Timotéo 1 4:1 - Esaa-líat ɛ́ péná

¹ M̀búl Mpúán ag laga kɔɔ nɛ́, á eceg yá tiile, ɓot ɓatám bíg kɛ li cóó lí ŋyéɓé á li oŋ lí ɓot bí ŋga jáŋɛ ɓɔ́, la li oŋle lí miéélé mí ŋga sɔ́le la mimbúl míɓē.

Timotéo 1 4:1 ပူးပေါင်းရင်းမြစ်များ

Matéus 18:7

Eɓéé-nyúū la ɓot bí ŋkɔŋ-á-sí ányúū víŋ ɔbul ví míɓē! Ákaa ɛ́sɛ nɛ́, mam mí ŋga óm ɓot lí ɓɔŋ lí áɓē mí ŋgá súú ɓé. Ndí eɓéé-nyúū la mut a ŋga kɛ́ li ɓɛ́ lí njɔm nyí míɓē mí ɓáŋá!

Lúkas 17:1

Yésus a byɛ́la ɓayége ɓɛ́ɛ́ nɛ́: «Tɔ yá ɓɛ́ láá, mam má mí lɛ, mí ŋga óm ɓot á lí ɓɔŋ lí áɓē. Ndí eɓéé-nyúū la nyɔ́ a ŋga kɛ́ li ɓɛ́ lí njɔm míɓē mí ɓáŋá.

Yohánɛs 16:13

Eceg M̀búl á mbálɛ a ŋga kɛ́ li sɔ́, ág kɛ ɓɛ́nɛ li yíhɛ lí mbálɛ yɔ ɛsɛ̄, átɔm nɛ́ a ŋga kɛ́ ɓé lí pɔ́t la nyɛ́-mɛ̄n, ndí ag kɛ́ ɓɛ́nɛ li laga li mam a ámble la li yíhɛ́ lí ɓɛ́nɛ yé ɛ́sɛ yá nyɛ́ɛ lí sɔ́.

Misɔ́n mí Ɓáōmɓɛ 13:2

Ɔlɔ́ vá, éceg bí ŋgí ɓɔŋ esaa epúán ɛ́ Nyɔ́ŋ-Ɛsáŋɛ́ la étɔɔ-nzal, M̀búl Mpúán ɔ lāgá nɛ: «Ɓagán ma Balnábas la Sául ányúū nsɔ́n ma yáŋlé ɓɔ.»

Misɔ́n mí Ɓáōmɓɛ 17:18

Ɓayéglɛ-peg ɓá ɓá pámlé á ésukúlu yé Epikúlɛ la yé Zénɔn ɓɔ́g bú kwɛ̄l elɔŋ la nyɛ́. Jogo lí ŋgí laga nɛ́: «Yéé nyɔ́ mut-a-ɔpɔ́pɔt a ŋga sómo li laga é?» Ɓáŋá ɓɔ́ɔ́: «Ag nyɛɛ li ɓɛ́ lí ǹlɛgɛ-pɔ́l nyɔ́ a ɓacɛn bí míloó.» Ákaa ɛ́sɛ, Póol a ŋgí pɔ́t likɔlɓan la Yésus la lipahye.

Misɔ́n mí Ɓáōmɓɛ 20:23

Ndí ákaa ɛ́sɛ, M̀búl Mpúán ag yíhɛ ma nɛ́ á tísɔn sig, mitaka la m̀ɓog bíg laaŋke ma.

Misɔ́n mí Ɓáōmɓɛ 21:11

Ɛnɛ́ a kɔ́p ɓɛ́hɛ, ɔ nyɔ̄ŋ ŋgóli Póol, ɔ kág mɔ la mikoo mɛ́ɛ́ nyɛ́-mɛ̄n, la nyɛ́ ɔ yó nɛ: «Ámblán yé M̀búl Mpúán a ŋga lága: ‹Mut a byɛ́ɛ̄ nyí ŋgóli, nzɛ́ bí ŋga kɛ́ nyɛ́ lí kág ná á Yélūsalɛm la ɓɔɔ́n bí Élōg-Yúda, la ɓɔ́ bí yōg nyɛ́ á mɔ mí ɓot bí sē ɓé ɓɔ́ɔ̄n bí Élōg-Yúda!›»

Misɔ́n mí Ɓáōmɓɛ 28:25

Tɛɛla á miɓógo máɓá á líɓomán, ŋ̀ámblānɛ́ ah ɓɛ́ɛ́ ɓé pɛ á póla yaɓá. Váŋ nɛ́ Póol a lága ɓɔ́ nɛ́: «M̀búl Mpúán a pɔ́tɔ́ɔ́ mbálɛ, eceg á ŋgí laga ɓatāa ɓáná li kele la Esáya m̀pɔ́tle-a-Ɔlolómɛ̄ nɛ́:

Elōg-Kɔlínto 1 10:20

Kɛ́m! Kaa bí ŋga tíi mímbūl míɓē misúlé máɓá ndí ah Ɔlolómɛ̄ ɓé, ma, kóó ɛ sē ɓé mā nɛ́ ɓɛ́nɛ miní at la mimbúl míɓē.

