Matéus 7:21 - Esaa-líat ɛ́ péná

²¹ «Ah li yáŋá lí ma ɓé nɛ: ‹Ɛtáŋɛ, Ɛtáŋɛ› nɛ́ lí ŋga níŋgɛ á Ékombo-lóō, ndí li ɓɔŋ lí nsom á Etāa nyɔ́ a lɛ á lóō.

Matéus 7:21 ပူးပေါင်းရင်းမြစ်များ

Matéus 12:50

Tɔ nzáá a ŋga ɓɔ̄ŋ nsom á Étāa nyɔ́ a lɛ á lóō, nyɛ́ nɛ́ a lɛ mɔɔ́lyāŋ á páam, mɔɔ́lyāŋ a mindígá, ndí ɔ ɓɛ́ ki yɛɛ.»

Matéus 16:17

Yésus ɔ nyɔ̄ŋ sīg-pɛ mpɔ́t, ɔ lāgá nɛ: «Misɔ́tá la wa á Símɔn, mɔɔ́n Yónas, átɔm nɛ́ mut-a-binam ɓé nɛ a yíhɛ́ wa náŋ, ndí Etāa nyɔ́ a lɛ á lóō.

Matéus 18:10

«Nyɔŋán lítāt nɛ́ miníh yɔ́lɔ́g ɓé ntɔ́ga tɔ wa vá, átɔm nɛ́ mag laga ɓɛ́nɛ nɛ́, wóŋ á lóō, áŋgɛl yáɓá ɛ́ ɓáág ja ɛ́ tɛ́ɛ ɓɛɓɛ la Etāa wama nyɔ́ a lɛ á lóō. [

Matéus 18:19

«Mag laga sīg-pɛ ɓɛ́nɛ nɛ́, vá á ŋkɔŋ-á-sí, kí bíɓáa átē wāná ɓá ámblán nɛ bíg kánɛ, tɔ yéé bí ŋga ɓāt Etāa wama nyɔ́ a lɛ á lóō, ag kɛ ɓɔ́ yɔ́ lí tíi;

Matéus 18:3

ɔ lāgá nɛ: «La mbálɛ mag laga ɓɛ́nɛ nɛ́, kíyáɓɛ́nɛ manáh veŋe ɓé bílɛ̄m, maná yaán kaa ɓɔɔ́n ɓátɔ̄ga, m̀ɓá, miní ŋgá kɛ ɓé lí níŋgi á Ékombo-lóō.

Matéus 18:35

Náŋ nɛ̄ Etāa a lɛ á lóō a ŋga kɛ́ ɓɛ́nɛ li ɓɔŋ, kíyáɓɛ́nɛ wa sig á póla yaná āh laakɛ ɓé mɔɔ́nɛ́sāŋ la m̀mím wɛ́ɛ́ ásɛ.»

Matéus 19:24

Mag yīgyɛ ɓɛ́nɛ nɛ́, ɛ́ lɛ́ bu nɛ́ tít kaa nzɔg ɛ níŋgí m̀ɓɔmblanɛ́ á lípɔndɔ́ lí ndɔndɔg li loo lí m̀byaŋ-á-mut nɛ́ á níŋgí á Líkanʼyɛ lí Ɔ́lolómɛ̄.»

Matéus 25:10

Eceg bí kɛ̄nɛ́ɛ́ lí sóm lí míūū, sɔ́mbɔ́ yu sɔ́; ɓá bí ɓɛ́ɛ́ m̀ɓoŋhágan bú níŋgí élɔŋ la yɔ á ndáá ŋgand aúg, la likooká lú légɓɛ.

