Yohánɛs 1:51 - Esaa-líat ɛ́ péná

⁵¹ Ɔ kóndyé sīg-pɛ nɛ́: «La mbálɛ mbálɛ mag laga ɓɛ́nɛ nɛ́, miníg kɛ li ɛ́n lí lóō lí áhɛ, áŋgɛl Ɔlolómɛ̄ ki ɛ́g ɓét ɛ́g suh á lóō lí Mɔɔ́n mut.»

Yohánɛs 1:51 ပူးပေါင်းရင်းမြစ်များ

Matéus 25:31

«Eceg Mɔ́ɔ̄n Mut a ŋga kɛ́ li sɔ́ átē a lipém jɛ́ɛ́, elɔŋ la áŋgɛl ɛ́sɛ, váŋ nɛ̄ a ŋga kɛ́ li tɔɔ á étɔɓé-líkanʼyɛ yɛ́ɛ́.

Matéus 26:24

La mbálɛ, Mɔɔ́n Mut ag nyɛɛ li wú likɔlɓan la yé yá ciiɓɛ́ ányúū yɛ́ɛ̄. Ndí eɓéé-nyúū la mut a ŋga núŋu Mɔɔ́n Mut. Ɛ́ mɓɛ́ nsɛ́ŋ nɛ ah byááyág ɓé.»

Matéus 3:16

Ɛnɛ́ Yésus a kūh nzóɓan, ɔ pámlé á míndīm. Á nlemlem á éceg, lóō lú léglan la nyɛ́ ɔ ɛ́n M̀búl á Ɔ́lolómɛ̄ ág suhle nyɛ́ ákaa ɔɓeŋ.

Matéus 4:11

Ámbúh náŋ, ǹsɔhɔ ɔ yíg nyɛ, la áŋgɛl yú sɔ́, yú káhá nyɛ li ɓɔŋle.

Matéus 8:20

Yésus ɔ tímānɛ̄ nyɛ̄ nɛ́: «Mbaŋga ɛ́ byɛ́ɛ́ bivóg, anɔn á byɛ́ɛ́ mumbú; ndí Mɔɔ́n Mut nyɛ́, ah byɛ́ɛ́ ɓé línanténé.»

Matéus 9:6

Jɔ́ hɔ́ nɛ, yíán nɛ́ Mɔɔ́n Mut a byɛ́ɛ́ ŋguu nyí li laakɛ lí míɓē á ŋkɔŋ-á-sí» Yésus ɔ lága hɔ́ éɓōg-mut nɛ́: «Tɛ́lɛ́, nyɔ̄ŋ sáŋkálɛ wɔɔ, soóg á yóg yɔ́ɔ.»

Málkus 1:10

Eceg a ŋgí pámle á míndīm, ɔ ɛ́n lóō lú léglan, la M̀búl Mpúán ɔ sūhlé nyɛ ákaa ɔɓeŋ.

Málkus 14:62

Yésus ɔ pélē nyɛ nɛ́: «Ɔɔ, ma nɛ́ mi lɛ nyɛ́, miníg kɛ li ɛ́n lí Mɔɔ́n Mut a tɔ́ɔ̄ á m̀ɓɛ́nlómɛ á Ɔlolómɛ̄ á Ŋguu-Mísɛ ápah a ŋga kɛ́ li sɔ́léne á lóō átē á mbaga.»

Lúkas 2:13

Á ékūyá-kúyá, livuŋ li áŋgɛl lú byáŋ elɔŋ la nyí ɔsú á lí lɔ́ŋghɛ́nɛ li Ɔlolómɛ̄ ŋgoso enyɛŋgɛ la li laga nɛ́:

Lúkas 2:9

Váŋ nɛ́ áŋgɛl nyí Nyɔ́ŋ-Ɛsáŋɛ́ ya pámlé ɓɔ; mipúú mí lipém lí Nyɔ́ŋ Ɛsáŋɛ́ mú díí ɓɔ, la ɓɔ́ bú nát la woŋ.

Lúkas 22:43

Váŋ nɛ́ áŋgɛl ya ɛ sɔ́léé á lóō á li tíi lí nyɛ ŋguu.

Lúkas 22:69

Ndí li ɓotle Vɔ́ŋɔ́ɔ, Mɔɔ́n Mut ag kɛ li tɔɔ á m̀ɓɛ́nlómɛ a Ɔlolómɛ̄ a Ŋguu-Mísɛ.»

