Yohánɛs 1:34 - Esaa-líat ɛ́ péná

³⁴ Jɔ́ nɛ́, kaa ma ɛ́n, mi lɛ mbóŋ nɛ́, nyɔ́ mut a lɛ̄ Mɔ́ɔ̄n Ɔlolómɛ̄.»

Yohánɛs 1:34 ပူးပေါင်းရင်းမြစ်များ

Matéus 11:27

Mɔ́mísɛ má tíéɓɛ́ mā la Etāa, ndí mut tɔ wa a ŋgá yí ɓé nzáá a lɛ̄ Mɔ́ɔ̄n, amáh sig Étāa; tɔ li yí lí nzáá a lɛ Étāa, amáh sig Mɔ́ɔ̄n la tɔ nzáá Mɔ́ɔ̄n a díŋɛ́ lí yɛ́ɛ́le náŋ.»

Matéus 16:16

Símɔn Pétlos ɔ nyɔ̄ŋ hɔ́ mpɔ́t, ɔ pélē nyɛ nɛ́: «Ɔ lɛ Nyɔ́-a-Pɔ́hlɛ, Mɔɔ́n Ɔ́lolómɛ̄, Loó lí éniŋ.»

Matéus 17:5

Kasig a ɓɛ́ɛ́ a ŋgí pɔ́tɔg, mbaga ɛ ŋga páa yu bútyɛ́ ɓɔ, la cíŋ yu pámlé muŋ, yu lága nɛ: «Nyɔ́ nɛ́ a lɛ édidíŋɛ yáma Mɔɔ́n, nyɔ́ ma dīŋ lí pɔhɔ. Miní óglé nyɛ́!»

Matéus 26:63

Ndí Yésus ɔ tɔ́ɔ̄ pīí. Ŋ̀kanʼyɛ ǹcɛ́ŋ a ɓatíi-nsúlé ɔ lāgá nyɛ̄ nɛ́: «Á jóō lí Ɔ́lolómɛ̄ nyɔ́ a lɛ́ éniŋ, lagá ɓɛ́hɛ kíyáɓɛ́nɛ wa nɛ́ ɔ lɛ Nyɔ́-a-Pɔ́hlɛ, Mɔɔ́n Ɔ́lolómɛ̄.»

Matéus 27:40

la li laga nɛ́: «Wa hɔ́, nyɔ́ ɔ ŋgɔ búg ndáá-ēcɛ́ŋ-Ɔlolómɛ̄, ndí ɔ nyɔ̄ŋ alɔ́ áŋháa á lí óŋ lí yɔ, sūŋ hɔ́ wā-mɛ̄n, kíyáɓɛ́nɛ ɔ lɛ Mɔ́ɔ̄n Ɔ́lolómɛ̄, sūh á mbásá!»

Matéus 27:43

A vá lípitá jɛ́ɛ́ la Ɔlolómɛ̄, Ɔlolómɛ̄ a sūŋ hɔ́ nyɛ vɔ́ŋɔ́ɔ, kíyáɓɛ́nɛ ag diŋ nyɛ́, átɔm nɛ́ a lāgá nɛ: ‹Mi lɛ Mɔ́ɔ̄n Ɔ́lolómɛ̄!›»

Matéus 27:54

Ɛnɛ́ ŋ̀kanʼyɛ a nlɔŋ á éɓōgo sónja la ɓatát Yésus bí ógtáán kaa sí ya póghan, bú ɛ́n ki kaa mam mí ŋgí loo, bú nát la woŋ la ɓɔ́ bú pɔ́t nɛ: «La mbálɛ, nyɔ́ mut a mɓɛ́ kɔɔ Mɔɔ́n Ɔ́lolómɛ̄!»

Matéus 3:17

Váŋ nɛ́ cíŋ ya sɔ́lé á lóō yú lágá nɛ: «Nyɔ́ nɛ́ a lɛ̄ edidíŋɛ yáma Mɔɔ́n, nyɔ́ ma ɛ́n m̀ɓɛɛŋ nɛ́ mi pɔ́hɔ́.»

Matéus 4:3

Ǹsɔhɔ ɔ sīŋglé nyɛ ɓɛɓɛ a byɛ́la nyɛ́ nɛ́: «Kíyáɓɛ́nɛ ɔ lɛ̄ Mɔ́ɔ̄n Ɔ́lolómɛ̄, kanʼyɛ́ yí ŋgɔg nɛ́ ɛ́ yáan bikɔgá.»

