Yohánɛs 1:44 - Esaa-líat ɛ́ péná

⁴⁴ Filípo a ɓɛ́ɛ́ mɔɔ́n ŋkɔŋ á Betsaída tísɔn nyí Andeléas la Pétlos.

Yohánɛs 1:44 ပူးပေါင်းရင်းမြစ်များ

Matéus 10:3

Filípo la Baltelémia, Tómas la Matéus ŋ̀komanɛ-ŋkuh-á-gɔ́mna, Yákop mɔɔ́n Álfe la Tadéo

Matéus 11:21

«Eɓéé-nyúū la wa á tísɔn nyí Kolásin! Eɓéé-nyúū la wa á tísɔn nyí Betsaída! Ányúū nɛ, kí ɓɔŋ nɛ́ bí binanaŋga bí mam, bí byá ɓɔ̄ŋɓɛ́ á yóg yāná bí ɓɔ̄ŋɓɛgɛ ja á tísɔn nyí Tíil la nyí Sídon, kí ɓɛɛvéé ɓatɔɓene ɓáɓá bú jálɓán mípēg la li tɔɔ átē a lisuu á lí étɛ nɛ́ bí lɛ́ átē a esɔghe ecɛ́ŋ; ki bú vēŋé bílɛ̄m.

Málkus 3:18

Andeléas, Filípo, Baltelémia, Matéus, Tómas, Yákop mɔɔ́n Álfe, Tadéo la Símɔn mut a nlɔŋ á ékɔ̄ɔ̄-ékombo,

Málkus 6:45

Á ékūyá-kúyá, Yésus ɔ nyághánɛ́ ɓayége ɓɛ́ɛ́ li ɓét á m̀ɓoŋgó. Ɔ dúgɛ́ ɓɔ nɛ́ bí ɓēhé á nyúŋú mií á ebúle, jé lí tísɔn Betsaída. Nyɛ́ ɔ yéglé á li soɛ lí limut.

Málkus 8:22

Ɛnɛ́ Yésus la ɓayége ɓɛ́ɛ́ bí pámáá á Betsaída, bú sɔ́la nyɛ́ mut-a-ndím, bú sɔ́hyé nɛ a sííɓán nyɛ.

Lúkas 10:13

Eɓéé-nyúū la wa á tísɔn nyí Kolásin! Eɓéé-nyúū la wa á tísɔn nyí Betsaída! Ányúū nɛ, ki ɓɔŋ nɛ́ bí binanaŋga bí mam, bí byá ɓɔ̄ŋɓɛ́ á yóg yaná bí ɓɔ̄ŋɓɛgɛ ja á tísɔn nyí Tíil la nyí Sídon, kí ɓátɔɓene ɓáɓá bú vēŋé bílɛ̄m ɓɛɛvéé; kí bú jálɓán mípēg la li tɔɔ átē a lisuu á lí étɛ nɛ́ bí lɛ átē a esɔghe ecɛ́ŋ.

Lúkas 6:14

Ɓɔ́ nɛ́ bí lɛ́: Símɔn nyɔ́ a lō jóō nɛ́ Pétlos la Andeléas mɔɔ́nyāŋ, Yákop, Yohánɛs, Filípo, Baltelémia,

Lúkas 9:10

Á mítiman mí ɓáōmɓɛ, bú máŋlɛ́ Yésus yé ɛ́sɛ ɓá ɓɔŋ. La nyɛ́ ɔ kɛ́la ɓɔ́, bú nɛ́ŋɛ̄ la ɓot, ɓɛɓɛ la tísɔn nyí ɛ ŋga yáŋlɛ nɛ́ Betsaída.

Yohánɛs 1:43

Ɛnɛ́ kítí ya yɛ́, Yésus ɔ nyɔ̄ŋ bísúghɛ́nɛ́ li kɛ á Galiléa. Ɔ kɔ́p Filípo, a byɛ́la nyɛ́ nɛ́: «Ōŋ ma.»

Yohánɛs 1:45

Filípo ɔ kɛ́ li kɔ́p lí Natánáɛl ɔ lága nyɛ nɛ́: «Ɓaá ɛ́n mut Móse a ŋga pɔ́tle á kálati yɛ́ɛ̄ Mbéndá, nyɔ́ kálati yí ɓapɔ́tle-bí-Ɔ́lolómɛ̄ ɛ́ ŋga kwɛ́lene. Nyɔ́ŋ mut nɛ́ a lɛ Yésus nyɔ́ a Názalɛt mɔɔ́n Yósɛp.»

Yohánɛs 1:46

Váŋ nɛ́ Natánáɛl a ɓāt Filípo nɛ́: «Ɓaá, taŋ jam ɛg la li pámléné á Názalɛt é?» Filípo ɔ pélē nyɛ nɛ́: «Sɔ́, ɔ ɛ̄n.»

Yohánɛs 1:48

Natánáɛl ɔ ɓāt nyɛ́ nɛ́: «Á véé ɔ ŋgɔ yíléne ma é?» Yésus ɔ pélē nyɛ nɛ́: «Sɔ́kágánɛ́ Filípo a ŋgí yáŋá wa, kí mu ɛ́n wa ɔ tɛ́ɛ́ á tín fígiya.»

Yohánɛs 12:21

Bú kɛ li ɛ́n lí Filípo mɔɔ́n ŋkɔŋ á Betsaída á Galiléa á lí ɓat lí nyɛ nɛ́: «Á etāa, biíg somo li ɛ́n lí Yésus.»

Yohánɛs 12:22

Filípo ɔ kɛ́ li máŋlɛ lí Andeléas, la ɓɔ́ bíɓáa bú kɛ lí laga lí Yésus náŋ.

Yohánɛs 6:5

Ndí ɛnɛ́ Yésus a ɓéthɛ́ɛ miíh ɔ ɛ́n édila límut ɛ́g siŋgle nyɛ́ ɓɛɓɛ, ɔ bíhī Filípo nɛ́: «Á véé bi lɛ́ nɛ ɓa sóm lídī á lí díɛ́hɛ lí jé limut é?»

Yohánɛs 6:7

Filípo ɔ pélē nyɛ nɛ́: «Tɔ lidí lí bíɓógo bí kápa bíɓáa lí sē ɓé nɛ lá kɔlán nɛ̄ mut sig a kūh yoóm lí dī.»

Misɔ́n mí Ɓáōmɓɛ 1:13

Ɛnɛ́ bí pámáá á Yélūsalɛm, bú ɓét á étun-ndáá-likɔgɔ, ápah Pétlos, Yohánɛs, Yákop la Andeléas, Filípo la Tómas, Baltelémia la Matéus, Yákop mɔɔ́n Álfe, Símɔn mut a nlɔŋ á ékɔ̄ɔ̄-ékombo la Yúde mɔɔ́n Yákop bí ŋgí yɔg li kɔtan.