Timotéo 1 3:16 - Esaa-líat ɛ́ péná

¹⁶ Kɔɔ la mbálɛ, mbaŋ nyí ŋyéɓé wáhá ɛ lɛ̄ écɛ̄ŋ. Yɔ nɛ́ ɛ lɛ nɛ́: Yésus Kilístus nyɔ́ a sɔ́ la nyuú nyí mut-a-binam, M̀búl Mpúán a étɛ́ ɓɛ́hɛ liɓɛ́ɛg jɛ́ɛ́ lí sim, áŋgɛl ki yú mɛ̄mɛ́ nyɛ, ɔ lɛ̄glɛ́ á yóg ɓot bí ŋgíla ŋyéɓé, ɓot bú yéɓé la nyɛ́ á ŋkɔŋ-á-sí, ɔ ɓét á lōó, ɔ kūh lípēm lí Ɔ́lolómɛ̄.

Timotéo 1 3:16 ပူးပေါင်းရင်းမြစ်များ

Matéus 1:23

«Ŋgɔn kɔ́njí ɛg kɛ li nyɔŋ lí líbum, ɛ byál mɔɔ́n-á-páam nyɔ́ bí ŋga kɛ́ li lo lí jóō nɛ́ Emánuɛl, náŋ ag mínɛ nɛ́: Ɔlolómɛ̄ a lɛ lá ɓɛ́hɛ.»

Matéus 13:11

Yésus ɔ pélē ɓɔ̄ nɛ́: «Ányúū nɛ́ ɓɛ́nɛ nɛ́ maná pɔhlɛ́ á lí yí lí mam mí mbaŋ nyí Ékombo-lóō. Ndí ah ɓáŋá ɓátām ɓé,

Matéus 28:2

Váŋ nɛ́ sí ya póghán la ŋguu. Áŋgɛl nyí Nyɔ́ŋ-Ɛsáŋɛ́ yu sɔ́lé á lóō, yú tínɛ́ ŋgɔg á miníŋglé mí sɔŋ la yɔ yu tɔ́ɔ̄ yɔ á lóō.

Matéus 3:16

Ɛnɛ́ Yésus a kūh nzóɓan, ɔ pámlé á míndīm. Á nlemlem á éceg, lóō lú léglan la nyɛ́ ɔ ɛ́n M̀búl á Ɔ́lolómɛ̄ ág suhle nyɛ́ ákaa ɔɓeŋ.

Matéus 4:11

Ámbúh náŋ, ǹsɔhɔ ɔ yíg nyɛ, la áŋgɛl yú sɔ́, yú káhá nyɛ li ɓɔŋle.

Málkus 1:13

La nyɛ́ ɔ tɔ́ɔ̄ wóŋ muúmínáa mí álɔ̄ ápah Sátan a váá nyɛ́ á sí miceglan. A ɓɛ́ɛ́ á tɔ́ɔ̄ wóŋ elɔŋ la tít pɛ́ɛ́, áŋgɛl ki ɛ́g ɓɔŋle nyɛ́.

Málkus 16:19

Ɛnɛ́ Nyɔ́ŋ-Ɛsáŋɛ́ Yésus a mánɛ ɓɔ́ li kwɛlɛ, ɔ nyɔ̄ŋɓɛ́ á lóō, ɔ tɔ́ɔ̄ á m̀ɓɛ́nlómɛ á Ɔlolómɛ̄.

Málkus 16:5

Váŋ nɛ́ ɓá níŋgí á sɔŋ, bú ɛ́n ɔ́wāndá ví jáhɛ́ epúpúɛ mbɔ́tí ví tɔ́ɔ̄ á épah ɛ́ m̀ɓɛ́nlómɛ; la ɓɔ́ bú kɔɔ́n woŋ.

Lúkas 2:32

mipúú mí ŋga páaye ɓá bí sē ɓé ɓɔ́ɔ̄n bí Élōg-Yúda, la lipém lí Íslāɛl lilóm jɔ́ɔ.»

Lúkas 20:44

La náŋ, Dávid ag yáŋa nyɛ́ nɛ́ Ɛtáŋɛ; nɛ́ láá hɔ́ a lɛ nyɛ́ mɔ́ɔ̄n é?»

