Yákop 3:13 - Esaa-líat ɛ́ péná

¹³ Mut a byɛ́ɛ́ peg la eyí á póla yaná, a lɛ nyɔ́ a ŋga étɛ́ míɓɔŋɔg mɛ́ɛ́ mílāām átē á misɔ́n mɛ́ɛ́ a ŋga ɓɔ̄ŋ la ewú-m̀mím. Nyɔ́ŋ mut ag ɓɔ̄ŋ bíŋ bísɛ la peg.

Yákop 3:13 ပူးပေါင်းရင်းမြစ်များ

Matéus 11:29

Ɓɛglán mbɛ́gɛ yama, miní níŋgí á ésukúlu yáma, átɔm nɛ́ mi lɛ̄ pií la esuhɛ-nyuú; la náŋ, miníg kɛ li kuh lí évɛɛɓan.

Matéus 21:5

«Laglán ŋgɔn ŋkɔŋ á Síon nɛ́, Légɓé sig, káísa yɔɔ ɛg sɔ́le wa, la esuhɛ-nyuú, á lóō lí m̀mín á jákāas la á lóō lí mɔ́ɔ̄n wɛ́ɛ̄, mɔɔ́n tít nyí ɛ ŋga ɓɛ́gɛ ɓot.»

Matéus 5:5

Misɔ́tá la ɓá bí ŋga lée, bíg kɛ ɓɔ́ lí mɔ́mɛ.

Matéus 7:24

«Jɔ́ nɛ́ tɔ nzáá a ŋga ámblé bí biɓaŋgá ma sɔ́lé lí pɔ́t, ndí ag oŋle ki byɔ́, ag punan la mut á peg nyɔ́ a óŋ nlɛ́ɛ́ á taŋ sí nyí ŋgɔg.

Elōg-Kɔlínto 1 6:5

Náŋ a lɛ ɓɛ́nɛ láas a mbɔɔla. Miníg dígānɛ nɛ́ á póla yaná, manáh ɛ́n ɓé mut tɔ wa nyɔ́ a byɛ́ɛ̄ lísɔŋtánɛ, nyɔ́ a kɔɔ́ lí kááhɛ lí mípɔ̄t máná mí línyaŋ é?

Elōg-Kɔlínto 2 10:1

Á élōgyāŋ, mā-mɛ̄n Póol, ányúū elɔ́ŋgɔ la ewú-m̀mím yé Nyɔ́-a-Pɔ́hlɛ nɛ́ mi ŋga sɔ́hye nɛ́ miní ámblé mā. Mā mut ɛ́ ŋga lāglɛ nɛ́ mi lɛ éɓɔ̄l eceg mi lɛ̄ ɔ́sū váná, ndí mu ɓɛ́ élōh eceg mi lɛ énɛŋɛ́ la ɓɛ́nɛ.

Elōg-Kɔlínto 2 8:24

Éthánɛ hɔ́ ɓɔ édiŋ yáná ɔ́sū ví Bíɓasɛ, miní étɛ́ ki ɓɔ́ nɛ eyát bi ŋga ɓɔ̄ŋle ɓɔ́ ányúū yāná ɛ́ byɛ́ɛ́ etɔ.

Elōg-Gálátia 5:23

ewú-m̀mím, lí ɔn lí nyúū, míŋ mam mih byɛ́ɛ́ ɓé Mbéndá tɔ ya.

Elōg-Gálátia 6:1

Á élōgyāŋ, Kíyáɓɛ́nɛ maná ɛ́n mut ag vuh, ɓɛ́nɛ ɓot M̀búl a ŋga wɛ́ɛla, la ewú-m̀mím nɛ maná nyɛ́ɛ nyɛ li tɛ́ɛ́yɛ á nzen. Mut sig a nyɔ́ŋ litát, ányúū nɛ nyɛ́g ag la li ku á míceglan.

