Timotéo 2 1:8 - Esaa-líat ɛ́ péná

⁸ Jɔ́ hɔ́ nɛ, ɔh kɔnɔ́g ɓé ɔ́sɔ̄n lí tíi lí mbóŋ nyí Ɛtáŋɛ wahá, ɔh kɔnɔ́g ɓé ki ma ɔ́sɔ̄n, ma nyɔ́ mi lɛ̄ á m̀ɓog ányúū yɛ́ɛ̄. Ndí, sɔghé elɔŋ la ma ányúū Pɔ́l M̀ɓɛɛŋ, ɔ válé lípitá á ŋguu Ɔlolómɛ̄,

Timotéo 2 1:8 ပူးပေါင်းရင်းမြစ်များ

Málkus 8:38

Ányúū nɛ́ nyɔ́ la nyɔ́ a ŋga kɔ̄n ɔsɔ́n ányúū yáma la ányúū biɓaŋgá byáma ɔ́sū ví nyí nyɔŋɔn ɛ lɛn, nyí miɓé, nyí yāh tiŋɓe ɓé la Ɔlolómɛ̄, Mɔɔ́n Mut nyɛ́g ag kɛ li kɔn lí ɔsɔ́n ányúū yɛ́ɛ̄, eceg a ŋga kɛ́ li sɔ́ elɔŋ la áŋgɛl epúán átē a lipém lí Ɛ́sāŋɛ́.»

Lúkas 9:26

Ányúū nɛ́ nyɔ́ la nyɔ́ a kɔ̄n ɔsɔ́n ányúū yáma la biɓaŋgá byáma, Mɔɔ́n Mut nyɛ́g ag kɛ li kɔn lí ɔ́sɔ̄n ányúū yɛ́ɛ̄ eceg a ŋga kɛ́ li sɔ́ átē á lipém jɛ́ɛ́, jé lí Ɛ́sāŋɛ́ la jé lí áŋgɛl epúán.

Yohánɛs 15:27

Ndí, ɓɛ́nɛ ɓá miní lɛ́ élɔŋ la ma li ɓotle á bíɓotlé, ɓɛ́nɛ ki miníg kɛ li tíi lí mbóŋ yáma.»

Yohánɛs 19:35

Mut a ɛ́nɛ́ɛ́ míŋ mam nɛ́ a tí mbóŋ, mbóŋ yɛ́ɛ̄ a ŋga tíi ɛ lɛ mbálɛ. Jɔ́ nɛ́, nyɔ́ŋ mut ag yí nɛ́ a pɔ́t mbálɛ, á lí ɓɔŋ nɛ́ ɓɛ́nɛ ki miní yéɓé.

Misɔ́n mí Ɓáōmɓɛ 5:41

Ɓaómɓɛ bú ɓógó la mivag ɔ́sū ví ɔ́ku-vicɛ́ŋ-ví-bíkāāhɛ́nɛ́, nɛ́ Ɔlolómɛ̄ a ɛ́n nsɛ́ŋ nɛ bí téeŋgɛ́ ɓɔ́ á jóō lí Yésus.

Elōg-Lóma 1:16

Mi ŋgá kɔn ɓé mā ɔ́sɔ̄n lí lɛgɛ lí Pɔ́l M̀ɓɛɛŋ, yɔ nɛ́ ɛ lɛ̄ ŋguu nyí Ɔlolómɛ̄ nyí ɛ ŋga sūŋ jóō nɛ mut a byɛ́ɛ̄ ŋyéɓé la nyɛ́, ɔ́sū la ɔsú ɓá bí lɛ̄ ɓɔ́ɔ̄n bí Élōg-Yúda, ámbúh, tɔ ɓá bí sē ɓé ɓɔ́ɔ̄n bí Élōg-Yúda ɓɔ́g bíg yíg oŋ.

Elōg-Lóma 16:25

Bi ɓégɛ́ Ɔlolómɛ̄ nyɔ́ a byɛ́ɛ̄ ŋguu li ólɓɛ lí ŋyéɓé wáná, kaa ɛ́ ŋga lāglɛ á Pɔ́l M̀ɓɛɛŋ nyí mi ŋga camanɛ, nyí ɛ ŋga yíhɛ ɓɛ́nɛ nzáá a lɛ Yésus Kilístus. Nyíŋ Pɔ́l M̀ɓɛɛŋ ya yɛ́lɛ́ mbaŋ nyí Ɔlolómɛ̄ nyí ɛ ɓɛ́ɛ́ ɛ́ sɔ́lɛ ɓɛɛvéé.

