Yohánɛs 1:38 - Esaa-líat ɛ́ péná

³⁸ Á míyaan mí Yésus, ɔ ɛ́n nɛ́ ɓayége bíg oŋ nyɛ́, ɔ bíhī ɓɔ nɛ́: «Miníg somo yéé é?» Bú pélē nyɛ nɛ́: «Lábi yóg yɔ́ɔ ɛ lɛ véé é?» Lábi ag mínɛ nɛ́ ŋ̀yéglɛ.

Yohánɛs 1:38 ပူးပေါင်းရင်းမြစ်များ

Lúkas 10:39

A ɓɛ́ɛ́la mɔɔ́nyāŋ-a-ŋgɔn nɛ́ Malía, nyɔ́ a sɔ́ɔ́ ɔ tɔ́ɔ̄ á sí míkoo mí Nyɔ́ŋ-Ɛsáŋɛ́, ɔ ɓōtlé li ámble lí eɓaŋgá yɛ́ɛ́.

Lúkas 14:25

Ɔbul ví limut ví ŋgí wɛɛ la Yésus á nzen. La nyɛ́ ɔ yáan, a byɛ́la ɓɔ́ nɛ́:

Lúkas 15:20

La mɔɔ́n ɔ nyɔ̄ŋ nzen mitiman á mbóg ɛsáŋɛ́. Kasig a ɓɛ́ɛ́ a ŋgí sɔ́ɔ́g enɛŋɛ́, ɛsáŋɛ́ ɔ ɛ́n nyɛ, ŋgɔ́ɔ́ yu byeé nyɛ, la nyɛ́ ɔ nāŋgá m̀bíí li ɓoman la mɔɔ́n wɛ́ɛ̄, ɔ óóɓē nyɛ.

Lúkas 19:5

Ɛnɛ́ Yésus a pám váŋ á nyɔ́ŋ voóm, ɔ ɓétɛ́ miíh, a byɛ́la nyɛ́ nɛ́: «Á Sakíyo, vóó li suh, ányúū nɛ mag loɛ ɔlɔ́ ví lɛn á mbóg yɔ́ɔ.»

Lúkas 22:61

Váŋ nɛ́ Nyɔ́ŋ-Ɛsáŋɛ́ a yaán, ɔ légɓé nyɛ, miíh máɓá mú ɓoman, la Pétlos ɔ ɔ́ŋɔ yé Nyɔ́ŋ-Ɛsáŋɛ́ a lagléé nyɛ́ nɛ́: «Nyí lɛn, sɔ́kágánɛ́ nlóm á kúú ag ɔ́ŋ kí wu táŋɓán ma ŋgele ɛ́ŋháa.»

Lúkas 8:38

Nyɔ́ mut mimbúl míɓē má pám á nyúū ɔ sɔ́hyé Yésus nɛ́ a mwáhɛ́ nyɛ́ nɛ́ a ɓɛ́ elɔŋ la nyɛ́. Ndí Yésus ɔ sóɛ̄ nyɛ la li yó nɛ́:

Yohánɛs 1:37

Ɛnɛ́ ɓayége ɓɛ́ɛ́ bíɓáa ɓá ámblé nyɛ́ ag laga náŋ, bú ōŋ Yésus.

Yohánɛs 1:39

Ɔ pélē ɓɔ́ nɛ́: «Sɔ́án miníg kɛ li ɛ́n.» La ɓɔ́ bú kɛ, bú ɛ́n ápah a ŋga tɔ́ɔ̄, bú tɔ́ɔ̄ elɔŋ la nyɛ́ víŋ ɔlɔ́. Náŋ a ɓɛ́ɛ́ jam-kaa ŋgɛ́ŋ ɛ́náa ɛ́ ŋgōgó.

Yohánɛs 1:49

Natánáɛl ɔ tímānɛ̄ nyɛ nɛ́: «Lábi, ɔ lɛ̄ Mɔ́ɔ̄n Ɔlolómɛ̄, ɔ lɛ káísa nyí Íslāɛl.»

Yohánɛs 12:21

Bú kɛ li ɛ́n lí Filípo mɔɔ́n ŋkɔŋ á Betsaída á Galiléa á lí ɓat lí nyɛ nɛ́: «Á etāa, biíg somo li ɛ́n lí Yésus.»

Yohánɛs 18:4

Kasig Yésus a ŋgí yí yé ɛ́sɛ ɛ́ ŋga kɛ nyɛ́ li pámléne, ɔ sīŋglé ɓɛɓɛ la ɓɔ́, ɔ bíhī ɓɔ́ nɛ́: «Nzáá miní ŋga sómo é?»

Yohánɛs 18:7

Yésus ɔ bíhī sīg-pɛ ɓɔ́ nɛ́: «Ɓaá, miníg somo nzáá é?» Bú pélē sīg-pɛ nyɛ́ nɛ́: «Yésus nyɔ́ á Názalɛt.»

Yohánɛs 3:2

Ɔ sɔ́ lí ɛ́n lí Yésus díɓe la díɓe, aá la nyɛ́: «Lábi, biíg yí nɛ́ ɔ lɛ ŋ̀yéglɛ nyɔ́ Ɔlolómɛ̄ a óm, átɔm nɛ́ mut tɔ wa a ŋgá la ɓé li ɓɔŋ lí mínɛ̄ŋ ɔ ŋgɔ ɓɔ̄ŋ kíyáɓɛ́nɛ Ɔlolómɛ̄ a sē ɓé la nyɛ́.»

Yohánɛs 3:26

Váŋ nɛ́ ɓá sɔ́ lí ɛ́n li Yohánɛs Ǹtíi-nzoɓan, bú ɓāt nyɛ nɛ́: «Lábi, ɔg ɔ́ŋɔ nyɔ́ mut a ɓɛ́ɛ́ elɔŋ la wa á nyúŋú mií á Yɔ́ldan, nyɔ́ ɔ tíée mbóŋ é? Ɛ́n sig nɛ́ nyɛ́g a ɓōtlé lí tíi lí nzoɓan, ɓot bísɛ bíg kɛ wóŋ.»

Yohánɛs 4:31

Á póla yéŋ eceg nɛ́ ɓáyēge bí Yésus ɓá váŋgɛ́ nyɛ li laga nɛ́: «Lábi, ŋ̀gɛ̄n dí puh jam.»

Yohánɛs 6:25

Ɛnɛ́ ɓá kɔ́p nyɛ á nyúŋú mií á ebúle, bú ɓāt nyɛ nɛ́: «Lábi yɔɔ́yɔ́ɔ eceg wa pám mú é?»

Misɔ́n mí Ɓáōmɓɛ 10:21

La Pétlos ɔ sūh ɓɔ li kɔ́p, aá la ɓɔ́ nɛ́: «Ma nyɔ́, ma nɛ́ miní ŋga sómo. Yéé yá sɔ́la ɓɛ́nɛ é?»

Misɔ́n mí Ɓáōmɓɛ 10:29

Náŋ nɛ́ a sɔ́la ma á ŋyáŋlán wɔ́ɔ ɛ́h ɓɛ́ ɓé lí titɓe. Nyí vɔ́ŋɔ́ɔ hɔ́, mag somo li yí ányúū yéé wa yáŋlé ma.»