Pétlos 1 5:1 - Esaa-líat ɛ́ péná

¹ Mag kwɛlɛ hɔ́ ɓácɛ̄ŋ bí éɓasɛ bí lɛ́ á póla yaná, ányúū nɛ mág mi lɛ ǹcɛ́ŋ a eɓasɛ kaa ɓɔ́. Mi lɛ mbóŋ nyí bisɔghe Nyɔ́-a-Pɔ́hlɛ a kūh, ma mut ma yáŋlɛ́ á li nyɔŋ lí ŋgaan á lípēm lí ŋga kɛ́ li ɛ́ni. Á ɓácɛ̄ŋ bí éɓasɛ, mag tíi ɓɛ́nɛ míkūndá nɛ́:

Pétlos 1 5:1 ပူးပေါင်းရင်းမြစ်များ

Lúkas 24:48

Ɓɛ́nɛ nɛ́ miní lɛ́ mbóŋ míŋ mam.

Misɔ́n mí Ɓáōmɓɛ 1:22

li ɓotle á nzóɓan Yohánɛs, li pám á ɔ́lɔ̄ ví a nyɔŋɓɛ́ɛ á lóō ɔ́sū váhá, ɛ́g somlɛ hɔ́ nɛ wa á póla yaɓá a yáan mbóŋ lipahye jɛ́ɛ́ elɔŋ la ɓɛ́hɛ.

Misɔ́n mí Ɓáōmɓɛ 1:8

Ndí, miníg kɛ li kuh lí ŋguu nyí M̀búl Mpúán, eceg a ŋga kɛ́ ɓɛ́nɛ li suhle. Váŋ, miníg kɛ li ɓɛ́ lí mbóŋ yáma á Yélūsalɛm, á Yúdēa ɛsɛ̄ la á Samália, nɛ́-tɛ́ɛla á míkāh mí ŋkɔŋ-á-sí mísɛ.»

Misɔ́n mí Ɓáōmɓɛ 11:30

Bú ɓɔ̄ŋ náŋ, la ɓɔ́ bú tí Balnábas la Sául míŋ mióŋgánɛ nɛ́ bí kɛ bí tí mɔ́ ɓácɛ̄ŋ bí Éɓasɛ yé Yúdēa.

Misɔ́n mí Ɓáōmɓɛ 14:23

Póol la Balnábas bí ŋgí pɔhle Eɓasɛ sig ɓacɛ́ŋ bí éɓasɛ. Átē á míkánɛ la etɔɔ-nzal, bí ŋgí vá ɓɔ́ á sí bitátlé bí Nyɔ́ŋ-Ɛsáŋɛ́ nyɔ́ ɓá válé ŋyéɓé wáɓá.

Misɔ́n mí Ɓáōmɓɛ 15:4

Ɛnɛ́ bí pámáá á Yélūsalɛm, ndog Eɓasɛ, ɓaómɓɛ la ɓacɛ́ŋ bí nlɔŋ bú kālé ɓɔ, la ɓɔ́ bú yíhɛ ɓɔ mam mísɛ Ɔlolómɛ̄ a ɓɔ̄ŋ li kele la ɓɔ́.

Misɔ́n mí Ɓáōmɓɛ 15:6

Ɓaómɓɛ la ɓacɛ́ŋ bí Eɓasɛ bú kɔ̄tán á lí légɓe lí nyúŋ ŋkwɛl á nyaa m̀ɓɛɛŋ.

Misɔ́n mí Ɓáōmɓɛ 2:32

Nyɔ́ Yésus, Ɔlolómɛ̄ a pāhyɛ́ nyɛ. Ɓɛ́hɛ bísɛ bi lɛ mbóŋ.

Misɔ́n mí Ɓáōmɓɛ 20:17

Kasig Póol a ɓɛ́ɛ́ a ŋgí lɛ á tísɔn Mílɛt, ɔ óm nɛ́ bí yáŋá nyɛ́ ɓácɛ̄ŋ bí Éɓasɛ yé Éféso.

Misɔ́n mí Ɓáōmɓɛ 20:28

Miní táthán la ɓɛ́nɛ-mɛ̄n, miní táthán ki la liɓembá jé M̀búl Mpúán a tí ɓɛ́nɛ. Ɓɛ́án ɓatát bí Eɓasɛ yé Ɔlolómɛ̄, yé a sóm ányúū yɛ́ɛ̄ nyɛ́-mɛ̄n la micii mɛ́ɛ́.»

