Timotéo 1 2:10 - Esaa-líat ɛ́ péná

¹⁰ Ndí, bí étɛ́ jā aláám wáɓá á mísɔ̄n mí m̀ɓɛɛŋ, á nyaa ɛ kɔɔ́, ákaa ɓondígá bí ŋga páha ŋyéɓé wáɓá la Ɔlolómɛ̄.

Timotéo 1 2:10 ပူးပေါင်းရင်းမြစ်များ

Misɔ́n mí Ɓáōmɓɛ 9:36

Mindígá a ŋyéɓé wa a ɓɛ́ɛ́ á Yópe, joó jɛ́ɛ́ nɛ Tabíta, náŋ ag kɔplɛ nɛ́ ŋkwáhá. A ŋgí ɓɔŋ mam mí m̀ɓɛɛŋ ŋgandag, ag tíi ki ɓayɛ́ɛ́yɛ́ɛ mikaale.

Misɔ́n mí Ɓáōmɓɛ 9:39

Á ékūyá-kúyá, Pétlos ɔ tímān élɔŋ la ɓɔ́. Eceg a pámáá wóŋ, bú ɓétɛ́ nyɛ á étun-ndáá-likɔgɔ, mikúh mí ɓóndīgá mísɛ mú sɔ́ míg lee ɔ́sū vɛ́ɛ́. Mú étɛ́ nyɛ́ mbɔ́tí la milógi Dɔlkáas a ŋgí lɔndɔ eceg a ɓɛ́ɛ́ élɔŋ la ɓɔ́.

Elōg-Éféso 2:10

átɔm nɛ́ Ɔlolómɛ̄ nɛ a ōŋgɛ́ ɓɛ́hɛ, nyɛ́ nɛ́ a vēg ɓɛ́hɛ nɛ́ bi nīŋ á ŋ̀atanɛ́ la Yésus Kilístus, ányúū li yáhɛ lí mísɔ̄n mí m̀ɓɛɛŋ nyɛ́ Ɔ́lolómɛ̄ a ɓōŋhán ɓɛ́hɛ á ɔ́sū ví éceg.

Timotéo 1 2:11

Á eceg yé éyēge, mindígá a nyɛ́ɛ lí tɔɔ lí pií, la li suhɛ lí nyɛ́-mɛ̄n.

Timotéo 1 2:9

Á yé ɛ́ ŋga légɓe ɓondígá, bí jál á nyaa ɛ tɛ́ɛ́, bí ɓɔŋ liŋgɔn á nyaa ɛ kɔ́ɔ̄ la nyí ɛ ŋga dítɛ ɓɔ́, náŋ ag mínɛ nɛ́ bíh ɓágág ɓé mímū, bíh jálág ɓé míkēmbé mí góol tɔ ɓaláám bí mísāŋ, bíh jálág ɓé mbɔ́tí yá loohán lí véé lí díyɛ.

Títo 2:14

Nyɛ́-mɛ̄n nɛ́ a tí éniŋ yɛ́ɛ́ ányúū yāhá, ányúū li kɔpɔ lí ɓɛ́hɛ á míɓē máhá mísɛ, la li púɛ lí ɓɛ́hɛ nɛ́ bi ɓɛ́ lílōm jɛ́ɛ́ la nɛ́ bi ɓɛ́la akwáá á lí ɓɔŋ lí mísɔ̄n mí m̀ɓɛɛŋ.

Títo 3:8

Yéŋ eɓaŋgá ɛ́ kɔ́ɔ nɛ́ bi válé yɔ́ lípitá, jɔ́ nɛ́ kóó ɛ lɛ̄ ma nɛ́ ɔ nyɔ̄ŋ eceg la nyúŋ ŋkwɛl, nɛ́ ndí ɓá bísɛ ɓá vá ŋyéɓé wáɓá la Ɔlolómɛ̄ bí tiŋɓé á lí ɓɔŋ lí mísɔ̄n mí m̀ɓɛɛŋ. Náŋ nɛ́ a lɛ m̀ɓɛɛŋ, ɔ ɓɛ́ ki nsɛ́ŋ ányúū ɓot bísɛ.

Pétlos 1 2:12

Ɓɛ́án la bilɛ́m bílāām á póla ɓot bí ŋgá yéɓé ɓé la Ɔlolómɛ̄, á li somo nɛ́, tɔ ɓɔŋ nɛ́ bíg ɓéeyɛ ɓɛ́nɛ nɛ́ miní lɛ́ ɓot ɓaɓé, bí ɛ́n miɓɔŋɔg máná mílāām, la ɓɔ́ bí ɓégɛ́ Ɔlolómɛ̄ ɔlɔ́ a ŋga kɛ́ li sɔ́.

Pétlos 2 3:11

Kasig míŋ mam mísɛ mí ŋgá ɓɛ́ ɓé pɛ, yɔɔ́yɔ́ɔ nyaa ɓot maná nyɛ́ɛ li ɓɛ́ é? Yɔɔ́yɔ́ɔ nyaa eniŋ epúán maná nyɛɛ lí niŋ é? Jɔɔ́jɔ́ɔ lipém maná nyɛɛ lí tíi lí Ɔlolómɛ̄ é?

Biyɛ́ɛ́léné 2:19

«Mag yí mísɔ̄n mɔ́ɔ, ediŋ yɔ́ɔ, ŋyéɓé wɔ́ɔ, miŋgómán ɔ ŋgɔ kɛ́ la m̀ɓán ɔ byɛ́ɛ̄; misɔ́n mɔ́ɔ má tiile míg loo mí mí ɔ́sū nsɔŋgí.