Lúkas 22:43

Váŋ nɛ́ áŋgɛl ya ɛ sɔ́léé á lóō á li tíi lí nyɛ ŋguu.

Lúkas 24:4

Kasig bí ŋgí yí ɓé pɛ yé bí ɓɔŋ, váŋ nɛ́ ɓot bíɓáa ɓá pámlé ɓɔ, Bí ɓɛ́ɛ́ bí jáhɛ mbɔ́tí ɛ́ ŋga páa ŋgandag.

Lúkas 24:51

Eceg aá ŋga lómbo ɓɔ́, ɔ ɓáglán lá ɓɔ́, ɔ ɓét á lóō.

Yohánɛs 1:14

La Eɓaŋgá yú ɓɔ̄ŋɓɛ́ mut-a-binam, la yɔ́ yú tɔ́ɔ̄ la ɓɛ́hɛ, ɓɛ́hɛ ki bu mɛ̄mɛ́ lipém jɛ́ɛ́. Jéŋ lipém, lí pɔmbɛ Mɔɔ́n, líg sɔ́le nyɛ́ la Ɛsáŋɛ́, nyíŋ pɔmbɛ Mɔɔ́n ɛ yáhɛ́ la mikaale mí Ɔ́lolómɛ̄, mbálɛ ki ɛ yáhɛ yɔ á nyúū.

Yohánɛs 13:3

Ndí Yésus a yíí nɛ́ Ɛsáŋɛ́ a tíéé nyɛ́ mam mísɛ, la nɛ́ a sɔ́léné á yóg Ɔlolómɛ̄, wóŋ ki nɛ́ a ŋga kɛ́ li timan.

Yohánɛs 15:26

«Eceg mi ŋga kɛ́ li timan á mbóg Etāa, mag ómle ɓɛ́nɛ M̀mɔ́mɛ, nyɛ́ nɛ́ a lɛ M̀búl á mbálɛ a ŋga sɔ́le á mbóg Etāa. Nyɛ́-mɛ̄n ki nɛ́ a ŋga kɛ́ li tíi lí mbóŋ yáma.

Yohánɛs 16:28

Ma pámléné á átē á Etāa li sɔ́ á ŋkɔŋ-á-sí, ndí nyí vɔ́ŋɔ́ɔ mag ɓógo á ŋkɔŋ-á-sí á li timan á yóg Etāa.»

Yohánɛs 17:5

Nyí vɔ́ŋɔ́ɔ Etāa, ɓɔ̄ŋ nɛ́ mi kuh lipém á ŋgwáāg yɔ́ɔ, jé lipém mi ɓɛ́ɛ́la sɔ́kágánɛ́ ŋkɔŋ-á-sí ág vegɓɛ.

Yohánɛs 20:12

la nyɛ́ ɔ ɛ́n áŋgɛl ɛ́ɓáa ɛ́ jáhɛ bipúpúɛ bí mbɔ́tí, ɛ́ tɔ́ɔ̄ á nlemlem á voóm bí nāntɛ́ɛ m̀bim á Yésus. Ya ápah m̀mú á ɓɛ́ɛ́, nyíŋí ki á étun míkoo.

Yohánɛs 6:62

Ɓaá, eceg miní ŋga ɛ́n Mɔɔ́n Mut ag timan ápah a sɔ́léne, miníg kɛ láá li ɓɔŋ é?

Misɔ́n mí Ɓáōmɓɛ 1:19

Ɛnɛ́ ɓátɔɓene bí Yélūsalɛm bísɛ ɓá yí náŋ, bú yáŋá nyɔ́ŋ voóm a sí la mpɔ́t wáɓá nɛ: ‹Hakeldáma›, náŋ a lɛ nɛ́ sí micii.

Misɔ́n mí Ɓáōmɓɛ 10:34

Pétlos ɔ nyɔ̄ŋ mpɔ́t, ɔ lāgá nɛ: «Ma ɛ́n kɔɔ la mbálɛ nɛ́ Ɔlolómɛ̄ ah byɛ́ɛ́ ɓé ndɔ́tlán tɔ ya.

