Timotéo 1 5:18 - Esaa-líat ɛ́ péná

¹⁸ Ányúū nɛ Licii-Lipúán líg yó kɔɔ nɛ́: «Ɔ ŋgɔ́ kɛ ɓé lí vá lí nyaga ŋkóm á ányu á eceg ɛ́ mpumu á lí suŋɛ lí yɔ li dí.» La ki nɛ́: «M̀ɓɔŋle a kɔ́ɔ́ la nsála wɛ́ɛ́.»

Timotéo 1 5:18 ပူးပေါင်းရင်းမြစ်များ

Matéus 10:10

miníh nyɔŋɔ́g ɓé mpég á dúwɛ, tɔ mbɔ́tí ɛ́ɓáa, tɔ bitámbí, tɔ njéŋ-duwɛ, átɔm nɛ́ m̀ɓɔŋle a kɔ́ɔ́ la lidí jɛ́ɛ́.

Lúkas 10:7

Tɔɓán múŋ á nyúŋ nlɛ́ɛ́, miníg dí, miníg nyú yé ɛ́sɛ bí ŋga tíi ɓɛ́nɛ, ányúū nɛ m̀ɓɔŋle a kɔ́ɔ la nsála. Miníh ɓógyág ɓé á nyúŋ nlɛ́ɛ́ á li tɔɔ á nyúŋú ntám.

Elōg-Lóma 10:11

Átɔm nɛ́, Licii-Lipúán líg laga nɛ́: «Nyɔ́ la nyɔ́ a ŋga yéɓe la nyɛ́, m̀ɓá, a ŋgá kɛ ɓé lí tám.»

Elōg-Lóma 11:2

Ɔlolómɛ̄ āh cóó ɓé lílōm jɛ́ɛ́, jé a dúgú lí pɔhɔ. Mi lɛ mbáki nɛ́ miníg yí m̀ɓɛɛŋ m̀ɓɛɛŋ yé Élīas a ŋgí yó á Lícii-Lipúán, eceg a ŋgí táŋglan ɔ́sū ví Ɔ́lolómɛ̄ ányúū lilóm lí Íslāɛl nɛ́:

Elōg-Lóma 4:3

Á mbálɛ Licii-Lipúán líg laga nɛ́ yéé é? Licii-Lipúán líg laga nɛ́: «Áblaháam a ɓɛ́ɛ́la ŋyéɓé la Ɔlolómɛ̄, ányúū náŋ nɛ́ Ɔlolómɛ̄ a nyɔ̄ŋ nyɛ́ ákaa mut a tɛ́ɛ́ sim.»

Elōg-Lóma 9:17

Ányúū náŋ nɛ́ Ɔlolómɛ̄ a ŋga laga Faláon á Lícii-lipúán nɛ́: «Ma tɛ́ɛ́yɛ́ wā káísa, nɛ́ ndí la wa, mi étɛ́ ŋguu yama la nɛ́ joó jáma lí cámān á sí ɛsɛ̄.»

Elōg-Kɔlínto 1 9:14

Náŋ ki nɛ́ Nyɔ́ŋ-Ɛsáŋɛ́ a ɓɔ̄ŋ eceg a tí kundɛ nɛ́ ɓálɛgɛ Pɔ́l M̀ɓɛɛŋ ɓɔ́g bí niŋléné múŋ á nsɔ́n wáɓá.

Elōg-Gálátia 3:8

La ki nɛ́, Licii-Lipúán lí éthɛ́ɛ́ nɛ́ Ɔlolómɛ̄ ag kɛ li tɛ́ɛ́yɛ lí sim ɓá bí sē ɓé ɓɔ́ɔ̄n bí Élōg-Yúda li oŋle la ŋyéɓé wáɓá. Ányúū náŋ nɛ́ a lɛ̄gɛ́ Áblaháam yé elɔ́ŋgɔ pɔ́l ɔ́sū ví eceg nɛ́: «Á jóō jɔ́ɔ, bikombo bísɛ bíg kɛ li lómblɛ.»

Yákop 4:5

Tɔ nɛ́, miníg ɔ́ŋɔ nɛ́ yɛ̄mɛ́ nɛ yé epah Lícii-Lipúán ɛ́ ŋga lága nɛ́: «Ɔlolómɛ̄ a byɛ́ɛ́ ekɔ́ɔ́ ŋgandag la M̀búl nyú a vá átē wāhá!»