Timotéo 2 2:5 - Esaa-líat ɛ́ péná

⁵ Nlemlem á jam, á pembhán eɓándá, ǹdu-eɓándá ag kuh ɔtot kíyáɓɛ́nɛ a dū éɓāndá li oŋle la mitiŋ mí éɓāndá.

Timotéo 2 2:5 ပူးပေါင်းရင်းမြစ်များ

Lúkas 13:24

«Ceglán la ŋguu nɛ́ miní níŋglé á m̀ɓɛ́l ntɔ́ga, ánsī nɛ, ma laga ɓɛ́nɛ nɛ́, ɓot ŋgandag bíg kɛ li somo lí li níŋgi ndí bí ŋgá kɛ ɓé lí la.

Elōg-Fílípi 1:15

Á mbálɛ, ɓot ɓá bí lɛ múŋ, ɓá bí ŋga lɛgɛ Nyɔ́-a-Pɔ́hlɛ ányúū nzoŋ la pembhán. Ndí ɓatám, bíg lɛgɛ nyɛ́ la miɔ́ŋɔ miláám,

Elōg-Kólóso 1:29

Ányúū náŋ nɛ́ mi ŋga sál la ŋguu nyí ɛ ŋga sɔ́le la Yésus Kilístus, nyíŋ ŋguu ɛ lɛ átē wama nɛ́ ɛ ŋga nīt ma.

Elōg-Hébɛl 12:4

Átɔm nɛ́, á eɓándá yáná miní ŋga dúhɛ aɓé, miní dū yɔ́ tɛɛla á ɔ́vega ví bí ŋga kóm mícii máná.

Elōg-Hébɛl 2:7

Wa súhɛ̄ nyɛ ányúū puh eceg á sí áŋgɛl, wa jáhɛ́ nyɛ ekót yé káísa, yé ɛ́ ŋga tíi nyɛ́ ádit la li yaanɛ lí nyɛ́ mut ǹcɛ́ŋ.

Elōg-Hébɛl 2:9

Ndí, ɓaá sɔm nɛ nyɔ́ Yésus a mɓɛ́ puh eceg á sí áŋgɛl, nyɛ́ nɛ́ li kele la nyɛmb yɛ́ɛ̄ á mbásá ɓá jáhɛ́ nyɛ ekót yé káísa, yé ɛ́ ŋga tíi nyɛ́ ádit la li yaanɛ lí nyɛ́ mut ǹcɛ́ŋ. Jɔ́ nɛ́, li kele la elɔ́ŋgɔ m̀mím yé Ɔ́lolómɛ̄, a wú ányúū ɓot bísɛ.

Yákop 1:12

Misɔ́tá la mut a ŋga ɔ́hánɛ miceglan, ányúū nɛ ámbúh míŋ miceglan, ag kɛ li kuh lí ɔtot ví éniŋ, ví Ɔlolómɛ̄ a kákānɛ̄ ɓot bísɛ bí ŋga dīŋ nyɛ́.

Pétlos 1 5:4

Váŋ, eceg ŋ̀kanʼyɛ ɓatát míɓembá a ŋga kɛ́ li sɔ́, miníg kɛ li kuh lí ɔ́tot ví lípēm ví ví ŋgá kun ɓé.

Biyɛ́ɛ́léné 2:10

Ɔg kɛ li sɔghe, ndí ɔh kɔnɔ́g ɓé woŋ. Ɛ́n sig, á lí ceglɛ lí ɓɛ́nɛ, ǹsɔhɔ ag kɛ li vá lí jogo lí ɓot jáná á m̀ɓog; miníg kɛ li ɓɛ́la lí jóom lí alɔ́ lí míceglan. Tiŋɓé nɛ́-tɛ́ɛ la á nyɛmb, mag kɛ wa lí tíi lí ɔ́tot ví éniŋ.

Biyɛ́ɛ́léné 3:11

Mag sɔ́ puh eceg. Yoóm ɔ byɛ́ɛ̄, byeé yɔ́ m̀ɓɛɛŋ á lí ɓɔŋ nɛ́ mut tɔ wa ah nyɔŋlégé ɓé wa ɔ́tot vɔ́ɔ ví ǹdí-cíŋ.

Biyɛ́ɛ́léné 4:10

Míŋ muúmɓáa mí ɓácɛ̄ŋ bí ékombo-lóō la bínáa mí ŋgí úm míɓɔ̄ŋ ɔ́sū ví nyɔ́ a tɔɔ́ á étɔɓé-líkanʼyɛ; má ɓégɛ ki nyɔ́ a lɛ á éniŋ á éɓem la á éɓem míg lɛŋgɛ átot wáɓá ɔ́sū ví étɔɓé-líkanʼyɛ, la li laga nɛ́:

Biyɛ́ɛ́léné 4:4

Muúmɓáa mí bítɔɓé-bí-líkanʼyɛ la bínáa mú díí yéŋ etɔɓé-líkanʼyɛ; muúmɓáa mí ɓácɛ̄ŋ bí ékombo-lóō la bínáa ki mí tɔ́ɔ̄ á bíŋ bitɔɓé-bí-líkanʼyɛ, bí ɓɛ́ɛ́ bí jáhɛ bipúpúɛ bí mbɔ́tí, bí jáhɛ ki atot á góol á mímú máɓá.