Misɔ́n mí Ɓáōmɓɛ 14:27

Ɛnɛ́ Póol la Balnábas ɓá pám á tísɔn Antiókia nyí Sília, bú kɔtánɛ́ ɓot bí Éɓasɛ á li máŋlɛ lí ɓɔ mam mísɛ Ɔlolómɛ̄ a ɓɔ̄ŋ li loole la ɓɔ́, ndí tín-tín kaa láá a lége ɓot bí sē ɓé ɓɔ́ɔ̄n bí Élōg-Yúda nzen nyí ŋyéɓé.

Misɔ́n mí Ɓáōmɓɛ 20:28

Miní táthán la ɓɛ́nɛ-mɛ̄n, miní táthán ki la liɓembá jé M̀búl Mpúán a tí ɓɛ́nɛ. Ɓɛ́án ɓatát bí Eɓasɛ yé Ɔlolómɛ̄, yé a sóm ányúū yɛ́ɛ̄ nyɛ́-mɛ̄n la micii mɛ́ɛ́.»

Elōg-Lóma 10:12

Jɔ nɛ́, ndɔ́tlán tɔ ya ɛ sē ɓé á póla ɓɔɔ́n bí Élōg-Yúda la ɓá bí sē ɓé ɓɔ́ɔ̄n bí Élōg-Yúda. Nyɔ́ŋ-Ɛsáŋɛ́ a lɛ jā wa ányúū yāɓá ɓɔ́ bísɛ, nyɔ́ a ŋga tíi ɓá bísɛ bí ŋga lónle nyɛ́ mam mɛ́ɛ́ mí m̀ɓɛɛŋ bí ŋga ɓāt nyɛ́.

Elōg-Lóma 10:18

Mag ɓāt hɔ́ nɛ: ɓaá, Elōg-Yúda yáh ámble ɓé jéŋ likálo é? Ndí ɓá ámblé kɔɔ jɔ́, átɔm nɛ́ Licii-Lipúán líg laga nɛ: «Cíŋ yí ɓálɛgɛ Pɔ́l Ɔlolómɛ̄ yá ámblɛ́ á ŋkɔŋ-á-sí ásɛ, yé bí ŋgí laga yú pám á míkāh mí sí mísɛ.»

Elōg-Lóma 16:25

Bi ɓégɛ́ Ɔlolómɛ̄ nyɔ́ a byɛ́ɛ̄ ŋguu li ólɓɛ lí ŋyéɓé wáná, kaa ɛ́ ŋga lāglɛ á Pɔ́l M̀ɓɛɛŋ nyí mi ŋga camanɛ, nyí ɛ ŋga yíhɛ ɓɛ́nɛ nzáá a lɛ Yésus Kilístus. Nyíŋ Pɔ́l M̀ɓɛɛŋ ya yɛ́lɛ́ mbaŋ nyí Ɔlolómɛ̄ nyí ɛ ɓɛ́ɛ́ ɛ́ sɔ́lɛ ɓɛɛvéé.

Elōg-Lóma 16:26

Ndí nyí lɛn, Ɔlolómɛ̄ a pámɛ́ yɔ, ɔ yíhɛ́ yɔ milóm mí mí sē ɓé mí Élōg-Yúda á bíciilé bí ɓápɔ́tle-ɓɛ́ɛ́, li oŋle la mitɛ́ɛ́yɛ́gɛ mɛ́ɛ́ nyɛ́ Ɔ́lolómɛ̄ nyɔ́ a ŋga nīŋ á éɓem la éɓem, á li ɓɔŋ nɛ́ míŋ milóm mísɛ mí yéɓé la nyɛ́, mí óglé ki nyɛ́.

Elōg-Lóma 3:4

Á mbálɛ kɛ́m! Ɛ́g yílɛ nɛ́ Ɔlolómɛ̄ a lɛ mbálɛ, mut-a-binam sig ki ɔ ɓɛ́ mut-a-minaa, ákaa yá ciiɓɛ́ nɛ: «Ɛ́g ɓat nɛ́ ɔ lēmɓɛ́ɛ nɛ́ yé ɔ ŋgɔ pɔ́t ɛ́ tɛ́ɛ, la ki nɛ́, ɔ só ŋkál eceg bí ŋga kááhɛ wa.»

