Yohánɛs 1:19 - Esaa-líat ɛ́ péná

^19-20 Ɓakanʼyɛ bí Élōg-Yúda bí Yélūsalɛm bí ómóó ɓatíi-nsúlé la Ndog-Lévi á lí bihi lí Yohánɛs nɛ́: «Wa nɛ́ ɔ lɛ nzáá é?» Mbóŋ a tí ɓɔ á mpeelán wɛ́ɛ́, ɛ́h ɓɛ́ ɓé li sɔɔ lí tɔ jam ɔ́sū ví ɓot bísɛ, yɔ nyí nɛ́: «Mi sē ɓé ma Nyɔ́-a-Pɔ́hlɛ.»

Yohánɛs 1:19 ပူးပေါင်းရင်းမြစ်များ

Yohánɛs 1:7

A sɔ́ɔ́ ja kaa mbóŋ, á lí tíi lí mbóŋ nyí mipúú, nɛ́ ndí li kele la nyɛ́ ɓot bísɛ bí yéɓé.

Yohánɛs 10:24

Váŋ nɛ́ ɓákanʼyɛ bí Élōg-Yúda ɓá díí nyɛ, la ɓɔ́ bú bíhī nyɛ nɛ́: «Ányúū yéé tɛɛla nyí vɔ́ŋɔ́ɔ ɔ ŋgɔ́ nándlene ɓé ɓɛ́hɛ mam é? Lagá ɓɛ́hɛ á ntélélé kíyáɓɛ́nɛ wa nɛ́ ɔ lɛ Nyɔ́-a-Pɔ́hlɛ!»

Yohánɛs 10:31

Ɓɔɔ́n bí Élōg-Yúda, bú kɔt sīg-pɛ ŋgɔg á lí ól Yésus.

Yohánɛs 11:19

ŋgandag ɓɔ́ɔ̄n bí Élōg-Yúda bí Yúdēa yú sɔ́ li letɛ lí Mālía la Maatá nyúū ányúū nyɛmb mɔɔ́nyāŋ waɓá á páam.

Yohánɛs 2:18

La mikanʼyɛ mí Élōg-Yúda mú nyɔ̄ŋ mpɔ́t, mú bíhī nyɛ́ nɛ́: «Yɔɔ́yɔ́ɔ ndembye ɔ ŋgɔ étɛ ɓɛ́hɛ á li ɓɔŋ nɛ́ bi yí nɛ́ ɔ byɛ́ɛ́ kundɛ li ɓɔŋ náŋ é?»

Yohánɛs 2:20

Váŋ hɔ́ nɛ́ ɓáŋ ɓɔɔ́n bí Élōg-Yúda ɓá lagá nyɛ nɛ́: «Mióŋ mí nyí ndáá-ēcɛ́ŋ-Ɔlolómɛ̄ má nyɔŋ muúmínáa mí mímbú la mísáama, ndí wa ɔg tɛ́ɛ́yɛ yɔ li pám lí álɔ̄ áŋháa é?»

Yohánɛs 5:10

Váŋ nɛ́ ɓɔ́ɔ̄n bí Élōg-Yúda ɓá lagá nyɔ́ŋ mut a tɔ́ɔ̄ mbólí nɛ: «Lɛn a lɛ ɔlɔ́ váhá ví évɛɛɓan, ɔh byɛ́ɛ́ ɓé kundɛ li ɓɛgɛ lí ébúŋga yɔ́ɔ.»

Yohánɛs 5:15

Nyɔ́ŋ mut ɔ kɛ lí máŋlɛ lí ɓɔ́ɔ̄n bí Élōg-Yúda nɛ́ Yésus nɛ́ a tɔɔyɛ́ɛ́ nyɛ́ mbólí.

Yohánɛs 5:16

Váŋ nɛ́ Élōg-Yúda ɛ́ ɓōtléé lí vinan la Yésus ányúū nɛ a ɓɔŋɔ́ɔ́ náŋ á ɔlɔ́ váɓá ví évɛɛɓan.

Yohánɛs 5:18

Li ɓotle la váŋ nɛ́ mikanʼyɛ mí Élōg-Yúda mí kondyéé lí somo lí nzen á lí ólhánɛ lí Yésus, ányúū nɛ́, amáh nɛ́ a ŋgí sáá ɔlɔ́ váɓá ví évɛɛɓan, ndí ag katɓan ki nɛ́ Ɔlolómɛ̄ a lɛ Ɛsáŋɛ́, á jéŋ lilaglag jɛ́ɛ́, a ŋgí somo li laga nɛ́ nyɛ́ la Ɔlolómɛ̄ bí kɔ́ɔ.

