Yohánɛs 10:36 - Esaa-líat ɛ́ péná

³⁶ Mā mut Etāa a pɔ́hɔ, ɔ óm á ŋkɔŋ-á-sí, ma nɛ́ miní ŋga laga nɛ́: ‹Ɔg vɔ́ɔ́le Ɔlolómɛ̄› ányúū nɛ́ ma lága nɛ́: ‹Mi lɛ Mɔɔ́n Ɔlolómɛ̄› é?

Yohánɛs 10:36 ပူးပေါင်းရင်းမြစ်များ

Matéus 27:43

A vá lípitá jɛ́ɛ́ la Ɔlolómɛ̄, Ɔlolómɛ̄ a sūŋ hɔ́ nyɛ vɔ́ŋɔ́ɔ, kíyáɓɛ́nɛ ag diŋ nyɛ́, átɔm nɛ́ a lāgá nɛ: ‹Mi lɛ Mɔ́ɔ̄n Ɔ́lolómɛ̄!›»

Matéus 27:54

Ɛnɛ́ ŋ̀kanʼyɛ a nlɔŋ á éɓōgo sónja la ɓatát Yésus bí ógtáán kaa sí ya póghan, bú ɛ́n ki kaa mam mí ŋgí loo, bú nát la woŋ la ɓɔ́ bú pɔ́t nɛ: «La mbálɛ, nyɔ́ mut a mɓɛ́ kɔɔ Mɔɔ́n Ɔ́lolómɛ̄!»

Lúkas 1:35

La áŋgɛl yu pélē nyɛ nɛ́: «M̀búl Mpúán ág kɛ wa li suhle, la ŋguu Nyɔlɛ ɛ bútyɛ́ wa ákaa yíɓe, Ányúū náŋ nɛ́, nyɔ́ a ŋga kɛ́ li byáa ag ɓɛ́ mpúán, la li yáŋlɛ nɛ́: Mɔɔ́n Ɔlolómɛ̄.

Yohánɛs 10:35

Ɓáŋ ɓot Ɔlolómɛ̄ a ŋga yáŋa miloó á kálati mbéndá bi lɛ́ ɓot eɓaŋgá yɛ́ɛ́ ɛ́ ŋga légɓe tóɓó-tóɓó. La náŋ mut tɔ wa a ŋgá la ɓé lí veŋe lí yé Lícii-Lipúán lí ŋga lága.

Yohánɛs 17:18

Nlemlem kaa wa óm ma á ŋkɔŋ-á-sí, náŋ nɛ́ mág ma óm ɓɔ́ á ŋkɔŋ-á-sí

Yohánɛs 17:21

nɛ́ ndí ɓɔ́ bísɛ bí ɓɛ́ mut wa kaa ma la wa Etāa, átɔm nɛ́ ɔ lɛ á até wama kaa mág mi lɛ á até wɔ́ɔ. Ɓɔ́g bí ɓɛ́ elɔŋ la ɓɛ́hɛ, á lí ɓɔŋ nɛ́ ɓot bí ŋkɔŋ-á-sí bí yéɓé nɛ́ wa nɛ́ wa óm ma.

Yohánɛs 17:8

La ki nɛ́ biɓaŋgá ma lága ɓɔ, bí lɛ́ bí wa lága ma; ɓá lɛ́glé byɔ, bú yéɓé kɔɔ la mbálɛ nɛ́, ma pámléné á átē wɔ́ɔ, bú yéɓé ki nɛ́ wa nɛ́ wa óm ma.

Yohánɛs 19:7

Ɓakanʼyɛ bí Élōg-Yúda bú tímānɛ̄ nyɛ nɛ́: «Bi byɛ́ɛ́ litiŋ lí mbéndá já, li oŋle la jɔ́, ag nyɛɛ li wú, átɔm nɛ́ a kātɓán nɛ a lɛ̄ Mɔ́ɔ̄n Ɔ́lolómɛ̄!»

Yohánɛs 20:28

Tómas ɔ pélē nyɛ nɛ́: «Ɛtáŋɛ la Lōó jáma.»

Yohánɛs 20:31

Ndí, mí mam má ciiɓɛ́ já á lí ɓɔŋ nɛ́ miní yéɓé nɛ́ Yésus a lɛ Nyɔ́-a-Pɔ́hlɛ, ɔ ɓɛ́ Mɔɔ́n Ɔlolómɛ̄, la nɛ́, kaa maná yéɓe, miní ɓɛ́la eniŋ éɓem a jóō jɛ́ɛ́.

Yohánɛs 3:17

La mbálɛ nɛ́ Ɔlolómɛ̄ āh óm ɓé Mɔɔ́n wɛ́ɛ̄ á ŋkɔŋ-á-sí á lí kááhɛ lí ɓot bí ŋkɔŋ-á-sí, ndí á li suŋ lí ɓɔ.