Misɔ́n mí Ɓáōmɓɛ 21:18

Ɔlɔ́ ví ŋgí oŋ víŋ, bu kɛ́ élɔŋ la Póol á mbóg Yákop, ápah ɓacɛ́ŋ bí Éɓasɛ bísɛ ɓɔ́g bí ɓɛ́ɛ́ bí kɔtánɛ.

Misɔ́n mí Ɓáōmɓɛ 3:15

Ŋ̀kanʼyɛ a eniŋ nyɔ́ maná ólhānɛ, Ɔlolómɛ̄ a pāhyɛ́ nyɛ á póla ɓá ɓá wū, bi lɛ mbóŋ míŋ mam.

Elōg-Kɔlínto 2 5:1

Á élōgyāŋ, biíg yí la mbálɛ nɛ́, kíyáɓɛ́nɛ litɔɓéné jáhá vá á ŋkɔŋ-á-sí, lí lɛ́ kaa eláá ɛ́ ŋga búge, bi yí nɛ́ bi byɛ́ɛ́ ndáá ɛ ŋga ɓéem á ékombo-lóō, nyí ya óŋɓɛ́ la Ɔlolómɛ̄ ndí ah la mut-a-binam ɓé.

Elōg-Kɔlínto 2 5:8

Ɔɔ, bi lɛ mbáki ŋgandag la ɓɛ́hɛ-mɛ̄n nɛ́, biíg pɔhɔ li cóó lí nyí nyuú mut-a-binam, á lí kɛ lí lí ɓole á ŋgwáāg Nyɔ́ŋ-Ɛsáŋɛ́.

Elōg-Fílípi 1:19

Ɔɔ, mag yí nɛ́, náŋ nɛ́ a ŋga kɛ́ ma lí sɔ́la lí lísuŋga, li kele la mikánɛ máná elɔŋ la lióŋgánɛ lí M̀búl á Yésus Kilístus.

Timotéo 1 5:1

Ɔh nyáálégé ɓé m̀máŋ-á-mut, ndí éélé wɔ́ ákaa ɛsɔ́ŋɛ́. Nyɔ̄ŋ áwāndá ákaa elōgnyɔ̄ŋ yé páam,

Timotéo 1 5:19

Ɔh yéɓyág ɓé nɛ bí sɔ́mánɛ ǹcɛ́ŋ a Eɓasɛ kíyáɓɛ́nɛ ɓot bíɓáa tɔ bíŋháa ɓáh yīgyɛ ɓé nyíŋ sɔ́mɔn.

Timotéo 2 4:8

Nyí vɔ́ŋɔ́ɔ, Nyɔ́ŋ-Ɛsáŋɛ́ a nāŋʼyé mā ɔ́tot ví étɛ̄l-sim ákaa nsála, vɔ́ nɛ́ a ŋga kɛ́ ma lí tíi múŋ á ɔ́lɔ̄ ví bíkááhɛ́nɛ́, nyɛ́ ŋ̀kááhɛ a tɛ́ɛ́ sim. Ah mā-ntámɛ́ ɓé nɛ mi ŋga kɛ́ vɔ́ lí kuh, ndí ɓot bísɛ bí ŋga ɓɛ́la ediŋ yé mítiman mɛ́ɛ́.

Títo 1:5

Á Títo, Kíyáɓɛ́nɛ mi yígíí wa á éon ecɛ́ŋ yé Keléta, náŋ a ɓɛ́ɛ́ ányúū li manɛ lí lí oŋgɛ lí mam mísɛ, la li tɛ́ɛ́yɛ́ lí ɓacɛ́ŋ bí Éɓasɛ á tísɔn sig, li oŋle la ndag nyí mi tíéé wa.

Filémon 1:9

ndí ányúū ediŋ, ma ɛ́n nsɛ́ŋ nɛ mi ɓat jā wa. Ɔɔ ma Póol, ma nyú m̀máŋ-á-mut, mi lɛ nyí lɛn á m̀ɓog ányúū Yésus Kilístus.

Elōg-Hébɛl 12:1

Á yé ɛ́ ŋga légɓe ɓɛ́hɛ, ɓɛ́hɛ ɓá yé edila mbóŋ yá díi, bi cóó hɔ́ yé ɛ́sɛ ɛ́ ŋgá céŋɛ ɓɛ́hɛ li kɛ la ɔsú, ndí tíntín aɓé nyú wá díi ɓɛ́hɛ, ndí ɛ́h ɓɛ́ ɓé lí tɔmb, bi nāŋgá m̀bíí Ɔ́lolómɛ̄ a tí ɓɛ́hɛ nɛ́ bi nāŋgá.

