Timotéo 1 3:6 - Esaa-líat ɛ́ péná

⁶ Āh nyɛɛ ɓé li ɓɛ́ lí mut a tíilé lí yéɓe la Ɔlolómɛ̄, ánsī nɛ́ kúmba ɛ táág dím nyɛ miíh la nyɛ́ a kūh ekɔ́ghɛ ákaa ǹsɔhɔ.

Timotéo 1 3:6 ပူးပေါင်းရင်းမြစ်များ

Lúkas 10:18

Yésus ɔ pélē ɓɔ nɛ́: «Mií ŋga ɛ́n Sátan ag ɓógo á lóō li ɓɛ́han á sí ákaa mbambat.

Elōg-Kɔlínto 1 3:1

Á élōgyāŋ, á mbálɛ, mah la ɓé mā ɓɛ́nɛ li pɔ́tɛ kaa ɓot bí byɛ́ɛ̄ M̀búl Mpúán, ndí ma pɔ́tɛ́ ɓɛ́nɛ kaa ɓot ɓá bí ŋgí tíŋɛ á kóó yáɓá míson, káa ɓɔɔ́n ɓátɔ̄ga ɓá ɓá sɔ́lé lí yéɓe la Nyɔ́-a-Pɔ́hlɛ.

Elōg-Kɔlínto 1 8:1

Á élōgyāŋ, á yé ɛ́ ŋga légɓe tít ɓá súlé bísāt, ɛ́g yílɛ nɛ́, ɓɛ́hɛ bísɛ biíg yí nyúŋ ŋkwɛl. Eyí ɛ́g yáhɛ mut la kúmba, ndí ediŋ ɛ́g óŋ.

Elōg-Kɔlínto 2 12:7

Ndí, kaa bíŋ biyɛ́ɛ́léné bí ɓɛ́ɛ́ ékanɛ-ŋgan á lí púnɛ lí ma nɛ́ mi ɓɛ́ kúmba, bú yáan mā ɔ́kaŋ ví líle á cíŋ. Vɔ́ nɛ́ ví lɛ́ nyí áŋgɛl nyí Sátan nyí ɓa tɛ́ɛ́yɛ́ nɛ ɛ lɔ́gɔ́g ma á lí púnɛ lí ma nɛ́ mi ɓɛ́ kúmba.

Timotéo 1 3:7

Ɛ́g kɛ ki li somlɛ nɛ́ ɓot bi sē ɓé ɓáyēɓe bí tí nyɛ́ mbóŋ élāām, á lí ɓɔŋ nɛ́ bíh yaŋlág ɓé nyɛ, la ki nɛ́ áh kuág ɓé á áām á ǹsɔhɔ.

Timotéo 1 6:4

ɛnɛ a lɛ̄ mut nyɔ́ kúmba ya dím miíh. A lɛ ŋgí lí yí, a lɛ ŋ̀kɔɔ́kɔn nyɔ́ a ŋga sómo mipɔ́t la nyɔ́ a ŋga sɔ́la ntugɛ ányúū li somo lí lí sɔ́ŋtánɛ lí bíɓaŋgá. Míŋ mam nɛ́ mí ŋga sɔ́la étāman, míg sɔ́la mómo, mióó, li ɓotle lí lí kɔnan lí woŋ,

Timotéo 2 3:4

ɓayɛ́lɛ-mam, ɓabúmlan-la-mam, ɓot kúmba ya dím miíh, ɓadiŋ kóó-míson li loo lí lí diŋ lí Ɔ́lolómɛ̄.

Pétlos 1 2:2

Kaa mikɛ́gá mí ɓɔ́ɔ̄n mí byɛ́ɛ̄ kóó minyámíndím, ɓɛ́nɛ ki ɓɛ́án la kóó eɓaŋgá Ɔlolómɛ̄ yé ɛ́ lɛ́ taŋ minyámíndím, á li ɓɔŋ nɛ́ li kele la mɔ́ miní nāŋ ányúū lisuŋga,

Pétlos 1 5:5

Ɓɛ́nɛ ki, á áwāndá, miní suhɛ́ ɓɛ́nɛ-mɛ̄n á sí ɓácɛ̄ŋ bí éɓasɛ. Ɓɛ́nɛ bísɛ, á mam miní ŋga ɓɔ́ŋan ɔlɔ́ sig, miní ɓɛ́la esuhɛ-nyuú á póla yaná, átɔm nɛ́ Ɔlolómɛ̄ ag céŋ ɓot bí kúmba nzen, ndí, ag tíi ɓot bí ésuhɛ-nyuú míkaale mɛ́ɛ́.

Pétlos 2 2:4

La mbálɛ, Ɔlolómɛ̄ āh láakɛ́ɛ ɓé áŋgɛl yí ɛ́ ɓɔŋɔ́ɔ́ áɓē, ndí a ómóó yɔ́ á eɓél ɛ́ nzáan, ápah a náŋɛ̄ yɔ ŋkágag la misáŋ mí bícɛɛ, á lí laaŋke lí ɔ́lɔ̄ ví ŋkál.

Yúde 1:6

Nlemlem, áŋgɛl yí yáh naŋɛ ɓé líɓɛ́ɛg jáɓá, ndí yú cóó lítɔɓéné jáɓá, Ɔlolómɛ̄ a náŋɛ̄ yɔ ŋkwɛɛ́hkɛ́gɛ la misáŋ-mí-bícɛɛ átē a livito á nlaaŋkán á ɔ́lɔ̄ vícɛ̄ŋ ví bíkááhɛ́nɛ́.