Timotéo 1 2:5 - Esaa-líat ɛ́ péná

⁵ Ányúū nɛ́ Ɔlolómɛ̄ a lɛ jā wā, ǹloɛ ki ɔ ɓɛ́ wa á póla Ɔlolómɛ̄ la ɓot-bí-bínam, nyɛ́ nɛ́ a lɛ́ Yésus Kilístus,

Timotéo 1 2:5 ပူးပေါင်းရင်းမြစ်များ

Matéus 1:1

Kálati ɛ ŋga táa ndándó nyí Yésus Kilístus, mɔɔ́n Dávid, mɔɔ́n Áblaháam nyí.

Matéus 1:23

«Ŋgɔn kɔ́njí ɛg kɛ li nyɔŋ lí líbum, ɛ byál mɔɔ́n-á-páam nyɔ́ bí ŋga kɛ́ li lo lí jóō nɛ́ Emánuɛl, náŋ ag mínɛ nɛ́: Ɔlolómɛ̄ a lɛ lá ɓɛ́hɛ.»

Lúkas 14:22

Ámbúh eceg, m̀ɓɔŋle ɔ tímān nyɛ li laga nɛ́: Etāa, yá ɓɔŋɓɛ ákaa wa yó, ndí bitɔ bí ŋgí lɛ á ndáá.

Yohánɛs 1:14

La Eɓaŋgá yú ɓɔ̄ŋɓɛ́ mut-a-binam, la yɔ́ yú tɔ́ɔ̄ la ɓɛ́hɛ, ɓɛ́hɛ ki bu mɛ̄mɛ́ lipém jɛ́ɛ́. Jéŋ lipém, lí pɔmbɛ Mɔɔ́n, líg sɔ́le nyɛ́ la Ɛsáŋɛ́, nyíŋ pɔmbɛ Mɔɔ́n ɛ yáhɛ́ la mikaale mí Ɔ́lolómɛ̄, mbálɛ ki ɛ yáhɛ yɔ á nyúū.

Yohánɛs 17:3

Á mbálɛ, eniŋ éɓem ɛ́ lɛ́ ja nɛ́ bí yí wa, wa Lōó lí mbálɛ, bí yí ki Yésus Kilístus nyɔ́ wa óm.

Misɔ́n mí Ɓáōmɓɛ 4:12

Lisuŋga tɔ já lí ŋgá sɔ́le ɓé voóm ntám amáh sig la nyɛ́, átɔm nɛ́, mú á sí vaŋgá, Ɔlolómɛ̄ āh tíi ɓé ɓot-bí-bínam joó lítām tɔ já lí ŋga sɔ́la ɓɛ́hɛ lisuŋga.»

Elōg-Lóma 1:3

Nyíŋ Pɔ́l M̀ɓɛɛŋ ɛg légɓe ja Mɔ́ɔ̄n wɛ́ɛ̄ nyɔ́, á líɓɛ́ɛg lí mut-a-binam, a byááyéé á ŋkaŋ á m̀biya á Dávid,

Elōg-Lóma 10:12

Jɔ nɛ́, ndɔ́tlán tɔ ya ɛ sē ɓé á póla ɓɔɔ́n bí Élōg-Yúda la ɓá bí sē ɓé ɓɔ́ɔ̄n bí Élōg-Yúda. Nyɔ́ŋ-Ɛsáŋɛ́ a lɛ jā wa ányúū yāɓá ɓɔ́ bísɛ, nyɔ́ a ŋga tíi ɓá bísɛ bí ŋga lónle nyɛ́ mam mɛ́ɛ́ mí m̀ɓɛɛŋ bí ŋga ɓāt nyɛ́.

Elōg-Kɔlínto 1 8:4

Ɓaá, tít ɓá súlé bísāt ɛ́g la li díéɓɛ é? Biíg yí m̀ɓɛɛŋ nɛ́ esát tɔ yá ɛ́ sē ɓé mú á nyú ŋkɔŋ-á-sí, la ki nɛ́ miloó mítām mí sē ɓé amáh sig pɔmbɛ Ɔlolómɛ̄.

Elōg-Kɔlínto 1 8:6

Ndí ányúū yāhá Loó a lɛ̄ wāhwa, nyɛ́ nɛ́ a lɛ́ Etāa, mam mísɛ míg sɔ́le la nyɛ́, ɓɛ́hɛ bísɛ ki biíg kɛ á yóg yɛ́ɛ̄. Nyɔ́ŋ-Ɛsáŋɛ́ ki a lɛ jā wāhwa, nyɛ́ nɛ́ a lɛ Yésus Kilístus, la nyɛ́ nɛ́ mam mísɛ má vēgɓɛ, la nyɛ́ ki nɛ́ ɓɛ́hɛ bísɛ bi lɛ́ á éniŋ.