Lúkas 24:4

Kasig bí ŋgí yí ɓé pɛ yé bí ɓɔŋ, váŋ nɛ́ ɓot bíɓáa ɓá pámlé ɓɔ, Bí ɓɛ́ɛ́ bí jáhɛ mbɔ́tí ɛ́ ŋga páa ŋgandag.

Lúkas 3:21

Kasig ɓot bísɛ bí kuhúú nzoɓan, Yésus nyɛ́g ɔ kūh nzoɓan. Eceg a ŋgí kánɛ, lóō lú léglan,

Yohánɛs 1:50

Yésus ɔ laga nyɛ nɛ́: «Wa yéɓe ányúū nɛ, ma yó wa nɛ́ ma ɛ́n wa á tín fígiya. Ɔg kɛ li ɛ́n li mam mí ŋga lōo míŋ.»

Yohánɛs 10:1

Yésus ɔ nyɔ̄ŋ mpɔ́t a byɛ́ nɛ́: «La mbálɛ-mbálɛ, ma laga ɓɛ́nɛ nɛ́, tɔ nzáá a ŋgá níŋgléne ɓé á ányu-á-mɓɛ́l á kɔ́tá nyí mítōmbɛ́, ndí á ándlán voóm ntám á lí níŋgi, nyɔ́ŋ mut a lɛ mut a wií, ɔ ɓɛ́ ki ntɔnɓa.

Yohánɛs 10:7

Ɔ nyɔ̄ŋ sīg-pɛ mpɔ́t aá la ɓɔ́ nɛ: «La mbálɛ-mbálɛ, ma laga ɓɛ́nɛ nɛ́, ma nɛ́ mi lɛ likooká lí kɔ́tá mitómbɛ́.

Yohánɛs 13:16

La mbálɛ-mbálɛ, mag laga ɓɛ́nɛ nɛ́, m̀ɓɔŋle a ŋgá loo ɓé ŋ̀kanʼyɛ wɛɛ́, tɔ ŋ̀ómɓɛ ki a ŋgá loo ɓé mut a óm nyɛ́.

Yohánɛs 13:38

Yésus ɔ lága nyɛ nɛ́: «Ɓaá, ɔg la li tíi lí éniŋ yɔ́ɔ ányúū yama é? La mbálɛ-mbálɛ, mag laga wa nɛ́, sɔ́kágánɛ́ nlóm á kúú ag ɔ́ŋ, kí wu táŋɓán ma ŋgele ɛ́ŋháa.»

Yohánɛs 14:12

La mbálɛ-mbálɛ, mag laga ɓɛ́nɛ nɛ́, nyɔ́ la nyɔ́ a ŋga yéɓe la ma, ag kɛ li sál lí misɔ́n mi ŋga sál; mí loo ki ɛmáma, átɔm nɛ́ mag kɛ á yóg Etāa.

Yohánɛs 16:20

La mbálɛ-mbálɛ mag laga ɓɛ́nɛ nɛ́, miníg kɛ li lee la li cɛ́lɛ, kí ɓot bí ŋkɔŋ-á-sí ɓɔ́ bíg sophɛ la mivag. Miníg kɛ li taka, ndí mitaka máná míg kɛ li yaan lí mivag.

Yohánɛs 16:23

Múŋ á víŋ ɔlɔ́, miní ŋgá kɛ ɓé pɛ ma lí bihi lí tɔ jam. La mbálɛ-mbálɛ mag laga ɓɛ́nɛ nɛ́, ki maná ɓāt Etāa jam á jóō jáma, ag kɛ ɓɛ́nɛ jɔ́ lí tíi.

Yohánɛs 21:18

La mbálɛ-mbálɛ, mag laga wa nɛ́, eceg ɔ ɓɛ́ɛ́ ɔ́wāndá, wā-mɛ̄n ɔ ŋgí tiŋ ŋgóli yɔɔ, ɔg kɛ́ ápah ɔ ŋgɔ sómo. Ndí eceg ɔ ŋgɔ́ kɛ́ li un, ɔg ɓɛ́ ja ɔg sámba mɔ ndí mut ntám á tiŋ wa ŋgóli, la nyɛ́ á kɛ́la wa ápah ɔ ŋgɔ́ sómo ɓé.»

