Timotéo 1 5:11 - Esaa-líat ɛ́ péná

¹¹ Ndí ányúū ŋgɔn ɓóndīgá nyí ɛ́ lɛ́ míkūh, ɔh váág ɓé ɓɔ múŋ á nyúŋ nsɔŋgí á míkūh mí ɓóndīgá, átɔm nɛ́ eceg kóó-míson yáɓá ɛ́ ŋga kɛ́ ɓɔ́ lí nɛ̄ŋɓɛ la Yésus Kilístus, ɛ́g kɛ li ɓɛ́la lí kóó li lɔ́mɓan sīg-pɛ.

Timotéo 1 5:11 ပူးပေါင်းရင်းမြစ်များ

Timotéo 1 4:3

Ɓáŋ ɓot bíg kɛ li suŋɛ nɛ́ ɓot bíh lɔ́mɓágán ɓé, bí súŋɛ̄ ki ɓot li dí lí patí mídī yá, nyaa nɛ́ Ɔ́lolómɛ̄ a vēg míŋ midí nɛ́, ɓayéɓe bí ŋga yí mbálɛ a ɔvega ví yáhɛ́, eceg bí ŋga dí mɔ́ bí tí nyɛ́ mítamlan.

Timotéo 1 5:12

La náŋ, bíg kɛ li vuhle lí Ɔ́lolómɛ̄ ányúū nɛ́ ɓáh yáhɛ ɓé mísɛ́mɛg ɓá dúgú lí nyɔŋ ɔ́sū ví Yésus Kilístus.

Timotéo 1 5:14

Kóó yama ɛ lɛ hɔ́ nɛ́, ŋgɔn ɓóndīgá yí ɛ́ lɛ́ míkūh ɛ́ tímān lí lɔ́mɓan, ɛ́ kol mbota, ɛ́ nyɔŋ eceg la milɛ́ɛ́ máɓá mí áūg, ɛ́h tíág ɓé ɓálem póla li pɔ́t lí ɓɛ́hɛ tɔ yéé,

Timotéo 1 5:9

Ŋkúh á míndīgá wá nyɛɛ́ jā lí ciiɓɛ á elɔŋ yé mikúh kíyáɓɛ́nɛ á byɛ́ɛ́ á puh yɔ ɛsɛ̄ muúmísáama mí mimbú, ndí yá ɓɛ́ ki nɛ́ á ɓɛ́ɛ́ jā nlɔ́mɓɛ́gɛ la páam ya.

Yákop 5:5

Maná nīŋ m̀ɓɔmblɛɛ́ á ŋkɔŋ-á-sí átē a abyaŋ, munú yál ɔ́ŋgɛn tít nɛ bí ŋga kɛ́ li sɛ́m lí líbīt kí ɓáŋá bíg wú la nzal.

Pétlos 2 2:18

Ákaa ɛ́sɛ, bí byɛ́ɛ́ biyógló bí míkwɛl mí ŋgíla eɓáha. Bíg loole la kóó-míson yí ɛ́ ŋga kɔ̄nhan mbɔɔla á lí lɔ́ɔ́nde lí ɓot ɓá sɔ́lé lí ɓógo á elɔŋ ɛ́ ɓot ɓá jáŋ.

Biyɛ́ɛ́léné 18:3

Átɔm nɛ́, nyíŋ tísɔn ya nyúhɛ́ bikombo bísɛ milɔg mí má pámlé á éniŋ yɛ́ɛ́ yé ákwala. Káísa yí ŋkɔŋ-á-sí yú ɓɔ̄ŋ mpuŋgú élɔŋ la yɔ, la ɓot bí nyuŋgá bí ŋkɔŋ-á-sí bú byaŋá á nlohanɛ́ wɛ́ɛ̄ a mpuŋgú á ndeŋg.»

Biyɛ́ɛ́léné 18:7

Kasig ya lóohán lí diŋ lí lípēm la litaŋgá, ɓɛ́nɛ ki ómán yɔ bísɔghe la nyɛmb! Ányúū nɛ m̀mím wɛ́ɛ́ ág pɔ́t nɛ́: ‹Mag kɔ́m á étɔɓé-líkanʼyɛ yé káísa mindígá, mi sē ɓé ma ŋkuh á míndīgá, á m̀ɓá la m̀ɓá mí ŋgá kɛ ɓé ma lí lee ákaa ŋkúh á míndīgá›.

Biyɛ́ɛ́léné 18:9

Káísa yí ŋkɔŋ-á-sí yí yá nyɔ̄ŋ ŋgáɓo á éniŋ yɛ́ɛ́ yé mpuŋgú la á lítaŋgá jɛ́ɛ́, ɛ́g kɛ li lee la li taka eceg ɛ́ ŋga kɛ́ li ɛ́n lí víta ví tísɔn kí yu nyɔ̄ŋ nzáan.