Elōg-Lóma 8:3

Ɔlolómɛ̄ a ɓɔ̄ŋ yé mbéndá yāh la ɓé li ɓɔŋ, ányúū nɛ, nyíŋ mbéndá ɛh ɓɛ́ɛ́la ɓé ŋguu nyí li kanʼyɛ lí mut-a-binam átē a aɓɔt wɛ́ɛ́. Ányúū li kɔ́ghɛ lí áɓē nɛ āh ɓɛ́ɛ́la ɓé pɛ ŋguu tɔ ya á nyúū nyí mut-a-binam, Ɔlolómɛ̄ a óm Mɔ́ɔ̄n wɛ́ɛ̄ á épunan yáhá la nyuú nyí miɓé, nɛ́ a ɓógtɛ́ ɓɛ́hɛ á áɓē.

Elōg-Lóma 9:5

ɔ tí ɓɔ ɓasáŋɛ́ bí ŋga yílɛ. Á lílōm jáɓá nɛ Nyɔ́-a-Pɔ́hlɛ a byááyénéé á líɓɛ́ɛg lí mut-a-binam, nyɛ́ nɛ́ a lɛ Ɔ́lolómɛ̄ a kahɛ́ á lōó lí mam mísɛ. Eɓégɛ ɛ́ ɓɛ́ la nyɛ́ nɛ́-tɛ́ɛ la á éɓem! Ɛ́ ɓɛ́ náŋ.

Elōg-Kɔlínto 1 15:47

Mut ɔsú, ɓá mɛ̄ nyɛ la ntɔ́ɔ́, a lɛ nyɔ́ a ŋkɔŋ-á-sí. Nyɔ́ a yáhɛ́ bíɓáa nyɛ́ ag sɔ́le á lóō.

Elōg-Kɔlínto 1 2:7

Biíg camanɛ jā peg nyí Ɔlolómɛ̄, nyí ɛ lɛ̄ mbaŋ, nyí ya tíg á lísɔl, nyí ɛ lɛ̄ nɛ́ Ɔlolómɛ̄ a ɓoŋháán mimbú ndí mímbú ɔ́sū ví eceg ányúū lipém jáhá.

Elōg-Kɔlínto 2 1:19

Á mbálɛ, Yésus Kilístus, Mɔɔ́n Ɔlolómɛ̄, nyɔ́ ma, Silváno la Timotéo ɓaá cámānɛ́ pɔ́l á yóg yāná, m̀ɓá-mɓá āh ɓɛ́ɛ́ ɓé nyɔ́ a «Ɔɔ» la «Kɛ́m» á nlemlem á éceg, ndí a ɓɛ́ɛ́ jā nyɔ́ «Ɔɔ» la «Ɔɔ».

Elōg-Gálátia 2:8

Kasig Ɔlolómɛ̄ a yaanɛ́ɛ Pétlos ŋ̀ómɓɛ a Elōg-Yúda, náŋ ki nɛ́ a yáanɛ́ ma ŋ̀ómɓɛ a míŋí mílōm mí mí sē ɓé ɓɔ́ɔ̄n bí Élōg-Yúda.

Elōg-Gálátia 4:4

Ndí, ɛnɛ́ eceg yá kɔlan, Ɔlolómɛ̄ ɔ óm Mɔ́ɔ̄n wɛ́ɛ̄, nyɔ́ a byáá la mindígá, ɔ ɓɛ́ á sí mbéndá Elōg-Yúda,

Elōg-Éféso 1:9

A yɛ́ɛ́léné ɓɛ́hɛ mbaŋ nyí nsom wɛ́ɛ́, ɔ yɛ́ɛ́léné ki ɓɛ́hɛ peg a vúl la m̀mím á m̀ɓɛɛŋ ɔ́sū ví eceg á jóō lí Nyɔ́-a-Pɔ́hlɛ.

