ɔ́lolómɛ̄ wāná.

Yohánɛs 9:24

Elōg-Falísái yú yáŋa nyɔ́ŋ mut a ɓɛ́ɛ́ ndím ŋgele ya yáhɛ́ ɛ́ɓáa, yú lagá nyɛ nɛ́: «Pɔ́t mbálɛ ɔ́sū ví Ɔ́lolómɛ̄! Ɓɛ́hɛ biíg yí nɛ́ nyɔ́ŋ mut a lɛ m̀ɓɔŋ-miɓé.»

Yohánɛs 9:3

Yésus ɔ pélē ɓɔ nɛ́: «Ɛ́ ɓɛ́ nyɛ́, ɛ́ ɓɛ́ ɓabyál nyɛ́, tɔ mut áh ɓɔŋ ɓé áɓē. Ndí náŋ ag ɓɔŋɓɛ ja á lí somo nɛ́ misɔ́n mí Ɔ́lolómɛ̄ mí ɛ́nyéné á nyúū yɛ́ɛ̄.

Elōg-Lóma 11:11

Mag ɓat hɔ́ nɛ: ɓaá, kasig ɓɔ́ɔ̄n bí Élōg-Yúda ɓá ɓomtan bú ɓɛ́hán, jɔ́ nɛ́ ɓá tígle váŋ nɛ́ ɓam ɓam á m̀ɓɛg é? La mbálɛ, kɛ́m! Ndí li kele la ɔvuha váɓá, mílōm mí sē ɓé mí mí Élōg-Yúda má kūh lísuŋga, nyaa nyí ɛ lɛ nɛ́ lilóm lí Íslāɛl lú kēlé mɔ̄ nzoŋ.

Elōg-Fílípi 1:11

miníg kɛ li ɓɛ́ lí ɓá bí ŋga ɓɔ̄ŋ mísɔ̄n mí tɛ́ɛ́ mí ŋga sɔ́le ɓɛ́hɛ li loole la Yésus Kilístus, ányúū lipém la eɓégɛ yé Ɔ́lolómɛ̄.

Elōg-Fílípi 1:20

Ákaa ɛ́sɛ, li oŋle la yé ɛ́sɛ mi ŋga láaŋke la ehép, li oŋle la lipitá mi byɛɛ́, mi ŋgá kɛ ɓé ma lí wú lí mbɔɔla. Ndí, lipitá jáma lí ŋgí yáhɛ jɔ́ lísɛ, ányúū nɛ, ɛ́ ɓɛ́ lɛn, ɛ́ ɓɛ́ eceg ɛ́sɛ, lipém lí Nyɔ́-a-Pɔ́hlɛ líg kɛ li ɛ́nyéne á nyúū yáma, li loole la éniŋ yáma tɔ la nyɛ̄mb yama.

Pétlos 1 1:21

Li kele la nyɛ́ nɛ́ miní ŋga yéɓe la Ɔlolómɛ̄, nyɛ́ nɛ́ a pāhyɛ́ nyɛ á póla ɓá ɓá wū, la nyɛ́ ɔ tí nyɛ lipém, nyaa nyí ɛ lɛ̄ nɛ́ máná nāŋʼyéné ŋyéɓé wáná la lipitá jáná la Ɔlolómɛ̄.

Pétlos 1 4:11

Kíyáɓɛ́nɛ mut a byɛ́ɛ́ nɛ́ ag pɔ́t, a lɛ́gɛ́ já éɓaŋgá Ɔlolómɛ̄. Kíyáɓɛ́nɛ mut ag sál, a sál ja la ŋguu Ɔlolómɛ̄ a tí nyɛ, á li ɓɔŋ nɛ́ li kele la Yésus Kilístus, ɓot bí tí Ɔlolómɛ̄ lipém lísɛ, átɔm nɛ́, nyɛ́ nɛ́ a byɛ́ɛ̄ ŋguu la lipém á éɓem la á éɓem. Ɛ́ ɓɛ́ náŋ!

Pétlos 1 4:14

Misɔ́tá la ɓɛ́nɛ eceg bí ŋga óŋo ɓɛ́nɛ ányúū joó lí Nyɔ́-a-Pɔ́hlɛ, ányúū nɛ M̀búl á lípēm, M̀búl á Ɔlolómɛ̄ á lɛ́ la ɓɛ́nɛ.