Yohánɛs 3:3

Yésus ɔ pélē nyɛ nɛ́: «La mbálɛ-mbálɛ, mag laga wa nɛ́, kíyáɓɛ́nɛ mut āh byáá ɓé líbyáa lí péná, a ŋgá la ɓé lí ɛ́n lí Ékombo yé Ɔlolómɛ̄.»

Yohánɛs 3:5

Yésus ɔ pélē nyɛ nɛ́: «La mbálɛ-mbálɛ, mag lága wa nɛ́, mut tɔ wa a ŋga la ɓé lí níŋgi á Ékombo Ɔ́lolómɛ̄, kíyáɓɛ́nɛ ah mbyááyág ɓé la mindím tɔ la M̀búl Mpúán.

Yohánɛs 5:19

Yésus ɔ nyɔ̄ŋ sīg-pɛ mpɔ́t aá la ɓɔ́ nɛ́: «La mbálɛ-mbálɛ, mag laga ɓɛ́nɛ nɛ́, Mɔɔ́n a ŋgá la ɓé li ɓɔŋ lí jam tɔ já la nyɛ́-mɛ̄n, ndí ag ɓɔŋ ja yé a ɛ́n Ɛsáŋɛ́ ag ɓɔŋ; átɔm nɛ́ yé Ɛsáŋɛ́ a ŋga ɓɔ̄ŋ, Mɔɔ́n nyɛ́g ag ɓɔŋ yɔ́ nlemlem.

Yohánɛs 5:27

A tí nyɛ kundɛ li kááhɛ ányúū nɛ a lɛ̄ Mɔ́ɔ̄n mut.

Yohánɛs 6:26

Yésus ɔ pélē ɓɔ́ nɛ́: «La mbálɛ-mbálɛ, mag laga ɓɛ́nɛ nɛ́, miní ŋgá somo ɓé ma ányúū minɛ́ŋ maná ɛ́n, ndí ányúū bikɔgá maná dí, mut sig ɔ yál.

Yohánɛs 6:32

Yésus ɔ laga ɓɔ́ nɛ: «La mbálɛ-mbálɛ mag laga ɓɛ́nɛ nɛ́, ah Móse ɓé nɛ a tí ɓɛ́nɛ ekɔgá yé yá sɔ́léné á lóō, ndí Etāa nɛ́ a tí ɓɛ́nɛ taŋ ekɔgá ɛ ŋga sɔ́léne á lóō.

Yohánɛs 6:47

La mbálɛ-mbálɛ, mag laga ɓɛ́nɛ nɛ́, nyɔ́ la nyɔ́ a ŋga yéɓé, a byɛ́ɛ́ eniŋ éɓem.

Yohánɛs 6:53

Yésus ɔ laga hɔ́ ɓɔ́ nɛ́: «La mbálɛ-mbálɛ, mag laga ɓɛ́nɛ nɛ́, kíyáɓɛ́nɛ manáh dí ɓé nyuú Mɔɔ́n Mut tɔ li nyú lí mícii mɛ́ɛ́, miní ŋgá ɓɛ́la ɓé éniŋ a até wāná.

Yohánɛs 8:34

Yésus ɔ pélē ɓɔ nɛ́: «La mbálɛ-mbálɛ, mag laga ɓɛ́nɛ nɛ́, nyɔ́ la nyɔ́ a ŋga ɓɔ̄ŋ aɓé a lɛ ǹdimí á áɓē.

Yohánɛs 8:51

La mbálɛ-mbálɛ, mag laga ɓɛ́nɛ nɛ́, kíyáɓɛ́nɛ mut a náŋɛ bíɓaŋgá byáma, m̀ɓá a ŋgá kɛ ɓé lí wú.»

Yohánɛs 8:58

Yésus ɔ pélē ɓɔ nɛ́: «La mbálɛ-mbálɛ, mag laga ɓɛ́nɛ nɛ́, sɔ́kágánɛ́ Áblaháam ag ɓɛ́, kí má Mí Lɛ.»