Pétlos 1 1:12

Ɔlolómɛ̄ a yɛ́ɛ́léné ɓɔ nɛ́, nyíŋ pɔ́l bí ŋgí lɛ́gɛ ɛh ɓɛ́ɛ́ ɓé ányúū yaɓá ɓɔ́-mɛ̄n, ndí ɛ ɓɛ́ɛ́ ányúū yāná. Yɔ nɛ́, nyí vɔ́ŋɔ́ɔ, ɓalɛgɛ Pɔ́l M̀ɓɛɛŋ bí ŋga lɛ́gɛ ɓɛ́nɛ la ŋguu nyí M̀búl Mpúán nyɔ́ a sɔ́lé á lōó. Nyíŋ pɔ́l, áŋgɛl yɔ́-mɛ̄n ɛ́g somo yɔ lí yí.

Pétlos 1 1:7

á lí ɓɔŋ nɛ́ míŋ miceglan mí étɛ ɔvega ví ŋyéɓé wáná. Góol ɛg lɔɓe, tɔ náŋ kaa bí ŋga vá yɔ á nzáan á lí yí kí nɛ́ ɛ lɛ taŋ. Nlemlem á jam nɛ́ bí ŋga li ɓɔ̄ŋ la ŋyéɓé wáná nyú á lɛ́ taŋ li loo lí nyíŋ góol, á lí ɓɔŋ nɛ́ miní kuh bíɓégɛ, lipém la adit eceg Yésus Kilístus a ŋga kɛ́ li étɛ lí nyúū yɛ́ɛ̄.

Pétlos 1 4:13

Ndí, eceg miní ŋga nyɔ̄ŋ ŋgaan á bísɔghe bí Nyɔ́-a-Pɔ́hlɛ, kɔnán jā mívag, á lí ɓɔŋ nɛ́ eceg lipém jɛ́ɛ́ lí ŋga kɛ́ li ɛ́ni, miní ɓɛ́ á mísophɛ.

Pétlos 1 5:4

Váŋ, eceg ŋ̀kanʼyɛ ɓatát míɓembá a ŋga kɛ́ li sɔ́, miníg kɛ li kuh lí ɔ́tot ví lípēm ví ví ŋgá kun ɓé.

Yohánɛs 1 3:2

Á élōgyāŋ yé ediŋ, li ɓotle la nyí vɔ́ŋɔ́ɔ bi lɛ̄ ɓɔ́ɔ̄n bí Ɔlolómɛ̄, ndí yé bi ŋga kɛ́ li ɓɛ́ ɛ́ lɛ́ ŋgí lí ɛ́ni. Biíg yí nɛ́, eceg Nyɔ́-a-Pɔ́hlɛ a ŋga kɛ́ li sɔ́, biíg kɛ li punan la nyɛ́, ánsī nɛ biíg kɛ nyɛ́ lí ɛ́n ákaa a lɛ.

Yohánɛs 2 1:1

Ma ǹcɛ́ŋ á eɓasɛ, mag ciile wa nyɔ́ Mindígá a adit Ɔlolómɛ̄ a pɔ́hɔ, mag ciile ki ndog yɔɔ, ɓɛ́nɛ ɓá mi ŋga díiŋ kɔɔ, ah mā-ntámɛ́ ɓé nɛ mi ŋga díiŋ ɓɛ́nɛ, ndí ɓá bísɛ bí ŋga yí mbálɛ,

Yohánɛs 3 1:1

Á Gáyus nyɔ́ a ediŋ, ma ǹcɛ́ŋ á eɓasɛ, mag ciile wā, wa nyɔ́ mi ŋga dīŋ ediŋ ɛ́ mbálɛ.

Biyɛ́ɛ́léné 1:9

Ma Yohánɛs, mɔɔ́nɛ́sāŋ wáná, la mut waná a elɔŋ ɛ́ dúwɛ até a esɔghe. Mág mi lɛ mɔɔ́n ékombo yé Ɔlolómɛ̄, ma tiŋɓé la Yésus. Ɓá kɛ́ la ma á éon yé Pátmos ányúū nɛ ma lɛ̄gɛ́ Éɓaŋgá Ɔlolómɛ̄, la ányúū nɛ ma tí mbóŋ nyí Yésus.