Timotéo 2 2:10 - Esaa-líat ɛ́ péná

¹⁰ Ányúū náŋ nɛ́ mi ŋga ɔ́hánɛ mam mísɛ ányúū ɓot Ɔlolómɛ̄ a pɔ́hɔ, nɛ́ ndí ɓɔ́g bi kuh lisuŋga jé lí lɛ́léné á Yésus Kilístus, bí kuh ki lipém lí éɓem.

Timotéo 2 2:10 ပူးပေါင်းရင်းမြစ်များ

Matéus 24:22

Ki ɓɔ̄ŋ nɛ́ Ɔlolómɛ̄ ah tunɓɛgɛ ɓé nyúŋ alɔ́, kí mut tɔ wa a ŋgá kɛ ɓé lí niŋ; ndí ányúū ɓot a pɔ́hɔ nɛ́ a ŋga kɛ́ li tunɓɛ lí nyúŋ alɔ́.

Matéus 24:24

Ákaa ɛ́sɛ, mipɔ̄hlɛ́gɛ mí ɓot-bí-mínaa la ɓapɔ́tle-bí-Ɔ́lolómɛ̄ bí mínaa, bíg kɛ li tɛ́lɛ á lí ɓɔŋ lí mínɛ̄ŋ la binanaŋga bí mam, á lí jáŋɛ lí ɓot, kí ɓɔ̄ŋ nɛ́ bí ŋga lā, kí bí ŋga jáŋɛ ki ɓá Ɔlolómɛ̄ a pɔ́hɔ.

Matéus 24:31

Eceg m̀ɓáláŋ á nséɓá á ŋga kɛ́ li ɔ́ŋ, ag kɛ li óm lí áŋgɛl yɛ́ɛ́ á míkāh mínáa mí ŋkɔŋ-á-sí, li ɓotle á jé lisúg li pám á jéŋé, ɛ́g kɛ li komanɛ lí ɛ́ɓɛ̄ɛ̄ a pɔ́hɔ.

Lúkas 18:7

Ɓaá, Ɔlolómɛ̄ nyɛ́ a ŋgá kɛ ɓé lí tíi lí mbag nyí ɓot a pɔ́hɔ, ɓá bí ŋga lónle nyɛ́ díɓe la nzámuh é? Ɓaá, ag kɛ li bíŋhan lí lí óŋgánɛ lí ɓɔ é?

Lúkas 22:57

Ndí, Pétlos ɔ táŋ, a byɛ́ nɛ́: «Á míndīgá, mi ŋgá lem ɓé ma nyɛ́!»

Yohánɛs 11:52

Ah ányúū jɔ́-ntámɛ́ ɓé já, ndí á lí komanɛ lí ɓɔ́ɔ̄n bí Ɔlolómɛ̄ ɓá cámān pɛ́ɛ́ ɛsɛ̄ nɛ́ bí ɓɛ́ mut wa.

Yohánɛs 17:24

Etāa kóó yáma ɛ lɛ nɛ́, ápah mi lɛ, ɓot wa tí ma ɓɔ́g bí ɓɛ́ váŋ, nɛ́ bí mɛ̄mɛ́ lipém wa tí ma, ányúū nɛ́, wa dúgú ma lí diŋ, sɔ́kágánɛ́ ɔg veg ŋkɔŋ-á-sí

Yohánɛs 17:9

Mag kánɛ ányúū yaɓá, mi ŋgá kánɛ ɓé ma ányúū ɓot bí ŋkɔŋ-á-sí, ndí mag kánɛ ányúū ɓot wa tí ma, ányúū nɛ bí lɛ́ ɛ́ɓɔ́ɔ.

Elōg-Lóma 2:7

Ɓot bí lɛ́ kɔ́kɔ á lí ɓɔŋ lí mam á nyaa m̀ɓɛɛŋ, ag kɛ ɓɔ́ lí tíi lí éniŋ éɓem, ɓɔ́ nɛ́ bí ŋga sómo lípēm, adit la eniŋ yé ŋgíla nyɛmb.

