Yákop 5:20 - Esaa-líat ɛ́ péná

²⁰ yíán hɔ́ nɛ, nyɔ́ la nyɔ́ a ŋga ɓógtɛ m̀ɓɔŋ-miɓé á nzen njáŋgá, ag kɛ nyɛ́ lí suŋ lí éniŋ, ag óŋgánɛ ki nyɛ́ nɛ́ ɔbul vɛ́ɛ́ ví míɓē ví kuh elaakɛ.

Yákop 5:20 ပူးပေါင်းရင်းမြစ်များ

Yohánɛs 5:24

La mbálɛ-mbálɛ, mag laga ɓɛ́nɛ nɛ́, tɔ nzáá a ŋga ámble eɓaŋgá yáma la li yéɓe la nyɔ́ a óm ma, a byɛ́ɛ eniŋ éɓem, a ŋgá kɛ ɓé lí ku lí ŋkál, ndí a ɓógó á nyɛmb li timan á éniŋ.

Elōg-Lóma 11:14

la lipitá nɛ mag ɓétɛ nzoŋ nyí ɓot bí lílōm jáma, á lí ɓɔŋ nɛ́ puh múŋ ɛ́ sūŋɓɛ̄.

Elōg-Kɔlínto 1 1:21

Ákaa ɛ́sɛ, kasig ŋkɔŋ-á-sí li oŋle la peg yɛ́ɛ̄ wáh la ɓé li lemlene lí Ɔ́lolómɛ̄ átē a peg yɛɛ́, ányúū náŋ nɛ́ Ɔlolómɛ̄ a súgɛ́ nɛ ag suŋ ɓá bísɛ bí ŋga yéɓé la nyíŋ pɔ́l bi ŋga lɛ́gɛ, nyí ɛ lɛ̄ káa jam lí nzeg ányúū ɓot-bí-bínam.

Elōg-Kɔlínto 1 9:22

Ma yáanɛ́ mā-mɛn ntɔt-á-mut á ŋgwáāg mitɔt-mí-ɓot, nɛ́ ndí mi tómbánɛ mɔ́. Ma tí éniŋ yáma ɛ́sɛ ányúū ɓot bísɛ nɛ́ ndí yɛkɛsig mi súŋ jogo lí ɓot.

Timotéo 1 4:16

Nyɔ̄ŋ éceg la wā-mɛ̄n ndí la yé ɔ ŋgɔ yéglɛ ɓot ki, tiŋɓéné múŋ. Eceg ɔ ŋgɔ ɓɔ̄ŋ náŋ, ɔg kɛ li suŋ lí wā-mɛ̄n elɔŋ la ɓot bí ŋga ámble wa.

Filémon 1:19

Mā-mɛn Póol nɛ́ mi ŋga cíi náŋ la wɔ wáma á lícila. Mag kɛ wā lí sála. Ndí, mág mag ɔ́ŋlánɛ wa nɛ́, wā-mɛ̄n, ɔ byɛ́ɛ́ ma épīl, yéŋ epíl ɛ́ lɛ́ éniŋ yɔ́ɔ!

Yákop 1:15

La ki nɛ́, eceg kóó-míson yá nyɔ̄ŋ étɔ, ɛ́g byál áɓē, aɓé ki, eceg wá ólo, ág sɔ́la nyɛmb.

Yákop 1:21

Jɔ́ nɛ́, ɓógyán á mam mísɛ mí ŋga vínɛ ɓɛ́nɛ, la nlohanɛ́ a m̀ɓé-a-m̀mím. Lɛ́glán éɓaŋgá Ɔ́lolómɛ̄ a ɓɛ́ɛl átē wāná la ewú-m̀mím, yɔ́ nɛ́ ɛ́ kɔ́ɔ ɓɛ́nɛ li suŋ.

Yákop 5:15

Li kánɛ la ŋyéɓé líg kɛ li suŋ lí ŋ̀kɔɔ́kɔn, Nyɔ́ŋ-Ɛsáŋɛ́ ag kɛ nyɛ́ lí tɛ́ɛ́yɛ. Kíyáɓɛ́nɛ a ɓɔ̄ŋ miɓé, Nyɔ́ŋ-Ɛsáŋɛ́ ag kɛ mɔ́ lí laakɛ.

Yákop 5:19

Á élōgyāŋ, kíyáɓɛ́nɛ mut wáná wa a ɓēn mbálɛ, ndí ɓá tímānɛ̄ nyɛ á nzen ɛ tɛ́ɛ́,

Pétlos 1 4:8

Ákaa jam lí ɔ́sū, ediŋ yá nyɛɛ lí ɓɛ́ á póla yaná eceg sig, átɔm nɛ́ ediŋ ɛ́g bútyɛ ɔ́bul ví míɓē.

Biyɛ́ɛ́léné 20:6

Misɔ́tá la ndog-Ɔlolómɛ̄ nyí ya nyɔ̄ŋ ŋgáɓo á jéŋ lipahye lí ɔ́sū. Bí ŋgá kɛ ɓé lí yí lí nyɛmb ya yáhɛ ɛ́ɓáa nyí ya tíile; bíg kɛ li ɓɛ́ lí ɓátíi-nsúlé bí Ɔlolómɛ̄ la ɓá bí Kilístus; bíg kɛ li tɔɔ la nyɛ́ á líkanʼyɛ ányúū ɔkóó ví mímbú.