Elōg-Lóma 8:36

Ákaa Licii-Lipúán lí ŋga lága nɛ: «Ányúū yɔ́ɔ nɛ́ nyɛmb ɛ ŋga lɛ́ŋle ɓɛ́hɛ ɔlɔ́ la ɔlɔ́ sig, ɓaá nyɔŋɓɛ́ ákaa tít nɛ ɓá nyɛɛ́ lí sɛ́m lí cíŋ.»

Elōg-Lóma 9:33

ákaa yá ciiɓɛ́ nɛ́: «Léɓyán, mag tɛ́ɛ́yɛ ŋgɔg ɔɓag á tísɔn nyí Síon, liáá lí ŋgɔg lí ŋga ɓɛ́h ɓot. Ndí nyɔ́ la nyɔ́ a ŋga ɛ́gɓéne jɔ́, m̀ɓá a ŋgá kɛ ɓé lí tám.»

Elōg-Kɔlínto 1 1:6

Mbóŋ nyí Nyɔ́-a-pɔ́hlɛ ya tíéɓɛ ɓɛ́nɛ ya óló á átē wāná,

Elōg-Kɔlínto 2 6:7

ányúū mbálɛ bi ŋga lɛ́gɛ li oŋle la ŋguu Ɔlolómɛ̄, li oŋle la yé ɛ́sɛ ɛ́ tɛ́ɛ́ sim ɔ́sū vɛ́ɛ́, á lí óŋgánɛ lí ɓɛ́hɛ li du la li suŋ lí ɓɛ́hɛ-mɛ̄n.

Elōg-Éféso 3:1

Á élōgyāŋ, ma Póol, á jóō lí Yésus Kilístus, mi lɛ á m̀ɓog ányúū ɓɛ́nɛ ɓot miní sē ɓé ɓɔ́ɔ̄n bí Élōg-Yúda.

Elōg-Éféso 3:13

Jɔ́ nɛ́ mi ŋga lága ɓɛ́nɛ nɛ́, miníh mwahkɛ́gɛ́ ɓé nɛ bisɔghe mi ŋga kūh ányúū yāná bí yɔŋɓɛ́ ɓɛ́nɛ. Byɔ́ nɛ́ bí lɛ́ lípēm jáná.

Elōg-Éféso 4:1

Á élōgyāŋ, ma Póol mi lɛ á m̀ɓog á jóō lí Nyɔ́ŋ-Ɛsáŋɛ́. Mag ɓéhyɛ ɓɛ́nɛ nɛ́, miní niŋ ákaa ɛ́ ŋga sōmlɛ li oŋle la ŋyáŋlán maná kuh.

Elōg-Éféso 4:17

Á élōgyāŋ, jam mi ŋga lága la li yīgyɛ lí ɓɛ́nɛ á jóō lí Nyɔ́ŋ-Ɛsáŋɛ́ jɔ́ jé nɛ́: Miníh niŋíg ɓé pɛ kaa ɓot bí ŋgí yí ɓé Ɔ́lolómɛ̄, ɓá bí byɛ́ɛ̄ éyī ɛ́ ŋgíla eɓáha.

Elōg-Fílípi 1:7

Ɛ́ lɛ́ m̀ɓɛɛŋ nɛ́ mi ɓɛ́la míŋ miɔ́ŋɔ ányúū yāná ɓɛ́nɛ bísɛ, ányúū nɛ ma vá ɓɛ́nɛ á m̀mím wáma, ɓɛ́nɛ ɓá miní ŋga nyɔ̄ŋ ŋgaan á jé likaale Ɔlolómɛ̄ a tí ma, ɛ́ ɓɛ́ á m̀ɓog mi lɛ, ɛ́ ɓɛ́ á lí suŋ lí Pɔ́l M̀ɓɛɛŋ la li camanɛ lí yɔ.

