Títo 2:7 - Esaa-líat ɛ́ péná

⁷ á mam mísɛ. Wā-mɛ̄n, misɔ́n mɔ́ɔ miláám mí ɓɛ́ ndembye ányúū ɓatám: kaa li yéglɛ lí tāŋ míēēlé, la li yéglɛ lí yé ɛ́ kɔ́ɔ̄,

Títo 2:7 ပူးပေါင်းရင်းမြစ်များ

Elōg-Kɔlínto 2 1:12

Á élōgyāŋ, yé ɛ́ lɛ́ éyātɓéné yáhá ɛ́ lɛ́ yé cíŋ-m̀mím yāhá ɛ ŋga yíhɛ ɓɛ́hɛ. Ɛg yíhɛ ɓɛ́hɛ nɛ́ ɓaá wɛɛ́ á ŋkɔŋ-á-sí, tín-tín á ŋgwáāg yāná la m̀mím á mípūū átē a mbálɛ á nyaa ɛ ŋga nyɛ́ɛle Ɔlolómɛ̄. Náŋ āh ɓɔŋɓɛ ɓé la peg nyí mut-a-binam, ndí la elɔ́ŋgɔ m̀mím yé Ɔlolómɛ̄ á ŋgwáāg yāhá.

Elōg-Kɔlínto 2 2:17

Ákaa ɛ́sɛ, bi sē ɓé ɓɛ́hɛ káa víŋí ɔ́bul ví ɓot, ɓá bí ŋga núŋu eɓaŋgá yé Ɔ́lolómɛ̄. Ndí ɓɛ́hɛ, biíg pɔ́t á nyaa ɛ tɛ́ɛ́ á joó lí Ɔ́lolómɛ̄, ɔ́sū ví Ɔ́lolómɛ̄, á ŋ̀atanɛ́ la Nyɔ́-a-Pɔ́hlɛ.

Elōg-Kɔlínto 2 4:2

Ɓaá pún mām mí ŋga ɓɔ̄ŋɓɛ á nsɔlɓɛ́ la mam mí ŋga kɔ̄nhan mbɔɔla, ɓɛ́hɛ bi ŋgá kɔ́tɓɛ ɓé ki ɓɛ́hɛ eɓaŋgá Ɔ́lolómɛ̄, biíg niŋ á nyaa ɛ tɛ́ɛ́. Á mveŋghanɛ́, eceg bi ŋga étɛ mbálɛ á nyaa ɛ tɛ́ɛ́ nɛ̄ bi ŋga tíi ɓot bísɛ mbóŋ yāhá ɓɛ́hɛ-mɛ̄n ɔ́sū ví Ɔ́lolómɛ̄, nɛ́ ndí bí ɓɛ́ mbáki la ɓɛ́hɛ.

Elōg-Kɔlínto 2 8:8

Mi ŋgá pɔ́t ɓé mā náŋ ákaa ŋkágyɛ́gɛ-á-jam, ndí kí mag máŋlɛ ɓɛ́nɛ akwáá á ɓáŋá, náŋ a lɛ ányúū li ɓɔŋ nɛ́ miní étɛ́ taŋ taŋ yaná ediŋ.

Elōg-Éféso 6:24

Ndómbo Ɔlolómɛ̄ ɛ ɓɛ́ la ɓɛ́nɛ bísɛ miní ŋgá dīŋ Ɛtáŋɛ wahá Yésus Kilístus ediŋ yé pɔ́gɔ́-pɔgɔ.

Elōg-Fílípi 1:10

nɛ́ ndí miní yí li pɔhɔ lí yé ɛ́ kɔ́ɔ̄, la náŋ miníg ɓɛ́ mipúú, ŋgíla ɔnɛ́g á ɔ́lɔ̄ Nyɔ́-a-Pɔ́hlɛ a ŋga kɛ́ li sɔ́,

Elōg-Tésaloníka 2 3:9

La mbálɛ, bi ɓɛ́ɛ́la kundɛ li ɓat lí ɓɛ́nɛ lióŋgánɛ, ndí ɓaá somó nɛ̄ bi ɓɛ́ ɓɛ́nɛ ndembye nyí maná nyɛɛ lí oŋle.

Timotéo 1 4:12

Mut tɔ wa ah yaŋlág ɓé líɓɛ́ɛg jɔ́ɔ lí ɔ́wāndá, ndí wa, ɓɛ́ já ndembye ányúū ɓayéɓe á bíɓaŋgá byɔ́ɔ, á míɓɔŋɔg mɔ́ɔ, á édiŋ yɔ́ɔ, á ŋyéɓé wɔ́ɔ la á líɓɛ́ɛg jɔ́ɔ lí mípūū.

Timotéo 1 5:10

Ág nyɛɛ li yílɛ́ ányúū misɔ́n mɛ́ɛ́ mí m̀ɓɛɛŋ, mí mí lɛ́: li nyɔ̄ŋ éceg á lí náŋɛ lí ɓɔ́ɔ̄n ɓɛ́ɛ́, li yí lí lí lɛ́gle lí ɓot, li so míkoo mí ndog-Ɔlolómɛ̄, li óŋgánɛ́ ɓot bí mɓɛ́ á mítīg, li byee patí mísɔ̄n mí m̀ɓɛɛŋ mitám ki.

Títo 3:8

Yéŋ eɓaŋgá ɛ́ kɔ́ɔ nɛ́ bi válé yɔ́ lípitá, jɔ́ nɛ́ kóó ɛ lɛ̄ ma nɛ́ ɔ nyɔ̄ŋ eceg la nyúŋ ŋkwɛl, nɛ́ ndí ɓá bísɛ ɓá vá ŋyéɓé wáɓá la Ɔlolómɛ̄ bí tiŋɓé á lí ɓɔŋ lí mísɔ̄n mí m̀ɓɛɛŋ. Náŋ nɛ́ a lɛ m̀ɓɛɛŋ, ɔ ɓɛ́ ki nsɛ́ŋ ányúū ɓot bísɛ.

Pétlos 1 5:3

Miníh kɔgtégé ɓé ɓot ɓá tí ɓɛ́nɛ li tát ndí, ɓɛ́án ndembye eláám ányúū ɓot bí jéŋ liɓembá.