Títo 2:2 - Esaa-líat ɛ́ péná

² Lagá mimáŋ-mí-ɓot nɛ́ mí ɓɛ́ elɛ́m, mí dítɛ̄ mɔ́-mɛ̄n, mí ɓɛ́la lisɔ́ŋtánɛ, mí ɓɛ́ ŋyálāg la taŋ ŋyéɓé, la ediŋ la eɔ́hánɛ.

Títo 2:2 ပူးပေါင်းရင်းမြစ်များ

Málkus 5:15

Ɛnɛ́ ɓá pám ɓɛ́ɓɛ la Yésus, bú ɛ́n nyɔ́ mut a ɓɛ́ɛ́la mimbúl míɓē ŋgandag a tɔ́ɔ̄, a jáhɛ mbɔ́tí, ɔ tímān nyaa m̀ɓɛɛŋ, Náŋ ɔ kɔ̄nhánɛ́ ɓɔ woŋ.

Lúkas 8:35

Ɓot bú sɔ́ lí légɓe lí yé yá loo. Bú pám ɓɛ́ɓɛ la Yésus, la ɓɔ́ bú kɔ́p nyɔ́ mut mimbúl míɓē má pám á nyúū a tɔ́ɔ̄ nyɛ́ á sí míkoo, a jáhɛ mbɔ́tí, ɔ tímān nyaa m̀ɓɛɛŋ; la ɓɔ́ bú kɔn woŋ.

Misɔ́n mí Ɓáōmɓɛ 24:25

Ndí, kaa ŋkwɛl wáɓá a ŋgí kɛ ja á épah yé etɛ́l-sim, a lí yí lí lí ɔn lí nyúū la bikááhɛ́nɛ́ bí ŋga kɛ́ li sɔ́, náŋ ɔ téeŋgɛ́ gɔ́mna licɛ́ŋ Félis, la nyɛ́ ɔ lága Póol nɛ́: «Á nyí vɔ́ŋɔ́ɔ, tímān a ndáá-m̀ɓog, mag timan wa li yáŋa ǹdiyo ntám.»

Elōg-Lóma 12:3

Li oŋle la mikaale Ɔlolómɛ̄ a tí mā yɛ̄mɛ́, mag laga hɔ́ mut waná sig nɛ́, ah ɔ́ŋlág ɓé lí ɓɛ́ lí yé a sē ɓé, ɓɛ́án la miɔ́ŋɔ mí ŋkɔlɓanɛ́, mut sig a yí li nyɔŋ lí éceg la nsɔ́n Ɔ́lolómɛ̄ a tí nyɛ likɔlɓan la ɔvega ví ŋyéɓé a byɛ́ɛ̄ la Nyɔ́-a-Pɔ́hlɛ.

Elōg-Kɔlínto 1 15:34

Miní tímānɛ miɔ́ŋɔ máná la mbúh, miníh ɓɔ̄ŋɔ́g ɓé pɛ aɓé! Átɔm nɛ́ jogo lí ɓot á póla yaná lí ŋgá yí ɓé Ɔ́lolómɛ̄, náŋ á lɛ̄ mbɔ́ɔla ányúū yāná.

Elōg-Kɔlínto 1 9:25

Ɓot bí patí micaa ɛ́sɛ, eceg bí ŋga víhyɛ ɓɔ́-mɛ̄n á ɓōŋhánɛ́ a micaa, bíg ɓɔŋ náŋ ányúū li kuh lí ɔ́tot ví ŋga lɔ́ɓe, ndí ɓɛ́hɛ, biíg ɓɔŋ náŋ ányúū li kuh lí ɔ́tot ví ví ŋgá lɔɓe ɓé.

Elōg-Kɔlínto 2 5:13

Ákaa ɛ́sɛ, kíyáɓɛ́nɛ eyí ɛ́ jáŋáá ɓɛ́hɛ, náŋ a ɓɛ́ɛ́ ányúū Ɔlolómɛ̄, kíyáɓɛ́ ki nɛ́ biíg yí jam, náŋ a lɛ ányúū yāná.

