Yohánɛs 10:27 - Esaa-líat ɛ́ péná

²⁷ Mitómbɛ́ mí líɓembá jáma míg ámble cíŋ yáma, mag yí mɔ́, mɔ́g míg oŋ ma.

Yohánɛs 10:27 ပူးပေါင်းရင်းမြစ်များ

Matéus 16:24

Ámbúh náŋ, Yésus ɔ lága ɓáyēge ɓɛ́ɛ́ nɛ́: «Nyɔ́ la nyɔ́ a ŋga sómo ma lí oŋ, a vólánɛ̄ nyɛ́-mɛ̄n, a ɓɛ́gɛ̄ ja mbásá yɛ́ɛ̄, a óŋ ma.

Matéus 17:5

Kasig a ɓɛ́ɛ́ a ŋgí pɔ́tɔg, mbaga ɛ ŋga páa yu bútyɛ́ ɓɔ, la cíŋ yu pámlé muŋ, yu lága nɛ: «Nyɔ́ nɛ́ a lɛ édidíŋɛ yáma Mɔɔ́n, nyɔ́ ma dīŋ lí pɔhɔ. Miní óglé nyɛ́!»

Matéus 25:12

Ndí, nyɔ́ŋ ɔ pélē ɓɔ̄ nɛ́: ‹La mbálɛ mag laga ɓɛ́nɛ nɛ́, mi ŋgá yí ɓé ma ɓɛ́nɛ.›

Matéus 7:23

Váŋ nɛ́ mi ŋga kɛ ɓɔ́ lí laga nɛ́: ‹Mi ɓáág ɓɛ́nɛ ŋgí lí yí, ɓógyán mā váŋ, ɓɛ́nɛ ɓá miní ŋga ɓɔ̄ŋ aɓé!›»

Málkus 10:21

Yésus ɔ légɓé nyɛ, nyɔ́ŋ ɔ nyɛ́ɛlé nyɛ, ɔ lága nyɛ nɛ́: «Jam jáhjá nɛ lí ŋgí tɔɔ́ wa; kɛɛ́n, nuŋú yé ɛ́sɛ ɔ byɛ́ɛ̄, ɔ tí nyúŋ ŋkuh ɓayɛ́ɛ́yɛ́ɛ; la váŋ, ɔg kɛ li kuh lí ábyaŋ á lóō. Ámbúh náŋ, ɔ sɔ́, ɔ ōŋ ma.»

Málkus 8:34

Ámbúh náŋ Yésus ɔ yáŋa límut elɔŋ la ɓayége ɓɛ́ɛ́, aá la ɓɔ́ nɛ́: «Nyɔ́ la nyɔ́ a ŋga sómo ma lí oŋ, a vólánɛ̄ nyɛ́-mɛ̄n, ndí a ɓɛ́gɛ̄ ja mbásá yɛ́ɛ̄, a óŋ ma.

Lúkas 13:27

ag kɛ ɓɛ́nɛ li pele nɛ́: ‹Mi ŋgá yí ɓé ma á véé maná sɔ́le. Ɓógyán ma váŋ á ɓáɓɔŋ-miɓé.›

Lúkas 9:23

Ámbúh náŋ, Yésus ɔ laga ɓɔ́ bísɛ nɛ́: «Nyɔ́ la nyɔ́ a ŋga sómo ma lí oŋ, a vólánɛ̄ nyɛ́-mɛ̄n, ndí a ɓɛ́gɛ̄ ja mbásá yɛ́ɛ̄ ɔlɔ́ sig, a óŋ ma.

Yohánɛs 10:14

Ma nɛ́ mí lɛ́ taŋ ǹtát líɓembá, mag yí mitómbɛ́ máma, mitómbɛ́ máma ki míg yí ma;

Yohánɛs 10:16

Mi byɛ́ɛ́ mitómbɛ́ mítām mí mí sē ɓé a nyí kɔ́tá, mɔ́g ma nyɛ́ɛ mɔ́ li sɔ́la, míg kɛ li ámble lí cíŋ yáma. La náŋ, liɓembá líg kɛ li ɓɛ́ lí já, ǹtát ki a ɓɛ́ wa.

Yohánɛs 10:8

Ɓáŋ bísɛ bí sɔ́ɔ́ ɔ́sū vama bí lɛ ɓot bí wíī la mitɔnɓa, ányúū náŋ nɛ́ mítōmbɛ́ máh ógle ɓé ɓɔ.

Yohánɛs 12:26

Tɔ nzáá a ŋga sómo ma lí ɓɔŋle, a ōŋ ma, átɔm nɛ́, ápah mi lɛ, m̀ɓɔŋle wama ki ag ɓɛ́ váŋ. Tɔ nzáá ki a ŋga ɓɔ̄ŋle ma, Etāa nyɛ́g ag kɛ nyɛ́ lí ditɛ.

