Timotéo 1 2:1 - Esaa-líat ɛ́ péná

¹ Á élōgyāŋ, kaa jam lí ɔ́sū, mag tíi nyí ndag nɛ́, ɓatán Ɔlolómɛ̄, kánhánɛ nyɛ́, sɔ́hyán nyɛ́, tíán nyɛ́ mítamlan ányúū ɓot-bí-bínam bísɛ.

Timotéo 1 2:1 ပူးပေါင်းရင်းမြစ်များ

Misɔ́n mí Ɓáōmɓɛ 17:30

Ɛ́nán sig nɛ́, Ɔlolómɛ̄ ah nyɔŋ ɓé eceg la nyíŋ ŋgilí-sɔ́ŋtānɛ, nyí vɔ́ŋɔ́ɔ, ag lɛgɛ ɓot voóm ásɛ nɛ́ bí vēŋé bílɛ̄m.

Elōg-Lóma 1:8

Ɔsú la ɔsú, mag tíi Lōó jáma mitamlan li loole la Yésus Kilístus ányúū yāná ɓɛ́nɛ bísɛ, ányúū nɛ ŋyéɓé wáná wá yílɛ́ la ŋkɔŋ-á-sí ásɛ.

Elōg-Lóma 6:17

Bi tí Ɔlolómɛ̄ mítamlan, átɔm nɛ́ miní ɓɛ́ɛ́ míyɔ̄ŋ mí áɓē, ndí nyí vɔ́ŋɔ́ɔ, maná lɛ́glé yé ɓá yéglɛ́ ɓɛ́nɛ, munú óglé ki yɔ́ la m̀mím wáná ásɛ.

Elōg-Kɔlínto 1 15:3

Ɔ́sū la ɔsú, ma yéglɛ́ ɓɛ́nɛ yé mā-mɛ̄n ma kūh. Yɔ́ yé nɛ́: Nyɔ́-a-Pɔ́hlɛ a wú ányúū míɓē máhá ákaa Licii-Lipúán lí ŋga lága.

Elōg-Kɔlínto 2 8:6

Ányúū náŋ nɛ́ ɓaá sɔ́hyé Títo nɛ́, nsɔ́n á lípūū-lí-m̀mím a ɓōtlé á yóg yāná, a mānɛ́ wɔ́ á nyaa m̀ɓɛɛŋ ákaa a ɓōtléé wɔ́, nyú á lí óŋgánɛ lí ndog-Ɔlolómɛ̄ nyí Yelúsalɛm.

Elōg-Éféso 3:13

Jɔ́ nɛ́ mi ŋga lága ɓɛ́nɛ nɛ́, miníh mwahkɛ́gɛ́ ɓé nɛ bisɔghe mi ŋga kūh ányúū yāná bí yɔŋɓɛ́ ɓɛ́nɛ. Byɔ́ nɛ́ bí lɛ́ lípēm jáná.

Elōg-Éféso 5:20

Eceg ɛ́sɛ, tɔ yé miní ŋga pɔ́t, tíán Ɔ́lolómɛ̄ mítamlan á jóō lí Ɛtáŋɛ wāhá Yésus Kilístus.

Elōg-Éféso 6:18

Biceg bísɛ, M̀búl Mpúán a óŋgánɛ ɓɛ́nɛ á míkánɛ máná mísɛ la á nzag yáná ɛ́sɛ. La náŋ ɓɛ́án pɛɛ la li nyɔ́hɓe á míkánɛ ányúū ndog Ɔlolómɛ̄ ɛsɛ̄.

Elōg-Fílípi 1:3

Á élōgyāŋ, mag tíi Ɔlolómɛ̄ wama mítamlan eceg sig mi ŋga ɔ́ŋɔ ɓɛ́nɛ.

Elōg-Fílípi 4:6

Jam tɔ já líh kótɛ́gɛ́ ɓé ɓɛ́nɛ, ndí á tɔ yɔɔ́yɔ́ɔ eceg, á míkánɛ máná la á nzɔ́hyé yáná, tíán Ɔ́lolómɛ̄ mítamlan, miní yíhɛ́ nyɛ́ yé ɛ́sɛ ɛ́ ŋga sōmlɛ ɓɛ́nɛ.

Elōg-Tésaloníka 1 3:12

Nyɔ́ŋ-Ɛsáŋɛ́ a kóndyé lí náŋɛ lí édiŋ yáná, la li bulɛ lí yɔ á póla yaná la ányúū ɓot bísɛ. Yéŋ ediŋ ɛ́ ɓɛ́ nlemlem kaa yé bi byɛ́ɛ̄ ányúū yāná.

Elōg-Tésaloníka 2 1:3

Á élōgyāŋ, biíg nyɛɛ li tíi lí Ɔ́lolómɛ̄ mítamlan eceg ɛ́sɛ ányúū yāná. Náŋ nɛ́ a tɛ́ɛ́ átɔm nɛ́, ŋyéɓé wáná á lɛ́ lí loohan lí li ólo la ki nɛ́, ediŋ yé ɛ́ lɛ́ á póla yāná yá kondyé ányúū mut sig.

Timotéo 1 2:4

nyɔ́ a ŋga sómo nɛ́ ɓot bísɛ bí sūŋɓɛ̄, bí pám ki á lí yí lí mbálɛ.

Timotéo 1 5:5

Ndí, nyɔ́ a lɛ̄ ŋkúh á míndīgá nyú á lɛ́ kɔɔ ŋgíla mut, ag vále lípitá jɛ́ɛ́ la Ɔlolómɛ̄. Ag tiŋɓe á nzɔ́hyé la li kánɛ lí nyɛ díɓe la nzámuh.

Timotéo 2 2:24

Yí nɛ́, m̀ɓɔŋle a Nyɔ́ŋ-Ɛsáŋɛ́ āh nyɛɛ ɓé lí ómo, ndí ag nyɛɛ li diŋ lí ɓot bísɛ, ag nyɛɛ li la lí lí yéglɛ, la li ɔ́hánɛ lí ntɛ́ŋgānɛ́ asɛ̄.

Títo 2:11

La mbálɛ, Ɔlolómɛ̄ a étɛ́ élɔ́ŋgɔ yɛ́ɛ́ m̀mím, yɔ́ nɛ́ ɛ́ ŋga sūŋ mbóó limut ɛsɛ̄,

Títo 3:2

Yáh nyɛɛ ɓé lí óŋo lí mut tɔ wa, ɛ́ pún mómo, ɛ́ ɓɛ́ ɓot bí nsaŋ, ɛ́ ɓɛ́ ewú-m̀mím eceg sig á ŋgwáāg ɓot bísɛ.

Elōg-Hébɛl 6:11

Ndí, bi byɛ́ɛ́ kóó nɛ mut waná sig a ɓɛ́la nlemlem á akwáá nɛ́-tɛ́ɛla á lísūg, á li ɓɔŋ nɛ́ yé mut sig a ŋga píti ɛ́ yáal.

Yákop 5:16

Ɓɛ́nɛ la ɓɛ́nɛ miní páhlán ávuha wáná, miní kánɛ̄ ki ɓá ányúū ɓáŋá á lí ɓɔŋ nɛ́ miní tɔ́ɔ mbólí. Mikánɛ mí mut a tɛ́ɛ́ sim mí byɛ́ɛ́ ŋguu ŋgandag.