Yohánɛs 3:34

Jɔ́ nɛ́, mut Ɔlolómɛ̄ a óm ag pɔ́t biɓaŋgá bí Ɔ́lolómɛ̄, ányúū nɛ́ Ɔlolómɛ̄ ag yáhɛ nyɛ́ la M̀búl wɛ́ɛ́ ɛ́h ɓɛ́ ɓé ɔ́vega.

Yohánɛs 5:30

Ma, mí ŋgá la ɓé ma lí ɓɔŋ lí jam tɔ já la mā-mɛ̄n. Mag kááhɛ li oŋle la yé mi ŋga ámble. Mbag-ŋkál yáma mi ŋga tíi ɛ tɛ́ɛ ányúū nɛ mi ŋgá somo ɓé ma li ɓɔŋ lí nsom wáma mā-mɛ̄n, ndí mag ɓɔŋ ja nsom á nyɔ́ a óm ma.»

Yohánɛs 6:27

Jɔ́ nɛ́, miníh sálág ɓé ányúū lidí lí ŋga lɔ́ɓe, ndí sálán ányúū lidí lí ŋgá lɔɓe ɓé, jé lí ŋga tíi eniŋ éɓem, jé Mɔɔ́n Mut a ŋga kɛ ɓɛ́nɛ li tíi, átɔm nɛ́, nyɛ́ nɛ́ Ɛsáŋɛ́, nyɔ́ a lɛ Ɔlolómɛ̄ a vá ndembye ɛ ŋga étɛ nɛ́ nyɛ́ Ɔlolómɛ̄ a lɛ élɔŋ la nyɛ́.»

Yohánɛs 6:38

Átɔm nɛ́ ma sɔ́léné á lóō á lí ɓɔŋ lí nsom á mut a óm ma, ndí ah nsom wáma ɓé.

Yohánɛs 6:57

Nlemlem kaa Etāa a óm ma a lɛ á éniŋ, ndí mág mú ɓɛ́ á éniŋ li kele la nyɛ́, jɔ nɛ́ tɔ nzáá a ŋga dí nyuú yáma ag kɛ li niŋ li kele la ma.

Yohánɛs 6:69

Ɓɛ́hɛ ɓaá yéɓé, ɓaá yí nɛ́ ɔ lɛ Nyɔ́-mpúán a Ɔlolómɛ̄.»

Yohánɛs 8:42

Yésus aá la ɓɔ nɛ́: «Ki ɓɔŋ nɛ́ Ɔlolómɛ̄ a ɓɛ́ɛ́g ɛsɔ́ŋɛ́ wāná, ki maná dīŋ ma, átɔm nɛ́ ma pámléné á átē a Ɔlolómɛ̄ li sɔ́ vá, māh sɔ́ ɓé ma la mā-mɛn, Nyɛ́ nɛ́ a óm ma.

Elōg-Lóma 1:4

li loole la M̀búl Mpúán, Ɔ́lolómɛ̄ ɔ tɛ́ɛ́yɛ́ nyɛ́ Mɔ́ɔ̄n wɛ́ɛ̄, ɔ tí nyɛ ŋguu, eceg a pāhyɛ́ nyɛ̄ á póla ɓá ɓá wū. Nyɛ́ nɛ́ a lɛ Yésus Kilístus Ɛtáŋɛ wahá.

Elōg-Lóma 8:3

Ɔlolómɛ̄ a ɓɔ̄ŋ yé mbéndá yāh la ɓé li ɓɔŋ, ányúū nɛ, nyíŋ mbéndá ɛh ɓɛ́ɛ́la ɓé ŋguu nyí li kanʼyɛ lí mut-a-binam átē a aɓɔt wɛ́ɛ́. Ányúū li kɔ́ghɛ lí áɓē nɛ āh ɓɛ́ɛ́la ɓé pɛ ŋguu tɔ ya á nyúū nyí mut-a-binam, Ɔlolómɛ̄ a óm Mɔ́ɔ̄n wɛ́ɛ̄ á épunan yáhá la nyuú nyí miɓé, nɛ́ a ɓógtɛ́ ɓɛ́hɛ á áɓē.

Elōg-Lóma 9:5

ɔ tí ɓɔ ɓasáŋɛ́ bí ŋga yílɛ. Á lílōm jáɓá nɛ Nyɔ́-a-Pɔ́hlɛ a byááyénéé á líɓɛ́ɛg lí mut-a-binam, nyɛ́ nɛ́ a lɛ Ɔ́lolómɛ̄ a kahɛ́ á lōó lí mam mísɛ. Eɓégɛ ɛ́ ɓɛ́ la nyɛ́ nɛ́-tɛ́ɛ la á éɓem! Ɛ́ ɓɛ́ náŋ.

Elōg-Gálátia 4:4

Ndí, ɛnɛ́ eceg yá kɔlan, Ɔlolómɛ̄ ɔ óm Mɔ́ɔ̄n wɛ́ɛ̄, nyɔ́ a byáá la mindígá, ɔ ɓɛ́ á sí mbéndá Elōg-Yúda,