Elōg-Lóma 9:23

A étɛ́ bíŋ bísɛ á lí yíhɛ lí ɓɛ́hɛ abyaŋ á lípēm jɛ́ɛ́, ányúū ɓot a kɔ̄nlé ŋgɔ́ɔ́, ɓá a ɓōŋhán á lí lɛ́gle lí jéŋ lipém,

Elōg-Kɔlínto 1 1:21

Ákaa ɛ́sɛ, kasig ŋkɔŋ-á-sí li oŋle la peg yɛ́ɛ̄ wáh la ɓé li lemlene lí Ɔ́lolómɛ̄ átē a peg yɛɛ́, ányúū náŋ nɛ́ Ɔlolómɛ̄ a súgɛ́ nɛ ag suŋ ɓá bísɛ bí ŋga yéɓé la nyíŋ pɔ́l bi ŋga lɛ́gɛ, nyí ɛ lɛ̄ káa jam lí nzeg ányúū ɓot-bí-bínam.

Elōg-Kɔlínto 1 9:22

Ma yáanɛ́ mā-mɛn ntɔt-á-mut á ŋgwáāg mitɔt-mí-ɓot, nɛ́ ndí mi tómbánɛ mɔ́. Ma tí éniŋ yáma ɛ́sɛ ányúū ɓot bísɛ nɛ́ ndí yɛkɛsig mi súŋ jogo lí ɓot.

Elōg-Kɔlínto 2 1:6

Kíyáɓɛ́nɛ biíg kuh ndutu, náŋ a lɛ ányúū li yí lí lí mɔ́mɛ lí ɓɛ́nɛ ámbúh eceg, la ányúū li sɔ́la lí ɓɛ́nɛ lisuŋga. Kíyáɓɛ́nɛ Ɔlolómɛ̄ ag mɔ́mɛ ɓɛ́hɛ, náŋ a lɛ ányúū li mɔ́mɛ lí ɓɛ́nɛ nɛ́ ndí miní ɔ́hánɛ milemlem mí bísɔghe kaa ɓɛ́hɛ.

Elōg-Kɔlínto 2 12:15

Ndí ma, la nsom á m̀ɓɛɛŋ, mag kɛ lí pámɛ lí yé ɛ́sɛ mi byɛɛ́, mi tí ki mā asɛ̄ ányúū yāná. Ɓaá kaa ma lóohán ɓɛ́nɛ li diŋ, jɔ́ nɛ́ ɓɛ́nɛ miní ŋga diŋ mā puh é?

Elōg-Kɔlínto 2 4:15

Yé ɛ́sɛ bi ŋga nīŋ ɛ́ lɛ́ ányúū yāná, á lí ɓɔŋ nɛ́ ekɔnan-ŋgɔ́ɔ́ yé Ɔ́lolómɛ̄ ɛ́ kóndyé ɓɛ́nɛ li suhle, la nɛ́ ɔbul ví ɓot ví kondyé lí tíi lí Nyɛ mítamlan la lipém.

Elōg-Kɔlínto 2 4:17

Ɔɔ, kí ɓaá kēt bísɔghe bí nyí lɛn, bí lɛ́ yɛ̄mɛ́ á ŋgwáāg ádit nyú á lípēm lí pɔ́gɔ́-pɔgɔ jé bíŋ bisɔghe bí ŋga ɓóŋhan ɓɛ́hɛ.

Elōg-Éféso 3:13

Jɔ́ nɛ́ mi ŋga lága ɓɛ́nɛ nɛ́, miníh mwahkɛ́gɛ́ ɓé nɛ bisɔghe mi ŋga kūh ányúū yāná bí yɔŋɓɛ́ ɓɛ́nɛ. Byɔ́ nɛ́ bí lɛ́ lípēm jáná.

Elōg-Kólóso 1:24

Nyí vɔ́ŋɔ́ɔ, mag kɔn mivag la bisɔghe mi ŋga kūh ányúū yāná. Bisɔghe bí yégléé nɛ́ Yésus Kilístus a kūh, má mag kūh byɔ ányúū Eɓasɛ yé ɛ́ lɛ́ nyúū nyí Kilístus.