Yohánɛs 21:22

Yésus ɔ pélē nyɛ nɛ́: «Náŋ a byɛ́ɛ́ wa yéé é? Kíyáɓɛ́nɛ mag diŋ, ag tɔɔ á éniŋ nɛ́-tɛ́ɛla á mítiman máma, wá hɔ́, ōŋ ma.»

Yohánɛs 5:25

La mbálɛ-mbálɛ, mag laga ɓɛ́nɛ nɛ́, ŋgɛ́ŋ ɛg sɔ́, ya nyɛ́g, ápah ɓá ɓá wū bí ŋga kɛ́ li ámble lí cíŋ Mɔɔ́n Ɔlolómɛ̄ la ki nɛ́ ɓá bísɛ bí ŋga ámble nyɛ́, bíg kɛ li niŋ.

Yohánɛs 8:12

Ámbúh náŋ, Yésus ɔ laga sīg-pɛ jéŋ límut nɛ́: «Ma nɛ́ mi lɛ mípūū mí ɓot bí ŋkɔŋ-á-sí Nyɔ́ la nyɔ́ a ŋga ōŋ ma a ŋgá kɛ ɓé lí wɛɛhɛnɛ á lívito, ag ɓɛ́la mipúú mí ŋga tíi eniŋ.»

Yohánɛs 8:43

Ányúū yéé miní ŋgá ámble ɓé ŋkwɛl wáma é? Ányúū nɛ miní ŋgá la ɓé lí ámble lí bíɓaŋgá byáma.

Misɔ́n mí Ɓáōmɓɛ 3:23

Ndí, tɔ nzáá a ŋgá kɛ ɓé lí ámble lí nyɔ́ŋ m̀pɔ́tle-a-Ɔlolómɛ̄, bíg kɛ nyɛ́ lí ɓógtɛ á lílōm lí Ɔ́lolómɛ̄.

Elōg-Kɔlínto 1 8:3

Ndí tɔ nzáá a ŋga dīŋ Ɔlolómɛ̄, Ɔlolómɛ̄ nyɛ́g ag yí nyɛ́.

Elōg-Gálátia 4:9

Ndí, nyí vɔ́ŋɔ́ɔ hɔ́ miní ŋga yí Ɔlolómɛ̄, tɔ nɛ́ nyɛ́ Ɔ́lolómɛ̄ a ŋga yí ɓɛ́nɛ, nɛ́-láá miní ŋgí óglégé míloó mí míh byɛ́ɛ́ ɓé ŋguu tɔ eɓáha é? Miní ŋgí byɛ́ɛ́ kóó li ɓɛ́ lí míyɔ̄ŋ máɓá é?

Timotéo 2 2:19

Ákaa ɛ́sɛ, jaa Ɔlolómɛ̄ a tɛ́ɛ́yɛ lí lɛ́ ŋguu. Biɓaŋgá byá ciiɓɛ́ muŋ byɔ́ bí nɛ́: «Nyɔ́ŋ-Ɛsáŋɛ́ ag yí ɛ́ɓɛ̄ɛ̄.» La ki nɛ́: «Tɔ nzáá a ŋga lónle Nyɔ́ŋ-Ɛsáŋɛ́, a nɛ́ŋɛ̄ la aɓé!»

Elōg-Hébɛl 3:7

Jɔ́ nɛ́ M̀búl Mpúán a ŋga laga nɛ́: «Nyí lɛn, kí maná ámblé cíŋ Ɔlolómɛ̄,

Biyɛ́ɛ́léné 14:4

Ɓɔ́, bíh ɓɔ̄ŋɔ́ɔ ɓé mpuŋgú la ɓondígá, la náŋ, bí lɛ́ kɔ́njí. Ɓɔ́, bíg oŋ mɔɔ́n ntómbɛ́ tɔ véé á ŋga kɛ̄. Ɓɔ́ nɛ́ ɓá sómɓɛ́ la micii até á ɓot-bí-bínam, jɔ́ nɛ́ ɓá dúgu lí tíéɓɛ lí Ɔ́lolómɛ̄ la mɔɔ́n ntómbɛ́ ákaa mpumu ɔ́sū;

Biyɛ́ɛ́léné 3:20

Ɛ́n sig, mi tɛ́ɛ́ ɔ́sū ví líkooká, mag kɔtye. Kíyáɓɛ́nɛ mut a ámblé cíŋ yama, ndí á légē líkooká, mag níŋgi á ndáá yɛ́ɛ̄, mi dí elɔŋ la nyɛ́, nyɛ́g a dí elɔŋ la ma.