Yohánɛs 6:41

Váŋ nɛ́ ɓɔ́ɔ̄n bí Élōg-Yúda ɓá ɓōtlé lí dumlan la Yésus ányúū nɛ a yó nɛ́: «Ma nɛ́ mi lɛ̄ ékɔgá yé yá sɔ́léné á lóō.»

Yohánɛs 6:52

Váŋ nɛ́ ɓɔ́ɔ̄n bí Élōg-Yúda bí ɓōtléé ŋguu míkālá ɓɔ́ la ɓɔ́, la li ɓatɓan nɛ́: «Nɛ́-láá nyɔ́ mut a lɛ́ nɛ a tí ɓɛ́hɛ nyuú yɛ́ɛ̄ kaa lidí é?»

Yohánɛs 7:1

Ámbúh náŋ, Yésus ɔ kóndyé lí wɛɛ á Galiléa. A ŋgí somo ɓé pɛ li wɛɛ á Yúdēa, átɔm nɛ́ ɓɔɔ́n bí Élōg-Yúda bí ŋgí somo nyɛ́ lí ólhánɛ.

Yohánɛs 7:11

Á eceg ɛ́ ŋgand, ɓakanʼyɛ bí Élōg-Yúda bú ɓōtlé lí somo lí Yésus bíg ɓatan nɛ́: «A lɛ véé é?»

Yohánɛs 7:15

Ɓákanʼyɛ bí Élōg-Yúda bú nyág la nyɛ́, la ɓɔ́ bú lága nɛ: «yɔɔ́yɔ́ɔ nyaa eyí nyí é? Nyɛ́ mut āh yége ɓé tɔ jam!»

Yohánɛs 8:22

Váŋ nɛ́ ɓákanʼyɛ bí Élōg-Yúda ɓá lagá nɛ́: «Ɓaá, a byɛ́ɛ́ kóó li nítɓan é? Ányúū nɛ ag laga nɛ́: ‹miní ŋgá la ɓé lí kɛ ápah mi ŋga kɛ̄›.»

Yohánɛs 8:48

Ɓɔɔ́n bí Élōg-Yúda bú pélē nyɛ nɛ́: «Ɓaá, bih byɛ́ɛ́ ɓé kundɛ li laga nɛ́ ɔ lɛ mɔ́ɔ̄n Samália, ndí wu ɓɛ́la ki m̀búl m̀ɓé é?»

Yohánɛs 8:52

Váŋ hɔ́ nɛ ɓɔɔ́n bí Élōg-Yúda ɓá lága nyɛ nɛ́: «Biíg yí vɔ́ŋɔ́ɔ nɛ́ ɔ byɛ́ɛ́ m̀búl m̀ɓé! Áblaháam a wúēē, nlemlem la ɓapɔ́tle-bí-Ɔ́lolómɛ̄, ndí wa ɔg laga nɛ́: ‹Kíyáɓɛ́nɛ mut a náŋɛ bíɓaŋgá byáma, m̀ɓá a ŋgá kɛ ɓé lí wú.›

Yohánɛs 8:57

Váŋ nɛ́ ɓɔ́ɔ̄n bí Élōg-Yúda ɓá laga nyɛ nɛ́: «Ɔh mpámág ɓé tɔ muúmítáan mí mímbú ndí ɔg sɛgɓan nɛ́ wa ɛ́n Áblaháam!»

Misɔ́n mí Ɓáōmɓɛ 13:25

Á mímanlé mɛ́ɛ́ mí nsɔ́n, Yohánɛs Ǹtíi-nzoɓan ɔ ɓāt ɓɔ́ nɛ: ‹Miníg ɔ́ŋɔ nɛ́ mi lɛ nzáá é? Mi sē ɓé ma mut miní ŋga láaŋke. Ndí ɛ́nán sig nɛ́, mut wa ag sɔ́ ámbúh yama, mih kɔ́ɔ́ ɓé ma lí kúhu lí míkɔɔ mí bítāmbí byɛ́ɛ́›.

Misɔ́n mí Ɓáōmɓɛ 19:4

Póol ɔ tímānɛ̄ ɓɔ nɛ́: «Yohánɛs a ŋgí tíi nzoɓan nyí li veŋe lí bílɛ̄m la li laga lí ɓot nɛ́, bí yéɓé la nyɔ́ a ŋga sɔ́ ámbúh yɛ́ɛ̄, nyɔ́ŋ nɛ́ a lɛ Yésus.»

Yohánɛs 1 1:5

Pɔ́l ɓaá ámblé Yésus Kilístus ag lɛgɛ yɔ nɛ́ ɓɛ́hɛ ki bi ŋga yɛ́ɛ́lene ɓɛ́nɛ nɛ́: Ɔlolómɛ̄ a lɛ mípūū, jam lí lívito tɔ já lí sē ɓé nyɛ á nyúū.