Elōg-Kólóso 1:27

A sómó lí yíhɛ lí ndog yɛ́ɛ̄ líɓɛ́ɛg lí nyíŋ mbaŋ la abyaŋ wɛ́ɛ́ á ŋgwáāg ɓot bí sē ɓé ɓɔ́ɔ̄n bí Élōg-Yúda. Nyíŋ mbaŋ ɛ lɛ́ nɛ́, Kilístus a lɛ̄ la ɓɛ́nɛ, la nyɛ́ nɛ́ miní byɛ́ɛ́ lipitá nɛ miníg níŋgi á lipém lí Ɔ́lolómɛ̄.

Elōg-Tésaloníka 1 5:9

Ányúū nɛ Ɔlolómɛ̄ ah tɛ́ɛ́yɛ ɓé ɓɛ́hɛ ákaa ɓot bí ŋga nyɛ́ɛ li ógtan lí mbímban nyí ɔún vɛ́ɛ́, ndí a tɛ́ɛ́yɛ́ ɓɛ́hɛ nɛ́ bi sūŋɓɛ̄ li loole la Ɛtáŋɛ wahá Yésus Kilístus,

Elōg-Tésaloníka 2 2:14

Ányúū náŋ nɛ́ Ɔlolómɛ̄ a yáŋléé ɓɛ́nɛ li kele la Pɔ́l M̀ɓɛɛŋ bi lɛgléé ɓɛ́nɛ, nɛ́ ndí miní ɓɛ́la joga á lipém lí Ɛtáŋɛ wahá Yésus Kilístus.

Timotéo 2 1:1

Ma Póol, mi lɛ ŋ̀ómɓɛ a Yésus Kilístus li oŋle la nsom á Ɔlolómɛ̄, mu ɓɛ́ ki ŋ̀ómɓɛ li oŋle la eniŋ Ɔlolómɛ̄ a kákanɛ á ŋ̀atanɛ́ la Yésus Kilístus.

Timotéo 2 2:1

Wa hɔ́, á mɔ́ɔ̄n wáma, nyɔŋlé ŋguu yɔ́ɔ á líōŋgánɛ lí ŋga sɔ́le á ŋ̀atanɛ́ la Yésus Kilístus.

Timotéo 2 2:3

Nyɔŋ ɛ́yɔɔ ŋgaan á bísɔghe ákaa taŋ sónja nyí Yésus Kilístus.

Títo 1:1

Ma Póol, m̀ɓɔŋle a Ɔlolómɛ̄, mi lɛ ŋ̀ómɓɛ a Yésus Kilístus á lí wɛɛla lí ɓot Ɔlolómɛ̄ a pɔ́hɔ nɛ́ bí ɓɛ́la ŋyéɓé, nɛ́ mi yíhɛ́ ɓɔ́ mbálɛ, nɛ́ ndí bí tiŋɓé la Ɔlolómɛ̄,

Pétlos 1 2:10

Á kwakwáŋɛ, miníh ɓɛ́ɛ́ ɓé lilóm lí Ɔlolómɛ̄, ndí nyí lɛn, maná timan lilóm jɛ́ɛ́, ɓɛ́nɛ ɓá miníh ɓɛ́ɛ́la ɓé ékɔnan-ŋgɔ́ɔ́ yɛ́ɛ́, nyí lɛn, maná kūh yɔ.

Pétlos 1 5:10

Ɔlolómɛ̄ nyɔ́ a byɛɛ́ joó nɛ likaale, nyɔ́ a yáŋá ɓɛ́nɛ á li níŋgi á lipém jɛ́ɛ́ lí eɓem elɔŋ la Yésus Kilístus, ag kɛ ɓɛ́nɛ li tɛ́ɛ́yɛ nyɛ́-mɛ̄n ámbúh esɔghe miní ŋga kɛ́ li kuh ányúū puh éceg. Ag kɛ ɓɛ́nɛ li letɛ lí nyúū, a ólɓɛ́ ɓɛ́nɛ, a yáánɛ́ ɓɛ́nɛ ndiŋ.