Timotéo 1 2:6 - Esaa-líat ɛ́ péná

⁶ nyɛ́ nɛ́ a tí eniŋ yɛ́ɛ́ ákaa eɓeeka á lí suŋ lí ɓot bísɛ. Nyíŋ mbóŋ nɛ ɛ tíéɓɛ́ɛ á eceg Ɔlolómɛ̄ a tɛ́ɛ́yɛ́ɛ.

Timotéo 1 2:6 ပူးပေါင်းရင်းမြစ်များ

Matéus 20:28

Náŋ ki nɛ̄ Mɔɔ́n Mut ah sɔ́ ɓé nɛ bí ɛɛlé nyɛ́, ndí a sɔ́ nɛ a ɛ́ɛ́lé ɓot, la li tíi lí éniŋ yɛ́ɛ́ á ésɛsɛ́ma á lí tɔ́hɔ lí ɔ́bul ví límut.»

Málkus 1:15

«Eceg yá kɔlan, Likanʼyɛ lí Ɔlolómɛ̄ lá nyɛ́g. Veŋlán bílɛ̄m, yéɓyán Pɔ́l M̀ɓɛɛŋ.»

Málkus 10:45

Náŋ ki nɛ́, Mɔɔ́n Mut ah sɔ́ ɓé nɛ bí ɛɛlé nyɛ́, ndí a sɔ́ nɛ a ɛ́ɛ́lé ɓot la li tíi lí éniŋ yɛ́ɛ́ á esɛsɛ́ma á li tɔ́hɔ lí ɔ́bul ví límut.»

Yohánɛs 10:15

nlemlem kaa Etāa a ŋga yí ma, náŋ nɛ́ mág mi ŋga yí Etāa, mag tíi eniŋ yáma ányúū mitómbɛ́.

Yohánɛs 6:51

«Ma nɛ́ mi lɛ ékɔgá yé éniŋ yé yá sɔ́léné á lóō. Tɔ nzáá a ŋga kɛ́ yɔ́ li dí ag kɛ li ɓɛ́la lí éniŋ éɓem. Ekɔgá mi ŋga kɛ li tíi á lí niŋɛ lí ɓot bí ŋkɔŋ-á-sí ɛ́ lɛ́ nyuú yáma.»

Elōg-Lóma 16:26

Ndí nyí lɛn, Ɔlolómɛ̄ a pámɛ́ yɔ, ɔ yíhɛ́ yɔ milóm mí mí sē ɓé mí Élōg-Yúda á bíciilé bí ɓápɔ́tle-ɓɛ́ɛ́, li oŋle la mitɛ́ɛ́yɛ́gɛ mɛ́ɛ́ nyɛ́ Ɔ́lolómɛ̄ nyɔ́ a ŋga nīŋ á éɓem la éɓem, á li ɓɔŋ nɛ́ míŋ milóm mísɛ mí yéɓé la nyɛ́, mí óglé ki nyɛ́.

Elōg-Lóma 5:6

Ɔɔ, eceg bi ɓɛ́ɛ́ ŋgíla ŋguu tɔ ya, á éceg Ɔlolómɛ̄ a tɛ́ɛ́yéé, nɛ́ Nyɔ́-a-Pɔ́hlɛ a wú ányúū ɓaɓɔŋ-miɓé.

Elōg-Kɔlínto 1 1:6

Mbóŋ nyí Nyɔ́-a-pɔ́hlɛ ya tíéɓɛ ɓɛ́nɛ ya óló á átē wāná,

Elōg-Kɔlínto 2 5:21

Yésus Kilístus nyɛ́ mut āh yí ɓé áɓē, Ɔlolómɛ̄ a ɓɛ̄glɛ́ nyɛ miɓé máhá nɛ́ ndí li loole la nyɛ́, bi yáan ɓot bí lɛ́ sim ɔ́sū ví Ɔ́lolómɛ̄.

Elōg-Gálátia 1:4

nyɛ́ Yésus a tí nyɛ́-mɛ̄n ányúū miɓé máhá á lí ɓɔŋ nɛ́ a sūŋ ɓɛ́hɛ á míɓē mí ŋkɔŋ-á-sí, li oŋle la nsom á Ɔlolómɛ̄ Etāa wahá.