Misɔ́n mí Ɓáōmɓɛ 10:11

Váŋ nɛ́ a ɛ́n lóō lú léglan, ɔ mɛ̄mɛ́ jɔ, ɔ ɛ́n yoóm ɛ́ ŋgíla ŋget ɛ́g sɔ́léne wóŋ, yé ɛ́ ɓɛ́ɛ́ kaa ntumbá á líɓato, nɛ́ ɓá byeé á míkāh mínáa, ɛ́g suh á sí.

Misɔ́n mí Ɓáōmɓɛ 7:56

Ɔ lága nɛ: «Léɓyán sig, mi lɛ lí mɛmɛ lí lóō lí áhɛ́, wóŋ, mí lɛ lí ɛ́n lí Mɔɔ́n Mut a tɛ́ɛ̄ á m̀ɓɛ́nlómɛ a Ɔlolómɛ̄.»

Elōg-Tésaloníka 2 1:7

Ɓɛ́nɛ ɓá miní ŋga táka, Ɔlolómɛ̄ ag kɛ ɓɛ́nɛ li tíi lí évɛɛɓan elɔŋ la ɓɛ́hɛ, eceg Ɛtáŋɛ Yésus a ŋga kɛ́ li yɛ́ɛ́léne lí ɓɛ́hɛ nyɛ́-mɛ̄n, á mísɔ̄ mɛ́ɛ́ á lóō la mbimban áŋgɛl.

Elōg-Tésaloníka 2 1:9

Ekɔ́ghɛ yáɓá ɛ́g ɓɛ́ jā écɛ̄hɛ á eɓem la á eɓem, enɛŋɛ́ la miíh mí Nyɔ́ŋ-Ɛsáŋɛ́, la enɛŋɛ́ la ŋguu nyí lipém jɛ́ɛ́,

Timotéo 1 3:16

Kɔɔ la mbálɛ, mbaŋ nyí ŋyéɓé wáhá ɛ lɛ̄ écɛ̄ŋ. Yɔ nɛ́ ɛ lɛ nɛ́: Yésus Kilístus nyɔ́ a sɔ́ la nyuú nyí mut-a-binam, M̀búl Mpúán a étɛ́ ɓɛ́hɛ liɓɛ́ɛg jɛ́ɛ́ lí sim, áŋgɛl ki yú mɛ̄mɛ́ nyɛ, ɔ lɛ̄glɛ́ á yóg ɓot bí ŋgíla ŋyéɓé, ɓot bú yéɓé la nyɛ́ á ŋkɔŋ-á-sí, ɔ ɓét á lōó, ɔ kūh lípēm lí Ɔ́lolómɛ̄.

Elōg-Hébɛl 1:14

Ɓaá, yíŋ áŋgɛl ɛ́sɛ ɛ́ sē ɓé ja mímbūl mí mí ŋga sále Ɔlolómɛ̄ é? Ɓaá nsɔ́n wáɓá á sē ɓé jā lí óŋgánɛ lí ɓot bí ŋga nyɛ́ɛ li kuh lí lísuŋga é?

Yúde 1:14

Ányúū yāɓá ki nɛ́ Hénɔk, mut a yáhɛ́ nzambúwá ámbúh Ádam a pɔ́tɔ́ɔ́ á jóō lí Ɔ́lolómɛ̄ eceg a ŋgí laga nɛ́: «Léɓyán sig, Nyɔ́ŋ-Ɛsáŋɛ́ ag sɔ́ elɔŋ la milɔŋ mipúán mɛ́ɛ́ mí wélan, adun ndí ádun,

Biyɛ́ɛ́léné 19:11

Váŋ nɛ́ lóō lá léglan; mu ɛ́n épūpúɛ ɛ́ vɔ́si, mut a tɔɔ́ á lóō jɛ́ɛ́ ag yáŋlɛ nɛ́ Ewíyɛ́ ag yáŋlɛ ki nɛ́ Ɓátúpēgɛ. Ag kááhɛ, ag du ki á nyaa ɛ tɛ́ɛ́ sim.

Biyɛ́ɛ́léné 4:1

Ámbúh náŋ, ma Yohánɛs mu ɛ́n líkooká lí áhɛ á lóō, cíŋ ɔsú mí ámbléé ɛ ŋgí pɔ́tɛ ma ákaa nséɓá, yu pɔ́t nɛ́: «Ɓét vá, mag kɛ wa lí étɛ lí yé ɛ́ ŋga kɛ́ li sɔ́.»