Elōg-Éféso 6:19

Kánhánɛ ki ányúū yáma á lí ɓɔŋ nɛ́ Ɔlolómɛ̄ a tí ma biɓaŋgá bí kɔ́ɔ̄, bí ma nyɛ́ɛ lí lɛglene lí mbaŋ nyí Pɔ́l M̀ɓɛɛŋ la akwáá.

Elōg-Kólóso 1:23

Ndí, ɛ́g somlɛ nɛ́, li kele la ŋyéɓé, miní lēt, miní byēlɓán, miní ɓɛ́la ki ŋguu taŋ, ɛ́h ɓɛ́ ɓé ɓɛ́nɛ li mwahɛ nɛ́ jam tɔ já lí ɓógtɛ́ ɓɛ́nɛ lipitá miní byɛ́ɛ̄ la Pɔ́l M̀ɓɛɛŋ nyí maná ámble, nyí joó nɛ eveglé ɛ́ lɛ́ á sí vaŋgá yá ámble, nyí Pɔ́l M̀ɓɛɛŋ ɛ lɛ nɛ́ ma Póol ma yáan m̀ɓɔŋle.

Elōg-Kólóso 1:27

A sómó lí yíhɛ lí ndog yɛ́ɛ̄ líɓɛ́ɛg lí nyíŋ mbaŋ la abyaŋ wɛ́ɛ́ á ŋgwáāg ɓot bí sē ɓé ɓɔ́ɔ̄n bí Élōg-Yúda. Nyíŋ mbaŋ ɛ lɛ́ nɛ́, Kilístus a lɛ̄ la ɓɛ́nɛ, la nyɛ́ nɛ́ miní byɛ́ɛ́ lipitá nɛ miníg níŋgi á lipém lí Ɔ́lolómɛ̄.

Elōg-Kólóso 1:6

nyí ya pám tɛɛla á yóg yāná. Nlemlem kaa nyíŋ Pɔ́l ɛ lɛ lí úm lí mítām, ndí ɛg caman la ŋkɔŋ-á-sí ásɛ, náŋ ki nɛ́ ɛ́ ɓɔ̄ŋɓɛ́ɛ á yóg yāná li ɓotle ɔ́lɔ̄ miní ámbléé bíg pɔ́t likɔlɓan la elɔ́ŋgɔ m̀mím yé Ɔ́lolómɛ̄, la ɓɛ́nɛ munú yí ki yɔ́ átē a mbálɛ yɔ ɛsɛ̄,

Elōg-Kólóso 2:2

La náŋ, mag somo nɛ́ ɓɛ́nɛ bísɛ miní ɓɛ́la mikúndá, miní ɓɛ́ jam já átē a ediŋ, miní yál la eyí, nɛ́ ndí miní yí mbaŋ Ɔlolómɛ̄, nyí ɛ lɛ̄ Yésus Kilístus.

Elōg-Tésaloníka 2 1:10

eceg a ɓɛ́ ag sɔ́ múŋ á víŋ ɔlɔ́, nɛ́ ndog yɛ́ɛ̄ ɛ tí nyɛ́ lípēm, la ki nɛ́ ɓá bísɛ ɓá yéɓe bí mɛ̄mɛ́ nyɛ́. Ndí ɓɛ́nɛ, maná yéɓé mbóŋ ɓaá tí ɓɛ́nɛ.

Elōg-Tésaloníka 2 2:7

átɔm nɛ́, ŋguu ɛ sɔlɛ́ nyí M̀ɓɔŋ-aɓé ya ɓōtlé nsɔ́n. Ɛ́ ŋgí tɔ́ɔ ja nɛ́ mut a ŋgí byelég yɔ tɛɛla nyí vɔ́ŋɔ́ɔ a ɓágɓán, á lí ɓɔŋ nɛ́ nsɔ́n wɛ́ɛ́ á ɓét ŋguu.

Timotéo 1 3:9

Ɓá nyɛɛ́ lí naŋɛ lí mbaŋ nyí ŋyéɓé á mímīm ɛ́h ɓɛ́ ɓé nɛ cíŋ-m̀mím yāɓá ɛ kááhɛ́ ɓɔ́.