Matéus 25:21

Ɛsáŋɛ́ a nsɔ́n ɔ yó nyɛ̄ nɛ́: ‹Náŋ a lɛ m̀ɓɛɛŋ, ɔ lɛ élɔ́ŋgɔ la taŋ m̀ɓɔŋle, wa étɛ́ ékɔ̄ɔ̄ á pūh mam, mag kɛ wa lí tíi lí mam mí ŋga lōo míŋ, sɔ́, ɔ vāg elɔŋ la ɛsɔ́ŋɛ́ a nsɔ́n.›

Matéus 26:39

La nyɛ́ ɔ nɛ́ŋɛ̄ puh, ɔ úlɓán, asú á sí, ɔ kánɛ̄ nɛ: «Etāa, kíyáɓɛ́nɛ náŋ a lɛ́ nɛ a ɓɔŋɓɛ, jé liɓondó lí ésɔghe lí nɛ́ŋɛ̄ la ma, ɛ́h ɓɔ̄ŋɓɛ́gɛ́ ɓé jā ákaa nsom wáma, ndí ákaa nsom wɔ́ɔ.»

Matéus 26:42

Yésus ɔ nɛ́ŋɛ̄ ŋgele ya yáhɛ́ ɛ́ɓáa, ɔ kánɛ̄ nɛ: «Etāa, kí ɓɔŋ nɛ́ jé liɓondó lí ésɔghe lí lɛ́ nɛ lá lōo ɛ́h ɓɛ́ ɓé nɛ ma nyú jɔ́, ndí, nsom wɔ́ɔ nɛ́ á ɓɔ̄ŋɓɛ́!»

Málkus 3:35

Tɔ nzáá a ŋga ɓɔ̄ŋ nsom á Ɔlolómɛ̄, nyɛ́ nɛ́ a lɛ mɔɔ́lyāŋ á páam, mɔɔ́lyāŋ a mindígá, la yɛɛ.»

Málkus 9:47

Nlemlem á jam, kíyáɓɛ́nɛ diíh jɔ́ɔ lí lɛ́ njɔm aɓé wɔ́ɔ, túú jɔ́; ɛ́ lɛ́ wá nsɛ́ŋ nɛ ɔ níŋgí la diíh já á líkanʼyɛ lí Ɔ́lolómɛ̄, li loo nɛ́ bíg léé wa á éɓēl yé nzáan la miíh mɔ́ɔ míɓáa,

Lúkas 11:28

Váŋ nɛ́ Yésus a pélē nɛ: «Misɔ́tá ja la ɓot bí ŋga ámble eɓaŋgá yé Ɔlolómɛ̄ ndí ɓá ōŋlé yɔ.»

Lúkas 13:25

Eceg ɛsáŋɛ́-a-mitán a ŋga kɛ́ li tɛ́lɛ á lí kwɛhɛ lí líkooká, ndí ɓɛ́nɛ ɓá maná yéglé á ápūū, maná ɓōtlé lí kɔtye la li yó nɛ́: ‹Etāa, legé ɓɛ́hɛ nlɛ́ɛ́›, nyɛ́g a kɛ ɓɛ́nɛ li pele nɛ́: ‹Ɓɛ́nɛ, mi ŋgá yí ɓé ma á véé maná sɔ́le.›

Lúkas 18:25

Ɔɔ, ɛ́ lɛ́ bu nɛ́ tít ákaa nzɔg ɛ níŋgí m̀ɓɔmblanɛ́ á lípɔndɔ́ lí ndɔndɔg, li loo lí m̀byaŋ-á-mut nɛ́ á níŋgí á Ékombo Ɔ́lolómɛ̄.»

Lúkas 6:46

Ányúū yéé miní ŋga yáŋa ma nɛ́ Ɛtáŋɛ, Ɛtáŋɛ, ndí miníh la ɓé li ɓɔŋ lí yé mi ŋga laga ɓɛ́nɛ é?»

Yohánɛs 14:7

Kí ɓɔŋ nɛ́ miní yííg ma, kí maná yí ki Etāa. Li ɓotle nyí vɔ́ŋɔ́ɔ, miníg yí nyɛ́, maná ɛ́n ki nyɛ́.»

Yohánɛs 15:23

Nyɔ́ la nyɔ́ a ŋga síŋgɛ ma, ag síŋgɛ ki Etāa.

