Yohánɛs 1:14 - Esaa-líat ɛ́ péná

¹⁴ La Eɓaŋgá yú ɓɔ̄ŋɓɛ́ mut-a-binam, la yɔ́ yú tɔ́ɔ̄ la ɓɛ́hɛ, ɓɛ́hɛ ki bu mɛ̄mɛ́ lipém jɛ́ɛ́. Jéŋ lipém, lí pɔmbɛ Mɔɔ́n, líg sɔ́le nyɛ́ la Ɛsáŋɛ́, nyíŋ pɔmbɛ Mɔɔ́n ɛ yáhɛ́ la mikaale mí Ɔ́lolómɛ̄, mbálɛ ki ɛ yáhɛ yɔ á nyúū.

Yohánɛs 1:14 ပူးပေါင်းရင်းမြစ်များ

Matéus 1:16

Yákob ɔ byál Yósɛp, nlóm á Mālía, Malía nɛ́ a byáláá Yésus nyɔ́ bí ŋga yáŋa nɛ́ Nyɔ́-a-Pɔ́hlɛ.

Lúkas 2:11

Ǹsuŋ a byáa nyí lɛn á tísɔn nyí Dávid, a lɛ Nyɔ́-a-Pɔ́hlɛ, Nyɔ́ŋ-Ɛsáŋɛ́.

Lúkas 2:7

la nyɛ́ ɔ byál mɔɔ́n-á-páam, mɔɔ́n wɛ́ɛ̄ ɔsú. Ɔ vúlké nyɛ miɓato, ɔ nāntɛ́ nyɛ á ésōā bílēm, ányúū nɛ́ póla ɛh ɓɛ́ɛ ɓé ányúū yaɓá á ndáá ɓaloo-nzen.

Lúkas 9:32

Pétlos la elɔŋ yɛ́ɛ́ bí ŋgí wú ɔ́lɔ̄. Ɛnɛ́ ɓá vɛɛɓe, bú ɛ́n Yésus átē á lipém jɛ́ɛ́, á tɛ́ɛ́ la ɓot bíɓáa.

Yohánɛs 1:1

Á míɓotlé mí ŋkɔŋ-á-sí Eɓaŋgá ɛ́ ɓɛ́ɛ́, Eɓaŋgá yú ɓɛ́ élɔŋ la Ɔlolómɛ̄, Eɓaŋgá yú ɓɛ́ Ɔ́lolómɛ̄.

Yohánɛs 11:40

Yésus ɔ lága nyɛ nɛ́: «Ɓaá, máh laga ɓé wa nɛ́ kíyáɓɛ́nɛ ɔ byɛ́ɛ ŋyéɓé ɔg kɛ li ɛ́n lí lípēm lí Ɔ́lolómɛ̄ é?»

Yohánɛs 14:6

Yésus ɔ pélē nyɛ nɛ́: «Ma nɛ́ mi lɛ nzen, mbálɛ, la eniŋ. Mut tɔ wa a ŋgá kɛ ɓé á yóg Etāa kíyáɓɛ́nɛ āh loolé ɓé la ma.

Yohánɛs 14:9

Yésus ɔ lága nyɛ nɛ́: «Á Filípo, ntaandá á éceg nyú mi lɛ̄ élɔŋ la ɓɛ́nɛ, ndí tɛɛla vɔ́ŋɔ́ɔ ɔ ŋgɔ́ lem ɓé ma é? Tɔ nzáá a ɛ́n ma, ɛnɛ a ɛ́n Étāa. Ányúū yéé hɔ́ ɔ ŋgɔ lága nɛ́: ‹Étɛ ɓɛ́hɛ Etāa é?›

Yohánɛs 17:22

Lipém wa tí ma, mág ma tí ɓɔ́ jɔ́, nɛ́ bí ɓɛ́ mut wa kaa ma la wa bi lɛ mut wa,

Yohánɛs 17:24

Etāa kóó yáma ɛ lɛ nɛ́, ápah mi lɛ, ɓot wa tí ma ɓɔ́g bí ɓɛ́ váŋ, nɛ́ bí mɛ̄mɛ́ lipém wa tí ma, ányúū nɛ́, wa dúgú ma lí diŋ, sɔ́kágánɛ́ ɔg veg ŋkɔŋ-á-sí

Yohánɛs 18:37

Piláto ɔ lága nyɛ nɛ́: «Ɔ lɛ hɔ́ káísa é?» Yésus ɔ pélē nyɛ nɛ́: «Wa nɛ́ ɔ ŋgɔ yó nɛ́ mi lɛ káísa. Ma byáa, mu sɔ́ á ŋkɔŋ-á-sí á lí tíi lí mbóŋ ányúū mbálɛ. Tɔ nzáá a lɛ mut a mbálɛ ag ámble yé mi ŋga lága.»

Yohánɛs 2:11

Míŋ nɛ́ mí lɛ́ mínɛ́ŋ mí ɔsú Yésus a ɓɔŋ á tísɔn nyí Kána á Galiléa. A étɛ́ lipém jɛ́ɛ́, la ɓayége ɓɛ́ɛ́ bú yéɓé la nyɛ́.

Yohánɛs 3:16

Ákaa ɛ́sɛ, Ɔlolómɛ̄ a lóohán lí diŋ lí ɓot bí ŋkɔŋ-á-sí nyaa nyí lɛ nɛ́ a tí pɔmbɛ yɛ́ɛ́ Mɔɔ́n nɛ́ tɔ nzáá a ŋga yéɓe la nyɛ́, ah wúág ɓé, ndí a ɓɛ́la eniŋ éɓem.

Yohánɛs 3:18

Nyɔ́ la nyɔ́ a ŋga yéɓe la nyɛ́, bí ŋgá kááhɛ ɓé nyɛ; ndí nyɔ́ a ŋgá yéɓe ɓé la nyɛ́, ɓá man nyɛ li kááhɛ, ányúū nɛ āh yéɓe ɓé á jóō lí pɔmbɛ Mɔɔ́n Ɔlolómɛ̄.

Yohánɛs 6:51

«Ma nɛ́ mi lɛ ékɔgá yé éniŋ yé yá sɔ́léné á lóō. Tɔ nzáá a ŋga kɛ́ yɔ́ li dí ag kɛ li ɓɛ́la lí éniŋ éɓem. Ekɔgá mi ŋga kɛ li tíi á lí niŋɛ lí ɓot bí ŋkɔŋ-á-sí ɛ́ lɛ́ nyuú yáma.»

Yohánɛs 8:32

Miníg kɛ li yí lí mbálɛ, mbálɛ ki ɛ yáanɛ́ ɓɛ́nɛ kundɛ-ɓōt.»

Misɔ́n mí Ɓáōmɓɛ 13:33

nyɛ́ Ɔlolómɛ̄ a yáhɛ mɔ ányúū yāhá, ɓɛ́hɛ mbota yaɓá eceg a pahyɛ́ɛ́ Yésus, kaa yá ciiɓɛ́ á kálati byaá, á yaá yá yáhɛ́ bíɓáa nɛ́: Ɔ lɛ Mɔɔ́n wama, nyí lɛn, ma byál wa›.

Elōg-Lóma 8:3

Ɔlolómɛ̄ a ɓɔ̄ŋ yé mbéndá yāh la ɓé li ɓɔŋ, ányúū nɛ, nyíŋ mbéndá ɛh ɓɛ́ɛ́la ɓé ŋguu nyí li kanʼyɛ lí mut-a-binam átē a aɓɔt wɛ́ɛ́. Ányúū li kɔ́ghɛ lí áɓē nɛ āh ɓɛ́ɛ́la ɓé pɛ ŋguu tɔ ya á nyúū nyí mut-a-binam, Ɔlolómɛ̄ a óm Mɔ́ɔ̄n wɛ́ɛ̄ á épunan yáhá la nyuú nyí miɓé, nɛ́ a ɓógtɛ́ ɓɛ́hɛ á áɓē.

Elōg-Lóma 9:5

ɔ tí ɓɔ ɓasáŋɛ́ bí ŋga yílɛ. Á lílōm jáɓá nɛ Nyɔ́-a-Pɔ́hlɛ a byááyénéé á líɓɛ́ɛg lí mut-a-binam, nyɛ́ nɛ́ a lɛ Ɔ́lolómɛ̄ a kahɛ́ á lōó lí mam mísɛ. Eɓégɛ ɛ́ ɓɛ́ la nyɛ́ nɛ́-tɛ́ɛ la á éɓem! Ɛ́ ɓɛ́ náŋ.

Elōg-Kɔlínto 1 15:47

Mut ɔsú, ɓá mɛ̄ nyɛ la ntɔ́ɔ́, a lɛ nyɔ́ a ŋkɔŋ-á-sí. Nyɔ́ a yáhɛ́ bíɓáa nyɛ́ ag sɔ́le á lóō.

Elōg-Kɔlínto 2 12:9

Ndí nyɛ́ ɔ pélē ma nɛ́: «Ediŋ yáma ɛ́ kɔ́ɔ́ wa, ŋguu yama ɛg ɛ́nyéne yɔ ɛsɛ̄ ápah aɓɔt á lɛ.» Jɔ́ nɛ́, mag ɛ́n nsɛ́ŋ á lí vále lí éyāt yáma á áɓɔt wáma, nɛ́ ndí ŋguu Nyɔ́-a-Pɔ́hlɛ ɛ ɓɛ́ la ma.

Elōg-Gálátia 4:4

Ndí, ɛnɛ́ eceg yá kɔlan, Ɔlolómɛ̄ ɔ óm Mɔ́ɔ̄n wɛ́ɛ̄, nyɔ́ a byáá la mindígá, ɔ ɓɛ́ á sí mbéndá Elōg-Yúda,

Elōg-Éféso 3:8

Tɔ náŋ ákaa ma nɛ́ mi lɛ nyɔ́ a lóohán lí tígi átē á ndog-Ɔlolómɛ̄ yɔ ɛsɛ̄, ma pɔ́n nɛ ma kūh líkaale jé lí lí lɛgɛ lí mílōm mí sē ɓé ɓɔ́ɔ̄n bí Élōg-Yúda pɔ́l abyaŋ á ŋgíla lisúg nyú á Nyɔ́-a-Pɔ́hlɛ,

Elōg-Kólóso 1:19

Ányúū náŋ nɛ́ Ɔ́lolómɛ̄ a ɛ́n m̀ɓɛɛŋ nɛ́ a ɓɛ́ nyɛ́ asɛ̄ átē a Mɔɔ́n wɛ́ɛ̄.

Elōg-Kólóso 2:3

Abyaŋ á peg ásɛ la nyú á éyī ásɛ bí sɔ́lɛ̄ ja átē a Kilístus.

Elōg-Kólóso 2:9

átɔm nɛ́ liɓɛ́ɛg lí Ɔ́lolómɛ̄ lísɛ lí lɛ́hɛ́nɛ́ átē a nyuú nyí Yésus Kilístus.

Timotéo 1 3:16

Kɔɔ la mbálɛ, mbaŋ nyí ŋyéɓé wáhá ɛ lɛ̄ écɛ̄ŋ. Yɔ nɛ́ ɛ lɛ nɛ́: Yésus Kilístus nyɔ́ a sɔ́ la nyuú nyí mut-a-binam, M̀búl Mpúán a étɛ́ ɓɛ́hɛ liɓɛ́ɛg jɛ́ɛ́ lí sim, áŋgɛl ki yú mɛ̄mɛ́ nyɛ, ɔ lɛ̄glɛ́ á yóg ɓot bí ŋgíla ŋyéɓé, ɓot bú yéɓé la nyɛ́ á ŋkɔŋ-á-sí, ɔ ɓét á lōó, ɔ kūh lípēm lí Ɔ́lolómɛ̄.

Elōg-Hébɛl 1:3

La nyɛ́ nɛ́ epaa yé lípēm lí Ɔ́lolómɛ̄ ɛ́ ŋga ɛ́ni, ndí ɔ ɓɛ́ kí kɔɔ yé Ɔ́lolómɛ̄ a lɛ, la ŋguu nyí eɓaŋgá yɛ́ɛ́ nɛ a nīt joó nɛ jam lá vēgɓɛ. Ɛnɛ́ a mānɛ́ li púɛ lí ɓot á míɓē máɓá, ɔ ɓét á lóō, ɔ tɔ́ɔ á m̀ɓɛ́nlómɛ a Nyɔlɛ nyɔ́ a Ŋguu-Mísɛ.

Elōg-Hébɛl 1:5

Ɓaá, yɔɔ́yɔ́ɔ áŋgɛl Ɔlolómɛ̄ ɔ ví laga nɛ́: «Ɔ lɛ̄ mɔ́ɔ̄n wama, nyí lɛn nɛ́ ma byál wa é?» Tɔ nɛ́: «Nyɛ́, ag kɛ li lem nɛ́ mi lɛ nyɛ́ ɛ́sāŋɛ́ mág mi lēm nɛ́ a lɛ̄ mā mɔ́ɔ̄n é?»

Elōg-Hébɛl 10:5

Ányúū náŋ nɛ́, eceg Nyɔ́-a-Pɔ́hlɛ a ŋgí sɔ́ á ŋkɔŋ-á-sí, a lagléé Ɔlolómɛ̄ nɛ́: «Ɔlɔ́ tɔ̄ vá, wāh somo ɓé nsúlé tɔ likaale, ndí wa vēg ma la nyuú.

Elōg-Hébɛl 2:11

Jɔ́ nɛ́, Yésus nyɔ́ a lɛ m̀púɛ, la ɓot ɓá a púɛ míɓē, ɓɔ́ bísɛ bí byɛ́ɛ́ ja ɛsáŋɛ́ wa, ányúū náŋ nɛ́ Yésus a ŋgá kɔn ɓé ɔ́sɔ̄n li yáŋá lí ɓɔ́ nɛ́ elōgyāŋ,

Elōg-Hébɛl 5:5

Ányúū náŋ, tɔ Nyɔ́-a-Pɔ́hlɛ āh katɓan ɓé lípēm jé lí lí ɓɛ́ lí ǹtíi-nsúlé ǹcɛ́ŋ, jéŋ lipém lá sɔ́lé nyɛ la Ɔlolómɛ̄ nyɔ́ a lága nyɛ̄ nɛ́: «Ɔ lɛ̄ Mɔ́ɔ̄n wama, nyí lɛn nɛ́ ma byál wa.»

Yohánɛs 1 4:14

Ɓɛ́hɛ, ɓaá ɛ́n, biíg tíi nyíŋ mbóŋ nɛ́ Etāa a óm Mɔ́ɔ̄n wɛ́ɛ̄ kaa Ǹsuŋ ŋkɔŋ-á-sí.

Yohánɛs 1 4:9

Ediŋ Ɔlolómɛ̄ a étɛ́ ɓɛ́hɛ, yɔ́ yé nɛ́: a óm pɔmbɛ yɛ́ɛ̄ Mɔɔ́n á ŋkɔŋ-á-sí, á li ɓɔŋ nɛ́, la nyɛ́ bi ɓɛ́la eniŋ.

Yohánɛs 2 1:7

Átɔm nɛ́ ŋgandag ɓot bí mínaa yá cámān á ŋkɔŋ-á-sí. Bí ŋgá yéɓe ɓé nɛ Yésus Kilístus a sɔ́ kɔɔ la nyúū mut-a-binam. Ɓáŋ ɓot bí lɛ́ ɓot-bí-mínaa la ɓalem-bí-kilístus.

Biyɛ́ɛ́léné 19:13

A jáhɛ mbɔ́tí nyí ya dúuɓɛ́ á mícii; ag yáŋlɛ nɛ́: Eɓaŋgá Ɔlolómɛ̄.

Biyɛ́ɛ́léné 21:3

Váŋ nɛ́ ma ámblé élōh cíŋ nyí ɛ ŋgí pámle á étɔɓé-líkanʼyɛ ɛg yó nɛ́: «Lindúm ápah Ɔlolómɛ̄ a lɛ la ɓot jé» ag kɛ li ɓɛ́ lí elɔŋ la ɓɔ́. Ɓɔ́, bíg kɛ li ɓɛ́ lí milóm mɛ́ɛ́, nyɛ́g a ɓɛ́ Ɔlolómɛ̄ waɓá.