Elōg-Hébɛl 1:3

La nyɛ́ nɛ́ epaa yé lípēm lí Ɔ́lolómɛ̄ ɛ́ ŋga ɛ́ni, ndí ɔ ɓɛ́ kí kɔɔ yé Ɔ́lolómɛ̄ a lɛ, la ŋguu nyí eɓaŋgá yɛ́ɛ́ nɛ a nīt joó nɛ jam lá vēgɓɛ. Ɛnɛ́ a mānɛ́ li púɛ lí ɓot á míɓē máɓá, ɔ ɓét á lóō, ɔ tɔ́ɔ á m̀ɓɛ́nlómɛ a Nyɔlɛ nyɔ́ a Ŋguu-Mísɛ.

Elōg-Hébɛl 12:2

Eceg bi ŋga nāŋga m̀bíí, miíh máhá mí ɓɛ́ ja á mbóg Yésus, nyɛ́ nɛ́ a légē ɓɛ́hɛ nzen nyí ŋyéɓé, nyɛ́ ki nɛ́ a ŋga kɛ́ wɔ́ lí pámla á lísūg, nyɛ́ nɛ́, a mwáhɛ́ mívag mí mɓɛ́ nyɛ̄ ɔ́sū, la nyɛ́ ɔ yéɓé nyɛmb nyí mbásá átē a eɔ́hánɛ, ɛ́h ɓɛ́ ɓé lí nyɔŋ lí éceg la mbɔɔla ɛsɛ̄ nyíŋ nyaa nyɛmb ɛ ŋga tíi. Ndí nyí vɔ́ŋɔ́ɔ, a tɔ́ɔ á m̀ɓɛ́nlómɛ a etɔɓé-líkanʼyɛ yé Ɔ́lolómɛ̄.

Elōg-Hébɛl 7:7

Ɛ́h ɓɛ́ ɓé péndan tɔ ya, ǹcɛ́ŋ nɛ a ŋga lómbo ntɔ́ga.

Elōg-Hébɛl 8:1

Taŋ jam á mam mísɛ ɓaá laga ɓɛ́nɛ ɛ lɛ̄ nɛ́, bi byɛ́ɛ̄ nyíŋ nyaa ǹtíi-nsúlé ǹcɛ́ŋ, nyɔ́ a tɔɔ́ á lóō, á m̀ɓɛ́nlómɛ a etɔɓé-líkanʼyɛ yé Nyɔlɛ a Ŋguu-Mísɛ.

Pétlos 1 1:12

Ɔlolómɛ̄ a yɛ́ɛ́léné ɓɔ nɛ́, nyíŋ pɔ́l bí ŋgí lɛ́gɛ ɛh ɓɛ́ɛ́ ɓé ányúū yaɓá ɓɔ́-mɛ̄n, ndí ɛ ɓɛ́ɛ́ ányúū yāná. Yɔ nɛ́, nyí vɔ́ŋɔ́ɔ, ɓalɛgɛ Pɔ́l M̀ɓɛɛŋ bí ŋga lɛ́gɛ ɓɛ́nɛ la ŋguu nyí M̀búl Mpúán nyɔ́ a sɔ́lé á lōó. Nyíŋ pɔ́l, áŋgɛl yɔ́-mɛ̄n ɛ́g somo yɔ lí yí.

Pétlos 1 1:20

Nyɔ́-a-Pɔ́hlɛ nɛ́ Ɔlolómɛ̄ a pɔ́hɔ sɔ́kágánɛ́ ag veg ŋkɔŋ-á-sí, ɔ ɓɔ̄ŋ nɛ a yílɛ̄ á mísūg mí eceg ányúū m̀ɓɛɛŋ wáná.

Pétlos 1 1:21

Li kele la nyɛ́ nɛ́ miní ŋga yéɓe la Ɔlolómɛ̄, nyɛ́ nɛ́ a pāhyɛ́ nyɛ á póla ɓá ɓá wū, la nyɛ́ ɔ tí nyɛ lipém, nyaa nyí ɛ lɛ̄ nɛ́ máná nāŋʼyéné ŋyéɓé wáná la lipitá jáná la Ɔlolómɛ̄.