Elōg-Gálátia 3:20

Bih byɛ́ɛ́ ɓé ɓɛ́hɛ kóó la ǹloɛ Kíyáɓɛ́nɛ mut a lɛ ja nyɛ́-ntámɛ́. Ndí bi byɛ́ɛ́ ja kóó la Ɔlolómɛ̄ nyɔ́ a lɛ̄ pɔmbɛ.

Elōg-Éféso 4:6

Ɔlolómɛ̄ ki wa, nyɔ́ a lɛ Ɛsáŋɛ́ a ɓot bísɛ. Nyɛ́ nɛ́ a ŋga kānʼyɛ ɓot bísɛ, a ŋga sál li kele la ɓot bísɛ, nyɛ́ ki nɛ́ a tɔɔ́ átē a ɓot bísɛ.

Timotéo 1 6:13

Mag tíi wa nyí ndag ɔ́sū ví Ɔlolómɛ̄ nyɔ́ a ŋga tíi byoóm bísɛ eniŋ, mag tíi ki wā yɔ ɔ́sū ví Yésus Kilístus nyɔ́ a tí mbóŋ élāām ɔ́sū ví Pɔ́nsio Piláto eceg a ŋgí páha ŋyéɓé wɛ́ɛ́ m̀ɓɛɛŋ. Nyíŋ ndag nɛ́ ɛ lɛ nɛ́:

Elōg-Hébɛl 12:24

Maná sīŋglé ɓɛ́ɓɛ la Yésus, nyɔ́ a tɛ́ɛ́ á póla Ɔlolómɛ̄ la ɓot-bí-bínam á lí tɛ́g lí ésaa-líat ɛ́ péná. Munú sīŋglé ki ɓɛ́ɓɛ la micii mɛ́ɛ́ mí má kómɓɛ́ mí mí byɛ́ɛ̄ pɔ́l nyí ɛ ŋga loo pɔ́l nyí mícii mí Ábɛl.

Elōg-Hébɛl 7:25

Ányúū náŋ nɛ́ ŋgele ya ányúū yɔ́ ɛ́sɛ, Yésus a kɔɔ́ lí suŋ lí ɓá bí ŋga lóole la nyɛ́ á lí siŋgle lí Ɔlolómɛ̄ á ŋgwáāg. Kasig a ŋga nīŋ á éɓem la á éɓem, á lí kánɛ lí Ɔ́lolómɛ̄ ányúū yāɓá.

Elōg-Hébɛl 8:6

Á mbálɛ, Yésus a kūh nsɔ́n á ŋga lóo nyú á ɓáŋá ɓátíi-nsúlé bísɛ, átɔm nɛ́, nyɛ́ nɛ́ á lɛ á póla Ɔlolómɛ̄ la ɓot-bí-bínam á li ɓɔŋ lí ésaa-líat yé yá loohán lí ɓɛ́ lí m̀ɓɛɛŋ yé yá loolé á míkakanɛ mí má loohán lí ɓɛ́ lí m̀ɓɛɛŋ.

Elōg-Hébɛl 9:15

Ányúū náŋ nɛ́ Nyɔ́-a-Pɔ́hlɛ a lɛ á póla Ɔlolómɛ̄ la ɓot bí binam ányúū esaa-líat ɛ́ péná, yé ɛ́ lɛ́ lílagle lí péná. A wú ányúū li ɓógtɛ lí ɓot-bí-bínam á m̀ɓog nyú míɓē máɓá mí váá ɓɔ́ eceg bí ɓɛ́ɛ́ bí ŋgí lɛ á ésaa-líat yé ɔ́sū. Jɔ́ nɛ́, ɓot Ɔlolómɛ̄ a yáŋá bíg la li kuh lí émbāmbá yá yé ɛ́ ŋgá cɛ́ ɓé, yé ɛ́ lɛ́ nɛ a kakánɛ́ ɓɔ̄,

Yohánɛs 1 2:1

Á ɓɔ́ɔ̄n ɓáma, mag ciile ɓɛ́nɛ mí mam mísɛ á li ɓɔŋ nɛ́ miníh ɓɔŋɔ́g ɓé áɓē. Ndí, kí yá pám nɛ mut a ɓɔ́ŋ aɓé, bi byɛ́ɛ́ ŋ̀kále ɓɛ́hɛ á ɔ́sū ví Etāa nɛ́ Yésus Kilístus nyɔ́ a tɛ́ɛ́ sim,

Biyɛ́ɛ́léné 1:13

Á m̀mím á bíŋ bitúlkáŋ, mu ɛ́n jam lí ŋga púnan la mut-a-binam, nyɔ́ a jáhɛ́ ntaandá á mbɔ́tí, ŋgóli góol ɛ ɓɛ́ɛ́ ɛ́ tíŋɛ nyɛ́ á tól.