Matéus 4:6

ɔ yó nyɛ nɛ́: «Kíyáɓɛ́nɛ ɔ lɛ̄ Mɔ́ɔ̄n Ɔ́lolómɛ̄, sumblé á sí, átɔm nɛ́ yá ciiɓɛ́ nɛ: Ɔlolómɛ̄ ag kɛ li kanʼyɛ lí áŋgɛl yɛ́ɛ́ ányúū yɔ́ɔ, ɛ́g kɛ wa lí ɓɛgɛ á mɔ máɓá á li ɓɔŋ nɛ́ akoo wɔ́ɔ áh ɓomtágán ɓé ŋgɔg.»

Matéus 8:29

Váŋ nɛ́ ɓá ɓōtlé lí ɓéglan nɛ́: «Yéé ɔ ŋgɔ sōmle ɓɛ́hɛ á Mɔ́ɔ̄n Ɔ́lolómɛ̄ nyɔ́! Wa sɔ́ ja ɓɛ́hɛ li ɓɔgɔ vá eceg ŋgi lí kɔlan é?»

Málkus 1:1

Miɓotlé mí Pɔ́l M̀ɓɛɛŋ nyí Yésus Kilístus, Mɔɔ́n Ɔlolómɛ̄ mí lɛ́ jā:

Málkus 1:11

Váŋ nɛ́ cíŋ ya sɔ́le á lóō yú lága nɛ: «Ɔ lɛ edidíŋɛ yáma Mɔɔ́n, nyɔ́ ma pɔ́hɔ.»

Lúkas 1:35

La áŋgɛl yu pélē nyɛ nɛ́: «M̀búl Mpúán ág kɛ wa li suhle, la ŋguu Nyɔlɛ ɛ bútyɛ́ wa ákaa yíɓe, Ányúū náŋ nɛ́, nyɔ́ a ŋga kɛ́ li byáa ag ɓɛ́ mpúán, la li yáŋlɛ nɛ́: Mɔɔ́n Ɔlolómɛ̄.

Lúkas 3:22

M̀búl Mpúán a sūhlé nyɛ́ mbunán la ɔɓeŋ. Váŋ nɛ́ cíŋ ɛ sɔ́léné á lóō, yu lága nɛ: «Wa nɛ ɔ lɛ mɔɔ́n wama, nyí lɛn nɛ́ ma byál wa.»

Yohánɛs 1:18

Mut tɔ wa a ɓáág ŋgí lí ɛ́n lí Ɔ́lolómɛ̄, amáh sig pɔmbɛ Mɔɔ́n Ɔ́lolómɛ̄ nyɔ́ a lɛ Ɔ́lolómɛ̄, nyɔ́ a ŋga nīŋ átē á Ɛsáŋɛ́, nyɛ́ a étɛ́ ɓɛ́hɛ nyɛ́.

Yohánɛs 1:49

Natánáɛl ɔ tímānɛ̄ nyɛ nɛ́: «Lábi, ɔ lɛ̄ Mɔ́ɔ̄n Ɔlolómɛ̄, ɔ lɛ káísa nyí Íslāɛl.»

Yohánɛs 10:30

Ma la Etāa bi lɛ mut wa.»

Yohánɛs 10:36

Mā mut Etāa a pɔ́hɔ, ɔ óm á ŋkɔŋ-á-sí, ma nɛ́ miní ŋga laga nɛ́: ‹Ɔg vɔ́ɔ́le Ɔlolómɛ̄› ányúū nɛ́ ma lága nɛ́: ‹Mi lɛ Mɔɔ́n Ɔlolómɛ̄› é?

Yohánɛs 11:27

Maatá ɔ pélē nyɛ́ nɛ́: «Ɔɔ Ɛtáŋɛ, mag yéɓe nɛ́ ɔ lɛ Nyɔ́-a-Pɔ́hlɛ, Mɔɔ́n Ɔlolómɛ̄ nyɔ́ a sɔ́ á ŋkɔŋ-á-sí»

Yohánɛs 19:7

Ɓakanʼyɛ bí Élōg-Yúda bú tímānɛ̄ nyɛ nɛ́: «Bi byɛ́ɛ́ litiŋ lí mbéndá já, li oŋle la jɔ́, ag nyɛɛ li wú, átɔm nɛ́ a kātɓán nɛ a lɛ̄ Mɔ́ɔ̄n Ɔ́lolómɛ̄!»

Yohánɛs 20:28

Tómas ɔ pélē nyɛ nɛ́: «Ɛtáŋɛ la Lōó jáma.»

Yohánɛs 20:31

Ndí, mí mam má ciiɓɛ́ já á lí ɓɔŋ nɛ́ miní yéɓé nɛ́ Yésus a lɛ Nyɔ́-a-Pɔ́hlɛ, ɔ ɓɛ́ Mɔɔ́n Ɔlolómɛ̄, la nɛ́, kaa maná yéɓe, miní ɓɛ́la eniŋ éɓem a jóō jɛ́ɛ́.

