Títo 2:10 - Esaa-líat ɛ́ péná

¹⁰ tɔ li yííle lí ɓɔ. Ndí, á tɔ yɔɔ́yɔ́ɔ eceg, mí étɛ́ nɛ́ míg ógle ɓɛɛ́n ɓáɓá m̀ɓɛɛŋ ŋgandag, ányúū lí tíi lí ádit á mam mísɛ mí Ɔ́lolómɛ̄ Ǹsuŋ wahá bí ŋga yéglɛ ɓɔ́.

Títo 2:10 ပူးပေါင်းရင်းမြစ်များ

Matéus 24:45

Yésus ɔ kōndyé nɛ: «M̀ɓɔŋle a ewíyɛ́, nyɔ́ a byɛɛ́ éyī, a lɛ̄ nyɔ́ ɛ́sāŋɛ́-a-mitán á ŋgá tíi likanʼyɛ lí ɓaɓɔŋle bí ndáá yɛ́ɛ̄, nɛ́ a kááhánɛ̄ ɓɔ́ lídī á eceg ɛ́ ŋga sōmlɛ!

Matéus 5:16

Nlemlem á jam la ɓɛ́nɛ, mipúú máná mí páa á miíh mí ɓot, á lí ɓɔŋ nɛ́ eceg bí ŋga ɛ́n mísɔ̄n máná mílāām, bí ɓégɛ́ Ɛsɔ́ŋɛ́ wāná nyɔ́ a lɛ á lóō.»

Lúkas 1:47

m̀mím wáma ki á yáhɛ la mivag la Ɔlolómɛ̄ Ǹsuŋ wama

Lúkas 1:80

A yé ŋga légɓe mɔɔ́n, á ŋgí náŋ, m̀búl wɛ́ɛ́ ki ág ólo; la nyɛ́ ɔ tɔ́ɔ̄ á éyāŋ nɛ́-tɛ́ɛ eceg yɛ́ɛ́ lí étɛ lí nyúū ɔ́sū ví lílōm lí Íslāɛl yú kɔlan.

Lúkas 16:10

Tɔ nzáá a ɛ́ní mbálɛ á jam litɔ́ga, ag ɓɛ́ ki mbálɛ á jam licɛ́ŋ. Tɔ nzáá ki a lɛ́ mínaa á jam litɔ́ga, ag ɓɛ́ ki minaa á jam licɛ́ŋ.

Yohánɛs 12:6

A ŋgí pɔ́t ɓé náŋ ányúū nɛ a ŋgí kɔnle ɓáŋ ɓot ŋgɔ́ɔ́, ndí ányúū nɛ́ a ɓɛ́ɛ́ mut a wií la ki nɛ́, kaa a ɓɛ́ɛ́ ǹnaŋɛ-ŋkuh, a ŋgí yíí yé bí ŋgí tíi nyɛ́ á lí naŋɛ.

Elōg-Kɔlínto 1 4:2

Ndí yé bí ŋga ɓāt ɓalégɓe-miɓɛɛŋ ɛ́ lɛ́ ja lí étɛ tóɓó-tóɓó nɛ́ bí kɔ́ɔ nɛ́ ɓot bí nāŋʼyéné ɓɔ́ lípitá.

Elōg-Éféso 4:1

Á élōgyāŋ, ma Póol mi lɛ á m̀ɓog á jóō lí Nyɔ́ŋ-Ɛsáŋɛ́. Mag ɓéhyɛ ɓɛ́nɛ nɛ́, miní niŋ ákaa ɛ́ ŋga sōmlɛ li oŋle la ŋyáŋlán maná kuh.

Elōg-Fílípi 1:27

Á élōgyāŋ, niŋán ákaa ɛ́ ŋga sōmlɛ li oŋle la Pɔ́l M̀ɓɛɛŋ nyí Nyɔ́-a-Pɔ́hlɛ, á lí ɓɔ́ŋ nɛ́, ma sɔ́ ɓɛ́nɛ li ɛ́n tɔ māh sɔ́ ɓé ma, mi ámblé pɔ́l yāná nɛ maná tiŋɓé á lí ɓɛ́la lí míɔ̄ŋɔ má, mi ámblé ki nɛ́, la m̀mím wá nɛ miní ŋga dū eɓándá ányúū ŋyéɓé a ŋga sɔ́léne á Pɔ́l M̀ɓɛɛŋ.