Elōg-Gálátia 5:23

ewú-m̀mím, lí ɔn lí nyúū, míŋ mam mih byɛ́ɛ́ ɓé Mbéndá tɔ ya.

Elōg-Fílípi 4:8

Á élōgyāŋ, á mísúgle, mag laga ɓɛ́nɛ nɛ́, maná nyɛ́ɛ ja lí tiŋɓe á yé ɛ́sɛ ɛ́ lɛ́ mbálɛ, á yé ɛ́sɛ ɛ́ lɛ́ taŋ, á yé ɛ́sɛ ɛ́ tɛ́ɛ́ sim, á yé ɛ́sɛ ɛ́ lɛ́ mípūū, á yé ɛ́sɛ ɛ́ kɔ́ɔ̄ lí diŋɓɛ, á yé ɛ́sɛ ɛ́ kɔɔ́ la adit, á yé ɛ́sɛ ɛ́ ŋga yáŋlɛ nɛ́ m̀ɓɛɛŋ, la á yé ɛ́sɛ ɛ́ kɔɔ́ la eɓégɛ.

Elōg-Tésaloníka 1 5:6

La náŋ, biíh lálág ɓé kaa ɓáŋá ɓot ɓatám, ndí bi tɔ́ɔ pɛɛ, bi táthán la ɓɛ́hɛ-mɛ̄n.

Elōg-Tésaloníka 1 5:8

Ndí ɓɛ́hɛ ɓá bi lɛ ɓot bí nzámuh, bi táthán hɔ́ la ɓɛ́hɛ-mɛ̄n. Bi ɓɛ́la ŋyéɓé la ediŋ ákaa bí ŋga jál mbɔ́tí bícɛɛ nyí wélan, bi ɓɛ́la ki lipitá jé lí lísuŋga ákaa bí ŋga jál ékōŋgó.

Timotéo 1 1:10

ɓaɓɔŋ mpuŋgú á ndeŋg, páam ɛ́ ŋga nānte la yíŋí páam etám, ɓanuŋu miyɔ́ŋ, ɓot bí mínaa, ɓakan-sɔŋ bí mínaa la ɓá bí ŋga tɛ́ŋgánɛ taŋ míēēlé.

Timotéo 1 1:14

Ɔɔ, Ɔlolómɛ̄ a yáhɛ́ ma la ndómbo nyí Ɛtáŋɛ wahá, ɔ yáhɛ́ ma la ŋyéɓé, ɔ yáhɛ́ ki ma la ediŋ yé ɛ́ lɛ̄ átē á Yésus Kilístus.

Timotéo 1 1:2

Mag ciile wa á Timotéo taŋ yama mɔ́ɔ̄n átē á ŋyéɓé, Etāa Ɔlolómɛ̄ la Yésus Kilístus Ɛtáŋɛ wahá bí lómbó wa, bí kɔn wa ŋgɔ́ɔ́, bí tí ki wa nsaŋ.

Timotéo 1 1:5

Ndag ma tí wa ɛ lɛ ányúū li ɓɔŋ nɛ́ ɓot lí ɓɛ́la édiŋ yé ɛ ŋga sɔ́le ɓɔ́ á m̀mím á ŋgá púú, ɛ́h ɓɛ́ ɓé nɛ cíŋ-m̀mím yāɓá ɛ kááhɛ́ ɓɔ́, la nɛ́ bí ɓɛ́la ŋyéɓé á mbálɛ.

Timotéo 1 3:11

Nlemlem á jam ányúū ɓondígá, ɓá nyɛɛ́ lí ditɛ lí ɓɔ́-mɛ̄n, ɓáh nyɛɛ ɓé lí ɓɛ́ lí ɓóndīgá bí mísɔgáan, bí ɓɛ́ elɛ́m á jóō nɛ́ jam, bí ɓɛ́ ɓondígá ɓá ɓot ɓá nyɛɛ́ lí naŋʼye lí lípitá á jóō nɛ jam.