Pétlos 1 3:18

Ákaa ɛ́sɛ, Nyɔ́-a-Pɔ́hlɛ nyɛ́-mɛ̄n a sɔ̄ghe ányúū miɓé mí ɓot-bí-bínam ŋgele ya ányúū yɔ́ ɛ́sɛ. Nyɛ́ mut a tɛ́ɛ́ sim, a sɔ̄ghé ányúū ɓá bíh tɛ́ɛ́ ɓé sim, á lí ɓɔŋ nɛ́ a kɛla ɓɛ́nɛ á mbóg Ɔlolómɛ̄. A wú átē a mison, ndí ɔ tímān á eniŋ átē a M̀búl.

Pétlos 1 3:22

nyɔ́ a ɓét á loó, ɔ tɔ́ɔ á m̀ɓɛ́nlómɛ a Ɔlolómɛ̄, ápah áŋgɛl, mikanʼyɛ mitám la ŋguu ɛ́ lɛ á lōó bí lɛ́ á sí likanʼyɛ jɛ́ɛ́.

Yohánɛs 1 1:2

átɔm nɛ́ eniŋ yá yɛ́ɛ́lɛ, la ɓɛ́hɛ bu ɛ́n yɔ; biíg tíi mbóŋ yɛ́ɛ̄ ányúū náŋ nɛ́ bi ŋga lɛ́gɛ ɓɛ́nɛ pɔ́l nyí eniŋ éɓem, yé ɓɛ́ɛ́ á ŋgwáāg Etāa Ɔlolómɛ̄ ndí yú yɛ́ɛ́léné ɓɛ́hɛ yɔ́-mɛ̄n.

Yohánɛs 1 3:5

Ndí, ɓɛ́nɛ miníg yí nɛ́ Yésus Kilístus a sɔ́ á lí ɓógtɛ lí míɓē, la ki nɛ́, aɓé tɔ wá á sē ɓé la nyɛ́.

Yohánɛs 1 3:8

Nyɔ́ la nyɔ́ a ŋga ɓɔ̄ŋ aɓé a lɛ á épah ɛ́ ǹsɔhɔ, ányúū nɛ li ɓotle á ɔkolpáŋá, ǹsɔhɔ a lɛ m̀ɓɔŋ-miɓé. Jɔ́ nɛ́, Mɔɔ́n Ɔlolómɛ̄ a sɔ́ á lí cɛ́hɛ lí mísɔ̄n mí ǹsɔhɔ.

Biyɛ́ɛ́léné 17:5

Joó lí mbaŋ lí ɓɛ́ɛ́ nyɛ́ nciíg á mbɔm nɛ́: «Babílon écɛ̄ŋ, nyaŋɛ́ a ɓot bí mpuŋgú la mam mí nyɛgá mí ŋkɔŋ-á-sí»

Biyɛ́ɛ́léné 17:7

Váŋ nɛ́ áŋgɛl ya ɓāt ma nɛ́: «Ányúū yéé náŋ a ŋga nyágɛ wa é? Mɔ́m hɔ́ mi yɛ́ɛ́léné wa mbaŋ mindígá la nyí tít ɛ byɛ́ɛ̄ mimú nzambúwá la jóom lí míɓēg ɛ ɓɛ́gɛ̄ nyɛ́!

Biyɛ́ɛ́léné 7:9

Ámbúh náŋ, ma Yohánɛs mu ɛ́n, édila ɛ́ ɓot yé mut tɔ wa a ŋgí yí ɓé táŋga. Yéŋ edila ɛ́ ɓot ɛ́ ɓɛ́ɛ́la ɓot bí bíkombo bísɛ, milóm mísɛ, milómɛ mísɛ la mipɔ́t mísɛ. Ɓáŋ ɓot bí ɓɛ́ɛ́ bí tɛ́ɛ ɔ́sū ví étɔɓé-líkanʼyɛ la ɔ́sū ví mɔɔ́n ntómbɛ́, bí jáhɛ bipúpúɛ bí mbɔ́tí, bú ɓɛ́la ki mitaa á mɔ.