Elōg-Gálátia 4:4

Ndí, ɛnɛ́ eceg yá kɔlan, Ɔlolómɛ̄ ɔ óm Mɔ́ɔ̄n wɛ́ɛ̄, nyɔ́ a byáá la mindígá, ɔ ɓɛ́ á sí mbéndá Elōg-Yúda,

Elōg-Éféso 1:17

Ɔlolómɛ̄, Loó lí Ɛtáŋɛ wahá Yésus Kilístus, Etāa nyɔ́ a lipém, a tí ɓɛ́nɛ M̀búl á peg nyú á ŋga yɛ́ɛ́léne ɓɛ́nɛ nyɛ́, la li yíhɛ lí ɓɛ́nɛ nyɛ́ m̀ɓɛɛŋ m̀ɓɛɛŋ.

Elōg-Éféso 1:7

La micii mɛ́ɛ́ nyɛ́ Yésus Kilístus nɛ́ ɓaá kɔplɛ. Á ŋ̀atanɛ́ la nyɛ́ nɛ́ ávuha wáhá wá kūh élaakɛ kasig Ɔlolómɛ̄ a lóohán lí ɓɛ́ lí elɔ́ŋgɔ.

Elōg-Éféso 3:5

Nyíŋ mbaŋ, Ɔlolómɛ̄ ah yɛ́ɛ́léné ɓé yɔ nyɔŋɔn yá lóo, ákaa nyí vɔ́ŋɔ́ɔ, a yɛ́ɛ́léné yɔ ɓaómɓɛ ɓɛ́ɛ́ ɓápūán la ɓapɔ́tle-bí-Ɔ́lolómɛ̄ li kele la M̀búl Mpúán.

Elōg-Éféso 5:2

Niŋán átē á ediŋ kaa Nyɔ́-a-Pɔ́hlɛ a dīŋ ɓɛ́hɛ, la nyɛ́ ɔ tí nyɛ́-mɛ̄n Ɔlolómɛ̄ kaa likaale la nsúlé ányúū yāhá, nyúŋ nsúlé á byɛ́ɛ́ élɔ́ŋgɔ nziŋ ɛ́ ŋga nyɛ́ɛle Ɔlolómɛ̄.

Elōg-Tésaloníka 2 1:10

eceg a ɓɛ́ ag sɔ́ múŋ á víŋ ɔlɔ́, nɛ́ ndog yɛ́ɛ̄ ɛ tí nyɛ́ lípēm, la ki nɛ́ ɓá bísɛ ɓá yéɓe bí mɛ̄mɛ́ nyɛ́. Ndí ɓɛ́nɛ, maná yéɓé mbóŋ ɓaá tí ɓɛ́nɛ.

Timotéo 1 6:15

Mitiman mɛ́ɛ́ míg kɛ li yál á eceg Ɔlolómɛ̄ nyɛ́-mɛ̄n a tɛ́ɛ́yɛ, nyɔ́ Ɔlolómɛ̄ a lɛ̄ líŋgɛ̄n lí mísɔ̄tá la pɔ̄m Ŋ̀kanʼyɛ. Nyɔ́ a lɛ Káísa ɛ kahɛ́ á lōó lí yíŋí káísa la Ɛtáŋɛ a ɓatáŋɛ bísɛ.

Timotéo 2 1:8

Jɔ́ hɔ́ nɛ, ɔh kɔnɔ́g ɓé ɔ́sɔ̄n lí tíi lí mbóŋ nyí Ɛtáŋɛ wahá, ɔh kɔnɔ́g ɓé ki ma ɔ́sɔ̄n, ma nyɔ́ mi lɛ̄ á m̀ɓog ányúū yɛ́ɛ̄. Ndí, sɔghé elɔŋ la ma ányúū Pɔ́l M̀ɓɛɛŋ, ɔ válé lípitá á ŋguu Ɔlolómɛ̄,

Títo 1:3

Ɔlolómɛ̄ Ǹsuŋ wahá, á eceg yé a tɛ́ɛ́yɛ, a yɛ́lɛ́ eɓaŋgá yɛ́ɛ́ á njɛn nyú a ɓɛ̄glɛ́ɛ́ ma nɛ́ mi lɛ́gɛ́ ɓot, li oŋle ákaa a kānʼyɛ́ɛ́ ma.