Yohánɛs 6:69

Ɓɛ́hɛ ɓaá yéɓé, ɓaá yí nɛ́ ɔ lɛ Nyɔ́-mpúán a Ɔlolómɛ̄.»

Elōg-Lóma 1:4

li loole la M̀búl Mpúán, Ɔ́lolómɛ̄ ɔ tɛ́ɛ́yɛ́ nyɛ́ Mɔ́ɔ̄n wɛ́ɛ̄, ɔ tí nyɛ ŋguu, eceg a pāhyɛ́ nyɛ̄ á póla ɓá ɓá wū. Nyɛ́ nɛ́ a lɛ Yésus Kilístus Ɛtáŋɛ wahá.

Elōg-Kɔlínto 2 1:19

Á mbálɛ, Yésus Kilístus, Mɔɔ́n Ɔlolómɛ̄, nyɔ́ ma, Silváno la Timotéo ɓaá cámānɛ́ pɔ́l á yóg yāná, m̀ɓá-mɓá āh ɓɛ́ɛ́ ɓé nyɔ́ a «Ɔɔ» la «Kɛ́m» á nlemlem á éceg, ndí a ɓɛ́ɛ́ jā nyɔ́ «Ɔɔ» la «Ɔɔ».

Elōg-Hébɛl 7:3

Nyɛ́ Mɛlkisédɛk, ah byɛ́ɛ́ ɓé ɛ́sāŋɛ́ tɔ nyaŋɛ́, ah byɛ́ɛ́ ɓé ndándó. Ɔlɔ́ vɛ́ɛ́ ví líbyáa ví ŋgá yílɛ ɓé, tɔ ví ví nyɛmb, a lɛ jā ǹtíi-nsúlé á éɓem la eɓem ákaa Mɔɔ́n Ɔ́lolómɛ̄.

Yohánɛs 1 2:23

Tɔ nzáá a ŋga táŋɓan Mɔɔ́n ah byɛ́ɛ́ ɓé Étāa. Nyɔ́ la nyɔ́ a ŋga páha ɔ́sū ví ɓot nɛ́ ag yéɓé la Mɔɔ́n a byɛ́ɛ́ ki Etāa.

Yohánɛs 1 3:8

Nyɔ́ la nyɔ́ a ŋga ɓɔ̄ŋ aɓé a lɛ á épah ɛ́ ǹsɔhɔ, ányúū nɛ li ɓotle á ɔkolpáŋá, ǹsɔhɔ a lɛ m̀ɓɔŋ-miɓé. Jɔ́ nɛ́, Mɔɔ́n Ɔlolómɛ̄ a sɔ́ á lí cɛ́hɛ lí mísɔ̄n mí ǹsɔhɔ.

Yohánɛs 1 4:9

Ediŋ Ɔlolómɛ̄ a étɛ́ ɓɛ́hɛ, yɔ́ yé nɛ́: a óm pɔmbɛ yɛ́ɛ̄ Mɔɔ́n á ŋkɔŋ-á-sí, á li ɓɔŋ nɛ́, la nyɛ́ bi ɓɛ́la eniŋ.

Yohánɛs 1 5:20

Biíg yí ki nɛ́, Mɔɔ́n Ɔlolómɛ̄ a sɔ́, la nyɛ́ ɔ tí ɓɛ́hɛ eyí, á lí ɓɔŋ nɛ́, bi yí Loó-lí-mbálɛ. Bi lɛ la Loó-lí-mbálɛ bu ɓɛ́ ki la Mɔɔ́n wɛ́ɛ̄ Yésus Kilístus. Nyɛ́ nɛ́ a lɛ Loó-lí-mbálɛ ɔ ɓɛ́ ki eniŋ éɓem.

Yohánɛs 2 1:9

Tɔ nzáá a ŋgá tɔɓene ɓé á bíyéglɛ́nɛ́ bí Nyɔ́-a-Pɔ́hlɛ ndí á kóndyé jam litám átē a sē ɓé la Ɔlolómɛ̄. Ndí nyɔ́ la nyɔ́ a ŋga tɔ́ɓene á bíyéglɛ́nɛ́ a lɛ lā Etāa elɔŋ la Mɔɔ́n.

Biyɛ́ɛ́léné 2:18

Ciilé áŋgɛl nyí Eɓasɛ yé Tiatíla nɛ́: Mɔɔ́n Ɔ́lolómɛ̄, nyɔ́ miíh mí ŋga lóŋ kaa ɔlémb ví nzáan, la mikoo mí ŋga vɔ́ŋɔ́ɔ ákaa taŋ enúná ɓá vá á nzáan ag pɔ́t nɛ́: