Yohánɛs 1:12 - Esaa-líat ɛ́ péná

¹² Ndí ɓot ɓá lɛ́glé yɔ, bú yéɓé ki á jóō jɛ́ɛ́, yéŋ Eɓaŋgá yá tí ɓɔ kundɛ li yaan lí ɓɔ́ɔ̄n bí Ɔlolómɛ̄.

Yohánɛs 1:12 ပူးပေါင်းရင်းမြစ်များ

Matéus 10:40

Nyɔ́ la nyɔ́ á ŋga lɛ́gle ɓɛ́nɛ, ɛnɛ mā-mɛ̄n nɛ́ a lɛ́gle. Nyɔ́ ki a ŋga lɛ́gle ma, ɛnɛ a lɛ́glé nyɔ́ a óm ma.

Matéus 12:21

Á jóō jɛ́ɛ́ nɛ milóm mísɛ mí ŋga kɛ́ li válē lí lípitá jáɓá.»

Matéus 18:5

Tɔ nzáá a lɛ́glé mɔ́ɔ̄n kaa nyɔ́ á jóō jáma, ɛnɛ mā-mɛn nɛ́ a lɛ́gle.»

Yohánɛs 1:11

Ɛ́ sɔ́ɔ́ á ndog yɛ́ɛ̄, tɔ la náŋ ndog yɛ́ɛ̄ yāh lɛ́gle ɓé yɔ.

Yohánɛs 1:7

A sɔ́ɔ́ ja kaa mbóŋ, á lí tíi lí mbóŋ nyí mipúú, nɛ́ ndí li kele la nyɛ́ ɓot bísɛ bí yéɓé.

Yohánɛs 11:52

Ah ányúū jɔ́-ntámɛ́ ɓé já, ndí á lí komanɛ lí ɓɔ́ɔ̄n bí Ɔlolómɛ̄ ɓá cámān pɛ́ɛ́ ɛsɛ̄ nɛ́ bí ɓɛ́ mut wa.

Yohánɛs 2:23

Eceg Yésus a ɓɛ́ɛ́ á Yélūsalɛm á lí loɛ lí ŋgand Páska nyí Elōg-Yúda, ŋgandag ɓot yú yéɓé la nyɛ́ ányúū minɛ́ŋ a ŋgí ɓɔŋ.

Yohánɛs 20:31

Ndí, mí mam má ciiɓɛ́ já á lí ɓɔŋ nɛ́ miní yéɓé nɛ́ Yésus a lɛ Nyɔ́-a-Pɔ́hlɛ, ɔ ɓɛ́ Mɔɔ́n Ɔlolómɛ̄, la nɛ́, kaa maná yéɓe, miní ɓɛ́la eniŋ éɓem a jóō jɛ́ɛ́.

Yohánɛs 3:18

Nyɔ́ la nyɔ́ a ŋga yéɓe la nyɛ́, bí ŋgá kááhɛ ɓé nyɛ; ndí nyɔ́ a ŋgá yéɓe ɓé la nyɛ́, ɓá man nyɛ li kááhɛ, ányúū nɛ āh yéɓe ɓé á jóō lí pɔmbɛ Mɔɔ́n Ɔlolómɛ̄.

Misɔ́n mí Ɓáōmɓɛ 3:16

Li kele la ŋyéɓé á jóō lí Yésus, joó jé lá sɔ́lé lí manɛ lí nyɔ́ mut a tɛ́ɛ́ ɓɛ́nɛ ɔ́sū, nyɔ́ miní ŋga lēm, nyúŋ ŋyéɓé á ŋga sɔ́le la Yésus wá tɔ́ɔyɛ́ nyɔ́ mut mbólí á miíh máná ɓɛ́nɛ bísɛ.

Elōg-Lóma 8:14

Ákaa ɛ́sɛ, ɓá bísɛ M̀búl á Ɔ́lolómɛ̄ á ŋga wɛ́ɛla bí lɛ́ ɓɔ́ɔ̄n bí Ɔ́lolómɛ̄.

Elōg-Lóma 8:16

Nyɔ́ŋ M̀búl nyɛ́-mɛ̄n nɛ́ á ŋga yíhɛ kɔɔ ɓɛ́hɛ nɛ́ bi lɛ̄ ɓɔ́ɔ̄n bí Ɔ́lolómɛ̄.

Elōg-Lóma 8:19

Átɔm nɛ́, biveglé bísɛ bí lɛ́ lí laaŋke átē a evéhé nɛ́ Ɔlolómɛ̄ a yíhɛ́ ɓanzáá bí lɛ́ ɓɔ́ɔ̄n ɓɛ́ɛ́.

Elōg-Gálátia 3:26

átɔm nɛ́ ɓɛ́nɛ bísɛ, maná yaán ɓɔ́ɔ̄n bí Ɔlolómɛ̄, li kele la ŋyéɓé wáná la Yésus Kilístus.

Elōg-Gálátia 4:6

Kasig miní lɛ́ kɔɔ ɓɔɔ́n ɓɛ́ɛ́, Ɔlolómɛ̄ a vá M̀búl á Mɔ́ɔ̄n wɛ́ɛ̄ átē á mimím máhá, nyúŋ M̀búl nɛ́ á ŋga lón nɛ́: «Ába!» Náŋ a lɛ nɛ́ Etāa.

Elōg-Kólóso 2:6

Kasig maná lɛ́glé Yésus Kilístus Nyɔ́ŋ-Ɛsáŋɛ́, wɛán élɔŋ la nyɛ́.

Pétlos 2 1:4

Li kele la jéŋ lipém la misɔ́n mɛ́ɛ́ mí m̀ɓɛɛŋ, Ɔlolómɛ̄ a tí ɓɛ́hɛ miɓɛɛŋ mí má loohán lí ɓɛ́ lí taŋ, mí á kákānɛ̄ ɓɛ́hɛ, á lí ɓɔŋ nɛ́, eceg miní ŋga kuh mɔ́, miní nɛ́ŋɛ̄ la kóó éɓē yí ɛ́ lɛ́ nyɛgá nyí ŋkɔŋ-á-sí, la ki nɛ́ miní āt la Ɔlolómɛ̄ nyɛ́-mɛ̄n.

Yohánɛs 1 3:1

Léɓyán édiŋ ecɛ́ŋ Etāa a tí ɓɛ́hɛ kaa likaale, nɛ́ bi yáŋlɛ́ ɓɔɔ́n bí Ɔlolómɛ̄. Bi lɛ kɔɔ ɓɔ́! Kasig ŋkɔŋ-á-sí wáh yí ɓé Ɔlolómɛ̄, ányúū náŋ nɛ́ á ŋgá la ɓé ɓɛ́hɛ li yí.

Yohánɛs 1 3:10

Jam lí ŋga ɓɔ̄ŋ nɛ́ bí lem ɓɔɔ́n bí Ɔ́lolómɛ̄ la ɓɔɔ́n bí ǹsɔhɔ li lɛ́ nɛ́, nyɔ́ la nyɔ́ a ŋgá ɓɔŋ ɓé yé ɛ́ tɛ́ɛ́ sim, tɔ li diŋ lí mɔ́ɔ̄nyāŋ a sē ɓé nyɔ́ a Ɔlolómɛ̄.

Yohánɛs 1 3:2

Á élōgyāŋ yé ediŋ, li ɓotle la nyí vɔ́ŋɔ́ɔ bi lɛ̄ ɓɔ́ɔ̄n bí Ɔlolómɛ̄, ndí yé bi ŋga kɛ́ li ɓɛ́ ɛ́ lɛ́ ŋgí lí ɛ́ni. Biíg yí nɛ́, eceg Nyɔ́-a-Pɔ́hlɛ a ŋga kɛ́ li sɔ́, biíg kɛ li punan la nyɛ́, ánsī nɛ biíg kɛ nyɛ́ lí ɛ́n ákaa a lɛ.

Yohánɛs 1 3:23

Mbéndá yɛ́ɛ̄ nyí nɛ́: bi ɓɛ́la ŋyéɓé la Mɔ́ɔ̄n wɛ́ɛ̄ Yésus Kilístus, bi díŋán ki ɓɛ́hɛ la ɓɛ́hɛ, ákaa mbéndá nyí Nyɔ́-a-Pɔ́hlɛ ɛ ŋga lága ɓɛ́hɛ.