Elōg-Gálátia 6:4

Ndí, mut sig a légɓé míɓɔŋɔg mɛ́ɛ́, kíyáɓɛ́nɛ a kɔ̄t jam lí ŋga kɔ̄nhanɛ nyɛ́ mivag múŋ, náŋ ag ɓɛ́ li oŋle la nyɛ́-mɛ̄n, ndí ah la ŋget la mut ntám ɓé.

Elōg-Éféso 4:2

Ɓɛ́án la esuhɛ-nyuú, ewú-m̀mím la eɔ́hánɛ, miní yéɓyán ɓɛ́nɛ la ɓɛ́nɛ átē á ediŋ.

Elōg-Fílípi 1:27

Á élōgyāŋ, niŋán ákaa ɛ́ ŋga sōmlɛ li oŋle la Pɔ́l M̀ɓɛɛŋ nyí Nyɔ́-a-Pɔ́hlɛ, á lí ɓɔ́ŋ nɛ́, ma sɔ́ ɓɛ́nɛ li ɛ́n tɔ māh sɔ́ ɓé ma, mi ámblé pɔ́l yāná nɛ maná tiŋɓé á lí ɓɛ́la lí míɔ̄ŋɔ má, mi ámblé ki nɛ́, la m̀mím wá nɛ miní ŋga dū eɓándá ányúū ŋyéɓé a ŋga sɔ́léne á Pɔ́l M̀ɓɛɛŋ.

Elōg-Kólóso 3:12

Kasig Ɔlolómɛ̄ a pɔ̄hɔ́ ɓɛ́nɛ, kasig miní lɛ́ ndog yɛ́ɛ̄, kasig miní lɛ́ bídidíŋɛ byɛ́ɛ́ bí ɓɔ́ɔ̄n, ɓɛ́án hɔ́ la m̀mím a ŋgɔ́ɔ́, ɓɛ́án la ediŋ, esuhɛ-nyuú, ewú-m̀mím, la eɔ́hánɛ.

Timotéo 1 4:12

Mut tɔ wa ah yaŋlág ɓé líɓɛ́ɛg jɔ́ɔ lí ɔ́wāndá, ndí wa, ɓɛ́ já ndembye ányúū ɓayéɓe á bíɓaŋgá byɔ́ɔ, á míɓɔŋɔg mɔ́ɔ, á édiŋ yɔ́ɔ, á ŋyéɓé wɔ́ɔ la á líɓɛ́ɛg jɔ́ɔ lí mípūū.

Timotéo 1 6:11

Á wā m̀ɓɔŋle Ɔlolómɛ̄, nɛŋɛ́ la míŋ mam mísɛ. Somó étɛ̄l-sim, somó lí tiŋɓe la Ɔlolómɛ̄, somó lí ɓɛ́la lí ŋyéɓé, somó lí ɓɛ́la lí édiŋ, ɓɛ́ kɔ́kɔ, ɔ ɓɛ́la ewú-m̀mím.

Timotéo 2 2:25

Ag nyɛɛ li yéglɛ lí ɓátɛ̄ŋgánɛ nyɛ́ la ewú-m̀mím. Nzáá a ŋga yí, kíyáɓɛ́nɛ Ɔlolómɛ̄ a ŋgá kɛ ɓé ɓɔ lí tíi lí eceg nɛ́ bí vēŋé bílɛ̄m ányúū li yí lí mbálɛ é?

Títo 3:2

Yáh nyɛɛ ɓé lí óŋo lí mut tɔ wa, ɛ́ pún mómo, ɛ́ ɓɛ́ ɓot bí nsaŋ, ɛ́ ɓɛ́ ewú-m̀mím eceg sig á ŋgwáāg ɓot bísɛ.

Elōg-Hébɛl 13:5

Miníh tíág ɓé ɓɛ́nɛ-mɛ̄n á édiŋ ɛ́ mɔní, ndí kɔnán jā mívag la yé miní byɛ́ɛ̄, átɔm nɛ́ Nyɔ́ŋ-Ɛsáŋɛ́ nyɛ́-mɛ̄n a lāgá nɛ: «M̀ɓá-mɓá mi ŋgá mwahɛ ɓé mā wa, mi ŋgá cóó ɓé mā wa!»

