Timotéo 2 2:8 - Esaa-líat ɛ́ péná

⁸ Ɔ́ŋɔ́ Yésus Kilístus nyɔ́ a pāhye á póla ɓá ɓá wū, nyɔ́ a pámléné á ndáá-m̀biya nyí káísa Dávid, li oŋle la Pɔ́l M̀ɓɛɛŋ nyí mi ŋga lɛ́gɛ.

Timotéo 2 2:8 ပူးပေါင်းရင်းမြစ်များ

Matéus 1:1

Kálati ɛ ŋga táa ndándó nyí Yésus Kilístus, mɔɔ́n Dávid, mɔɔ́n Áblaháam nyí.

Lúkas 24:46

A byɛ́la ɓɔ́ nɛ́: «Náŋ a lɛ já yé ya ciiɓɛ́ nɛ: Nyɔ́-a-Pɔ́hlɛ ag kɛ li taka, ndí á ɔlɔ́ vá yáhɛ́ áŋháa a pāhye á póla ɓá ɓá wū.

Misɔ́n mí Ɓáōmɓɛ 13:23

Átē a mbota yɛ́ɛ̄ nɛ, Ɔlolómɛ̄ a pámhɛ́nɛ́ Yésus kaa Ǹsuŋ nyɔ́ a Íslāɛl li oŋle la mikakanɛ a tíéé.

Misɔ́n mí Ɓáōmɓɛ 2:24

Ndí Ɔlolómɛ̄ a pahyɛ́ɛ́ nyɛ́, ɔ ɓógtɛ́ nyɛ á átē á ésɔghe yé nyɛ̄mb átɔm nɛ́, nyɛmb ɛh ɓɛ́ɛ́la ɓé ŋguu li byee lí nyɛ.

Misɔ́n mí Ɓáōmɓɛ 2:30

A ɓɛ́ɛ́ m̀pɔ́tle-a-Ɔlolómɛ̄ ndí, ag yí ki nɛ́, Ɔlolómɛ̄ a kákānɛ̄ nyɛ la ewíyɛ́ nɛ, ag kɛ li tɔɔyɛ lí mut á mbota yɛɛ́, nyɔ́ a lɛ mícii mí mícii mɛ́ɛ́ á étɔɓé-líkanʼyɛ yɛ́ɛ́.

Elōg-Lóma 16:25

Bi ɓégɛ́ Ɔlolómɛ̄ nyɔ́ a byɛ́ɛ̄ ŋguu li ólɓɛ lí ŋyéɓé wáná, kaa ɛ́ ŋga lāglɛ á Pɔ́l M̀ɓɛɛŋ nyí mi ŋga camanɛ, nyí ɛ ŋga yíhɛ ɓɛ́nɛ nzáá a lɛ Yésus Kilístus. Nyíŋ Pɔ́l M̀ɓɛɛŋ ya yɛ́lɛ́ mbaŋ nyí Ɔlolómɛ̄ nyí ɛ ɓɛ́ɛ́ ɛ́ sɔ́lɛ ɓɛɛvéé.

Elōg-Lóma 2:16

Náŋ nɛ́ a lɛ yé ɛ́ ŋga kɛ́ li ɛ́ni, á ɔ́lɔ̄ Ɔlolómɛ̄ a ŋga kɛ́ li kanʼyɛ lí Yésus Kilístus nɛ́ a kááhɛ́ míɓɔŋɔg mí sɔ́lɛ̄ mí ɓɔt bí bínam, kaa yé Pɔ́l M̀ɓɛɛŋ mi ŋga lɛ́gɛ ɛ ŋga máŋa.

Elōg-Kɔlínto 1 15:1

Á élōgyāŋ, mag ɔ́ŋlánɛ ɓɛ́nɛ nɛ́, Pɔ́l M̀ɓɛɛŋ mi lɛgléé ɓɛ́nɛ, nyí maná lɛ́gle, munú tíŋɓéné ki átē,

Elōg-Kɔlínto 1 15:4

Ɔ jéɓɛ, á ɔ́lɔ̄ vá yáhɛ́ áŋháa ɔ pāhye ákaa Licii-Lipúán lí ŋga lága.

Elōg-Tésaloníka 2 2:14

Ányúū náŋ nɛ́ Ɔlolómɛ̄ a yáŋléé ɓɛ́nɛ li kele la Pɔ́l M̀ɓɛɛŋ bi lɛgléé ɓɛ́nɛ, nɛ́ ndí miní ɓɛ́la joga á lipém lí Ɛtáŋɛ wahá Yésus Kilístus.

Timotéo 1 1:11

Náŋ nɛ́ a ŋga kɛ́han la Pɔ́l M̀ɓɛɛŋ nyí ya tíéɓɛ́ ma, Pɔ́l M̀ɓɛɛŋ nyí Ɔ́lolómɛ̄, Loó lí lípēm la misɔ́tá.

Timotéo 1 2:7

Ányúū li tíi lí yɔ nɛ́ ɓá tɛ́ɛ́yɛ́ ma ǹlɛgɛ-pɔ́l la ŋ̀ómɓɛ. Mag pɔ́t mbálɛ, mi ŋgá yɛ́ɛ ɓé ma, ma nɛ́ ɓá tí nsɔ́n á lí yéglɛ lí bíkombo bí bí sē ɓé ɓɔ́ɔ̄n bí Élōg-Yúda li ɓɛ́la lí ŋyéɓé la li yí lí mbálɛ.

Timotéo 2 1:8

Jɔ́ hɔ́ nɛ, ɔh kɔnɔ́g ɓé ɔ́sɔ̄n lí tíi lí mbóŋ nyí Ɛtáŋɛ wahá, ɔh kɔnɔ́g ɓé ki ma ɔ́sɔ̄n, ma nyɔ́ mi lɛ̄ á m̀ɓog ányúū yɛ́ɛ̄. Ndí, sɔghé elɔŋ la ma ányúū Pɔ́l M̀ɓɛɛŋ, ɔ válé lípitá á ŋguu Ɔlolómɛ̄,

Timotéo 2 2:7

Ámblé yé mi ŋga lága. Á káa ɛ́sɛ, Nyɔ́ŋ-Ɛsáŋɛ́ ag kɛ́ wa lí yíhɛ lí mam mísɛ má yégle.

Biyɛ́ɛ́léné 5:5

Ndí, ǹcɛ́ŋ á ékombo-lóō wa ɔ lāgá ma nɛ́: «Ɔh lelég ɓé! Ɛ́n sig, ŋgíla nyí lilómɛ lí ɓɔ́ɔ̄n bí Yúda, ntɔ́m á mbota nyí káísa Dávid, yɔ nɛ́ ya dí cíŋ; yɔ nɛ́ ɛ ŋga kɛ́ li kɔpɔ lí bíɓátan bí ndembye nzambúwá nɛ́ ndí ɛ́ vúlú kálati.»