Yohánɛs 3:5

Yésus ɔ pélē nyɛ nɛ́: «La mbálɛ-mbálɛ, mag lága wa nɛ́, mut tɔ wa a ŋga la ɓé lí níŋgi á Ékombo Ɔ́lolómɛ̄, kíyáɓɛ́nɛ ah mbyááyág ɓé la mindím tɔ la M̀búl Mpúán.

Yohánɛs 5:17

Ndí Yésus ɔ pélē ɓɔ nɛ́: «Tɛɛla vɔ́ŋɔ́ɔ, Etāa a lɛ á nsɔ́n kaa mág mi lɛ á nsɔ́n.»

Yohánɛs 6:40

Nsom á Etāa nyú nɛ́, Tɔ nzáá a ɛ́n Mɔɔ́n ndí a yéɓé la nyɛ́, ag kuh eniŋ éɓem. Mág, mag kɛ nyɛ́ li pahyɛ á ɔlɔ́ vá tiile.»

Yohánɛs 7:17

Nyɔ́ a ŋga sómo li ɓɔŋ lí nsom á Ɔ́lolómɛ̄, ag kɛ li yí kíyáɓɛ́nɛ yé mi ŋga yéglɛ ɛ́g sɔ́le la Ɔlolómɛ̄ tɔ nɛ́ la mā-mɛn.

Misɔ́n mí Ɓáōmɓɛ 14:22

Voóm sig, bí ŋgí letɛ ɓayége nyuú la li tíi lí ɓɔ mikúndá nɛ́ bí tiŋɓé á ŋyéɓé. Jɔ́ nɛ́ bí ŋgí laga ɓɔ́ nɛ́: «Ɛ́g somlɛ nɛ́ bi lōolé á ŋgandag bísɔghe á lí ɓɔŋ nɛ́ bi níŋgí á Ékombo Ɔ́lolómɛ̄.»

Elōg-Lóma 12:2

Miníh oŋlégé ɓé míɓɔŋɔg mí ɓot bí nyú ŋkɔŋ-á-sí á lɛn, ndí Mwahánɛ̄ Ɔlolómɛ̄ a yáanɛ́ ɓɛ́nɛ la eyí péná a ŋga tíi ɓɛ́nɛ, nɛ́ ndí miní la lí yí lí nsom wɛ́ɛ́: Ag somo yé ɛ́ lɛ́ élɔ́ŋgɔ, yé ɛ́ lɛ́ líŋgɔ̄ŋɔ́ á miíh mɛ́ɛ́ la yé ɛ́ lɛ́ tɛ́ŋgɛ́n.

Elōg-Lóma 2:13

Ákaa ɛ́sɛ, ah ɓot bísɛ bí ŋga ámblé yé mbéndá ɛ ŋga lága ɓé nɛ bí tɛ́ɛ́ sim ɔ́sū ví Ɔlolómɛ̄, ndí ɓá bí ŋga yáhɛ yé nyíŋ mbéndá ɛ ŋga lága.

Elōg-Éféso 6:6

Miníh ɓɔŋɔ́g ɓé naŋ á li nyɛɛle lí ɓot-bí-bínam ányúū nɛ bíg légɓe ɓɛ́nɛ, ndí ɓɔŋán náŋ ákaa miyɔ́ŋ bí Nyɔ́-a-Pɔ́hlɛ ɓá bí ŋga dīgɓan li ɓɔŋ lí nsom á Ɔ́lolómɛ̄.

Elōg-Kólóso 4:12

Epafálas nyɔ́ a lɛ mɔ́ɔ̄n wāná nyɛ́g ag tama ɓɛ́nɛ. A lɛ m̀ɓɔŋle a Yésus Kilístus, ag du eceg ɛ́sɛ ányúū yāná átē a mikánɛ, á lí ɓɔŋ nɛ́ miníh yɔŋɓág ɓé, miní ɓɛ́ miólɓāg, miní yéɓé ki li ɓɔŋ lí nsom á Ɔ́lolómɛ̄ ásɛ.

Elōg-Tésaloníka 1 4:3

Ɔlolómɛ̄ ag somo nɛ́ miní ɓɛ́ ɓapúán, miní nɛ́ŋɛ̄ la eniŋ ɛ́ mpuŋgú á ndeŋg.