Timotéo 1 3:2

Jɔ́ nɛ́, ŋ̀kanʼyɛ a Eɓasɛ ag nyɛɛ lí ɓɛ́ ŋgíla ɔnɛ́g, a ɓɛ́ jā nlóm a mindígá wa, a ɓɛ́ elɛ́m á jóō nɛ́ jam, ah ɓɛ́ɛ́g ɓé éōt á jam tɔ já, a nīŋ á nyaa ɛ kɔɔ́, a ɓɛ́ mut a ŋga lɛ́gle ɓot, mut a ŋga lā li yéglɛ,

Timotéo 1 3:4

Ag nyɛɛ li yí láá á wɛ́ɛla ndáá yɛ́ɛ̄, la li náŋɛ lí ɓɔ́ɔ̄n átē a eógle, la átē a adit.

Timotéo 1 3:8

Á Tímotéo, nlemlem ákaa ma pɔ́t ányúū ɓákanʼyɛ Eɓasɛ, ɓaóŋgánɛ á Éɓasɛ ɓá nyɛɛ́ lí ditɛ lí ɓɔ́-mɛ̄n, mut sig a ɓɛ́la anyu wá, ɓáh nyɛɛ ɓé lí vá lí m̀mím á mílɔg, tɔ li somo lí lí kuh lí mɔ́nī á nzen eɓé.

Timotéo 1 5:1

Ɔh nyáálégé ɓé m̀máŋ-á-mut, ndí éélé wɔ́ ákaa ɛsɔ́ŋɛ́. Nyɔ̄ŋ áwāndá ákaa elōgnyɔ̄ŋ yé páam,

Títo 1:13

Nyíŋ mbóŋ a tíi ɛ lɛ mbálɛ. Ányúū náŋ nɛ́, wa nyɛ́ɛ ɓɔ́ li nyáálé taŋ-taŋ á lí ɓɔŋ nɛ́ bí ɓɛ́la taŋ ŋyéɓé,

Títo 1:8

Ndí a nyɛ́ɛ jā lí yí lí lí lɛ́gle lí ɓot, mut a ŋga dīŋ yé ɛ́ lɛ́ m̀ɓɛɛŋ, a nyɛ́ɛ lí ɓɛ́la lí lísɔŋtánɛ, a nyɛ́ɛ lí ɓɛ́ lí sim, a nyɛ́ɛ lí ɓɛ́ lí ǹtiŋɓe la Ɔlolómɛ̄ la li yí lí lí ɔn lí nyúū yɛ́ɛ̄.

Títo 2:7

á mam mísɛ. Wā-mɛ̄n, misɔ́n mɔ́ɔ miláám mí ɓɛ́ ndembye ányúū ɓatám: kaa li yéglɛ lí tāŋ míēēlé, la li yéglɛ lí yé ɛ́ kɔ́ɔ̄,

Filémon 1:9

ndí ányúū ediŋ, ma ɛ́n nsɛ́ŋ nɛ mi ɓat jā wa. Ɔɔ ma Póol, ma nyú m̀máŋ-á-mut, mi lɛ nyí lɛn á m̀ɓog ányúū Yésus Kilístus.

Pétlos 1 1:13

Jɔ́ nɛ́, ɓɛ́án pɛɛ, miní ɓoŋhán nsɔ́n, naŋʼyán mípitá máná á míkaale Ɔlolómɛ̄ a ŋga kɛ́ ɓɛ́nɛ li tíi á eceg Yésus Kilístus a ŋga kɛ́ ɓɛ́nɛ li étɛ lí nyɛ́-mɛ̄n.

Pétlos 1 4:7

Lisúg lí mam mísɛ lí lɛ́ ɓɛɓɛ. Niŋán ákaa ɓot bí peg, miníh ɓɛ́ɛ́g ɓé á nlɛndanɛ́ á li ɓɔŋ nɛ́ miní lā li kánɛ.

Pétlos 1 5:8

Miníh lɛndkágán ɓé, ɓɛ́án pɛɛ átɔm nɛ́, ǹsɔhɔ, ǹlem waná, ag ciiŋgan váŋ kaa ŋgíla nɛ́ ɛ ŋga ɓám, á lí somo lí mut ɛ ŋga dí.

Pétlos 2 1:6

á eyí, li ɔn lí nyúū, á li ɔn lí nyúū, m̀ɓán, á m̀ɓán, li tiŋɓe la Ɔlolómɛ̄,