Elōg-Kɔlínto 1 11:19

Ɛ́g somlɛ yágá ki nɛ́ mbáglán ɛ ɓɛ́ á póla yaná á li ɓɔŋ nɛ́ bi ɛ́n ɓanzáá átē wāná Ɔ́lolómɛ̄ a ŋga yéɓe.

Elōg-Kɔlínto 1 12:11

Ndí míŋ misɔ́n mísɛ, pɔ̄m la nlemlem á M̀búl nɛ a ŋga byée mɔ́, ag tíi mut sig ɛmɛ́ɛ́ míkaale ákaa nyɛ́ M̀búl a ŋga sómo.

Elōg-Kɔlínto 1 2:10

Ákaa ɛ́sɛ, ɓɛ́hɛ nɛ́ Ɔ́lolómɛ̄ a yɛ́ɛ́léné nyíŋ mbaŋ li loole la M̀búl Mpúán. Kasig M̀búl Mpúán a ŋga pígi joó nɛ̄ jam, li pám tɛɛla á peg ɛ sɔ́lɛ̄ yí Ɔlolómɛ̄ a vúl.

Elōg-Kɔlínto 2 11:3

Ndí, mag kɔn woŋ nɛ́, kaa nyɔ ɛ lɔ́ɔ́ndéé Éva la micaŋg mɛ́ɛ́, miɔ́ŋɔ máná ki mí táág kɔ́tɔ́ la mɔ́ mí nɛ̄ŋɓɛ́ taŋ yaná ekɔ́ɔ́ maná nyɛɛ́ lí ɓɛ́la la Nyɔ́-a-Pɔ́hlɛ.

Elōg-Kólóso 2:18

Miníh mwahkɛ́gɛ́ ɓé nɛ ɓot bí nyɔ́ŋlé ɓɛ́nɛ ɔtot miní ŋga nyɛ́ɛ li kuh. Mag pɔ́tle ɓot bi ŋga tīŋɓe á mam mí ŋga étɛ nɛ́ bí lɛ́ ésuhɛ-nyuú, la li tiŋɓe á lí ɓégɛ lí áŋgɛl. Bíg ditɛ ŋ̀ɛ́nānɛ́ wāɓá ŋgandag, yíŋ nyaa ɛ́ ɓot yá loohán lí ɓɛ́la lí míɔ̄ŋɔ mí ɓot-bí-bínam, náŋ nɛ́ a ŋga tíi ɓɔ́ kúmba nlohanɛ́.

Timotéo 2 3:13

Ndí, biɓéɓéyɛ bí ɓot la ɓakatɓan mam bíg kondye ja lí súŋɓan á áɓē, bíg jáŋɛ ɓɔ́-mɛ̄n, ndí bíg jáŋɛ ki ɓatám.

Timotéo 2 4:4

Bíg kɛ li leg lí míɔ̄ɔ̄ máɓá nɛ míh ámblégé ɓé mbálɛ, la ɓɔ́ bí légē mɔ́ á lí ámble lí bíyōgló bí míkwɛl.

Yákop 3:15

Nyíŋ nyaa peg ɛ ŋgá sɔ́le ɓé á lōó, ɛ lɛ nyí ŋkɔŋ-á-sí, ɛ lɛ nyí mut a ŋgíla eyí, ɛ lɛ nyí m̀búl m̀ɓé.

Pétlos 1 1:20

Nyɔ́-a-Pɔ́hlɛ nɛ́ Ɔlolómɛ̄ a pɔ́hɔ sɔ́kágánɛ́ ag veg ŋkɔŋ-á-sí, ɔ ɓɔ̄ŋ nɛ a yílɛ̄ á mísūg mí eceg ányúū m̀ɓɛɛŋ wáná.

Pétlos 2 2:1

Á kwakwáŋɛ, ɓapɔ́tle-bí-Ɔ́lolómɛ̄ bí mínaa bí ɓɛ́ɛ́ á lílōm lí Íslāɛl. Náŋ ki nɛ́ ɓáyēglɛ bí mínaa bí ŋga kɛ́ li ɓɛ́ á póla yāná. Bíg kɛ li níŋgɛ lí miéélé miɓé á nsɔlɓɛ́ á lí jáŋɛ lí ɓot, li pám á ɔ́vega ví bí ŋga táŋɓan Nyɔ́ŋ-Ɛsáŋɛ́ nyɔ́ a tɔ́hɔ́ ɓɔ, la li kɛla lí ɓɔ́-mɛ̄n mpápá á njáŋgá.