Yákop 1:21

Jɔ́ nɛ́, ɓógyán á mam mísɛ mí ŋga vínɛ ɓɛ́nɛ, la nlohanɛ́ a m̀ɓé-a-m̀mím. Lɛ́glán éɓaŋgá Ɔ́lolómɛ̄ a ɓɛ́ɛl átē wāná la ewú-m̀mím, yɔ́ nɛ́ ɛ́ kɔ́ɔ ɓɛ́nɛ li suŋ.

Yákop 2:18

Ndí, mut ag kɛ li laga nɛ́: «Wa ɔ byɛ́ɛ́ ŋyéɓé, mág mag ɓɔŋ misɔ́n. Étɛ́ sig mā nyúŋ ŋyéɓé wɔ́ɔ á ŋgíla misɔ́n, má, mag kɛ wa lí étɛ la misɔ́n máma nɛ́ mi byɛ́ɛ́ ŋyéɓé.»

Yákop 3:1

Á élōgyāŋ, ɓɛ́nɛ bísɛ miníh kɛnɛ́g ɓé á lí yéglɛ átɔm nɛ́, miníg yí nɛ́ ɓɛ́hɛ ɓayéglɛ, ŋkál wáhá ág ɓɛ́ ŋguu ŋgandag.

Yákop 3:17

Ndí peg ɛ ŋga sɔ́le á lōó, yɔ nɛ́ ɛ lɛ tāŋ, ámbúh náŋ ɛ lɛ́ nsaŋ, ɛ lɛ éwū-m̀mím, ɛg sáŋga ɓot, ɛ yáhɛ la ekɔnan-ŋgɔ́ɔ́, ɛg ɓɔŋ bilɔ́ŋgɔ bí mam, ɛh byɛ́ɛ́ ɓé ndɔ́tlán tɔ ɔtaɓa.

Pétlos 1 1:15

Ndí, nlemlem kaa nyɔ́ a yáŋá ɓɛ́nɛ a lɛ mpúán, ɓɛ́nɛ ki miní yáan ɓapúán á miɓɔŋɔg máná mísɛ,

Pétlos 1 2:12

Ɓɛ́án la bilɛ́m bílāām á póla ɓot bí ŋgá yéɓé ɓé la Ɔlolómɛ̄, á li somo nɛ́, tɔ ɓɔŋ nɛ́ bíg ɓéeyɛ ɓɛ́nɛ nɛ́ miní lɛ́ ɓot ɓaɓé, bí ɛ́n miɓɔŋɔg máná mílāām, la ɓɔ́ bí ɓégɛ́ Ɔlolómɛ̄ ɔlɔ́ a ŋga kɛ́ li sɔ́.

Pétlos 1 2:9

Ndí, ɓɛ́nɛ miní lɛ́ mbota Ɔlolómɛ̄ a pɔ́hɔ, lilómɛ lí ɓatíi-nsúlé lí káísa, ndog-Ɔlolómɛ̄ nyí púán, lilóm jé Ɔlolómɛ̄ a pɔ́hɔ á li ɓɔŋ nɛ́ miní lɛ̄gɛ́ mam micɛ́ŋ a ɓɔ̄ŋ; nyɛ́ nɛ́ a yáŋá ɓɛ́nɛ nɛ́ miní ɓógó á lívito, á lí níŋgi á taŋ yɛɛ́ mipúú.

Pétlos 1 3:4

ndí aláám wáná á ɓɛ́ aláám nyú á átē wāná, aláám nyú á ŋgá lɔɓe ɓé, nyú á byɛ́ɛ̄ eɓɔɓɔtɛ-m̀mím la m̀mím á nsaŋ, nyúŋ aláám nɛ a lɛ́ nsɛ́ŋ ŋgandag ɔ́sū ví Ɔlolómɛ̄.