Títo 2:14

Nyɛ́-mɛ̄n nɛ́ a tí éniŋ yɛ́ɛ́ ányúū yāhá, ányúū li kɔpɔ lí ɓɛ́hɛ á míɓē máhá mísɛ, la li púɛ lí ɓɛ́hɛ nɛ́ bi ɓɛ́ lílōm jɛ́ɛ́ la nɛ́ bi ɓɛ́la akwáá á lí ɓɔŋ lí mísɔ̄n mí m̀ɓɛɛŋ.

Elōg-Hébɛl 9:12

Eceg Yésus a níŋgléé ŋgele ya ányúū yɔ́ ɛ́sɛ á ndugá ya lóohan púán, ah micii mí ɓálōm bí mítōmbɛ́ la mí mí ɓɔ́ɔ̄n bí nyága ɓé nɛ a tíéé kaa nsúlé, ndí micii mɛ́ɛ́ nɛ a tíi, náŋ nɛ́ a pámɛ́ ɓɛ́hɛ á m̀ɓog á éɓem la eɓem.

Pétlos 1 2:24

Nyɛ́ nɛ́ a ɓɛ́gɛ̄ aɓé wáhá á nyúū yɛ́ɛ̄ á loó lí mbásá, á li ɓɔŋ nɛ́ bih ɓɛ́ɛ́g ɓé pɛ á sí likanʼyɛ lí áɓē, ndí bi nīŋ eniŋ ɛ́ tɛ́ɛ́ sim. Mbála yɛ́ɛ́ yá tɔ́ɔyɛ́ ɓɛ́nɛ mbólí.

Pétlos 1 3:18

Ákaa ɛ́sɛ, Nyɔ́-a-Pɔ́hlɛ nyɛ́-mɛ̄n a sɔ̄ghe ányúū miɓé mí ɓot-bí-bínam ŋgele ya ányúū yɔ́ ɛ́sɛ. Nyɛ́ mut a tɛ́ɛ́ sim, a sɔ̄ghé ányúū ɓá bíh tɛ́ɛ́ ɓé sim, á lí ɓɔŋ nɛ́ a kɛla ɓɛ́nɛ á mbóg Ɔlolómɛ̄. A wú átē a mison, ndí ɔ tímān á eniŋ átē a M̀búl.

Yohánɛs 1 4:10

Yéŋ ediŋ ɛ́ lɛ́ nɛ́: ah ɓɛ́hɛ ɓé nɛ ɓaá dīŋ Ɔlolómɛ̄, nyɛ́ nɛ́ a dīŋ ɓɛ́hɛ, la nyɛ́ ɔ óm Mɔ́ɔ̄n wɛ́ɛ̄, ɔ tí nyɛ kaa nsúlé ányúū elaakɛ-miɓé máhá.

Biyɛ́ɛ́léné 1:5

la Yésus Kilístus ki, ǹtíi mbóŋ Ɔlolómɛ̄ á nyaa ɛ tɛ́ɛ́, mut ɔsú nɛ a páhyé á póla ɓá ɓá wū la ŋ̀kanʼyɛ káísa yí ŋkɔŋ-á-sí Kilístus a lɛ nyɔ́ a ŋga diŋ ɓɛ́hɛ, nyɔ́ a ɓógtɛ́ ɓɛ́hɛ á áɓē wáhá li kele la micii mɛ́ɛ́,

Biyɛ́ɛ́léné 5:9

Bí ŋgí lɔ́ŋgɛ ŋgoso péná nɛ: «Ɔ kɔ́ɔ́ li lɛ́gle lí kálati la li kɔpɔ lí bíɓátan bí ndembye byɛ́ɛ́; ányúū nɛ ɓá sɛ́m wa líbīt, bú tí wa ákaa nsúlé; ányúū Ɔlolómɛ̄, wu sóm la micii mɔ́ɔ, ɓot bí jóō nɛ bikombo, bí jóō nɛ lilóm, bí jóō nɛ lilómɛ la ɓá bí mípɔ̄t mísɛ.