Pétlos 2 3:3

Sɔ́kágánɛ́ biíg kɛ ɔ́sū, yíán nɛ́, á álɔ̄ wa tiile, ɓot bí nlegtanɛ́ a nsiika bíg kɛ li sɔ́, bí ɓɛ́ bíg wɛɛhɛnɛ á byoóm byá nyɔ̄ŋ ɓɔ m̀mím,

Yohánɛs 1 2:18

Á ɓɔ́ɔ̄n ɓáma, ŋgɛ́ŋ ya tíile nyí, maná ámblé bíg laga nɛ́ ǹlem a Kilístus ag sɔ́, ndí nyí vɔ́ŋɔ́ɔ, ŋgandag ɓálem-bí-kilístus ɛ́ lɛ́ váŋ. Náŋ nɛ́ a ŋga yíhɛ ɓɛ́hɛ nɛ́ ŋgɛ́ŋ ya tíile nyí.

Yohánɛs 1 4:6

Ɓɛ́hɛ, bi lɛ ɓá bí Ɔ́lolómɛ̄. Nyɔ́ a ŋga yí Ɔ́lolómɛ̄ ag ámble ɓɛ́hɛ. Nyɔ́ a sē ɓé la Ɔlolómɛ̄ a ŋgá ámble ɓé ɓɛ́hɛ. Váŋ nɛ́ bi ŋga yí ápah M̀búl á mbálɛ á lɛ, la nyú á njáŋgá.

Yúde 1:18

Bí ŋgí laga ɓɛ́nɛ nɛ́: «Á lísūg lí bíceg, ɓot bí ɓɛ́ bíg keeyɛ ɓɛ́nɛ, bí ɓɛ́ bíg niŋ li oŋle la kóó-míson eɓé yáɓá.»

Yúde 1:4

Mag ciile ɓɛ́nɛ ányúū nɛ ɓot ɓaɓé ɓá níŋgí nsɔlɓɛ́ á póla yaná. Ɓáŋ ɓot ekɔ́ghɛ yáɓá yá ciiɓɛ́ ɓɛɛvéé á Lícii-Lipúán. Bí lɛ́ ɓot bí ŋgíla ŋyéɓé, ɓá bí ŋga véŋe pɔ́l ediŋ yé Ɔ́lolómɛ̄ Loó jáhá ányúū li niŋ lí éniŋ ɛ́ mpuŋgú. Bíg táŋɓan ki Yésus Kilístus, pɔ̄m yahá Ŋ̀kanʼyɛ la Ɛtáŋɛ.

Biyɛ́ɛ́léné 13:14

La nyíŋ tít yu yɛ́ɛ́ ɓot bí ŋkɔŋ-á-sí la ŋguu ɓá tí yɔ á li ɓɔŋ lí mínɛ́ŋ ɔ́sū ví tít ɔsú. Yu kágyɛ́ ɓɔ nɛ́ bí mɛ̄ njimbilí á épunan ɛ́ nyí tít ɛ byɛ́ɛ̄ ékwɛɛ ɛ́ ŋga lá yɔ li ól ndí yú mān á lí tíi lí yɔ adit.

Biyɛ́ɛ́léné 16:14

Ákaa ɛ́sɛ, míŋ mimbúl mí lɛ́ mimbúl míɓē. Míg ɓɔŋ minɛ́ŋ la mɔ́ ma kɛ li ɓoman la káísa yí ŋkɔŋ-á-sí ásɛ, á li komanɛ lí yɔ nɛ́ ɛ́ dúhɛ̄ Ɔlolómɛ̄ á Ŋguu-mísɛ eceg m̀bya ǹcɛ́ŋ wɛ́ɛ́ á ŋga kɔlan.

Biyɛ́ɛ́léné 18:2

Yu lón la ŋguu nɛ́: «Ya ɓɛ́han é! Ya ɓɛ́han, Babílon tísɔn ecɛ́ŋ, ya yáan ndáá mímbūl míɓē, lisɔlɓéné lí ɓalem bísɛ, lisɔlɓéné lí ánɔn á líbūá ásɛ, la nyú á ŋgāŋá.

Biyɛ́ɛ́léné 18:23

Mipúú mí étūlkáŋ mí ŋgá kɛ ɓé pɛ li paa á ndáá yɔ́ɔ. Á ndáá yɔ́ɔ, bí ŋga kɛ ɓé pɛ li ámble lí cíŋ yí sɔ́mbɔ́, ányúū nɛ́ ɓot ɓɔ́ɔ́ bí nyuŋgá bí ɓɛ́ɛ́ taŋ ɓot á ŋkɔŋ-á-sí; La ki nɛ́ mikaŋ mɔ́ɔ má óm bíkombo bísɛ á njáŋgá.