Elōg-Tésaloníka 1 5:18

Tíán Ɔ́lolómɛ̄ mítamlan á tɔ yɔɔ́yɔ́ɔ eceg, átɔm nɛ́, náŋ nɛ́ a ŋga láaŋkene ɓɛ́nɛ, ɓɛ́nɛ ɓá maná āt la Yésus Kilístus.

Títo 1:16

Bíg páha nɛ́ bíg yí Ɔlolómɛ̄, kí miɓɔŋɔg máɓá míg táŋɓan nyɛ́. Bíg ɓɔŋ mam mí tít-ɓot, bí lɛ́ ɓot bí m̀mú-mɓé, ɓot bí ŋgá la ɓé li ɓɔŋ lí jam lí m̀ɓɛɛŋ tɔ já.

Elōg-Hébɛl 13:21

Nyɔ́ŋ Ɔlolómɛ̄ a óŋgānɛ́ ɓɛ́nɛ li ɓɔŋ lí yé ɛ́sɛ ɛ́ lɛ́ m̀ɓɛɛŋ, á lí yáhɛ lí nsom wɛ́ɛ́. A ɓɔŋ nɛ́ bi ɓɛ́ á nyaa ɛ ŋga nyɛ́ɛle nyɛ́, li kele la Yésus Kilístus, nyɔ́ a byɛɛ́ lípēm á éɓem la á éɓem. Ɛ́ ɓɛ́ náŋ!

Elōg-Hébɛl 4:6

Tɔ náŋ ákaa ɓot bí ɔ́sū bí lɛ́gléé Pɔ́l M̀ɓɛɛŋ bíh níŋglée ɓé átē ányúū ŋgilí-ógle yaɓá. A mān lí súgɛ nɛ́ jogo lí ɓot líg níŋgi á nyɔ́ŋ voóm a evɛɛɓan.

Yákop 1:22

Ndí, ɓɛ́án ɓáōgle eɓaŋgá Ɔ́lolómɛ̄, miníh lɛndkágán ɓé ja yɔ́ lí ámble, miní táág náaɓán.

Pétlos 1 2:15

Ákaa ɛ́sɛ, nsom á Ɔlolómɛ̄ á lɛ́ nɛ́, miní ɓɔ̄ŋ m̀ɓɛɛŋ, á lí somo nɛ́ miní leg minyu mí bíjōŋ-bí-ɓot ɓá bí ŋgá sɔ́ŋtánɛ ɓé.

Pétlos 1 4:2

Li ɓotle nyí vɔ́ŋɔ́ɔ, maná nyɛ́ɛ li niŋ lí nyí puh eceg ɛ ŋgí tɔɔ́ ɓɛ́nɛ á ŋkɔŋ-á-sí li oŋle la nsom á Ɔlolómɛ̄, ndí ah li oŋle la kóó-eɓé yí ŋkɔŋ-á-sí ɓé.

Biyɛ́ɛ́léné 2:27

ag ɓɛ́ ag wɛɛla byɔ́ á sí ŋguu likanʼyɛ la ɔso ví écɛɛ. A ɓɛ́ ag lɔ́g byɔ́, ag kɔgte byɔ́ ákaa bisóá bí ntɔ́ɔ́;

Biyɛ́ɛ́léné 22:14

Misɔ́tá la ɓot bí ŋga só mbɔ́tí yáɓá, bí byɛ́ɛ kundɛ li dí lí eéé yé éniŋ la li níŋgléne á míkooká mí tísɔn.

Biyɛ́ɛ́léné 3:5

Náŋ nɛ́ ǹdí-cíŋ a ŋga kɛ́ li jál lí bípúpúɛ bí mbɔ́tí. Mi ŋgá kɛ ɓé ma lí sáá lí jóō jɛ́ɛ́ a kálati eniŋ; mag kɛ nyɛ́ lí lem ɔ́sū ví Etāa la ɔ́sū ví áŋgɛl yɛ́ɛ́.