Timotéo 1 5:8 - Esaa-líat ɛ́ péná

⁸ Kíyáɓɛ́nɛ mut a ŋgá nyɔŋ ɓé eceg la ɓot ɓɛ́ɛ́, ndí tín-tín ɓá a lɛ́ élɔŋ la ɓɔ́ á nlemlem á ndáá, ɛnɛ a táŋɓán ŋyéɓé wɛ́ɛ́, a lɛ bídim li loo lí mut a ŋgíla ŋyéɓé.

Timotéo 1 5:8 ပူးပေါင်းရင်းမြစ်များ

Matéus 18:17

Kíyáɓɛ́nɛ āh ámble ɓé ki ɓɔ́, kɛ̄n la nyúŋ ŋkwɛl á Éɓasɛ. Kíyáɓɛ́nɛ a ɓēn ki li ámble lí ɓot bí Éɓasɛ, nyɔ̄ŋ nyɛ́ kaa mut a ŋga yí ɓé Ɔ́lolómɛ̄ tɔ kaa ŋ̀komanɛ-ŋkuh-á-gɔ́mna.

Matéus 7:11

Ɓɛ́nɛ biɓéɓéyɛ bí ɓot hɔ́, kíyáɓɛ́nɛ miníg yí lí tíi lí ɓɔ́ɔ̄n ɓáná byoóm bílāām, ɛbuu-la-ŋgele yáŋvéé la Ɛsɔ́ŋɛ́ wāná a lɛ á lóō, nyɛ́ ag kɛ li tíi lí ɓot byoóm bílāām bí ŋga ɓāt nyɛ́.

Yohánɛs 15:22

Ki ɓɔŋ nɛ́ mih sɔ́ ɓé ma, ki ɓɔŋ nɛ́ mih máŋlɛ́gɛ ɓé ɓɔ́, kí ɓáh ɓɔŋ ɓé áɓē. Ndí vɔ́ŋɔ́ɔ, aɓé wáɓá áh byɛ́ɛ́ ɓé élaakɛ.

Elōg-Kɔlínto 1 6:6

Nɛ̄-láá linyaŋ lí éɓasɛ lí ŋga lá li sɔ́mhan é?, Á véé ki, á yóg ɓot bí ŋgá yéɓe ɓé la Ɔlolómɛ̄!

Elōg-Kɔlínto 2 12:14

Léɓyán sig nɛ́ mi lɛ̄ ɓɛ́ɓɛ li sɔ́ á yóg yāná ányúū ŋgele ya yáhɛ́ ɛ́ŋháa, ndí mi ŋgá kɛ ɓé mā ɓɛ́nɛ li nyɔŋle lí jam tɔ já, átɔm nɛ́ mí ŋgá somo ɓé mā míɓɛɛŋ máná, ndí mag somo jā ɓɛ́nɛ-mɛ̄n. Ákaa ɛ́sɛ, ah ɓɔɔ́n ɓátɔ̄ga ɓé nɛ bí ŋga nyɛ́ɛ li ɓɔ́g lí mísaŋgó ányúū ɓabyál ɓɔ́, ndí ɓabyál nɛ ɓá nyɛɛ́ lí ɓɔ́g lí mísaŋgó ányúū ɓɔɔ́n ɓáɓá.

Elōg-Kɔlínto 2 6:15

Ɓaá wɔɔ́wɔ́ɔ ŋ̀ámblānɛ́ a ŋga lā li ɓɛ́ á póla Nyɔ́-a-Pɔ́hlɛ la Sátan é? Ɓaá mut a yéɓe la Ɔlolómɛ̄ la nyɔ́ āh yéɓe ɓé bíg la li byáŋ lí élɔŋ é?

Elōg-Gálátia 6:10

Jɔ́ nɛ́, eceg sig póla ɛ ŋga ɛ́ni, bi ɓɔ́ŋlé ɓot bísɛ m̀ɓɛɛŋ, ndí tín-tín ɓá bí lɛ́ élōgyāŋ átē a ŋyéɓé.