Biyɛ́ɛ́léné 19:20

La tít yu byéelɓɛ́ ŋkómá, bú byeé ki m̀pɔ́tle-a-Ɔlolómɛ̄ a minaa nyɔ́ a ɓɔŋɔ́ɔ́ mínɛ́ŋ ɔ́sū ví tít, ányúū li jáŋɛ lí ɓot bí kuhúú ndembye nyí tít la li ɓégɛ lí edíŋgɛ́-díŋgɛ yɛ́ɛ́. Tít la m̀pɔ́tle-a-Ɔlolómɛ̄ a minaa bú lééɓɛ́ bíg vɛɛɓan átē á éɓēl-nzáan nyí ɛ ŋgá dím ɓé, nyí nzuhú ɛ ŋga lóŋɛ.

Biyɛ́ɛ́léné 2:11

Nyɔ́ a byɛ́ɛ̄ miɔ́ɔ́, a ámblé yéé M̀búl a ŋga lága Biɓasɛ. Ǹdí-cíŋ, a ŋgá kɛ ɓé lí wú lí nyɛmb ya yáhɛ́ ɛ́ɓáa nyí ya tíile.»

Biyɛ́ɛ́léné 2:17

Nyɔ́ a byɛ́ɛ̄ miɔ́ɔ́, a ámblé yéé M̀búl a ŋga lága Biɓasɛ. Ǹdí-cíŋ, mag kɛ nyɛ́ lí tíi lí mána mí sɔ́lɛ̄, mag kɛ nyɛ́ lí tíi lí épūpúɛ ɛ́ ŋgɔg, ápah ɓá cií jóō lí péná, jé tɔ mut a ŋgá yí ɓé, amáh sig nyɔ́ a ŋga kūh jɔ́.»

Biyɛ́ɛ́léné 2:29

Nyɔ́ a byɛ́ɛ̄ miɔ́ɔ́, a ámblé yé M̀búl a ŋga lága Biɓasɛ.

Biyɛ́ɛ́léné 2:7

Nyɔ́ a byɛ́ɛ̄ miɔ́ɔ́, a ámblé yéé M̀búl a ŋga lága Biɓasɛ: Ǹdí-cíŋ, mag kɛ nyɛ́ lí tíi lí eéé éniŋ ɛ́ tɛ́ɛ́ á paladīs nyí Ɔlolómɛ̄ ákaa lidí.»

Biyɛ́ɛ́léné 20:10

La ǹsɔhɔ, ŋ̀yɛ́ɛ ɓɔ́ ɔ lɛ̄ŋgɓɛ́ á ébúle yé nzáan la yé nzuhú ápah tít ɛ lɛ la ɓapɔ́tle-bí-Ɔ́lolómɛ̄ bí mínaa. Bíg kɛ li taka ŋgandag, díɓe la nzámuh á éɓem la á éɓem.

Biyɛ́ɛ́léné 20:8

ag kɛ li lɔ́ɔ́nde lí bikombo bí lɛ́ á míkāh mínáa mí ŋkɔŋ-á-sí, mí ŋga yáŋlɛ nɛ́ Gɔ̄g la Mágɔg á lí jáŋɛ lí byɔ́. Ag kɛ li komanɛ lí mílōm mí mí lɛ ɔ́bul ákaa ŋkógá á túwɛ ányúū eɓándá.

Biyɛ́ɛ́léné 3:13

Nyɔ́ a byɛ́ɛ̄ miɔ́ɔ́, a ámblé yé M̀búl a ŋga lága Biɓasɛ.»

Biyɛ́ɛ́léné 3:22

Nyɔ́ a byɛ́ɛ̄ miɔ́ɔ́, a ámblé yé M̀búl a ŋga lága Biɓasɛ.»

Biyɛ́ɛ́léné 3:6

Nyɔ́ a byɛ́ɛ̄ miɔ́ɔ́, a ámblé yé M̀búl a ŋga lága Biɓasɛ.»

Biyɛ́ɛ́léné 9:20

Ndí, ɓá ɓot bí yégléé, ɓá bí véé bí bisɔghe, ɓáh veŋe ɓé bílɛ̄m byáɓá, ɓáh mwahɛ ɓé lí ɓégɛ lí mímbūl míɓē, bisát, bí góol tɔ bí sílba, bí bícɛɛ, bí ŋgɔg la bí bínjēŋ bí bí ŋgá la ɓé lí ɛ́n, li ámble, ndí tɔ li wɛɛ.