Yohánɛs 1:21 - Esaa-líat ɛ́ péná

²¹ La ɓɔ́ bú ɓāt sīg-pɛ nyɛ nɛ́: «Ɓaá, ɔ lɛ nzáá é? Wa nɛ́ ɔ lɛ Élías m̀pɔ́tle-a-Ɔlolómɛ̄ é?» Ɔ tímānɛ̄ pɛ ɓɔ́ nɛ́: «Mi sē ɓé ma nyɛ́.» Bú ɓat sīg-pɛ nyɛ́ nɛ́: «Ɔ lɛ nyɔ́ŋ m̀pɔ́tle-a-Ɔlolómɛ̄ bi ŋga láaŋke é?» Ɔ pélē sīg-pɛ ɓɔ́ nɛ́: «Kɛ́m.»

Yohánɛs 1:21 ပူးပေါင်းရင်းမြစ်များ

Matéus 11:14

Kíyáɓɛ́nɛ miníg somo li sɔ́ŋtánɛ m̀ɓɛɛŋ, nyɛ́ nɛ́ a lɛ nyɔ́ Elías bí ŋga láaŋke, nyɛ́ nɛ́ a sɔ́ sīg-pɛ.

Matéus 16:14

Bú pélē nyɛ nɛ́: «Ɓá bíg laga nɛ́, ɔ lɛ Yohánɛs Ǹtíi-nzoɓan, ɓáŋá ɓɔ́ɔ́ Elías, ányúū ɓáŋá ɓatám ɔ lɛ Yelémia tɔ nɛ́ m̀pɔ́tle-a-Ɔlolómɛ̄ ntám wa.»

Matéus 21:11

Limut lú pélē nɛ: «Yésus, m̀pɔ́tle-a-Ɔlolómɛ̄ nyɔ́ŋ, mbyááhɛ nyí tísɔn Názalɛt á Galiléa.»

Lúkas 1:17

Ag kɛ li sɔ́ ákaa ǹlɛgɛ-pɔ́l Ɔlolómɛ̄, ag ɓɛ́la eyí la ŋguu nyí m̀pɔ́tle-a-Ɔlolómɛ̄ Elías, ányúū li sɔ́la lí ŋ̀ámblānɛ́ á póla ɓɔɔ́n la ɓasáŋɛ́ ɓáɓá, li tɛ́ɛ́yɛ lí ɓá bí ndɔ́g á nzen ɛ tɛ́ɛ́ sim; la li ɓoŋhan lí lílōm nɛ́ lí lɛ́glé Nyɔ́ŋ-Ɛsáŋɛ́.»

Yohánɛs 1:22

Bú bíhī hɔ́ nyɛ́ nɛ́: «Wa hɔ́ nɛ ɔ lɛ nzáá é? Ɛ́g somlɛ nɛ́ bi kɛ́la ɓot ɓá óm ɓɛ́hɛ mbele! Wā-mɛ̄n lagá nzáá ɔ lɛ!»

Yohánɛs 1:25

bú kōndyé nyɛ́ li bihi nɛ́: «Kíyáɓɛ́nɛ ɔ sē ɓé Nyɔ́-a-Pɔ́hlɛ, tɔ Elías, tɔ nyɔ́ m̀pɔ́tle-a-Ɔlolómɛ̄ bi ŋga láaŋke, ányúū yéé hɔ́ ɔ ŋgɔ tíi ɓot nzoɓan é?»

Yohánɛs 6:14

Ɛnɛ́ ɓot ɓa ɛ́n énanaŋga ɛ́ jam yá loo, bú laga nɛ́: «Nyɔ́ mut a lɛ tihtih m̀pɔ́tle-a-Ɔlolómɛ̄ nyɔ́ a ŋga nyɛ́ɛ li sɔ́ á ŋkɔŋ-á-sí»

Yohánɛs 7:40

Jogo lí ɓot múŋ á jéŋ limut, ɛnɛ́ lí ámbléé bíŋ biɓaŋgá byɛ́ɛ́, lú lagá nɛ: «La mbálɛ, m̀pɔ́tle-a-Ɔlolómɛ̄ nyɔŋ!»