Timotéo 2 2:12

Kíyáɓɛ́nɛ ɓaá sɔghé elɔŋ la nyɛ́, elɔŋ la nyɛ́, biíg kɛ ki li kanʼyɛ. Kíyáɓɛ́nɛ ɓa táŋɓán nyɛ́, nyɛ́g ag kɛ ɓɛ́hɛ li táŋɓan.

Timotéo 2 3:5

Bíg kɛ́ li ɓɔŋ ɔ́ŋgɛn ɓá tiŋɓé la Ɔlolómɛ̄, ndí á mbálɛ, kí bú táŋɓán ŋguu nyí ŋyéɓé. Wa hɔ́, nɛŋɛ́ la yíŋ nyaa ɓot!

Títo 1:16

Bíg páha nɛ́ bíg yí Ɔlolómɛ̄, kí miɓɔŋɔg máɓá míg táŋɓan nyɛ́. Bíg ɓɔŋ mam mí tít-ɓot, bí lɛ́ ɓot bí m̀mú-mɓé, ɓot bí ŋgá la ɓé li ɓɔŋ lí jam lí m̀ɓɛɛŋ tɔ já.

Pétlos 2 2:1

Á kwakwáŋɛ, ɓapɔ́tle-bí-Ɔ́lolómɛ̄ bí mínaa bí ɓɛ́ɛ́ á lílōm lí Íslāɛl. Náŋ ki nɛ́ ɓáyēglɛ bí mínaa bí ŋga kɛ́ li ɓɛ́ á póla yāná. Bíg kɛ li níŋgɛ lí miéélé miɓé á nsɔlɓɛ́ á lí jáŋɛ lí ɓot, li pám á ɔ́vega ví bí ŋga táŋɓan Nyɔ́ŋ-Ɛsáŋɛ́ nyɔ́ a tɔ́hɔ́ ɓɔ, la li kɛla lí ɓɔ́-mɛ̄n mpápá á njáŋgá.

Yúde 1:4

Mag ciile ɓɛ́nɛ ányúū nɛ ɓot ɓaɓé ɓá níŋgí nsɔlɓɛ́ á póla yaná. Ɓáŋ ɓot ekɔ́ghɛ yáɓá yá ciiɓɛ́ ɓɛɛvéé á Lícii-Lipúán. Bí lɛ́ ɓot bí ŋgíla ŋyéɓé, ɓá bí ŋga véŋe pɔ́l ediŋ yé Ɔ́lolómɛ̄ Loó jáhá ányúū li niŋ lí éniŋ ɛ́ mpuŋgú. Bíg táŋɓan ki Yésus Kilístus, pɔ̄m yahá Ŋ̀kanʼyɛ la Ɛtáŋɛ.

Biyɛ́ɛ́léné 2:13

«Mag yí yóg yɔ́ɔ; váŋ nɛ́ Sátan a byɛ́ɛ̄ etɔɓé-líkanʼyɛ yɛ́ɛ́. Ndí ɔ átɛ la ma, wāh táŋɓan ɓé ŋyéɓé wɔ́ɔ ɔ byɛ́ɛ̄ la ma tɔ á eceg yé bí ólóó mbóŋ yáma nyí ɛ́ tɛ́ɛ́ nɛ́ Antípas, á yóg yaná, ápah Sátan a ŋga tɔ́ɓene.

Biyɛ́ɛ́léné 3:8

«Mag yí misɔ́n mɔ́ɔ. Ɛ́n sig, ma áhyɛ́ líkooká ɔ́sū vɔ́ɔ, jé tɔ mut a ŋgá la ɓé lí leg. Ɔh byɛ́ɛ́ ɓé pɛ ŋguu taŋ, ndí tɔ náŋ, wa náŋɛ éɓaŋgá yama, wāh táŋɓan ɓé ki ma.