Elōg-Fílípi 3:10

Yé ɛ́sɛ mi ŋga sómo, ɛ́ lɛ́ lí yí lí Nyɔ́-a-Pɔ́hlɛ, li yí lí ŋguu nyí ya pāhyɛ́ nyɛ, nɛ́ ndí mi nyɔ́ŋ ŋgaan á bísɔghe byɛ́ɛ́, á lí ɓɔŋ nɛ́ mi púnān la nyɛ́ á nyɛ̄mb yɛ́ɛ̄.

Elōg-Fílípi 4:13

Mag la li ɓɔŋ lí mam mísɛ á jóō lí nyɔ́ a ŋga tíi ma ŋguu.

Elōg-Kólóso 1:11

La náŋ, ŋguu nyí lipém jɛ́ɛ́ ɛg kɛ ɓɛ́nɛ li letɛ á mam mísɛ, á lí ɓɔŋ nɛ́ miní la li ɔ́hánɛ lí byoóm bísɛ ɛ́h ɓɛ́ ɓé ntɔghanɛ́. Átē a mivag mísɛ,

Elōg-Kólóso 1:24

Nyí vɔ́ŋɔ́ɔ, mag kɔn mivag la bisɔghe mi ŋga kūh ányúū yāná. Bisɔghe bí yégléé nɛ́ Yésus Kilístus a kūh, má mag kūh byɔ ányúū Eɓasɛ yé ɛ́ lɛ́ nyúū nyí Kilístus.

Elōg-Tésaloníka 1 3:4

Eceg bi ɓɛ́ɛ́ á mbóg yáná, bi yíhɛ́ɛ́ ɓɛ́nɛ ɔ́sū ví éceg nɛ́ biíg kɛ li sɔghe, náŋ ki nɛ́ yá ɓɔŋɓɛ, miníg yí náŋ.

Timotéo 1 2:6

nyɛ́ nɛ́ a tí eniŋ yɛ́ɛ́ ákaa eɓeeka á lí suŋ lí ɓot bísɛ. Nyíŋ mbóŋ nɛ ɛ tíéɓɛ́ɛ á eceg Ɔlolómɛ̄ a tɛ́ɛ́yɛ́ɛ.

Timotéo 2 1:10

Nyí vɔ́ŋɔ́ɔ, yéŋ elɔ́ŋgɔ yɛ́ɛ́ m̀mím yá ɛ́nyéné á misɔ́ mí Ǹsuŋ wahá Yésus Kilístus. Nyɛ́ nɛ́ a mānɛ́ nyɛmb li kele la Pɔ́l M̀ɓɛɛŋ, ɔ étɛ̄ éniŋ yé ŋgíla lisúg.

Timotéo 2 1:12

Ányúū náŋ nɛ́ mi ŋga ɔ́hánɛ bíŋ bisɔghe. Ndí náŋ a ŋgá kɔnɛ ɓé ma ɔ́sɔ̄n, átɔm nɛ́ mag yí la nzáá ma yéɓe, mi lɛ ki mbáki nɛ́ a byɛ́ɛ́ ŋguu li naŋɛ lí yé a byéehɛ́ ma nɛ́-tɛ́ɛla á ɔ́lɔ̄ vá tiile.

Timotéo 2 1:16

Nyɔ́ŋ-Ɛsáŋɛ́ a kɔ́nlé m̀biya á Onesifóle ŋgɔ́ɔ́, átɔm nɛ́ á biceg byá, Onesifóle a ŋgí sɔ́ ma lí letɛ lí nyúū, m̀ɓog wáma wáh kɔnɛ ɓé nyɛ ɔsɔ́n.

Timotéo 2 2:3

Nyɔŋ ɛ́yɔɔ ŋgaan á bísɔghe ákaa taŋ sónja nyí Yésus Kilístus.

Timotéo 2 2:8

Ɔ́ŋɔ́ Yésus Kilístus nyɔ́ a pāhye á póla ɓá ɓá wū, nyɔ́ a pámléné á ndáá-m̀biya nyí káísa Dávid, li oŋle la Pɔ́l M̀ɓɛɛŋ nyí mi ŋga lɛ́gɛ.

Timotéo 2 2:9

Ányúū nyíŋ Pɔ́l M̀ɓɛɛŋ nɛ́ mi ŋga sɔ̄ghe, tɛɛ mu kágɓɛ́ la nsáŋ-á-bícɛɛ kaa m̀ɓéé-mam. Ndí Eɓaŋgá Ɔ́lolómɛ̄ ɛ́h kágɛ̄ ɓé!

