Timotéo 1 3:1 - Esaa-líat ɛ́ péná

¹ Á Tímotéo, yé eɓaŋgá ɛ́ ŋga lága nɛ́: «Kíyáɓɛ́nɛ mut a ɓɛ́la kóó li ɓɛ́ lí ŋ̀kanʼyɛ a Eɓasɛ, ɛnɛ taŋ nsɔ́n nɛ a sómó lí ɓɔŋ», yéŋ eɓaŋgá ɛ́ kɔ́ɔ́ nɛ́ ɓot bí váléné yɔ́ lípitá.

Timotéo 1 3:1 ပူးပေါင်းရင်းမြစ်များ

Lúkas 15:10

Jɔ́ hɔ́ nɛ, mi ŋga laga ɓɛ́nɛ nɛ́, áŋgɛl Ɔlolómɛ̄ ɛ́g ɓɛ́ mívag ányúū m̀ɓɔŋ-miɓé wāhwa nyɔ́ a ŋga véŋe eniŋ yɛ́ɛ́.»

Misɔ́n mí Ɓáōmɓɛ 1:20

Ányúū náŋ nɛ́ kálati byaá nyí Licii-Lipúán ɛ ŋga máŋa nɛ́: ‹Nlɛ́ɛ́ wɛ́ɛ́ á yéglé évōvóló, mut tɔ wa ah tɔɓág ɓé pɛ á átē la ki nɛ́, Mut ntám ag kɛ nyɛ́ lí yihanɛ á nsɔ́n wɛ́ɛ́›.»

Misɔ́n mí Ɓáōmɓɛ 20:28

Miní táthán la ɓɛ́nɛ-mɛ̄n, miní táthán ki la liɓembá jé M̀búl Mpúán a tí ɓɛ́nɛ. Ɓɛ́án ɓatát bí Eɓasɛ yé Ɔlolómɛ̄, yé a sóm ányúū yɛ́ɛ̄ nyɛ́-mɛ̄n la micii mɛ́ɛ́.»

Elōg-Lóma 11:13

Nyí vɔ́ŋɔ́ɔ, mag yíhɛ ɓɛ́nɛ ɓá miní sē ɓé ɓɔ́ɔ̄n bí Élōg-Yúda nɛ́, mi lɛ̄ ŋ̀ómɓɛ ányúū ɓá bí sē ɓé ɓɔ́ɔ̄n bí Élōg-Yúda. Mag ditɛ nsɔ́n wáma,

Elōg-Éféso 4:12

nɛ́ ndí ndog-Ɔlolómɛ̄ ɛ yáhɛ́ misɔ́n mí éɓasɛ, á lí ólɓɛ lí nyúū nyí Nyɔ́-a-Pɔ́hlɛ.

Elōg-Fílípi 1:1

Ma Póol, mi lɛ̄ élɔŋ la Timotéo, bí lɛ ɓáɓɔŋle bí Yésus Kilístus. Mag ciile ɓá bísɛ bí lɛ́ ndog-Ɔlolómɛ̄ á tísɔn Filípi, elɔŋ la ɓakanʼyɛ Eɓasɛ la ɓáōŋgánɛ ɓáɓá, ɓá bí ŋga nīŋ á ŋ̀atanɛ́ la Yésus Kilístus.

Elōg-Tésaloníka 1 5:14

Á élōgyāŋ, biíg sɔ́hye ɓɛ́nɛ nɛ́, miní ɓéhyɛ́ ɓot bí mpuŋgú nɛ bí tɛ́ɛ́yɛ́ nsɔ́n wáɓá, miní létɛ̄ ɓot bí ŋga vɔ́l nyúū, miní nit ɓot bí ŋga ɓɔ̄t, miní ɓɛ́la eɔ́hánɛ á ŋgwáāg ɓot bísɛ.