Elōg-Fílípi 4:8

Á élōgyāŋ, á mísúgle, mag laga ɓɛ́nɛ nɛ́, maná nyɛ́ɛ ja lí tiŋɓe á yé ɛ́sɛ ɛ́ lɛ́ mbálɛ, á yé ɛ́sɛ ɛ́ lɛ́ taŋ, á yé ɛ́sɛ ɛ́ tɛ́ɛ́ sim, á yé ɛ́sɛ ɛ́ lɛ́ mípūū, á yé ɛ́sɛ ɛ́ kɔ́ɔ̄ lí diŋɓɛ, á yé ɛ́sɛ ɛ́ kɔɔ́ la adit, á yé ɛ́sɛ ɛ́ ŋga yáŋlɛ nɛ́ m̀ɓɛɛŋ, la á yé ɛ́sɛ ɛ́ kɔɔ́ la eɓégɛ.

Timotéo 1 1:1

Ma Póol, mi lɛ̄ ŋ̀ómɓɛ a Yésus Kilístus li oŋle la ekanʼyɛ yé Ɔ́lolómɛ̄ Ǹsuŋ wahá la yé Yésus Kilístus lipitá jáhá.

Timotéo 1 5:17

Á yé ɛ́ ŋga légɓe ɓacɛ́ŋ bí Éɓasɛ, ɓá bí ŋga wɛ́ɛla etɛ́l yáɓá m̀ɓɛɛŋ, bí kɔ́ɔ́ la nsála ŋgele ɛ́ɓáa, ndí tín-tín ɓá bí ŋga nyɔ̄ŋ ndutu li lɛgɛ lí Eɓaŋgá Ɔ́lolómɛ̄ la li yéglɛ li yɔ̄.

Timotéo 1 6:1

Á élōgyāŋ, ɓáyēɓe bísɛ bí lɛ́ á ŋgatka nyí eɓɛ́lé míyɔ̄ŋ, ɓá nyɛɛ lí yí nɛ́ ɓɛɛ́n-bí-míyɔ̄ŋ bí kɔ́ɔ la ŋgandag adit, á lí ɓɔŋ nɛ́ mut tɔ wa ah vɔ́ɔ́légé ɓé jóō lí Ɔ́lolómɛ̄ ndí tɔ yé a ŋga yéglɛ.

Timotéo 1 6:3

Kíyáɓɛ́nɛ mut ag yéglɛ miéélé mítām, tɔ li pún lí lí tiŋɓe á taŋ bíɓaŋgá bí Ɛ́tāŋɛ wahá Yésus Kilístus, ndí á pún ki lí tiŋɓe á míēēlé mí ŋga ōŋle ŋyéɓé wáhá,

Títo 1:3

Ɔlolómɛ̄ Ǹsuŋ wahá, á eceg yé a tɛ́ɛ́yɛ, a yɛ́lɛ́ eɓaŋgá yɛ́ɛ́ á njɛn nyú a ɓɛ̄glɛ́ɛ́ ma nɛ́ mi lɛ́gɛ́ ɓot, li oŋle ákaa a kānʼyɛ́ɛ́ ma.

Títo 3:4

Ndí, Ɔlolómɛ̄ Ǹsuŋ wahá a éthɛ́ɛ́ elɔ́ŋgɔ yɛ́ɛ́ m̀mím la ediŋ yɛ́ɛ́ ányúū ɓot-bí-bínam.

Pétlos 1 2:12

Ɓɛ́án la bilɛ́m bílāām á póla ɓot bí ŋgá yéɓé ɓé la Ɔlolómɛ̄, á li somo nɛ́, tɔ ɓɔŋ nɛ́ bíg ɓéeyɛ ɓɛ́nɛ nɛ́ miní lɛ́ ɓot ɓaɓé, bí ɛ́n miɓɔŋɔg máná mílāām, la ɓɔ́ bí ɓégɛ́ Ɔlolómɛ̄ ɔlɔ́ a ŋga kɛ́ li sɔ́.

Pétlos 1 3:16

Ndí, ɓɔŋán náŋ ŋgíla elóh la ewú-m̀mím, ɛ́h ɓé jam lí ŋga téeŋgɛ miɔ́ŋɔ máná, á lí ɓɔŋ nɛ́ ɓot bí ŋga ɓéeyɛ ɓɛ́nɛ mam ányúū miɓɔŋɔg máná mí m̀ɓɛɛŋ átē a Kilístus bí kɔn ɔsɔ́n.

Yohánɛs 2 1:9

Tɔ nzáá a ŋgá tɔɓene ɓé á bíyéglɛ́nɛ́ bí Nyɔ́-a-Pɔ́hlɛ ndí á kóndyé jam litám átē a sē ɓé la Ɔlolómɛ̄. Ndí nyɔ́ la nyɔ́ a ŋga tɔ́ɓene á bíyéglɛ́nɛ́ a lɛ lā Etāa elɔŋ la Mɔɔ́n.