Timotéo 2 4:17

Ndí Nyɔ́ŋ-Ɛsáŋɛ́ nɛ a ɓɛ́ɛ́ la ma, ɔ yáhɛ́ ma la ŋguu, á lí ɓɔŋ nɛ́ mi lɛ́gɛ Pɔ́l M̀ɓɛɛŋ, nɛ́ ɓá bísɛ bí sē ɓé ɓɔ́ɔ̄n bí Élōg-Yúda ɓɔ́g bí ámblé yɔ. La mā mu sūŋɓɛ̄ á ányu á ŋgíla!

Timotéo 2 4:5

Ndí wa, ɓɛ́ élɛ̄m á jóō nɛ́ jam, ɔ ɔ́hánɛ esɔghe, sál nsɔ́n wɔ́ɔ á ǹlɛgɛ Pɔ́l M̀ɓɛɛŋ, ɔ yáhɛ́ nsɔ́n wɔ́ɔ nyú á m̀ɓɔŋle a Ɔlolómɛ̄.

Pétlos 1 1:5

Á ɓɛ́nɛ ɓá ŋguu Ɔlolómɛ̄ ɛ ŋga tát li kele la ŋyéɓé ányúū lisuŋga lí ŋga kɛ́ li ɛ́ni á lísūg lí eceg.

Yohánɛs 1 4:14

Ɓɛ́hɛ, ɓaá ɛ́n, biíg tíi nyíŋ mbóŋ nɛ́ Etāa a óm Mɔ́ɔ̄n wɛ́ɛ̄ kaa Ǹsuŋ ŋkɔŋ-á-sí.

Yúde 1:24

Á mut a ŋga lá ɓɛ́nɛ li suŋ nɛ́ m̀ɓá miníh kuág ɓé, la ki nɛ́ miní ɓɛ́ ŋgíla ɔnɛ́g la mivag micɛ́ŋɛ́ ɔ́sū ví lípēm jɛ́ɛ́,

Biyɛ́ɛ́léné 1:2

nyɔ́ a yíhɛ́ nɛ yé ɛ́sɛ a ɛ́n ɛ́ lɛ́ Éɓaŋgá Ɔlolómɛ̄ la mbálɛ, la li yíhɛ nɛ́ yé ɛ́sɛ a ŋga lága ɛ́g sɔ́le la Yésus Kilístus.

Biyɛ́ɛ́léné 1:9

Ma Yohánɛs, mɔɔ́nɛ́sāŋ wáná, la mut waná a elɔŋ ɛ́ dúwɛ até a esɔghe. Mág mi lɛ mɔɔ́n ékombo yé Ɔlolómɛ̄, ma tiŋɓé la Yésus. Ɓá kɛ́ la ma á éon yé Pátmos ányúū nɛ ma lɛ̄gɛ́ Éɓaŋgá Ɔlolómɛ̄, la ányúū nɛ ma tí mbóŋ nyí Yésus.

Biyɛ́ɛ́léné 12:11

Ndí, elōgétāŋ yáhá, yá dí nyɛ cíŋ, li loole la micii mí mɔɔ́n ntómbɛ́ la mbóŋ nyí eɓaŋgá Ɔ́lolómɛ̄ ɓá tíi. Ɓáh kɔn ɓé woŋ li tíi lí éniŋ yáɓá á nyɛmb.

Biyɛ́ɛ́léné 19:10

La ma mu úlɓán ɔ́sū ví áŋgɛl á lí ɓégɛ lí yɔ; ndí yu lága ma nɛ́: «Nyɔ̄ŋ lítāt, ɔh ɓɔŋɔ́g ɓé naŋ! Mág mi lɛ ja m̀ɓɔŋle nlemlem ákaa wa, la ákaa yéŋé élōgɛ́sɔ̄ŋ yá tiŋɓé lí tíi lí mbóŋ nyí Yésus. Ɔlolómɛ̄ nɛ wa nyɛ́ɛ lí ɓégɛ; átɔm nɛ́ li tíi lí mbóŋ nyí Yésus lí lɛ́ li máŋa nɛ́ yé ɓápɔ́tle-bí-Ɔ́lolómɛ̄ ɓá lɛgɛ ɛ́ lɛ́ mbálɛ.»