Matéus 9:14 - Esaa-líat ɛ́ péná

¹⁴ Ɓayége bí Yohánɛs bú sīŋglé Yésus ɓɛɓɛ, la ɓɔ́ bú bíhī nyɛ nɛ́: «Ányúū yéé, eceg ɓɛ́hɛ la Elōg-Falísái bi ŋga tɔ́ɔ̄ nzal, ɓayége ɓɔ́ɔ bí ŋga tɔɔ ɓé nzal é?»

Matéus 9:14 ပူးပေါင်းရင်းမြစ်များ

Matéus 11:2

Yohánɛs Ǹtíi-nzoɓan, múŋ á ndáá-m̀ɓog yɛɛ́, ɔ ámblé mam Nyɔ́-a-Pɔ́hlɛ a ŋga ɓɔ̄ŋ. La nyɛ́ ɔ óm ɓáyēge ɓɛ́ɛ́ nɛ bí ɓat nyɛ́ nɛ́:

Matéus 6:16

«Eceg miní lɛ́ á etɔɔ-nzal, miníh kágág ɓé mísū, kaa ɓot bí ɔ́taɓa bí ŋga ɓɔ̄ŋ. Bíg yaanɛ misú máɓá nyaa etám á lí étɛ lí ɓot bísɛ nɛ́ bí lɛ́ á étɔɔ-nzal. La mbálɛ, mag laga ɓɛ́nɛ nɛ́, ɓá kūh nsála wáɓá.

Matéus 9:15

Yésus ɔ pélē ɓɔ nɛ́: «Miníg ɔ́ŋɔ nɛ́ ɓayáŋlɛ á ŋgand aúg bí lɛ́ nɛ́ ɓá ɓɛ́ bíg ála kí sɔ́mbɔ́ ɛ tɔ́ɔ̄ elɔŋ la ɓɔ́ é? Kɛ́m, ndí eceg ɛ́g kɛ li sɔ́ yé bí ŋga nyɔ̄ŋle ɓɔ́ sɔ́mbɔ́; váŋ hɔ́, bíg kɛ li tɔɔ lí nzal.

Yohánɛs 3:25

Ɓayége bí Yohánɛs Ǹtíi-nzoɓan la mɔɔ́n Élōg-Yúda wa, bú ɓōtlé lí kála likɔlɓan la esala-miɓé.

Yohánɛs 4:1

Eceg Yésus a yíí nɛ́ Elōg-Falísái yá ámblé pɔ́l nɛ́ ag yaanɛ ɓot ŋgandag ɓayége ɓɛ́ɛ́, la nɛ́ ag tíi nzoɓan li loo lí Yohánɛs.