Yákop 4:12 - Esaa-líat ɛ́ péná

¹² Ndí, Ɔlolómɛ̄ nyɛ́-ntámɛ́ nɛ́ a lɛ̄ ǹtɛ́ɛ́yɛ-mbéndá, la ŋ̀kááhɛ ɓot. Nyɛ́ nɛ́ a ŋga lá li suŋ, nyɛ́ ki nɛ́ a ŋga lá li cɛ́hɛ. Wa hɔ́, ɔ lɛ́ nzáá ɔ ŋgɔ kááhɛ mɔɔ́nɛ́sɔ̄ŋ é?

Yákop 4:12 ပူးပေါင်းရင်းမြစ်များ

Matéus 10:28

Miníh kɔnɔ́g ɓé ɓot bí ŋga ól nyúū mut woŋ, ndí ɓáh la ɓé lí ól lí m̀búl. Ndí mut a ŋga lā li ól lí m̀búl la nyuú, a óm ɓɔ̄ á éɓēl nzáan, nyɛ́ nɛ́ miní kɔn woŋ.

Lúkas 12:5

Mag étɛ ɓɛ́nɛ nzáá maná nyɛ́ɛ li kɔn lí woŋ; nyɔ́ a lɛ nɛ́, ámbúh li ól, a byɛ́ɛ̄ ŋguu li lɛŋgɛ á éɓēl ɛ́ nzáan, nyɛ́ nɛ́ miní kɔn woŋ. Ɔɔ, mag laga ɓɛ́nɛ, kɔnán nyɛ́ woŋ.

Elōg-Lóma 14:13

Bi mwáhɛ́ hɔ́ lí kááhan ɓɛ́hɛ la ɓɛ́hɛ. Ndí nyɔŋán jā bísúghɛ́nɛ́ nɛ miní ŋgá ɓɔŋ ɓé jam lí ŋga ɓɛ́ mɔɔ́nɛ́sɔ̄ŋ waná ɔ́ɓag ví ŋga yígle nyɛ́ lí ɓɔŋ lí áɓē, ndí tɔ li kuhʼanɛ lí nyɛ á míceglan.

Elōg-Lóma 14:4

Ɔ lɛ nzáá á lí kááhɛ lí ɛ́waŋgá m̀ɓɔŋle é? A byélɓán á nsɔ́n tɔ a jóŋo, náŋ ag légɓe ja ɛ́sāŋɛ́ wɛ́ɛ̄. Ag kɛ hɔ́ lí byelɓan á nsɔ́n wɛ́ɛ́, átɔm nɛ́ Nyɔ́ŋ-Ɛsáŋɛ́ a byɛ́ɛ́ ŋguu li nit lí nyɛ.

Elōg-Lóma 2:1

Á mɔ́ɔ̄nyɔ̄ŋ, wá nyɔ́ ɔ ŋgɔ kááhɛ ɓáŋá ɓátām ɓaá kwɛlene, tɔ̄ wa ɓɛ́ nzáá, ɔ ŋgɔ́ kɛ ɓé lí kuh lí élaakɛ, átɔm nɛ́ eceg ɔ ŋgɔ kááhɛ ɓot ɓatám, ndí ɔg ɓɔŋ nlemlem kaa ɓɔ́, wā-mɛ̄n ɔg pámɛ mbag nyí ŋkál wɔ́ɔ.

Elōg-Lóma 9:20

Wā mut-a-binam, ɔ lɛ́ hɔ́ nzáá á lí kál la Ɔ́lolómɛ̄ é? Ɓaá, m̀ɓaŋāg-á-jam ág la li ɓat lí m̀ɓaŋ jɔ́ nɛ́: «Ányúū yéé wa ɓāŋ ma ná é?»

Elōg-Hébɛl 7:25

Ányúū náŋ nɛ́ ŋgele ya ányúū yɔ́ ɛ́sɛ, Yésus a kɔɔ́ lí suŋ lí ɓá bí ŋga lóole la nyɛ́ á lí siŋgle lí Ɔlolómɛ̄ á ŋgwáāg. Kasig a ŋga nīŋ á éɓem la á éɓem, á lí kánɛ lí Ɔ́lolómɛ̄ ányúū yāɓá.

Yákop 5:9

Á élōgyāŋ, sɔ́mɔn ɛ́h ɓɛ́ɛ́g ɓé á póla yaná, Ɔlolómɛ̄ a táág kááhɛ́ ɓɛ́nɛ. Ɛ́nán, ŋ̀kááhɛ a nyɛ́g á míkooká máná.