Timotéo 1 1:15

Yé eɓaŋgá ɛ́ ŋga lága nɛ́: «Yésus Kilístus a sɔ́ á ŋkɔŋ-á-sí ányúū li suŋ lí ɓáɓɔŋ-miɓé», yéŋ eɓaŋgá ɛ́ kɔ́ɔ́ nɛ́ ɓot bí váléné yɔ́ lípitá, ɓɔ́ bísɛ ki bí lɛ́glé yɔ́ ákaa ɛ́ ŋga sōmlɛ. Átē á ɓáŋ m̀ɓɔŋ-miɓé, ma nɛ́ mi lɛ nyɔ́ ɔsú.

Timotéo 1 4:9

Yéŋ eɓaŋgá ɛ́ kɔ́ɔ nɛ́ bí válé yɔ́ lípitá, ɛ kɔ́ɔ ki nɛ́ ɓot bísɛ bí lɛ́glé yɔ́ kaa ɛ́ ŋga sōmlɛ,

Timotéo 2 2:11

Eɓaŋgá ɛ́ kɔ́ɔ̄ nɛ́ bí válé lípitá yɔ́ yé nɛ́: Kíyáɓɛ́nɛ ɓa wú elɔŋ la Yésus, elɔŋ la nyɛ́ biíg kɛ li niŋ.

Títo 1:7

Ɛ́g ɓat nɛ́, ŋ̀kanʼyɛ a Eɓasɛ, kasig a byɛ́ɛ̄ mbóŋ li oŋhan la mam mí Ɔlolómɛ̄ a nyɛ́ɛ li ɓɛ́ ŋgíla ɔnɛ́g. La náŋ āh nyɛɛ ɓé lí ɓɛ́ lí kúmba, āh nyɛɛ ɓé lí ála ŋgandag, āh nyɛɛ ɓé lí ɓɛ́ lí yoóm-mílɔg, āh nyɛɛ ɓé lí ɓɛ́ lí mut-a-liɓólá, āh nyɛɛ ɓé lí kuhle lí mɔní á míyɛ̄ɛ̄hán.

Títo 3:8

Yéŋ eɓaŋgá ɛ́ kɔ́ɔ nɛ́ bi válé yɔ́ lípitá, jɔ́ nɛ́ kóó ɛ lɛ̄ ma nɛ́ ɔ nyɔ̄ŋ eceg la nyúŋ ŋkwɛl, nɛ́ ndí ɓá bísɛ ɓá vá ŋyéɓé wáɓá la Ɔlolómɛ̄ bí tiŋɓé á lí ɓɔŋ lí mísɔ̄n mí m̀ɓɛɛŋ. Náŋ nɛ́ a lɛ m̀ɓɛɛŋ, ɔ ɓɛ́ ki nsɛ́ŋ ányúū ɓot bísɛ.

Elōg-Hébɛl 12:15

Miní nyɔŋ litát nɛ mut tɔ wa ah nɛŋɓág ɓé la elɔ́ŋgɔ m̀mím yé Ɔlolómɛ̄. Mut waná tɔ wa ah yaakágán ɓé kaa lilaŋ liɓé, jé lá sā voóm asɛ̄ á lí sɔ́la lí ntugɛ.

Pétlos 1 2:25

Ákaa ɛ́sɛ, miní mɓɛ́ mijáŋag kaa mítōmbɛ́, ndí nyí vɔ́ŋɔ́ɔ maná timán á mbóg m̀wɛɛla la ǹtát mímbūl máná.

Pétlos 1 4:15

Mut tɔ wa á póla yaná ah kuhúg ɓé ésɔghe ányúū nɛ ag ólan, ányúū nɛ ag yíí, ányúū nɛ́ ag ɓéé mam, tɔ nɛ́ ag vá ányu á mam mí ɓot.

Pétlos 1 5:2

Miní díɛ́hɛ́ liɓembá lí Ɔ́lolómɛ̄, jé a byéehɛ́ ɓɛ́nɛ. Miní tát jɔ́ ɛ́h ɓɛ́ ɓé ŋkágyɛ́ɛ, ndí la miɔ́ŋɔ miláám á nyaa ɛ ŋga nyɛɛle Ɔlolómɛ̄, miníh ɓɔŋɔg ɓé naŋ ányúū nsom á ábyaŋ, ndí ɓɔŋán náŋ la m̀mím nláám.